ANDEAN 16
16
1Kobanggapi moola mokubai niat,
bai Mian Bisa komo putusiyo.
2Samba komian nakokubai moolakai monondok doi napambaleng susuungo,
bai Temenenokai monilaiyo konoano namakisuud.
3Monggianggakenemokai sasaibino komu niat doi Temeneno;
maka ikoo naikon balahasil mo lakukene.
4Sasaibino kolobo Temeneno nakinubai daano konatujuiyo;
tukon natujuiyo tuuk doi mian lokis doiyamo silakaan.
5Saibino komian babanggal Temeneno misikitene;
Yana aki nasodiikene yanila luput luwedoi ukuman.
6Komian mototobos doi Mian Bisa naikon malaat pongompuni:
Mian momangangga naikon luput luwedoi sasaibino kokulokisan.
7Kalu ikoo tenaanggene ko Temeneno noano,
mumusuh-musuh yana tealikene tulano.
8Lobian monondok kohasilo soisik tukon najujuran,
luwedoi nahasil badaang tukon aki naadil.
9Banggapi moola makabai niat,
bai Mian Bisa motantukene kona loloon tuboan.
10Tomundo matalima kuasa luwedoi Mian Bisa,
jadi, yana akuyo konasalah doi nakaputusan lalomo.
11 Temeneno yase komian mojujul doi nabadagangan lalomo,
koidan mapake ukulan tukon timbangan.
12Tuuk mobalakuasa, makabai lokis daanokai kulokisan,
sabab napamarentaan monggol sabab kaadilan.
13Katalangan mokana tananggene komo balakuasa,
yana mamasikene komian mo basilingan tukon jujul.
14Tomundo nanggimalan bunokai bilita ukuman mate;
mian momamangan konapikiran naikon balausaha nakependeo.
15Tomundo noano namonondokan lubatene kotuboan monondok,
buno bunom molebesenggene koudan doi tempo pital.
16Malaat pandoian moddoon kona lobianan monondok luwedoi malaatan mosoni;
malaat montoiyan lobian koanggano luwedoi malaatan tambaga.
17Komian monondok dedenggene komo kulokis;
mian mopalaatikanggene kona cara tuboan, lindungiyo kopulino.
18Kobabanggalan kobaliko kalusakan;
kobabanggalan kobaliko otuwongan.
19Tadukai pependeo konoano tukon akiyo konabuat;
luwedoi molainge komian babanggal tukon mosananggene kobuat yanila molampase.
20Palaatikanggene oila komo inotunggukon doikoo, maka ikoo naikon malaat oila komomonondok;
anggayomo ko Temeneno, maka ikoo naikon monondoko.
21Komian momamangan konapikiran tiningonii luwedoi napikiran momamangan;
nacara basilingan menalik kubayo kona bantilan-bantilan pololokon nainangga.
22Kopikiran namamanganan doiyamo mian monondok konoano naluwean konatuboan;
mian longas sakisaa luwedoi nalongasan susuungo.
23Komian monondok konoano napikiran kubaiyo kona bantilan-bantilan mamangan;
tukon naotunggul pololokon inangga.
24Bantilan momiuk buno dokot;
maamis kotamiso tukon butongo kekedek.
25 #
And. 14:12
Daanon kololoon motokita moloyos,
bai doibundu loloon doo konatujuiyo matean.
26Komomotaan tuuk makaan delenge komian sulano berusaha;
sabab tiano, maka yana pakisayo balimang.
27Komian lokis berusaha silakayo kotulano;
kona bantilan-bantilan lokis buno aung mokait.
28Komian molokis osumbute kopodanganian;
tombosalitaon tinggale kona sobat tuuno.
29Komian monggimolon tipuwo kotula-tulano;
tukon babayo yanila doi susah lalomo.
30Badagaikai doi mian moboit tukon balamaenggene komatano;
yana daanon baniatene kokulokisan doi noano lalomo.
31Komian mojujul naikon bineekai umur momoloas;
kona buuk mbombol buno kai makota motontilan.
32Aki namosobit nggimal tadukai luwedoi modaano konakuasa;
kuasaiyo kobutongo tadukai luwedoi lungguiyano kota.
33Sulano ndatoiyo kotuboan, kobanggapi sabut lot,
bai komo tantukene kopotimbilino tolongo Temeneno susungo.
Currently Selected:
ANDEAN 16: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
ANDEAN 16
16
1Kobanggapi moola mokubai niat,
bai Mian Bisa komo putusiyo.
2Samba komian nakokubai moolakai monondok doi napambaleng susuungo,
bai Temenenokai monilaiyo konoano namakisuud.
3Monggianggakenemokai sasaibino komu niat doi Temeneno;
maka ikoo naikon balahasil mo lakukene.
4Sasaibino kolobo Temeneno nakinubai daano konatujuiyo;
tukon natujuiyo tuuk doi mian lokis doiyamo silakaan.
5Saibino komian babanggal Temeneno misikitene;
Yana aki nasodiikene yanila luput luwedoi ukuman.
6Komian mototobos doi Mian Bisa naikon malaat pongompuni:
Mian momangangga naikon luput luwedoi sasaibino kokulokisan.
7Kalu ikoo tenaanggene ko Temeneno noano,
mumusuh-musuh yana tealikene tulano.
8Lobian monondok kohasilo soisik tukon najujuran,
luwedoi nahasil badaang tukon aki naadil.
9Banggapi moola makabai niat,
bai Mian Bisa motantukene kona loloon tuboan.
10Tomundo matalima kuasa luwedoi Mian Bisa,
jadi, yana akuyo konasalah doi nakaputusan lalomo.
11 Temeneno yase komian mojujul doi nabadagangan lalomo,
koidan mapake ukulan tukon timbangan.
12Tuuk mobalakuasa, makabai lokis daanokai kulokisan,
sabab napamarentaan monggol sabab kaadilan.
13Katalangan mokana tananggene komo balakuasa,
yana mamasikene komian mo basilingan tukon jujul.
14Tomundo nanggimalan bunokai bilita ukuman mate;
mian momamangan konapikiran naikon balausaha nakependeo.
15Tomundo noano namonondokan lubatene kotuboan monondok,
buno bunom molebesenggene koudan doi tempo pital.
16Malaat pandoian moddoon kona lobianan monondok luwedoi malaatan mosoni;
malaat montoiyan lobian koanggano luwedoi malaatan tambaga.
17Komian monondok dedenggene komo kulokis;
mian mopalaatikanggene kona cara tuboan, lindungiyo kopulino.
18Kobabanggalan kobaliko kalusakan;
kobabanggalan kobaliko otuwongan.
19Tadukai pependeo konoano tukon akiyo konabuat;
luwedoi molainge komian babanggal tukon mosananggene kobuat yanila molampase.
20Palaatikanggene oila komo inotunggukon doikoo, maka ikoo naikon malaat oila komomonondok;
anggayomo ko Temeneno, maka ikoo naikon monondoko.
21Komian momamangan konapikiran tiningonii luwedoi napikiran momamangan;
nacara basilingan menalik kubayo kona bantilan-bantilan pololokon nainangga.
22Kopikiran namamanganan doiyamo mian monondok konoano naluwean konatuboan;
mian longas sakisaa luwedoi nalongasan susuungo.
23Komian monondok konoano napikiran kubaiyo kona bantilan-bantilan mamangan;
tukon naotunggul pololokon inangga.
24Bantilan momiuk buno dokot;
maamis kotamiso tukon butongo kekedek.
25 #
And. 14:12
Daanon kololoon motokita moloyos,
bai doibundu loloon doo konatujuiyo matean.
26Komomotaan tuuk makaan delenge komian sulano berusaha;
sabab tiano, maka yana pakisayo balimang.
27Komian lokis berusaha silakayo kotulano;
kona bantilan-bantilan lokis buno aung mokait.
28Komian molokis osumbute kopodanganian;
tombosalitaon tinggale kona sobat tuuno.
29Komian monggimolon tipuwo kotula-tulano;
tukon babayo yanila doi susah lalomo.
30Badagaikai doi mian moboit tukon balamaenggene komatano;
yana daanon baniatene kokulokisan doi noano lalomo.
31Komian mojujul naikon bineekai umur momoloas;
kona buuk mbombol buno kai makota motontilan.
32Aki namosobit nggimal tadukai luwedoi modaano konakuasa;
kuasaiyo kobutongo tadukai luwedoi lungguiyano kota.
33Sulano ndatoiyo kotuboan, kobanggapi sabut lot,
bai komo tantukene kopotimbilino tolongo Temeneno susungo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in