GALATIA 6
6
Mkofnoḇekyae mko
6:1-10
1Naek srar, rofyor mkosrow snon oso rofandu mko ifrur sasar, iḇye syadi ḇekenem kuker Allah Rur ḇyedi, mkokfin snon ani ḇenyan ḇenapes kuker rur kaḇaḇaḇ, ma mkoḇesasor mankun mko, insa mkaksapi awer ro farawrowesya kako. 2Mkofnoḇekyae mko ma mkoḇar kamnam mkoḇena! Rarirya mkoḇeimnis sasoser Kristus. 3Snar rofyor snon oso kyara iso ḇesyadiya, mboi ḇyerarirya ḇaido, ikada ḇyeankar mankundi. 4Iḇye syadi snonkaku oser-oser imnasen mankundi resari ro kankenem ḇyedi; insape imsik mankundi, mboi myam awer faro kankenem snonkaku ḇese. 5Snar snonkaku oser kamnam ḇyena namnis faro i kwar.
6Ma mansei ḇesma farkarkor ro Manseren wosya, nari ḇyerwas roi ismana faro snonkaku ḇeḇuk farkarkor faro iya.
7Mkoḇor awer! Allah myam monda mankundi ḇo ḇyeḇekoryae ḇa. Snar rosai snonkakusya sker ma skekef na nari sinekna. 8Snar mansei ḇeker ma ḇekekef imnis rari snonkaku, nari dinek marmarya ro rari ḇyedi. Ḇape rofyor kyer ma kyekef imnis farkankin ro Allah Rur ḇyedi, nari dinek kankenem ḇekaku ma ḇekain fyoro ro Allah Rur ḇyedi. 9Inja komor awer ro kofrur roi ḇeḇye, snar rofyor fafisuya ryama, nari kinek bon na rofyor ani. 10Rarirya, rofyor kosma fafisu ine, mkorama kofrur roi ḇeḇye faro snonkakusya kam, isyadi faro min koḇesi ḇesma kakyar oser.
Swarapepen ma aroo
6:11-18
11Mkomam, ro mnuk ine mankundayai ḇefas faro mko rodine, kuker fasfas ker ḇeba. 12Snonkaku ḇemarisen ḇeyow mankun kuker roi ḇero baken, sikada sesewar seyayu mko faro ḇaḇesofakfuk, kuker kakara, insa sisma awer kandera snar aprop Kristus. 13Snar snonkaku ḇesma sofakfuksya kako, sfaduru sasoser Refo Yahudiya ḇa. Mboi simarisen, fa mkosma sofakfuk, insa simarares si snar mkoḇeyuser sasoser anna. 14Ḇape ayama yamewerbos kaku yamarares aya, mboi kuker aprop Manseren koḇedi Yesus Kristus, snar kuker i supswan ine ḇyeḇepai maro aya, ma aya faro supswan ine. 15Snar ḇaḇesofakfukke roḇake, nefainda ḇa. Ḇeḇefaindaya isoine snonkaku saḇen babosya. 16Ma snonkaku kam, ḇeḇuk mankun faro kakara ine, aski ḇaḇenaḇye Allah isabu faro si ma faro Israel ḇyesi.
17Inja snonkaku oso ifrur kandera ḇe aya awer, snar aḇyair-aḇyair Yesus nya aya naisya ro baken ayedi.
18Saswar-fakamaman ro Manseren koḇedi Yesus Kristus ḇyeḇok mko! Amin.
Ro aya, Paulus
Currently Selected:
GALATIA 6: LAIBHW
Highlight
Share
Copy
Want to have your highlights saved across all your devices? Sign up or sign in
GALATIA 6
6
Mkofnoḇekyae mko
6:1-10
1Naek srar, rofyor mkosrow snon oso rofandu mko ifrur sasar, iḇye syadi ḇekenem kuker Allah Rur ḇyedi, mkokfin snon ani ḇenyan ḇenapes kuker rur kaḇaḇaḇ, ma mkoḇesasor mankun mko, insa mkaksapi awer ro farawrowesya kako. 2Mkofnoḇekyae mko ma mkoḇar kamnam mkoḇena! Rarirya mkoḇeimnis sasoser Kristus. 3Snar rofyor snon oso kyara iso ḇesyadiya, mboi ḇyerarirya ḇaido, ikada ḇyeankar mankundi. 4Iḇye syadi snonkaku oser-oser imnasen mankundi resari ro kankenem ḇyedi; insape imsik mankundi, mboi myam awer faro kankenem snonkaku ḇese. 5Snar snonkaku oser kamnam ḇyena namnis faro i kwar.
6Ma mansei ḇesma farkarkor ro Manseren wosya, nari ḇyerwas roi ismana faro snonkaku ḇeḇuk farkarkor faro iya.
7Mkoḇor awer! Allah myam monda mankundi ḇo ḇyeḇekoryae ḇa. Snar rosai snonkakusya sker ma skekef na nari sinekna. 8Snar mansei ḇeker ma ḇekekef imnis rari snonkaku, nari dinek marmarya ro rari ḇyedi. Ḇape rofyor kyer ma kyekef imnis farkankin ro Allah Rur ḇyedi, nari dinek kankenem ḇekaku ma ḇekain fyoro ro Allah Rur ḇyedi. 9Inja komor awer ro kofrur roi ḇeḇye, snar rofyor fafisuya ryama, nari kinek bon na rofyor ani. 10Rarirya, rofyor kosma fafisu ine, mkorama kofrur roi ḇeḇye faro snonkakusya kam, isyadi faro min koḇesi ḇesma kakyar oser.
Swarapepen ma aroo
6:11-18
11Mkomam, ro mnuk ine mankundayai ḇefas faro mko rodine, kuker fasfas ker ḇeba. 12Snonkaku ḇemarisen ḇeyow mankun kuker roi ḇero baken, sikada sesewar seyayu mko faro ḇaḇesofakfuk, kuker kakara, insa sisma awer kandera snar aprop Kristus. 13Snar snonkaku ḇesma sofakfuksya kako, sfaduru sasoser Refo Yahudiya ḇa. Mboi simarisen, fa mkosma sofakfuk, insa simarares si snar mkoḇeyuser sasoser anna. 14Ḇape ayama yamewerbos kaku yamarares aya, mboi kuker aprop Manseren koḇedi Yesus Kristus, snar kuker i supswan ine ḇyeḇepai maro aya, ma aya faro supswan ine. 15Snar ḇaḇesofakfukke roḇake, nefainda ḇa. Ḇeḇefaindaya isoine snonkaku saḇen babosya. 16Ma snonkaku kam, ḇeḇuk mankun faro kakara ine, aski ḇaḇenaḇye Allah isabu faro si ma faro Israel ḇyesi.
17Inja snonkaku oso ifrur kandera ḇe aya awer, snar aḇyair-aḇyair Yesus nya aya naisya ro baken ayedi.
18Saswar-fakamaman ro Manseren koḇedi Yesus Kristus ḇyeḇok mko! Amin.
Ro aya, Paulus
Currently Selected:
:
Highlight
Share
Copy
Want to have your highlights saved across all your devices? Sign up or sign in