ANDEAN 26
26
1Bunokai udan doi tempo pital, tukon linggous doi tempo pital,
bunomo koidan panggaal tuuk mian longos aki napantas.
2Buno tomisi benga tukon malayang-layang doi dapang,
bunomo koidan totopi aki namoola kanakon doi mian moakiyo konasalah.
3Mian motimbiliyo kopasadai mian longas,
pokakana kona longasan tukon mian doo.
4Keledai sio nakinonoikon kona tambang, adalan sio nainumbas,
bunodoiya koidan komian longas sio nainumbas.
5Pasadai molongas sio tinimbili tukon potimbili molongas tolong,
sulano momasaidaidoo sadal baikon yana aki napandoi buno nasinangkadoo.
6Mobitokon meeng komian longas tuuk makapatu bilita,
pokakana molotoyo koaino susungo tukon mounggoliyo kosilakaan.
7Bunokai mian lemat mogunakanggene koaino,
bunomokai mian longas mo bantile kona otunggul.
8Nggale komian moakiyo kona montoiyan,
buno boboiyo moso-mosoot kobatu doi dimbaalot.
9Bunokai pamalangu mokaluale kosonit luwedoi limano,
bunomokai mian longas mo bantile kona otunggul.
10Indee komo beena limang komian longas kai sabalang komian
naikon kubaiyo rugi badaang komian.
11 #
2Ptr. 2:22
Bunokai asu abali doi natoluwe,
bunomokai komian longas kuaikene kona longasan.
12Komian molongas idan daanon lobian monondok
luwedoi mian mo anggene kobutongo pandoi.
13Mian moaki namoola yase dungol doibonua:
yana bantile, “Daano kosinga doi tonggulung
yaku tutuu mosinoku doi loloon tangano.”
14Bunokai tatapan bapasokonan doi nahensel,
bunomokai komian moaki namolole
nggoli-nggolinge kobutongo doi tampat mooloan bunggono.
15Daanon komian moaki namolole tuuno;
usekene kokinaan doi suungo kai aki nateali.
16Mian moaki namolole anggene ko butongo lobian pandoi
tadukai pittu komian mo beena potimbili mo tapaat.
17Komian molaing usok doi podanganian lalomo mobolikon nausulan
pokakana buno mian mo malako asu mbosalo doi tolungaino.
18-19Mian mokala-kala, maka bantil,
“Yaku tolongo popiada tolong,” pokakana
tukon mian tindo mo balamain
tukon nasanjata mokabaiyo bahaya.
20Kalukai kokayung kabuso, posoiyomo koaung;
kalu motombosalitaan akiyono, podanganian doo tademo.
21Bunokai ayong tukon kayung kubaiyo koaung tataap kait;
bunomokai mian mo yase podanganian osumbute kaadaan.
22Basalitakene komian doo monondok tuuno;
mian yase molemese.
23Bunokai tobunang buta sinaut salaka,
bunomokai mian momaamis doi suungo, bai konoano lokis.
24Kaipomisikiton nabantilan-bantilan maamis
bai konoano moono baka-kalaan.
25Maukai yana doo tombo salitaan, inaikai pomanggangga;
sabab mosikitan kuasaiyomo konoano.
26Maukai yana seekene kona mosikitan,
saibino komian naikon kitayo kona kulokisan.
27Inde komo kalio kubuang tuuk mian bailon,
naikon topolos doi lalomo.
Inde komo nggolinggene ko batu sulano napisaiyo komian bailon,
naikon batudoo komopisaiyo susuungo.
28Mokokolii mian pokakanakai tukon misikitene.
Maamis kosusungo lubatene kosilakaan.
Currently Selected:
ANDEAN 26: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
ANDEAN 26
26
1Bunokai udan doi tempo pital, tukon linggous doi tempo pital,
bunomo koidan panggaal tuuk mian longos aki napantas.
2Buno tomisi benga tukon malayang-layang doi dapang,
bunomo koidan totopi aki namoola kanakon doi mian moakiyo konasalah.
3Mian motimbiliyo kopasadai mian longas,
pokakana kona longasan tukon mian doo.
4Keledai sio nakinonoikon kona tambang, adalan sio nainumbas,
bunodoiya koidan komian longas sio nainumbas.
5Pasadai molongas sio tinimbili tukon potimbili molongas tolong,
sulano momasaidaidoo sadal baikon yana aki napandoi buno nasinangkadoo.
6Mobitokon meeng komian longas tuuk makapatu bilita,
pokakana molotoyo koaino susungo tukon mounggoliyo kosilakaan.
7Bunokai mian lemat mogunakanggene koaino,
bunomokai mian longas mo bantile kona otunggul.
8Nggale komian moakiyo kona montoiyan,
buno boboiyo moso-mosoot kobatu doi dimbaalot.
9Bunokai pamalangu mokaluale kosonit luwedoi limano,
bunomokai mian longas mo bantile kona otunggul.
10Indee komo beena limang komian longas kai sabalang komian
naikon kubaiyo rugi badaang komian.
11 #
2Ptr. 2:22
Bunokai asu abali doi natoluwe,
bunomokai komian longas kuaikene kona longasan.
12Komian molongas idan daanon lobian monondok
luwedoi mian mo anggene kobutongo pandoi.
13Mian moaki namoola yase dungol doibonua:
yana bantile, “Daano kosinga doi tonggulung
yaku tutuu mosinoku doi loloon tangano.”
14Bunokai tatapan bapasokonan doi nahensel,
bunomokai komian moaki namolole
nggoli-nggolinge kobutongo doi tampat mooloan bunggono.
15Daanon komian moaki namolole tuuno;
usekene kokinaan doi suungo kai aki nateali.
16Mian moaki namolole anggene ko butongo lobian pandoi
tadukai pittu komian mo beena potimbili mo tapaat.
17Komian molaing usok doi podanganian lalomo mobolikon nausulan
pokakana buno mian mo malako asu mbosalo doi tolungaino.
18-19Mian mokala-kala, maka bantil,
“Yaku tolongo popiada tolong,” pokakana
tukon mian tindo mo balamain
tukon nasanjata mokabaiyo bahaya.
20Kalukai kokayung kabuso, posoiyomo koaung;
kalu motombosalitaan akiyono, podanganian doo tademo.
21Bunokai ayong tukon kayung kubaiyo koaung tataap kait;
bunomokai mian mo yase podanganian osumbute kaadaan.
22Basalitakene komian doo monondok tuuno;
mian yase molemese.
23Bunokai tobunang buta sinaut salaka,
bunomokai mian momaamis doi suungo, bai konoano lokis.
24Kaipomisikiton nabantilan-bantilan maamis
bai konoano moono baka-kalaan.
25Maukai yana doo tombo salitaan, inaikai pomanggangga;
sabab mosikitan kuasaiyomo konoano.
26Maukai yana seekene kona mosikitan,
saibino komian naikon kitayo kona kulokisan.
27Inde komo kalio kubuang tuuk mian bailon,
naikon topolos doi lalomo.
Inde komo nggolinggene ko batu sulano napisaiyo komian bailon,
naikon batudoo komopisaiyo susuungo.
28Mokokolii mian pokakanakai tukon misikitene.
Maamis kosusungo lubatene kosilakaan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in