FARFYAR RO MANWAWANSYA 9
9
Saulus imbror
9:1-19a
1 #
Kis. 22:3-16, 26:9-18 Fafisu ani Saulus dosam ḇyedi isber ma daw fa iḇemyun Manseren kawasa ḇyesi. Rya faro Imam Ḇeba, 2ma dor syap kuasa roi fa dun faro majelis Yahudi ro Damsyik, insa, rofyor isrow snon ma bin ḇeso Manseren Nyan ḇyedi, fyor si ma dunsi ḇe Yerusalem.
3Ro mararan ḇyedi ḇe Damsyik, fafisu fyanam mnu ani kwar kniko sananai oso syoker nanki ma isnai yari. 4Isapi ma imnaf mkaren oso ikofen faroi: “Saulus, Saulus, snaro bewayam aya?”
5Saulus kyarem: “Manseiso au, Manseren?” Inja Ikofen: “Aya ine Yesus, bewayam ya. 6Indo wakḇok ma rwaḇe mnu ya, ro diwa nari sikofen faro au, rosai nari wafrur ya.” 7Kawasa ḇesoi ro mararan ani sikmom, snar simnaf mkaren ani, ḇape smam snonkaku oso ḇa. 8Saulus ikḇok ma dores, raimnai ḇyas mkasu, ḇape myam royoḇa; inja sikfin i fa syun ro Damsyik. 9Ras rikior dafafare ma dananba dinemba.
10Ro Damsyik Manseren kawasa Kristen ḇyesi oso isya snori Ananias. Manseren ikofen faroi ro mamam oso: “Ananias!” Kyarem: “Ayaisine Manseren!”
11Manseren ikofen: “Rwama rwaḇe nyan ḇenir Nyan Ḇeyaḇyoḇer, ma swewar ro Yudas rum ḇyedi snon oso ḇeraker Tarsus benir Saulus isya fafisu ine ḇyenadi, 12ma ro mamam oso myam, snonkaku ḇenir Ananias syun randum isawar dofeni, insa myam wer.”
13Ananias kyarem: “Manseren ro snonkaku sibor yamnaf kwar ro snon ani ifrur ḇarḇor nabor kwar faro snonkaku ḇesren besi ro Yerusalem. 14Ma ryama ro dine kuker papoik ḇeba ro mananir imam, insa fyor snonkaku syakam ḇeyap snombri.”
15Ḇape Manseren ikofen faroi: “Rwamura snar snon ani dera yakimfir kwar faro aya fa ḇyaryas snonsnon Yedi faro er ḇeso kako ma faro wairek-wairek ma kawasa Israel. 16Mankundaya nari yafasna faroi, kandera nabor nari nkuri snar snonsnon ayedi.”
17Inja Ananias rya ma syun ro rum ani. Isawar dofen Saulus ma ikofen: “Saulus, naek yedi, Manseren Yesus, ḇefasnai mankundi faro au ro nyan wambrar ro ani, iwan aya kwar faro au insa mam wer ma wafo kuker Rur Ḇesren.” 18Ma ro fafisuya beri, arpar ro mkassu noḇes isof myam wer. Ikḇok ma isma masi sren. 19aMa rofyor danan kwar syamḇraḇ wer.
Saulus ro fandu kawasa Kristen
9:19b-31
19bSaulus kyain ras ono kuker kawasa Kristen ro Damsyik. 20Fafisu ani beri ḇyaryas Yesus ro rum nadi, ma ikofen Yesus irya Rumkun Allah.
21Kawasa Kristen ḇeḇor ḇemnafi sya sikmom ma sikofen: “Inja snonkaku ineke, iso ḇemarisen ḇemun mansei-mansei ḇeyap snonsnon Yesus ro Yerusalem? Ma ryama kuker swaruser ani kako insa fyor ma dunsi ḇeḇarpon mananir imam-imam?”
22Ḇape Saulus fararur ḇyedi iba syadi wer isof kawasa Yahudi ro Damsyik sikmom, snar fyasnaibos, Yesus i Wairek.
23 #
2 Kor. 11:32-33
Ḇarpur ro ras ono kawasa Yahudi ssewar nyan oso insa smun Saulus. 24Ḇape nyan ḇeḇyeḇa ani Saulus ifawiyi. Ras-roḇ kawasa Yahudi siwaren wark kedwai nakam ro mnu ani insa smuni. 25Rarirya ro roḇ oso kawasa Kristen ḇyesi ono suni fa sikyui ro aram oso ro ayar mamun mnuya ḇandiri.
26Saulus rofyor ryama kwar ro Yerusalem syewar fa isnefer kawasa Kristen sya ḇape simkak i kam, ma sikyarḇa beri, ikako daksun kwar ḇe Kristen. 27Ḇape Barnabas ikada duni faro manwawan sya ma fyar faro si, rariso Saulus myam Manseren ro nyan ya faduri ma moḇsaiso Manseren dakawawos faroi ma rariso ḇri ḇyedi fa ḇyuk farkarkor ro Damsyik ro snonsnon Yesus. 28Ma Saulus ryowus si ro Yerusalem, ma kuker ḇri ḇyuk farkarkor ro snonsnon Manseren. 29Ikako dawawos ma fyaḇaḇri kuker kawasa Yahudi ḇeyawos ḇe Yunani, ḇape ssewar nyan insa smuni. 30Ḇape rofyor naek Kristen ro jemaat sifawi awine kwar inja ssun Saulus be Kaisarea ma siwani fa iburḇe Tarsus.
31Fyoro kaku jemaat ro Yudea ḇesiper, Galilea ma Samaria skain kuker aski. Jemaat ani sḇawsi ma sikenem kuker araryof faro Manseren. Dandonek sedi sibor syadi wer kuker fafnoḇek ro Rur Ḇesren ya.
Petrus ḇyuk pararei faro Eneas ma ḇyawes Dorkas
9:32-43
32Rofyor ani Petrus imbran yar fa ryakaki ḇe moḇna kam. Ro mararan ani dakrama kako faro kawasa ḇesren ro Lida. 33Ro dia isrow snon oso snori Eneas, ḇeduf papipen ma ḇeḇarek ro kamboi ḇyedi ḇewampasi wambarek riwar kwar. 34Petrus ikofen faroi: “Eneas, Yesus Kristus ḇyuk pararei faro au; wakḇok ma fasos kamboi bedi!” Fafisu ani beri snon ani ikḇok. 35Kawasa kam ḇero Lida ma Saron smami, inja skaḇer faro Manseren.
36Ro Yope bin Kristen oso snori Tabita – ro wos Yunani Dorkas. Bin ine nabor kaku ḇyesyowi ma ḇyuk farsarser. 37Ḇape ro fafisu ani iduf rao isof imar. Ma rofyor si masi i posa, suni fa ḇyarek ro sim ḇero bo. 38Lida fyanam Yope. Rofyor kawasa Kristen simnaf Petrus isya ro Lida, siwan naek risuru faroi kuker fararyor: “Rwama fasaw ḇe inko.” 39Inja Petrus fyasos fa iso si. Sra kwar ro Yope, ssun pdefi ḇesim ḇero bo ma kabom sya kam srama sores fanam i ma skanesḇo sfasnai faroi sansun ma rofmar, Dorkas isip faro si ro fafisu isya iḇye ya. 40Ḇape Petrus iwan fa sisasyar kam, posa kyain wepur ma ḇyenadi. Raimnai myam ḇemar ani ma ikofen: “Tabita, wakḇok kada!” Inja Tabita ḇyas mkasu ma fyor myam Petrus, ikḇok fa kyain. 41Petrus ikin ḇrasu ma ifnoḇek i fa dores. Raimnai dor kawasa ḇesren ansi fnoḇek kabom sya ma fyasnai faro si, bin ani ikenem. 42Roi ḇeḇesya anine imbran yar Yope ḇesiper ma kawasa sibor kaku sikyar faro Manseren. 43Ḇarpur ro roi ḇeḇesya ani Petrus kyain ras ono ro Yope ro rum snon ḇenir Simon, ḇeyak aiwan kif.
Currently Selected:
FARFYAR RO MANWAWANSYA 9: LAIBHW
Highlight
Share
Copy
Want to have your highlights saved across all your devices? Sign up or sign in
FARFYAR RO MANWAWANSYA 9
9
Saulus imbror
9:1-19a
1 #
Kis. 22:3-16, 26:9-18 Fafisu ani Saulus dosam ḇyedi isber ma daw fa iḇemyun Manseren kawasa ḇyesi. Rya faro Imam Ḇeba, 2ma dor syap kuasa roi fa dun faro majelis Yahudi ro Damsyik, insa, rofyor isrow snon ma bin ḇeso Manseren Nyan ḇyedi, fyor si ma dunsi ḇe Yerusalem.
3Ro mararan ḇyedi ḇe Damsyik, fafisu fyanam mnu ani kwar kniko sananai oso syoker nanki ma isnai yari. 4Isapi ma imnaf mkaren oso ikofen faroi: “Saulus, Saulus, snaro bewayam aya?”
5Saulus kyarem: “Manseiso au, Manseren?” Inja Ikofen: “Aya ine Yesus, bewayam ya. 6Indo wakḇok ma rwaḇe mnu ya, ro diwa nari sikofen faro au, rosai nari wafrur ya.” 7Kawasa ḇesoi ro mararan ani sikmom, snar simnaf mkaren ani, ḇape smam snonkaku oso ḇa. 8Saulus ikḇok ma dores, raimnai ḇyas mkasu, ḇape myam royoḇa; inja sikfin i fa syun ro Damsyik. 9Ras rikior dafafare ma dananba dinemba.
10Ro Damsyik Manseren kawasa Kristen ḇyesi oso isya snori Ananias. Manseren ikofen faroi ro mamam oso: “Ananias!” Kyarem: “Ayaisine Manseren!”
11Manseren ikofen: “Rwama rwaḇe nyan ḇenir Nyan Ḇeyaḇyoḇer, ma swewar ro Yudas rum ḇyedi snon oso ḇeraker Tarsus benir Saulus isya fafisu ine ḇyenadi, 12ma ro mamam oso myam, snonkaku ḇenir Ananias syun randum isawar dofeni, insa myam wer.”
13Ananias kyarem: “Manseren ro snonkaku sibor yamnaf kwar ro snon ani ifrur ḇarḇor nabor kwar faro snonkaku ḇesren besi ro Yerusalem. 14Ma ryama ro dine kuker papoik ḇeba ro mananir imam, insa fyor snonkaku syakam ḇeyap snombri.”
15Ḇape Manseren ikofen faroi: “Rwamura snar snon ani dera yakimfir kwar faro aya fa ḇyaryas snonsnon Yedi faro er ḇeso kako ma faro wairek-wairek ma kawasa Israel. 16Mankundaya nari yafasna faroi, kandera nabor nari nkuri snar snonsnon ayedi.”
17Inja Ananias rya ma syun ro rum ani. Isawar dofen Saulus ma ikofen: “Saulus, naek yedi, Manseren Yesus, ḇefasnai mankundi faro au ro nyan wambrar ro ani, iwan aya kwar faro au insa mam wer ma wafo kuker Rur Ḇesren.” 18Ma ro fafisuya beri, arpar ro mkassu noḇes isof myam wer. Ikḇok ma isma masi sren. 19aMa rofyor danan kwar syamḇraḇ wer.
Saulus ro fandu kawasa Kristen
9:19b-31
19bSaulus kyain ras ono kuker kawasa Kristen ro Damsyik. 20Fafisu ani beri ḇyaryas Yesus ro rum nadi, ma ikofen Yesus irya Rumkun Allah.
21Kawasa Kristen ḇeḇor ḇemnafi sya sikmom ma sikofen: “Inja snonkaku ineke, iso ḇemarisen ḇemun mansei-mansei ḇeyap snonsnon Yesus ro Yerusalem? Ma ryama kuker swaruser ani kako insa fyor ma dunsi ḇeḇarpon mananir imam-imam?”
22Ḇape Saulus fararur ḇyedi iba syadi wer isof kawasa Yahudi ro Damsyik sikmom, snar fyasnaibos, Yesus i Wairek.
23 #
2 Kor. 11:32-33
Ḇarpur ro ras ono kawasa Yahudi ssewar nyan oso insa smun Saulus. 24Ḇape nyan ḇeḇyeḇa ani Saulus ifawiyi. Ras-roḇ kawasa Yahudi siwaren wark kedwai nakam ro mnu ani insa smuni. 25Rarirya ro roḇ oso kawasa Kristen ḇyesi ono suni fa sikyui ro aram oso ro ayar mamun mnuya ḇandiri.
26Saulus rofyor ryama kwar ro Yerusalem syewar fa isnefer kawasa Kristen sya ḇape simkak i kam, ma sikyarḇa beri, ikako daksun kwar ḇe Kristen. 27Ḇape Barnabas ikada duni faro manwawan sya ma fyar faro si, rariso Saulus myam Manseren ro nyan ya faduri ma moḇsaiso Manseren dakawawos faroi ma rariso ḇri ḇyedi fa ḇyuk farkarkor ro Damsyik ro snonsnon Yesus. 28Ma Saulus ryowus si ro Yerusalem, ma kuker ḇri ḇyuk farkarkor ro snonsnon Manseren. 29Ikako dawawos ma fyaḇaḇri kuker kawasa Yahudi ḇeyawos ḇe Yunani, ḇape ssewar nyan insa smuni. 30Ḇape rofyor naek Kristen ro jemaat sifawi awine kwar inja ssun Saulus be Kaisarea ma siwani fa iburḇe Tarsus.
31Fyoro kaku jemaat ro Yudea ḇesiper, Galilea ma Samaria skain kuker aski. Jemaat ani sḇawsi ma sikenem kuker araryof faro Manseren. Dandonek sedi sibor syadi wer kuker fafnoḇek ro Rur Ḇesren ya.
Petrus ḇyuk pararei faro Eneas ma ḇyawes Dorkas
9:32-43
32Rofyor ani Petrus imbran yar fa ryakaki ḇe moḇna kam. Ro mararan ani dakrama kako faro kawasa ḇesren ro Lida. 33Ro dia isrow snon oso snori Eneas, ḇeduf papipen ma ḇeḇarek ro kamboi ḇyedi ḇewampasi wambarek riwar kwar. 34Petrus ikofen faroi: “Eneas, Yesus Kristus ḇyuk pararei faro au; wakḇok ma fasos kamboi bedi!” Fafisu ani beri snon ani ikḇok. 35Kawasa kam ḇero Lida ma Saron smami, inja skaḇer faro Manseren.
36Ro Yope bin Kristen oso snori Tabita – ro wos Yunani Dorkas. Bin ine nabor kaku ḇyesyowi ma ḇyuk farsarser. 37Ḇape ro fafisu ani iduf rao isof imar. Ma rofyor si masi i posa, suni fa ḇyarek ro sim ḇero bo. 38Lida fyanam Yope. Rofyor kawasa Kristen simnaf Petrus isya ro Lida, siwan naek risuru faroi kuker fararyor: “Rwama fasaw ḇe inko.” 39Inja Petrus fyasos fa iso si. Sra kwar ro Yope, ssun pdefi ḇesim ḇero bo ma kabom sya kam srama sores fanam i ma skanesḇo sfasnai faroi sansun ma rofmar, Dorkas isip faro si ro fafisu isya iḇye ya. 40Ḇape Petrus iwan fa sisasyar kam, posa kyain wepur ma ḇyenadi. Raimnai myam ḇemar ani ma ikofen: “Tabita, wakḇok kada!” Inja Tabita ḇyas mkasu ma fyor myam Petrus, ikḇok fa kyain. 41Petrus ikin ḇrasu ma ifnoḇek i fa dores. Raimnai dor kawasa ḇesren ansi fnoḇek kabom sya ma fyasnai faro si, bin ani ikenem. 42Roi ḇeḇesya anine imbran yar Yope ḇesiper ma kawasa sibor kaku sikyar faro Manseren. 43Ḇarpur ro roi ḇeḇesya ani Petrus kyain ras ono ro Yope ro rum snon ḇenir Simon, ḇeyak aiwan kif.
Currently Selected:
:
Highlight
Share
Copy
Want to have your highlights saved across all your devices? Sign up or sign in