FILIPI 3
3
Lampa rawi ma sapodakaina
1Cumpukaina, cina ra angiku, pab̄uapu nggomid̄oho neo ademu b̄ara nggomid̄oho wa'ura sab̄ua lab̄o Ruma. Nahu wati iuku tani d̄imatunti mboda au rawa'u tunti b̄a nahu d̄i nggomid̄oho sawatipu b̄a ake; b̄ara lampa rawi ede taho d̄i salamakaimu. 2Aina kabare d̄i dou-dou ma karawi lampa rawi-lampa rawi ma dab̄ae, dou-dou ma patu d̄i pehekai ’lako’. Siad̄oho napakasaku loakud̄u dou-dou d̄i suna. 3Sapodakaina ndaira dou-dou ma wa'ura tarima suna masapodakaina, laina siad̄oho. Ndaita nemba Ruma Hatalla kai d̄ende b̄a Roh ndai Ruma Hatalla, ro ndaita syukura b̄a one ndaita mori sab̄ua lab̄o Ruma Isa Al Masih. Ndaita wati wi'ita weki d̄i upacara-upacara ma tada. 4Sapodakaina nahu loampa wi'i weki d̄i upacara-upacara ede. B̄ara nggara wara sab̄ua-b̄ua dou ma iu sia ntau alasa d̄i wi'ikaina weki d̄i upacara-upacara tabe'a ma tada, nahu ncewi wali. 5#Rm. 11:1, Kis. 23:6, 26:5 Nahu rasuna wakatu umuku waru nai. Nahu rawarakaiku kai dou Israel, rad̄i londo ra mai Benyamin; nahu dou Ibrani asali. D̄ei lampa rawi to'akai d̄i hukum Taurat, nahu eded̄u anggota golonga Farisi. 6#Kis. 8:3, 22:4, 26:9-11 Nahu nawancuku kapoda ade ndad̄i nahu kancokiku ela Ruma. Nggara d̄i tiosi d̄i hukum Taurat, nahu sab̄ua dou mataho ma wati wara ma'ihana. 7Pala b̄ara Al Masih, ndad̄i sara'a ma ntoina wi'ikai b̄a nahu kai sab̄ua ma kamaikaina laba, ake nandad̄i sab̄ua ma d̄i rugikai. 8Laina lampa rawi-lampa rawi ede mpoa; pala sara'a lampa rawi-lampa rawi wi'ikai b̄a nahu ma kamaikaina rugi mpoampa. Kantau b̄a nahu wakatu ake eded̄u nancewi taho co'i: eded̄u pata Isa Al Masih, Rumaku. B̄ara Al Masih, ndad̄i nahu wa'ura horiku samenana. Wi'ikai b̄a nahu sara'ana ede kai masaki mpoampa, loakud̄u nahu loa raka Al Masih, 9ro poda-poda sab̄uaku lab̄o Sia. Nahu wati wi'i waliku weki salamakai nahu d̄i ruku ra rawi mataho atao to'a d̄i hukum Allah, malaisi d̄i imbi b̄ara Al Masih ma kasalamana nahu, b̄ara Ruma Hatalla ma kancihi eded̄u karasona ndai d̄i tando d̄ese ra ntasa-Na kai dasa imbi ndaita, eded̄u wi'i weki d̄i Ruma Isa Al Masih mpoampa. 10Sab̄uampa menana d̄ine'e b̄a nahu eded̄u loakud̄u nahu pataku Al Masih, ro kai iu kuasa ma kamori Sia rad̄i madena. Nahu kane'e b̄atu susa ra ncoki lab̄o Sia ro ndad̄i sama b̄une Sia ade lampa rawi madekai-Na. 11Ro pamao b̄a nahu b̄a one ndai nahu d̄i kamori mbali rad̄i madekaiku.
Ngoa ra tei kataho d̄i ru'u b̄a ela Ruma
12Nahu wati nggahiku b̄a one nahu wa'ura raka rakane'eku, atao wa'ura ndad̄i sampuruna. Pala nahu usaha ncaumpa fou hadia rasadia b̄a Ruma Isa Al Masih. Ru'u edeku Sia wa'ura wehana nahu ro kandad̄ina nahu ntau-Na. 13Tantuna, cina ra angi, nahu sapodakaina wati iuku b̄a one nahu wa'ura rakaku hadia rafou ede. Pala wara sab̄ua lampa rawi rakarawi b̄a nahu, eded̄u nefa b̄a nahu au ramawara d̄ikontu nahu, ro usaha kapodaku rakakai au ramawara d̄i tando. 14B̄ara ndedena, nahu rai ncau-ncauku lao aka kane'e cumpukaina d̄i rakakaiku ngolu, eded̄u mori d̄i saroga; ru'u edeku Ruma Hatalla oukaina ndaita kai ncai Ruma Isa Al Masih.
15Ndaita sara'a ma wa'ura tua kananu kai ade maraso, pab̄uaku ruku ra rawi b̄une ede. Pala nggara d̄i ade wekimu wara ma tau eli makalai, ndad̄i Ruma Hatalla d̄imangoa kab̄ae d̄i nggomid̄oho. 16Pala lampa rawi ake pab̄uapu tio kab̄ae: ndai pab̄ua ngge'empa mori b̄atu atora rawa'u b̄atu b̄a ndaita sampe ake.
17 #
1Kor. 4:16, 11:1 Cina ra angi sara'ana! B̄atupu ruku ra rawi nahu. Nami wa'ura mbeimu conto ma taho, b̄ara ndedena, tio kab̄ae poda-podapu dou-dou ma b̄atu raconto b̄a nami ede. 18Nahu wa'ura ntuwu ngoaku d̄i nggomid̄oho, ro ake ngoa mboda wali b̄a nahu kai nangi, b̄a one wara mboto dou ma morina maka'iha aona madekai Al Masih d̄i salib. 19Mori dou-dou b̄une ede d̄imanggori kai leli, b̄ara ruma siad̄oho eded̄u kane'e sarumbu ndai siad̄oho. Lampa rawi-lampa rawi ma kamaja, justru edeku d̄i banggakai b̄a siad̄oho; b̄ara siad̄oho nakananumpa lampa rawi ma ncihi ncao lab̄o dunia akempa. 20Pala ndaita eded̄u anggoata saroga. Rata'ede rauna Sangaji Mambei salama ndaita. Ruma Isa Al Masih, d̄imamai. Sia rangena-ngena b̄a ndai kai kapoda ade. 21Sarumbu ndai ma mapu ro ma loa leli ake, d̄i rungka b̄a Al Masih ndad̄i b̄une sarumbu ndai-Na ma d̄ese ra ntasa. Sia loakaina karawi ede, b̄ara Sia mantauna kuasa d̄imakakoa samenana au-au.
Currently Selected:
FILIPI 3: LAIBHP
Highlight
Copy
Compare
Share
Want to have your highlights saved across all your devices? Sign up or sign in
@LAI 2001
FILIPI 3
3
Lampa rawi ma sapodakaina
1Cumpukaina, cina ra angiku, pab̄uapu nggomid̄oho neo ademu b̄ara nggomid̄oho wa'ura sab̄ua lab̄o Ruma. Nahu wati iuku tani d̄imatunti mboda au rawa'u tunti b̄a nahu d̄i nggomid̄oho sawatipu b̄a ake; b̄ara lampa rawi ede taho d̄i salamakaimu. 2Aina kabare d̄i dou-dou ma karawi lampa rawi-lampa rawi ma dab̄ae, dou-dou ma patu d̄i pehekai ’lako’. Siad̄oho napakasaku loakud̄u dou-dou d̄i suna. 3Sapodakaina ndaira dou-dou ma wa'ura tarima suna masapodakaina, laina siad̄oho. Ndaita nemba Ruma Hatalla kai d̄ende b̄a Roh ndai Ruma Hatalla, ro ndaita syukura b̄a one ndaita mori sab̄ua lab̄o Ruma Isa Al Masih. Ndaita wati wi'ita weki d̄i upacara-upacara ma tada. 4Sapodakaina nahu loampa wi'i weki d̄i upacara-upacara ede. B̄ara nggara wara sab̄ua-b̄ua dou ma iu sia ntau alasa d̄i wi'ikaina weki d̄i upacara-upacara tabe'a ma tada, nahu ncewi wali. 5#Rm. 11:1, Kis. 23:6, 26:5 Nahu rasuna wakatu umuku waru nai. Nahu rawarakaiku kai dou Israel, rad̄i londo ra mai Benyamin; nahu dou Ibrani asali. D̄ei lampa rawi to'akai d̄i hukum Taurat, nahu eded̄u anggota golonga Farisi. 6#Kis. 8:3, 22:4, 26:9-11 Nahu nawancuku kapoda ade ndad̄i nahu kancokiku ela Ruma. Nggara d̄i tiosi d̄i hukum Taurat, nahu sab̄ua dou mataho ma wati wara ma'ihana. 7Pala b̄ara Al Masih, ndad̄i sara'a ma ntoina wi'ikai b̄a nahu kai sab̄ua ma kamaikaina laba, ake nandad̄i sab̄ua ma d̄i rugikai. 8Laina lampa rawi-lampa rawi ede mpoa; pala sara'a lampa rawi-lampa rawi wi'ikai b̄a nahu ma kamaikaina rugi mpoampa. Kantau b̄a nahu wakatu ake eded̄u nancewi taho co'i: eded̄u pata Isa Al Masih, Rumaku. B̄ara Al Masih, ndad̄i nahu wa'ura horiku samenana. Wi'ikai b̄a nahu sara'ana ede kai masaki mpoampa, loakud̄u nahu loa raka Al Masih, 9ro poda-poda sab̄uaku lab̄o Sia. Nahu wati wi'i waliku weki salamakai nahu d̄i ruku ra rawi mataho atao to'a d̄i hukum Allah, malaisi d̄i imbi b̄ara Al Masih ma kasalamana nahu, b̄ara Ruma Hatalla ma kancihi eded̄u karasona ndai d̄i tando d̄ese ra ntasa-Na kai dasa imbi ndaita, eded̄u wi'i weki d̄i Ruma Isa Al Masih mpoampa. 10Sab̄uampa menana d̄ine'e b̄a nahu eded̄u loakud̄u nahu pataku Al Masih, ro kai iu kuasa ma kamori Sia rad̄i madena. Nahu kane'e b̄atu susa ra ncoki lab̄o Sia ro ndad̄i sama b̄une Sia ade lampa rawi madekai-Na. 11Ro pamao b̄a nahu b̄a one ndai nahu d̄i kamori mbali rad̄i madekaiku.
Ngoa ra tei kataho d̄i ru'u b̄a ela Ruma
12Nahu wati nggahiku b̄a one nahu wa'ura raka rakane'eku, atao wa'ura ndad̄i sampuruna. Pala nahu usaha ncaumpa fou hadia rasadia b̄a Ruma Isa Al Masih. Ru'u edeku Sia wa'ura wehana nahu ro kandad̄ina nahu ntau-Na. 13Tantuna, cina ra angi, nahu sapodakaina wati iuku b̄a one nahu wa'ura rakaku hadia rafou ede. Pala wara sab̄ua lampa rawi rakarawi b̄a nahu, eded̄u nefa b̄a nahu au ramawara d̄ikontu nahu, ro usaha kapodaku rakakai au ramawara d̄i tando. 14B̄ara ndedena, nahu rai ncau-ncauku lao aka kane'e cumpukaina d̄i rakakaiku ngolu, eded̄u mori d̄i saroga; ru'u edeku Ruma Hatalla oukaina ndaita kai ncai Ruma Isa Al Masih.
15Ndaita sara'a ma wa'ura tua kananu kai ade maraso, pab̄uaku ruku ra rawi b̄une ede. Pala nggara d̄i ade wekimu wara ma tau eli makalai, ndad̄i Ruma Hatalla d̄imangoa kab̄ae d̄i nggomid̄oho. 16Pala lampa rawi ake pab̄uapu tio kab̄ae: ndai pab̄ua ngge'empa mori b̄atu atora rawa'u b̄atu b̄a ndaita sampe ake.
17 #
1Kor. 4:16, 11:1 Cina ra angi sara'ana! B̄atupu ruku ra rawi nahu. Nami wa'ura mbeimu conto ma taho, b̄ara ndedena, tio kab̄ae poda-podapu dou-dou ma b̄atu raconto b̄a nami ede. 18Nahu wa'ura ntuwu ngoaku d̄i nggomid̄oho, ro ake ngoa mboda wali b̄a nahu kai nangi, b̄a one wara mboto dou ma morina maka'iha aona madekai Al Masih d̄i salib. 19Mori dou-dou b̄une ede d̄imanggori kai leli, b̄ara ruma siad̄oho eded̄u kane'e sarumbu ndai siad̄oho. Lampa rawi-lampa rawi ma kamaja, justru edeku d̄i banggakai b̄a siad̄oho; b̄ara siad̄oho nakananumpa lampa rawi ma ncihi ncao lab̄o dunia akempa. 20Pala ndaita eded̄u anggoata saroga. Rata'ede rauna Sangaji Mambei salama ndaita. Ruma Isa Al Masih, d̄imamai. Sia rangena-ngena b̄a ndai kai kapoda ade. 21Sarumbu ndai ma mapu ro ma loa leli ake, d̄i rungka b̄a Al Masih ndad̄i b̄une sarumbu ndai-Na ma d̄ese ra ntasa. Sia loakaina karawi ede, b̄ara Sia mantauna kuasa d̄imakakoa samenana au-au.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2001