1 KORINTUS 12
12
Allah Rur ḇyedi rosai ḇyukna
12:1-11
1Insape yakofenḇadir rosai Allah Rur ḇyedi ḇyuk na. Ro mnuk ine yamarisen insa naek srar mkofawi kaku. 2Naek srar mkoswarepen rofyor mkofawi Manseren ḇaim, naek mkokara famkoso karwarsya ḇeḇeawer. 3Naek srar mkofawi mboi snonkaku ḇeyawawos ro knam Rur Ḇesrenya nari ikofenḇa, “Yesus ḇyeḇefras kada!” Rarirya kako snonkaku osoḇa nari kyarem, “Yesus Manseren dirya!” Rofyor Allah Rur ḇyedi fyarkin i ḇaido.
4 #
Rm. 12:6-8
Allah Rur ḇyedi fakamaman rosai ḇyuk na nabor fama naḇesisye, ḇape nakam Rur oser iso ḇeḇuknanya. 5Fararur afuffarmyan Manseren nabor, ḇape Manseren kuffarmyan ani, Manseren oser kako! 6Fararur naisya nabor ro affuffarmyan Manseren fararur ḇyena, ḇape ḇeḇuk sambraḇ faro snonkaku oser-oser ikada Allah oser kako. 7Faro ḇayaye koḇena kam, Allah Rur ḇyedi ifararur ro snonkaku oser-oser mankundi. 8Faro snonkaku oso, Rur ani ḇyuk fawawi ro wawos masasik. Faro oso ḇese Rur ani ḇyuk fawawi ḇeḇaryas ro Allah. 9Rur oser ani kako ḇyuk faro snonkaku ḇena kakyar oser ma faro ḇesesya, Rur ani ḇyuk papoik fa ssḇuk pararei faro snonkaku. 10Faro snonkaku oso ḇyuk papoik fa ifrur aḇyair kanandor ma faro ḇese ḇyuk ḇararyas ro Allah aw ḇyena. Faro ḇese kako Rur ani ḇyuk fawawi fa ifawi Allah Rur ḇyedi rosai ḇyuk na ma rosai ḇyukḇa na. Ḇyuk faro ono fawawi fa siwawos ro wos kofawiḇa, ma ḇese kako ḇyuk fawawi fa sḇaryas kankunes ro wos anna. 11Roi ḇeḇor anna Rur oser ani iso ḇefrur nakamya; ḇyuk fawawi ḇardi faro oser-oser raris Rur ani mankundi moḇ imarisen raya.
Kina nabor ḇape baken oser
12:12-31
12 #
Rm. 12:4-5
Kristus imnis baken snonkaku; bakenya ḇyeoser, ḇape kina ḇyena nabor. Kina annakam, nabor rariso wer, nebaken oser. 13Rarirya kokam kako, iḇye kawasa Yahudi, ma ḇeḇe Yahudiḇa, manfyan ma snonkaku ḇemkei; kokam kosma masasi kwar kuker Rur ani, insa koḇeoser kuker Kristus baken ḇyedi. Kokam kofawi Rur oser ani kako.
14Snar baken ani ḇardi ḇyesya ro kina oser mondaḇa ḇoi kina nabor. 15Rofyor weminya ikofen ḇo doḇo, “Ḇramin risayaḇa inja, yaksun ro baken anyaba,” inja rarirya ido weminya dakḇe kina ro bakenya ḇake. 16Ma rofyor knaramya ikofen ḇo doḇo, “Snar mkamor risayaḇa, inja yakḇe kina ro bakenyaḇa,” inja rarirya ido knaramya dakḇe kina ro bakenya ḇake. 17Rofyor baken ani ḇesiper ḇyemkamor monda, rariso baken ani nari ryower? Roḇaido rofyor baken ani ḇesiper ḇyeknaram monda, rariso baken ani nari nyas? 18Komam ḇoi kina anna Allah ḇeḇuk na faro bakenya. Allah ḇyuk na oser-oser romoḇ ḇyedi iso marisen ḇyedi. 19Rofyor nakam nekina oser monda, rosaiso sapḇe bakenya? 20Inja kaku kina nabor ḇape bakenya ḇyeoser monda.
21Eḇedari mkamorya nari ikofen faro ḇraminyaḇa ḇo doḇo, “Yafandun awḇa!” roḇaido bruya ikofen faro weminyaḇa ḇo doḇo, “Yafandun awḇa!” 22Roḇarya kina-kina ro baken kokara ḇeryarḇa na kofandun kaku na; 23ma kina-kina kokara ḇeḇefandunḇa na, kina-kina anna naiso koḇuk ḇaḇefandun nabor syadi faro na. Kina ḇepyumba ro bakenya naiso kokara syadi na. 24Kina ḇero baken komambo ḇepyum kwar na, koḇefandun mankun naḇa. Allah fyasos baken koḇedi rarirya kwar isof kina-kina ḇeḇefandun mankunba na naiso koḇuk ḇaḇefandun syadi na. 25Rarirya baken ani ḇyeḇerarwasḇa; kina oser-oser ḇyefandun min ḇese ḇyedi. 26Rofyor kina oso ḇyekandera, kina ḇesena kako nakḇe kandera; rofyor kina oso ḇyeḇesandik, kina ḇesenakam nakraḇ kako.
27Naek srar mko kam Kristus baken ḇyediso mko ma oser-oser ro mko ḇyekina ro baken ani kako. 28#Ef. 4:11Rarirya ro jemaat kako Allah fyasna kwar moḇ faro snonkaku oser-oser: randakya manwawan; ḇeḇesuru, nabi-nabi, ḇeḇekior guru-guru, raimnai ḇefrur aḇyair kanandor, ḇarpurya faro ḇesma papoik fa ḇeḇuk pararei faro snonkaku ḇeduf, roḇaido faro ḇefnoḇek snonkaku ḇese, roḇaido faro manfarkin, roḇaido faro ḇewawos ro wos kofawiḇa. 29Sikam manwawan sisyaḇa, roḇa nabi, robaido guru. Sikam sisma papoikḇa fa sbukfrur aḇyair kanandor, 30robaido ssḇuk pararei faro snonkaku ḇeduf, roḇaido faro ḇewawos ro wos kofawiḇa, roḇaido faro snonkaku ḇepamambar wos-wos anna.
31Eḇedari, naek besewar kaku ḇeri insa wasma fakamaman ḇeba syadiya.
Rarirya ro mnuk ine yafasna faro mko nyan ḇeḇye syadi wer.
Currently Selected:
1 KORINTUS 12: LAIBHW
Highlight
Share
Copy
Want to have your highlights saved across all your devices? Sign up or sign in
1 KORINTUS 12
12
Allah Rur ḇyedi rosai ḇyukna
12:1-11
1Insape yakofenḇadir rosai Allah Rur ḇyedi ḇyuk na. Ro mnuk ine yamarisen insa naek srar mkofawi kaku. 2Naek srar mkoswarepen rofyor mkofawi Manseren ḇaim, naek mkokara famkoso karwarsya ḇeḇeawer. 3Naek srar mkofawi mboi snonkaku ḇeyawawos ro knam Rur Ḇesrenya nari ikofenḇa, “Yesus ḇyeḇefras kada!” Rarirya kako snonkaku osoḇa nari kyarem, “Yesus Manseren dirya!” Rofyor Allah Rur ḇyedi fyarkin i ḇaido.
4 #
Rm. 12:6-8
Allah Rur ḇyedi fakamaman rosai ḇyuk na nabor fama naḇesisye, ḇape nakam Rur oser iso ḇeḇuknanya. 5Fararur afuffarmyan Manseren nabor, ḇape Manseren kuffarmyan ani, Manseren oser kako! 6Fararur naisya nabor ro affuffarmyan Manseren fararur ḇyena, ḇape ḇeḇuk sambraḇ faro snonkaku oser-oser ikada Allah oser kako. 7Faro ḇayaye koḇena kam, Allah Rur ḇyedi ifararur ro snonkaku oser-oser mankundi. 8Faro snonkaku oso, Rur ani ḇyuk fawawi ro wawos masasik. Faro oso ḇese Rur ani ḇyuk fawawi ḇeḇaryas ro Allah. 9Rur oser ani kako ḇyuk faro snonkaku ḇena kakyar oser ma faro ḇesesya, Rur ani ḇyuk papoik fa ssḇuk pararei faro snonkaku. 10Faro snonkaku oso ḇyuk papoik fa ifrur aḇyair kanandor ma faro ḇese ḇyuk ḇararyas ro Allah aw ḇyena. Faro ḇese kako Rur ani ḇyuk fawawi fa ifawi Allah Rur ḇyedi rosai ḇyuk na ma rosai ḇyukḇa na. Ḇyuk faro ono fawawi fa siwawos ro wos kofawiḇa, ma ḇese kako ḇyuk fawawi fa sḇaryas kankunes ro wos anna. 11Roi ḇeḇor anna Rur oser ani iso ḇefrur nakamya; ḇyuk fawawi ḇardi faro oser-oser raris Rur ani mankundi moḇ imarisen raya.
Kina nabor ḇape baken oser
12:12-31
12 #
Rm. 12:4-5
Kristus imnis baken snonkaku; bakenya ḇyeoser, ḇape kina ḇyena nabor. Kina annakam, nabor rariso wer, nebaken oser. 13Rarirya kokam kako, iḇye kawasa Yahudi, ma ḇeḇe Yahudiḇa, manfyan ma snonkaku ḇemkei; kokam kosma masasi kwar kuker Rur ani, insa koḇeoser kuker Kristus baken ḇyedi. Kokam kofawi Rur oser ani kako.
14Snar baken ani ḇardi ḇyesya ro kina oser mondaḇa ḇoi kina nabor. 15Rofyor weminya ikofen ḇo doḇo, “Ḇramin risayaḇa inja, yaksun ro baken anyaba,” inja rarirya ido weminya dakḇe kina ro bakenya ḇake. 16Ma rofyor knaramya ikofen ḇo doḇo, “Snar mkamor risayaḇa, inja yakḇe kina ro bakenyaḇa,” inja rarirya ido knaramya dakḇe kina ro bakenya ḇake. 17Rofyor baken ani ḇesiper ḇyemkamor monda, rariso baken ani nari ryower? Roḇaido rofyor baken ani ḇesiper ḇyeknaram monda, rariso baken ani nari nyas? 18Komam ḇoi kina anna Allah ḇeḇuk na faro bakenya. Allah ḇyuk na oser-oser romoḇ ḇyedi iso marisen ḇyedi. 19Rofyor nakam nekina oser monda, rosaiso sapḇe bakenya? 20Inja kaku kina nabor ḇape bakenya ḇyeoser monda.
21Eḇedari mkamorya nari ikofen faro ḇraminyaḇa ḇo doḇo, “Yafandun awḇa!” roḇaido bruya ikofen faro weminyaḇa ḇo doḇo, “Yafandun awḇa!” 22Roḇarya kina-kina ro baken kokara ḇeryarḇa na kofandun kaku na; 23ma kina-kina kokara ḇeḇefandunḇa na, kina-kina anna naiso koḇuk ḇaḇefandun nabor syadi faro na. Kina ḇepyumba ro bakenya naiso kokara syadi na. 24Kina ḇero baken komambo ḇepyum kwar na, koḇefandun mankun naḇa. Allah fyasos baken koḇedi rarirya kwar isof kina-kina ḇeḇefandun mankunba na naiso koḇuk ḇaḇefandun syadi na. 25Rarirya baken ani ḇyeḇerarwasḇa; kina oser-oser ḇyefandun min ḇese ḇyedi. 26Rofyor kina oso ḇyekandera, kina ḇesena kako nakḇe kandera; rofyor kina oso ḇyeḇesandik, kina ḇesenakam nakraḇ kako.
27Naek srar mko kam Kristus baken ḇyediso mko ma oser-oser ro mko ḇyekina ro baken ani kako. 28#Ef. 4:11Rarirya ro jemaat kako Allah fyasna kwar moḇ faro snonkaku oser-oser: randakya manwawan; ḇeḇesuru, nabi-nabi, ḇeḇekior guru-guru, raimnai ḇefrur aḇyair kanandor, ḇarpurya faro ḇesma papoik fa ḇeḇuk pararei faro snonkaku ḇeduf, roḇaido faro ḇefnoḇek snonkaku ḇese, roḇaido faro manfarkin, roḇaido faro ḇewawos ro wos kofawiḇa. 29Sikam manwawan sisyaḇa, roḇa nabi, robaido guru. Sikam sisma papoikḇa fa sbukfrur aḇyair kanandor, 30robaido ssḇuk pararei faro snonkaku ḇeduf, roḇaido faro ḇewawos ro wos kofawiḇa, roḇaido faro snonkaku ḇepamambar wos-wos anna.
31Eḇedari, naek besewar kaku ḇeri insa wasma fakamaman ḇeba syadiya.
Rarirya ro mnuk ine yafasna faro mko nyan ḇeḇye syadi wer.
Currently Selected:
:
Highlight
Share
Copy
Want to have your highlights saved across all your devices? Sign up or sign in