AYUB 41
41
1 #
Sad. 74:14, 104:26; Yes. 27:1 Kai moola mulakoyo kobuea Lewiatan,
tolongo tukon meeng koikan pekano?
Kai moola mukeete koalepo
tukon alos-alos poboi?
2Kai moola mukonoikene koalos doi soongano
kai besi pakait doi adeno?
3Kai moola nakabiyo doi komuyu sulano nasinodiikon?
kai balunding tukon ikoo, kabiyo komaasino?
4Kai moola namakabi palasatujuan tukon komuyu,
tukon paladandi naikon sidutu moleleaniyo komuyu?
5Kai moola muboboiyo yana buno tomisi mopiniala,
mosanaanggene koata-ata moluko?
6Kai kotolosabang-sabang moola nabadaganggene yana;
tukon inobos-obos doi sasaibino kopadagang?
7Kai moola mutebeke kokulito tukon pandong motolu komatano,
kai ikoo sakule yana tukon besi momandepa motadule kooluno?
8Singgile yana koikoidan,
tukon akimo naikon mukuaikene;
dopoakateanoo aki naikon mutoliminggene sidutu-posidutukon.
9Sasamba komian mokitayo Lewiatan,
naikon teali miyuk maka otuwong poso.
10Yana nggimal kalu binangun luwedoi namooloan;
akiyo komeeng domianoo mobarani kokondong doi salaano.
11 #
Rm. 11:35
Indee komo moola lobosiyo yana moaki nakanakon susah?
Doi dunia nia akiyo komo sanggupe lakukene.
12Maimo kusalitayo kaliangano Lewiatan butongo anggotano,
nabukuanan kaliangano tukon ndondoongo monggaangan.
13Akiyokai komeeng komian momoola bendinge konakalambi doi tonggulung
kai motadule konakalambi polobosian yana mopakeyo.
14Indee komo moola bukayo kongoolo mobukuan,
modaano kongoli-ngolingo modeikon lobo?
15Buno tombinde moposusuni, doiyamo kobungguto
lambot polopoti, buno batu namatikasan.
16Popisa-pisai, toboboi tuuno,
tobikon kombombuul naaki nateali usok doi lalom.
17Dotombindedoo bunomodoiya konamoonggolan
tobikon aki nateali pinoalaason.
18Kalukai Lewiatan sambaing, daano kolaango;
mangkilat komatano buno nasumbotan kooloyo
19totipas koaung lodono doi suungo;
koaung napalapiitan tasabukon doiyayaa.
20Kobung kotibolung luwedoi soongano lalomo
buno kayung mosinua tibolungo doi balanga bilito.
21Konansaang akaite kobala;
koaung nakaitan tobuat luwedoi babano.
22Kooluno bunodoiya kona bukuanan
tobikon sasaibino matakut doi salaano.
23Akiyo kotampat momuyuk doi kulito;
aki nateali mapasah sabab matikas tuuno.
24Konoano namoonggolan buno batu, aki natingoniiyo kosusah
moonggol tukon matikas buno batu bagilingan.
25Kalu yana tubo, mian mobukuanoo lapus konabukuanan,
kubaiyo akiyo konadaya sabab matakuto tuuno.
26Akiyo kosabel molaate pokoloniyo;
pandong, pana kai sosibuk aki nalaate osokitiyo.
27Yana anggene kobesi buno bulung konaalusan
tukon kotambaga buno kayung moakiyo koloono.
28Akiyo kopanah momoola siikayo yana;
kobatu molinombitikon yana tolongo buno bulung.
29Kopakakas pongumbas musuh yana anggene buno bulung momotuul;
yana kokumbit kalu komian sokulikene kososiduk.
30Anano doi tiano buno kaca pasano mosusuungan kobunduno.
Salaku pakakas pakali yana kaliyo kolapetak tukon batayo.
31Yana gulake kotobun tobikon buno paisu bukal;
buno paang masaangan lisison mobukal-bukal.
32Yana tinggale koaino salaano laalo moano kolaango,
yana boliiyo kotobun teali bukalo momoute kotambongo.
33Doi dunia bunggono akiyo kona pokakanaan;
lobo motubo moaki natoiyo matakut, doiyamo yana!
34Iyayon motambongan tuuno yanakai kitayo kulokis;
doi antara sasaibino koiyayon mobarani, yanamo kotomundo.”
Currently Selected:
AYUB 41: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
AYUB 41
41
1 #
Sad. 74:14, 104:26; Yes. 27:1 Kai moola mulakoyo kobuea Lewiatan,
tolongo tukon meeng koikan pekano?
Kai moola mukeete koalepo
tukon alos-alos poboi?
2Kai moola mukonoikene koalos doi soongano
kai besi pakait doi adeno?
3Kai moola nakabiyo doi komuyu sulano nasinodiikon?
kai balunding tukon ikoo, kabiyo komaasino?
4Kai moola namakabi palasatujuan tukon komuyu,
tukon paladandi naikon sidutu moleleaniyo komuyu?
5Kai moola muboboiyo yana buno tomisi mopiniala,
mosanaanggene koata-ata moluko?
6Kai kotolosabang-sabang moola nabadaganggene yana;
tukon inobos-obos doi sasaibino kopadagang?
7Kai moola mutebeke kokulito tukon pandong motolu komatano,
kai ikoo sakule yana tukon besi momandepa motadule kooluno?
8Singgile yana koikoidan,
tukon akimo naikon mukuaikene;
dopoakateanoo aki naikon mutoliminggene sidutu-posidutukon.
9Sasamba komian mokitayo Lewiatan,
naikon teali miyuk maka otuwong poso.
10Yana nggimal kalu binangun luwedoi namooloan;
akiyo komeeng domianoo mobarani kokondong doi salaano.
11 #
Rm. 11:35
Indee komo moola lobosiyo yana moaki nakanakon susah?
Doi dunia nia akiyo komo sanggupe lakukene.
12Maimo kusalitayo kaliangano Lewiatan butongo anggotano,
nabukuanan kaliangano tukon ndondoongo monggaangan.
13Akiyokai komeeng komian momoola bendinge konakalambi doi tonggulung
kai motadule konakalambi polobosian yana mopakeyo.
14Indee komo moola bukayo kongoolo mobukuan,
modaano kongoli-ngolingo modeikon lobo?
15Buno tombinde moposusuni, doiyamo kobungguto
lambot polopoti, buno batu namatikasan.
16Popisa-pisai, toboboi tuuno,
tobikon kombombuul naaki nateali usok doi lalom.
17Dotombindedoo bunomodoiya konamoonggolan
tobikon aki nateali pinoalaason.
18Kalukai Lewiatan sambaing, daano kolaango;
mangkilat komatano buno nasumbotan kooloyo
19totipas koaung lodono doi suungo;
koaung napalapiitan tasabukon doiyayaa.
20Kobung kotibolung luwedoi soongano lalomo
buno kayung mosinua tibolungo doi balanga bilito.
21Konansaang akaite kobala;
koaung nakaitan tobuat luwedoi babano.
22Kooluno bunodoiya kona bukuanan
tobikon sasaibino matakut doi salaano.
23Akiyo kotampat momuyuk doi kulito;
aki nateali mapasah sabab matikas tuuno.
24Konoano namoonggolan buno batu, aki natingoniiyo kosusah
moonggol tukon matikas buno batu bagilingan.
25Kalu yana tubo, mian mobukuanoo lapus konabukuanan,
kubaiyo akiyo konadaya sabab matakuto tuuno.
26Akiyo kosabel molaate pokoloniyo;
pandong, pana kai sosibuk aki nalaate osokitiyo.
27Yana anggene kobesi buno bulung konaalusan
tukon kotambaga buno kayung moakiyo koloono.
28Akiyo kopanah momoola siikayo yana;
kobatu molinombitikon yana tolongo buno bulung.
29Kopakakas pongumbas musuh yana anggene buno bulung momotuul;
yana kokumbit kalu komian sokulikene kososiduk.
30Anano doi tiano buno kaca pasano mosusuungan kobunduno.
Salaku pakakas pakali yana kaliyo kolapetak tukon batayo.
31Yana gulake kotobun tobikon buno paisu bukal;
buno paang masaangan lisison mobukal-bukal.
32Yana tinggale koaino salaano laalo moano kolaango,
yana boliiyo kotobun teali bukalo momoute kotambongo.
33Doi dunia bunggono akiyo kona pokakanaan;
lobo motubo moaki natoiyo matakut, doiyamo yana!
34Iyayon motambongan tuuno yanakai kitayo kulokis;
doi antara sasaibino koiyayon mobarani, yanamo kotomundo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in