FARFYAR RO MANWAWANSYA 14
14
1Ro Ikonium kako manwawan ansuya susun ro Yahudi sya rum ari sedi, ma suḇuk farkarkor faro snonkaku kuker sne ḇesiper, isof snonkaku Yahudi ma Yunani sibor sikyar. 2Ḇape kawasa Yahudi ḇepampum ḇaryas suḇena sya, sawos snesam kawasa ḇeyakfawi Allah ḇa sya isof simsor faro naek ansuya. 3Paulus ma Barnabas sukain ras ono ro dia. Suḇuk farkarkor kuker makaku, snar sukyar faro Manseren. Ma Manseren ḇyuk sambraḇ ro ḇaryas saswar ma fakamaman Ḇyena ma ḇyuk faro su papoik fa sufrur aḇyair-aḇyair ma aḇyair kanandor. 4Ḇape kawasa ḇeḇor ro mnu ani sirwas ḇesuru: ono siwaira kawasa Yahudi sya, ono wer siwaira manwawan ansu.
5Inja kawasa ḇeyakfawi Allah ḇa sya kuker kawasa Yahudi sifnoḇek manfarkin-manfarkin sesi kam sirandak sifrur kandera manwawan ansu ma soḇo ssosu kuker karui. 6Rofyor manwawan ansu sufawi auw sedi kwar, inja sufrar ḇe mnu-mnu ro Likaonia, isoine Listera ma Derbe ro sup ya fyor ani. 7Ro dia suḇaryas Ankankinem Ḇeḇye.
8Ro Listra snon oso isya kyain faswef, snar wesi ipokḇa ma pyapipen ro fafisu snari daḇeni ipok imbranḇa. 9Kyain imnaf ro fafisu Paulus dawawos. Ma Paulus iknoweri ma myam, kakyar ḇyedi, inja ifruri fa iprei. 10Rarirya Paulus dawos kuker mkaren ḇeba: “Wores afuf ro wemssu!” Ma snon ani iyori fa dores, ma imbran mura muma. 11Rofyor kawasa ḇeḇor ansi smam rosai Paulus ifrur ani, sikam ssibras ḇo sawos ro wos Likaonia: “Karwar-karwar ansi sado kwar ro fandu ko kuker sower snonkaku.” 12Barnabas sori ḇe Zeus ma Paulus sori ḇe Hermes, snar i ḇeyawawos ya. 13Inja karwar Zeus, ḇena rum karwar ro mnuya ḇandiri, imam ḇyedi ryama ḇo dun sapi snoman ma pampen-pampen bos ono ḇe kedwai ḇeba ro mnu kuker kawasa ḇeḇor fa ssḇuk farsarser samsom faro manwawan ansu.
14Barnabas ma Paulus sumnaf rarirya susap sansun suḇena, ma suyoper ro fandu kawasa ḇeḇor ansi ma suyiw ḇo sukofen: 15#Mat. 10:14“Ne, kawasa mkoine kam, snaro mkofrur rarirya? Inko ine snonkaku monda raris mko. Inko isya ro dine fa inko ḇaryas Ankankinem Ḇeḇye faro mko, insa mkosawen fararur fromo ine, ma mkokaḇer faro Allah ḇekenem, ḇefrur kwar nanki ma supswan, soren ma roi ḇeḇor ḇero ina kam. 16Ro awar ḇesyof Allah myam monda er-er kam ḇo siso nyan mankunsi sena, 17rariryano i mewerḇa fa fyasnai mankundi kuker frur pyum nabor, isoine ḇyuk mekem ro nanki ma wampasi wambarek ḇeḇuksur pyum rokaker ḇe mko. Ḇyuk sneprei faro mko kuker nanan ma raryaḇ.” 18Manwawan ansu suyawos rarirya, fa sudwarek kawasa ḇeḇor ansi ḇape saser suba mboi indokada ssḇuk samsom farsarser faro su.
19Ḇape kawasa Yahudi ḇerama ker Antiokhia ma Ikonium sembuk kawasa ḇeḇor ansi fa siso si. Raimnai sso Paulus kuker karui ma sismeri ḇe mnuya ḇandiri, snar skara ḇo soḇo imar kwar. 20Ḇape rofyor kawasa Kristen ansi sores yari-yari, inja ikḇawes ma syun ḇe mnuya. Meserdi i kuker Barnabas sura kam ḇe Derbe.
Sukaḇer ḇe Antiokhia
14:21-28
21Paulus ma Barnabas suḇaryas Ankankinem Ḇeḇye ro mnu ani ma susma kawasa Kristen sibor. Raimnai sukaḇer ḇe Listra, Ikonium ma Antiokhia. 22Ro mnu-mnu anna suḇuk samambraḇ faro kawasa Kristen sisnesna ma suyanun si insa sidworen ro kakyar sena, ma sukofen, kosun ro Ḇaḇesasoser Allah nari kosmai kandera nabor. 23Ro jemaat oser-oser manwawan ansuya sukanow penatua-penatua faro jemaat ani ma sunadi ma sefarfor posa suḇuk penatua-penatua ansi faro Manseren, ḇeḇeknam ro kakyar sena.
24Skombran kasiper sup Pisidia ma skosaye ro Pamfilia. 25Ro dia suḇaryas wos ya ro Perga, raimnai suraḇe Atalia, ro swan andir. 26Ro dia suyayun wer ḇe Antiokhia; ro sup Syam; ro moḇ anine iso randak ya ssḇuk su faro saswar ma fakamaman Allah insa surandak fararur, sufrur kwar ya.
27Sura kwar ro dia suyor fa jemaat ani siryur, posa sufarfyar faro si roi ḇeḇor kam Allah ifrur kwar kuker ḇramin suḇena, ma Allah ḇyas kedwai ya faro er-er ḇeso sya faro kakyar. 28Ro dia sukain fyoro kaku kuker kawasa Kristen ansi.
Currently Selected:
FARFYAR RO MANWAWANSYA 14: LAIBHW
Highlight
Share
Copy
Want to have your highlights saved across all your devices? Sign up or sign in
FARFYAR RO MANWAWANSYA 14
14
1Ro Ikonium kako manwawan ansuya susun ro Yahudi sya rum ari sedi, ma suḇuk farkarkor faro snonkaku kuker sne ḇesiper, isof snonkaku Yahudi ma Yunani sibor sikyar. 2Ḇape kawasa Yahudi ḇepampum ḇaryas suḇena sya, sawos snesam kawasa ḇeyakfawi Allah ḇa sya isof simsor faro naek ansuya. 3Paulus ma Barnabas sukain ras ono ro dia. Suḇuk farkarkor kuker makaku, snar sukyar faro Manseren. Ma Manseren ḇyuk sambraḇ ro ḇaryas saswar ma fakamaman Ḇyena ma ḇyuk faro su papoik fa sufrur aḇyair-aḇyair ma aḇyair kanandor. 4Ḇape kawasa ḇeḇor ro mnu ani sirwas ḇesuru: ono siwaira kawasa Yahudi sya, ono wer siwaira manwawan ansu.
5Inja kawasa ḇeyakfawi Allah ḇa sya kuker kawasa Yahudi sifnoḇek manfarkin-manfarkin sesi kam sirandak sifrur kandera manwawan ansu ma soḇo ssosu kuker karui. 6Rofyor manwawan ansu sufawi auw sedi kwar, inja sufrar ḇe mnu-mnu ro Likaonia, isoine Listera ma Derbe ro sup ya fyor ani. 7Ro dia suḇaryas Ankankinem Ḇeḇye.
8Ro Listra snon oso isya kyain faswef, snar wesi ipokḇa ma pyapipen ro fafisu snari daḇeni ipok imbranḇa. 9Kyain imnaf ro fafisu Paulus dawawos. Ma Paulus iknoweri ma myam, kakyar ḇyedi, inja ifruri fa iprei. 10Rarirya Paulus dawos kuker mkaren ḇeba: “Wores afuf ro wemssu!” Ma snon ani iyori fa dores, ma imbran mura muma. 11Rofyor kawasa ḇeḇor ansi smam rosai Paulus ifrur ani, sikam ssibras ḇo sawos ro wos Likaonia: “Karwar-karwar ansi sado kwar ro fandu ko kuker sower snonkaku.” 12Barnabas sori ḇe Zeus ma Paulus sori ḇe Hermes, snar i ḇeyawawos ya. 13Inja karwar Zeus, ḇena rum karwar ro mnuya ḇandiri, imam ḇyedi ryama ḇo dun sapi snoman ma pampen-pampen bos ono ḇe kedwai ḇeba ro mnu kuker kawasa ḇeḇor fa ssḇuk farsarser samsom faro manwawan ansu.
14Barnabas ma Paulus sumnaf rarirya susap sansun suḇena, ma suyoper ro fandu kawasa ḇeḇor ansi ma suyiw ḇo sukofen: 15#Mat. 10:14“Ne, kawasa mkoine kam, snaro mkofrur rarirya? Inko ine snonkaku monda raris mko. Inko isya ro dine fa inko ḇaryas Ankankinem Ḇeḇye faro mko, insa mkosawen fararur fromo ine, ma mkokaḇer faro Allah ḇekenem, ḇefrur kwar nanki ma supswan, soren ma roi ḇeḇor ḇero ina kam. 16Ro awar ḇesyof Allah myam monda er-er kam ḇo siso nyan mankunsi sena, 17rariryano i mewerḇa fa fyasnai mankundi kuker frur pyum nabor, isoine ḇyuk mekem ro nanki ma wampasi wambarek ḇeḇuksur pyum rokaker ḇe mko. Ḇyuk sneprei faro mko kuker nanan ma raryaḇ.” 18Manwawan ansu suyawos rarirya, fa sudwarek kawasa ḇeḇor ansi ḇape saser suba mboi indokada ssḇuk samsom farsarser faro su.
19Ḇape kawasa Yahudi ḇerama ker Antiokhia ma Ikonium sembuk kawasa ḇeḇor ansi fa siso si. Raimnai sso Paulus kuker karui ma sismeri ḇe mnuya ḇandiri, snar skara ḇo soḇo imar kwar. 20Ḇape rofyor kawasa Kristen ansi sores yari-yari, inja ikḇawes ma syun ḇe mnuya. Meserdi i kuker Barnabas sura kam ḇe Derbe.
Sukaḇer ḇe Antiokhia
14:21-28
21Paulus ma Barnabas suḇaryas Ankankinem Ḇeḇye ro mnu ani ma susma kawasa Kristen sibor. Raimnai sukaḇer ḇe Listra, Ikonium ma Antiokhia. 22Ro mnu-mnu anna suḇuk samambraḇ faro kawasa Kristen sisnesna ma suyanun si insa sidworen ro kakyar sena, ma sukofen, kosun ro Ḇaḇesasoser Allah nari kosmai kandera nabor. 23Ro jemaat oser-oser manwawan ansuya sukanow penatua-penatua faro jemaat ani ma sunadi ma sefarfor posa suḇuk penatua-penatua ansi faro Manseren, ḇeḇeknam ro kakyar sena.
24Skombran kasiper sup Pisidia ma skosaye ro Pamfilia. 25Ro dia suḇaryas wos ya ro Perga, raimnai suraḇe Atalia, ro swan andir. 26Ro dia suyayun wer ḇe Antiokhia; ro sup Syam; ro moḇ anine iso randak ya ssḇuk su faro saswar ma fakamaman Allah insa surandak fararur, sufrur kwar ya.
27Sura kwar ro dia suyor fa jemaat ani siryur, posa sufarfyar faro si roi ḇeḇor kam Allah ifrur kwar kuker ḇramin suḇena, ma Allah ḇyas kedwai ya faro er-er ḇeso sya faro kakyar. 28Ro dia sukain fyoro kaku kuker kawasa Kristen ansi.
Currently Selected:
:
Highlight
Share
Copy
Want to have your highlights saved across all your devices? Sign up or sign in