ROMA 6
6
Komar kuker sasarna, kobeoser ro kankenem kuker Kristus
6:1-14
1Rariryaido nari rosai koḇe kokofenya? Iḇye kofrur sasar ḇesya kwar, insa Allah iswar syadi koke? 2Roḇa kaku ḇeri! Sasarya nyako werḇa snar imar kwar ro kosnesna, inja kopok ḇaḇeri fa kofrur pdef sasar ro kankenem koḇena werḇa. 3Mkofawi ḇake mboi rofyor kosma masasi ḇesrenya, fyasna ḇadir koḇeoser kwar kuker Yesus Kristus? Ine fyasna koḇeoser kuker Yesus ro marmar ḇyedi. 4#Kol. 2:12Kuker masasisren ani, sikrirko kuker Yesus ma komar fnoḇeki, insa raris Yesus diḇri rofandu ḇemarsya snar papoik ma ḇaḇye ro Kmari, rarirya kako nari kokenem ro kankenem ḇebaboya.
5Rofyor koḇeoser kwar kuker Kristus snar komar fnoḇeki kwar, inja nari koḇeoser kuker i kako ro aḇiḇer ḇyedi. 6Kokam kofawi mboi rari snonkaku ḇekwar koḇena namar kwar fnoḇek Kristus ro apropya, insa papoik rari ḇesasar koḇena neḇepyos; rarirya sasarya nyakoḇe women werḇa kwar. 7Snar snon oso imar ido, snon ani isma ḇaḇemkei ro papoik sasarya. 8Inja rofyor komar kwar fnoḇek Kristus ido, kokyar nari kokenem fnoḇeki ro kankenem ḇyedi. 9Snar kofawi mboi Kristus diḇri kwar ro marmarya, inja nari imar werḇa; marmarya dufepen kankenem ḇyeja werḇa. 10Kristus marmar ismaya, isma snar sasarya. Rarirya imar ḇeoser monda isof fyoro-fyoro. Ma kankenem ro baboineya, irya kankenem faro Allah. 11Naek srar mko kako mkokara mboi mkomar faro sasarya, ḇape mkokenem ro ḇaḇeoser ḇedworen kuker Allah snar Kristus Yesus.
12Inja mkoḇuk fa sasarya ḇyewayam kaker awer mko ro supswan ine, insa mkoso marisen ḇeḇarḇor ḇyena kaker awer. 13Rarirya kako naek buk awer kina ro baken bedi faro papoik sasarya fa ifrur roi ḇeḇarḇor kaker awer. Mboi buk baken beja faro Allah, raris snonkaku ḇebur marmarya faro kankenemya. Naek buk baken bedi ḇesiper faro Allah, insa Allah nya aw fa ifrur marisen ḇyena. 14Sasar anya ḇyewayam kaker awer naek aw, snar wakenem kaker ro sasoser agama Yahudi ḇakwar, mboi awsya kwar ro Allah saswar ḇyedi.
Manfamyan faro Allah marisen ḇyena
6:15-23
15Inja rariso? Kofrur sasar murake snar koisya roi papoik sasoser agama Yahudi ḇakwar, mboi koisya roi Allah papoik fakamaman ḇyedi? Oroḇaḇeri! 16Naek wafawiḇake mboi rofyor naek buk mankundaw faro snonkaku oso insa wafrur marisen ḇyena ido irya bewomen faro snonkaku ani, inja beuser marisen ḇyena ma bewomen faro sasar ḇeyunḇe marmarya, oroḇaido bemanfyan ḇesouser Allah, ma rarirya naek waḇye kaḇer kuker Allah. 17Ḇape kasumasa faro Allah! Snar randakya naek bewomen faro sasari, ḇape baboine kuker sne ḇesiper naek beyuser farkarkor ḇenapes ssḇuk kwar faro aw na. 18Naek beḇeḇemkei kwar ro sasar, ma baboine bemanfyan faro Allah marisen ḇyena. 19Snar swaruser mkoḇena nsambraḇ ḇa, inja yaḇuk fasasna ro ḇaḇewomen ine, insa ipyan ḇemko fa mkofawi. Randakya mkoḇuk mankunmko fa mkoḇe women faro roi ḇemamas ma roi ḇeḇarḇor fa nafrur roi ḇeḇarḇor. Rarirya kako babine, iḇye naek srar mkoḇuk mankunmko ḇesiper raris manfyan faro Allah, insa ḇyukfrur ḇardi marisen ḇyena.
20Rofyor naek srar mkoḇe women faro sasarya, inja papoik ma marisen Allah isya faro mkoḇa. 21Rofafisu ani, fainda rosai naek srar mkosma ro roi ḇeḇor baboine mkomai mkofrur na? Fararur anna nun mko faro marmar monda! 22Ḇape baboine mkosma ḇaḇemkei ro sasarna kwar, ma mkoḇe manfyan faro Allah. Fainda mkoḇedi isoine, naek srar mkokenem ḇardi faro Allah ma roi ḇeḇesya ani dun kankenem ḇekaku ma ḇekain fyoro-fyoro. 23Snar marmar irya sasuref ro sasarya; ḇape kankenem ḇekain fyoro-fyoro fnoḇek Yesus Kristus Manseren koḇedi irya fakamaman Allah ḇyuk waworek monda maḇeko.
Currently Selected:
ROMA 6: LAIBHW
Highlight
Share
Copy
Want to have your highlights saved across all your devices? Sign up or sign in
ROMA 6
6
Komar kuker sasarna, kobeoser ro kankenem kuker Kristus
6:1-14
1Rariryaido nari rosai koḇe kokofenya? Iḇye kofrur sasar ḇesya kwar, insa Allah iswar syadi koke? 2Roḇa kaku ḇeri! Sasarya nyako werḇa snar imar kwar ro kosnesna, inja kopok ḇaḇeri fa kofrur pdef sasar ro kankenem koḇena werḇa. 3Mkofawi ḇake mboi rofyor kosma masasi ḇesrenya, fyasna ḇadir koḇeoser kwar kuker Yesus Kristus? Ine fyasna koḇeoser kuker Yesus ro marmar ḇyedi. 4#Kol. 2:12Kuker masasisren ani, sikrirko kuker Yesus ma komar fnoḇeki, insa raris Yesus diḇri rofandu ḇemarsya snar papoik ma ḇaḇye ro Kmari, rarirya kako nari kokenem ro kankenem ḇebaboya.
5Rofyor koḇeoser kwar kuker Kristus snar komar fnoḇeki kwar, inja nari koḇeoser kuker i kako ro aḇiḇer ḇyedi. 6Kokam kofawi mboi rari snonkaku ḇekwar koḇena namar kwar fnoḇek Kristus ro apropya, insa papoik rari ḇesasar koḇena neḇepyos; rarirya sasarya nyakoḇe women werḇa kwar. 7Snar snon oso imar ido, snon ani isma ḇaḇemkei ro papoik sasarya. 8Inja rofyor komar kwar fnoḇek Kristus ido, kokyar nari kokenem fnoḇeki ro kankenem ḇyedi. 9Snar kofawi mboi Kristus diḇri kwar ro marmarya, inja nari imar werḇa; marmarya dufepen kankenem ḇyeja werḇa. 10Kristus marmar ismaya, isma snar sasarya. Rarirya imar ḇeoser monda isof fyoro-fyoro. Ma kankenem ro baboineya, irya kankenem faro Allah. 11Naek srar mko kako mkokara mboi mkomar faro sasarya, ḇape mkokenem ro ḇaḇeoser ḇedworen kuker Allah snar Kristus Yesus.
12Inja mkoḇuk fa sasarya ḇyewayam kaker awer mko ro supswan ine, insa mkoso marisen ḇeḇarḇor ḇyena kaker awer. 13Rarirya kako naek buk awer kina ro baken bedi faro papoik sasarya fa ifrur roi ḇeḇarḇor kaker awer. Mboi buk baken beja faro Allah, raris snonkaku ḇebur marmarya faro kankenemya. Naek buk baken bedi ḇesiper faro Allah, insa Allah nya aw fa ifrur marisen ḇyena. 14Sasar anya ḇyewayam kaker awer naek aw, snar wakenem kaker ro sasoser agama Yahudi ḇakwar, mboi awsya kwar ro Allah saswar ḇyedi.
Manfamyan faro Allah marisen ḇyena
6:15-23
15Inja rariso? Kofrur sasar murake snar koisya roi papoik sasoser agama Yahudi ḇakwar, mboi koisya roi Allah papoik fakamaman ḇyedi? Oroḇaḇeri! 16Naek wafawiḇake mboi rofyor naek buk mankundaw faro snonkaku oso insa wafrur marisen ḇyena ido irya bewomen faro snonkaku ani, inja beuser marisen ḇyena ma bewomen faro sasar ḇeyunḇe marmarya, oroḇaido bemanfyan ḇesouser Allah, ma rarirya naek waḇye kaḇer kuker Allah. 17Ḇape kasumasa faro Allah! Snar randakya naek bewomen faro sasari, ḇape baboine kuker sne ḇesiper naek beyuser farkarkor ḇenapes ssḇuk kwar faro aw na. 18Naek beḇeḇemkei kwar ro sasar, ma baboine bemanfyan faro Allah marisen ḇyena. 19Snar swaruser mkoḇena nsambraḇ ḇa, inja yaḇuk fasasna ro ḇaḇewomen ine, insa ipyan ḇemko fa mkofawi. Randakya mkoḇuk mankunmko fa mkoḇe women faro roi ḇemamas ma roi ḇeḇarḇor fa nafrur roi ḇeḇarḇor. Rarirya kako babine, iḇye naek srar mkoḇuk mankunmko ḇesiper raris manfyan faro Allah, insa ḇyukfrur ḇardi marisen ḇyena.
20Rofyor naek srar mkoḇe women faro sasarya, inja papoik ma marisen Allah isya faro mkoḇa. 21Rofafisu ani, fainda rosai naek srar mkosma ro roi ḇeḇor baboine mkomai mkofrur na? Fararur anna nun mko faro marmar monda! 22Ḇape baboine mkosma ḇaḇemkei ro sasarna kwar, ma mkoḇe manfyan faro Allah. Fainda mkoḇedi isoine, naek srar mkokenem ḇardi faro Allah ma roi ḇeḇesya ani dun kankenem ḇekaku ma ḇekain fyoro-fyoro. 23Snar marmar irya sasuref ro sasarya; ḇape kankenem ḇekain fyoro-fyoro fnoḇek Yesus Kristus Manseren koḇedi irya fakamaman Allah ḇyuk waworek monda maḇeko.
Currently Selected:
:
Highlight
Share
Copy
Want to have your highlights saved across all your devices? Sign up or sign in