3 Musa 1
1
Pèlèen situtungen
1Ibas Undung-undungNa nai, itenggoi Jahowa mo si Musa janah iberrèken mo bana hatoren-hatoren 2si kennah uèen kalak Israel.
Mula lot sada kalak memèlèken pinakan mahan pèlèen situtungen bai Jahowa, ndorok ngo ia memèlèken lembu, biri-biri barang pè kambingna. 3Mula sinipèlèken i sada lembu, kennah tonggal ngo pinakan i janah oda mertikas. Kennah i iring ngo lembu idi mi Pèntu Undung-undung Jahowa, asa lemmo atè Jahowa taba kalak i. 4Ninganna kennah iampèken tanganna i babo takal pinakan i, nai ijalo Jahowa mo pèlèen i mahan kesèsaen dosana. 5Kessa i kennah isèat mo lembu i lebbè Pèntu Undung-undung i. Darohna kennah ipèlèken imam-imam pinempar si Aron bai Jahowa, nai ipispisken mo mi empat lumpak langgaten sinilebbè pèntu Undung-undung i. 6Nai kennah ibebak kalak i janah igatgati mo pinakan i. 7Kennah ilakati imam-imam i mo api i babo langgaten ninganna isusun sebban i babona. 8Pèlèen sienggo igatgati i, dekket takal bak pessohna kennah igamparken kalak i ibabo api. 9Nai kennah iborih kalak i mo bituka dekket paha lembu i janah kennah itutung imam simerkebbas mo karina jukut i. Sennang mo atè Jahowa menganggoh bau pèlèen situtungen i.
10Mula sipèlènken idi sada biri-biri barang kambing ngo, kennah tonggal ngo pinakan i janah oda lot tikasna. 11Kennah isèat kalak i pinakan i kettan utara langgaten i, nai ipispisken imam-imam mo darohna mi empat lumpakna langgaten i. 12Enggo kessa igatgati pinakan i, karina sinigatgati i dekket takal bak pessohna, kennah iampèken imam i babo api sinilanggaten i. 13Nai kennah iborih kalak i mo bituka dekket paha pinakan i. Kessa i kennah ipèlèken imam mo i karina bai Jahowa, janah itutung i babo langgaten. Sennang mo atè Jahowa menganggoh bau pèlèen situtungen idi.
14Mula sada manuk-manuk ngo ipèlèken, kennah manuk-manuk kèrap barang pè ndarapati menguda. 15Kennah iembah imam ngo manuk-manuk i mi langgaten, nai ipoles mo kerahongna janah itutung mo takalna i babo langgaten i. Kennah ipetiris ngo daroh manuk-manuk i mi ruar gembar dingding langgaten i. 16Biruruna dekket karina sinna kennah iagoi, janah iambongken mi kettan kebincaren langgaten bekkas cirabun. 17Nai kennah irampingken mo pangkal kabengna i, tapi oda ndorok nggettap ukum kabengna i. Nai kennah itutung mo manuk-manuk i i babo langgaten i. Sennang mo atè Jahowa menganggoh bau pèlèen situtungen i.
Currently Selected:
3 Musa 1: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 1
1
Pèlèen situtungen
1Ibas Undung-undungNa nai, itenggoi Jahowa mo si Musa janah iberrèken mo bana hatoren-hatoren 2si kennah uèen kalak Israel.
Mula lot sada kalak memèlèken pinakan mahan pèlèen situtungen bai Jahowa, ndorok ngo ia memèlèken lembu, biri-biri barang pè kambingna. 3Mula sinipèlèken i sada lembu, kennah tonggal ngo pinakan i janah oda mertikas. Kennah i iring ngo lembu idi mi Pèntu Undung-undung Jahowa, asa lemmo atè Jahowa taba kalak i. 4Ninganna kennah iampèken tanganna i babo takal pinakan i, nai ijalo Jahowa mo pèlèen i mahan kesèsaen dosana. 5Kessa i kennah isèat mo lembu i lebbè Pèntu Undung-undung i. Darohna kennah ipèlèken imam-imam pinempar si Aron bai Jahowa, nai ipispisken mo mi empat lumpak langgaten sinilebbè pèntu Undung-undung i. 6Nai kennah ibebak kalak i janah igatgati mo pinakan i. 7Kennah ilakati imam-imam i mo api i babo langgaten ninganna isusun sebban i babona. 8Pèlèen sienggo igatgati i, dekket takal bak pessohna kennah igamparken kalak i ibabo api. 9Nai kennah iborih kalak i mo bituka dekket paha lembu i janah kennah itutung imam simerkebbas mo karina jukut i. Sennang mo atè Jahowa menganggoh bau pèlèen situtungen i.
10Mula sipèlènken idi sada biri-biri barang kambing ngo, kennah tonggal ngo pinakan i janah oda lot tikasna. 11Kennah isèat kalak i pinakan i kettan utara langgaten i, nai ipispisken imam-imam mo darohna mi empat lumpakna langgaten i. 12Enggo kessa igatgati pinakan i, karina sinigatgati i dekket takal bak pessohna, kennah iampèken imam i babo api sinilanggaten i. 13Nai kennah iborih kalak i mo bituka dekket paha pinakan i. Kessa i kennah ipèlèken imam mo i karina bai Jahowa, janah itutung i babo langgaten. Sennang mo atè Jahowa menganggoh bau pèlèen situtungen idi.
14Mula sada manuk-manuk ngo ipèlèken, kennah manuk-manuk kèrap barang pè ndarapati menguda. 15Kennah iembah imam ngo manuk-manuk i mi langgaten, nai ipoles mo kerahongna janah itutung mo takalna i babo langgaten i. Kennah ipetiris ngo daroh manuk-manuk i mi ruar gembar dingding langgaten i. 16Biruruna dekket karina sinna kennah iagoi, janah iambongken mi kettan kebincaren langgaten bekkas cirabun. 17Nai kennah irampingken mo pangkal kabengna i, tapi oda ndorok nggettap ukum kabengna i. Nai kennah itutung mo manuk-manuk i i babo langgaten i. Sennang mo atè Jahowa menganggoh bau pèlèen situtungen i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)