ANDEAN 14
14
1Kobonua lolongguno boine momamangan konapikiran komo bangune,
bai kona longasan komo lubange.
2Komian mojujul matakut tukon odotio ko Temeneno Mian Bisa;
komian natuboan moaki namoloyos totulaiyo Yana.
3Sabab napongaan, mian longas yase kabasale kobutongo;
komian momamangan konapikiran naikon sininggouli sabab doi nabantilan-bantilan susungo.
4Akiyo kosaapi, akiyo kohasilo koasi;
tukon saapi nabukuanan naikon bapuian badaang.
5Sakisii mojujul sidutu bantile kai komobisa;
sakisii moaki nainangga sidutu bakala-kala.
6Komian mobabanggaal aki naikon teali mamangan konapikiran;
mian mopandoi balajal tukon aki nasulit.
7Inaikai mopolaing tukon mian molongas;
akiyo komo laate nainotunggukon doi komuyu.
8Komian momamangan konapikiran toiyo sio bulaando kona kabaiyano;
mian longas totipu doi nalongasan.
9Komian longas aki napaduliyo oilakai nalalim inompuni kai aki;
mian monondok yase nainompuni kona lalim.
10Sanaang kai susah tangaboso doi noano lalomo;
komian bailon aki natulutiyo lasakanggene.
11Komian monondok nabonua tataap mongggol;
mian lokis nabonua naikon tolubang.
12 #
And. 16:25
Daano kololoon motokita moloyos,
bai doibundu loloon doo sasalane komatean.
13Doi kokumbitan baliko daano kokkiilan;
kotedesan laatemo kona pupusan tukon matean.
14Komian lokis naikon pupuwo kokulokisan saono;
mian monondok naikon mopupui monondokan saono.
15Komian longas anggayo doi samba kobantilan;
mian mamangan konapikiran natindakan ati-ati.
16Komian monondok kona pikiran sidutu badagai tukon dedenggene kokulokisan;
mian longas naikon sanaang, maka nalasayo aman.
17Komian moyase nggimolon longas natindakan;
mian mamangan konapikiran kotambongo sabar.
18Komian moakiyo kona pangalaman naikon teali longas;
komian mamangan konapikiran naikon tosuungi komontoiyan.
19Komian lokis naikon loingiyo doi mian momoloyos konoano;
tuuk makabi sulano nasineneseang.
20Komian motalalais kotula-tulano, aki nasanaanggene;
bai mian mokaasa badaang konasobat.
21Indee mototulaiyo komian bailon mokubai lalim;
indee komonondok konoano doi mian motalalais naikon sanaang.
22Indee komo usaha monondok naikon inangga tukon malaat pongodotii;
indee komo baniatene mokulokis daanon doi loloon mosasaat.
23Doi samba kousaha lalomo daano konauntung;
basalitaan mokosong kabayo komian tuwong talalais.
24Komian momamangan konapikiran ngginaal sabab namamanganan konapikiran;
mian longas tololongol sabab nalongasan.
25Kalu meeng komian sakisii bantile kana yana salamatene kobutongo;
kalu yana bakalakala, yana loilokise kotulano.
26Komian momangangga doi Temeneno teali aman;
tukon nakaluargaa naikon daano konasoopan.
27Maanggaan doi Temeneno daanon namonondokan uuno;
tukon loloon tuuk modedenggene komatean.
28Kotomundo nakasaan tobinggakon doi narayat nakandang;
akiyo korayat yana aki nabalakuasa.
29Komian momamangan konapikiran aki namosobit nggimal;
komian longas aki nalaate taane kobutongo.
30Noa motanaang makalikodong kobutongo;
misikit konoano bunokai panakit momangakate.
31Indee komonondok kona kakabai doi mian motalalais, odotiyo kona Mian Bisa;
indee komopipike komian mo miuk totulaiyo komo tealikene.
32Komian lokis silaka sabab nakulokisan;
mian monondok soop doi namololean.
33Kopandoiyan sidutu daano doi mian momonondok konoano doi napikiran lalomo;
bai mopinipiik doi mian longas napikiran lalomo.
34Kokaadilan tukon monondokan bingkate kobangsa natanganggaan,
bai kolalim kubaiyo kobangsa teali susah.
35Tomundo sanaang doi napawe mopandoi;
bai yana nggimoliyo kopagawe moaki naampakokene kona limang.
Currently Selected:
ANDEAN 14: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
ANDEAN 14
14
1Kobonua lolongguno boine momamangan konapikiran komo bangune,
bai kona longasan komo lubange.
2Komian mojujul matakut tukon odotio ko Temeneno Mian Bisa;
komian natuboan moaki namoloyos totulaiyo Yana.
3Sabab napongaan, mian longas yase kabasale kobutongo;
komian momamangan konapikiran naikon sininggouli sabab doi nabantilan-bantilan susungo.
4Akiyo kosaapi, akiyo kohasilo koasi;
tukon saapi nabukuanan naikon bapuian badaang.
5Sakisii mojujul sidutu bantile kai komobisa;
sakisii moaki nainangga sidutu bakala-kala.
6Komian mobabanggaal aki naikon teali mamangan konapikiran;
mian mopandoi balajal tukon aki nasulit.
7Inaikai mopolaing tukon mian molongas;
akiyo komo laate nainotunggukon doi komuyu.
8Komian momamangan konapikiran toiyo sio bulaando kona kabaiyano;
mian longas totipu doi nalongasan.
9Komian longas aki napaduliyo oilakai nalalim inompuni kai aki;
mian monondok yase nainompuni kona lalim.
10Sanaang kai susah tangaboso doi noano lalomo;
komian bailon aki natulutiyo lasakanggene.
11Komian monondok nabonua tataap mongggol;
mian lokis nabonua naikon tolubang.
12 #
And. 16:25
Daano kololoon motokita moloyos,
bai doibundu loloon doo sasalane komatean.
13Doi kokumbitan baliko daano kokkiilan;
kotedesan laatemo kona pupusan tukon matean.
14Komian lokis naikon pupuwo kokulokisan saono;
mian monondok naikon mopupui monondokan saono.
15Komian longas anggayo doi samba kobantilan;
mian mamangan konapikiran natindakan ati-ati.
16Komian monondok kona pikiran sidutu badagai tukon dedenggene kokulokisan;
mian longas naikon sanaang, maka nalasayo aman.
17Komian moyase nggimolon longas natindakan;
mian mamangan konapikiran kotambongo sabar.
18Komian moakiyo kona pangalaman naikon teali longas;
komian mamangan konapikiran naikon tosuungi komontoiyan.
19Komian lokis naikon loingiyo doi mian momoloyos konoano;
tuuk makabi sulano nasineneseang.
20Komian motalalais kotula-tulano, aki nasanaanggene;
bai mian mokaasa badaang konasobat.
21Indee mototulaiyo komian bailon mokubai lalim;
indee komonondok konoano doi mian motalalais naikon sanaang.
22Indee komo usaha monondok naikon inangga tukon malaat pongodotii;
indee komo baniatene mokulokis daanon doi loloon mosasaat.
23Doi samba kousaha lalomo daano konauntung;
basalitaan mokosong kabayo komian tuwong talalais.
24Komian momamangan konapikiran ngginaal sabab namamanganan konapikiran;
mian longas tololongol sabab nalongasan.
25Kalu meeng komian sakisii bantile kana yana salamatene kobutongo;
kalu yana bakalakala, yana loilokise kotulano.
26Komian momangangga doi Temeneno teali aman;
tukon nakaluargaa naikon daano konasoopan.
27Maanggaan doi Temeneno daanon namonondokan uuno;
tukon loloon tuuk modedenggene komatean.
28Kotomundo nakasaan tobinggakon doi narayat nakandang;
akiyo korayat yana aki nabalakuasa.
29Komian momamangan konapikiran aki namosobit nggimal;
komian longas aki nalaate taane kobutongo.
30Noa motanaang makalikodong kobutongo;
misikit konoano bunokai panakit momangakate.
31Indee komonondok kona kakabai doi mian motalalais, odotiyo kona Mian Bisa;
indee komopipike komian mo miuk totulaiyo komo tealikene.
32Komian lokis silaka sabab nakulokisan;
mian monondok soop doi namololean.
33Kopandoiyan sidutu daano doi mian momonondok konoano doi napikiran lalomo;
bai mopinipiik doi mian longas napikiran lalomo.
34Kokaadilan tukon monondokan bingkate kobangsa natanganggaan,
bai kolalim kubaiyo kobangsa teali susah.
35Tomundo sanaang doi napawe mopandoi;
bai yana nggimoliyo kopagawe moaki naampakokene kona limang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in