YESAYA 25
25
Manyanyian nggaalano ko Temeneno
1 Temeneno, Ikoomokai daku Mian Bisa,
yaku akabasale Ikoo tukon yaku nggaale Kosambumu.
Sabab Komu kokubai-kokubai minasaindinggon tuuno;
Ikoo batetelikenemo salataa doi looluk,
tukon ikoo kubaiyo tukon molole.
2Yaku manasemo kabus dokotadoo;
dokotadoo mopinagar kayung teali molombo.
Kokamali mian molulubaton mobangune manaso,
tukon akimo nabinangun posidu-sidutukon.
3Ikoo naikon ngginaanggaal luwedoi bangsa mobukuan,
tukon kobangsa-bangsa mobarani tukon lokis naikon matakutene ko Temeneno.
4Sabab Ikoo teali mian moaki nabukuan nasoopan,
tampat mian motalalais narasaano aman.
Ikoomokai kosoopan luwedoi sokoy,
soopan luwedoi pintal momoonas tuuno.
Sabab ikoo lokis doi mulubatan momolobosi
pokakana kosokoy doi tempo timul,
5pokakana kombombuul pintal doi buta mokindololon.
Bai Ikoo kubaiyo komai musuh aki nabiyok-biyok,
yaku atadeiyo komian molokis nanggele-nggeleamonan,
pokakana kosoopan doi bunom mopopookiyo kooloyo matano momoonas.
Ko Mian Bisa sadiayo koramean
6Doi Bunggul Sion, ko Temeneno Mobabasal Konakuasa yana sadiakonemo koramean motuuk doi sasaibino kobangsa doi dunia. Yana sidake kokinaan momaamis tuuno tukon anggur paisuno mopinili. 7Doi bunggul bunggonodoo. Yana naikon sobiiyo kobunom susaan motombukiyo sasaibino kobangsa-bangsa. 8#1Kor. 15:54; Ink. 7:17, 21:4 Ko Temeneno Mobabasal Konakuasa naikon akateyo kabus komaut polong sidutu-posidutukon! Yana naikon apuse komian matano paisuno moluwedoi doi sasamba komian duduso, tukon edeenggene kopototulai doi naumat motanggunge doi posaapon kodunia. Ko Temeneno lapamo bantile, tukon doiya pasti teali.
9Doitempodoo komian naikon bantile,
“Konatutuuwan, iyanamokai konda Mian Bisa;
iyanamokai konda tinotiili,
sulano nda sinalamaton.
Tutuu, naiyamokai ko Temeneno;
iyanamokai konda tinotiili.
Budodoiya kita wookon laba-laba,
sabab iyana salamatenemo kita.”
Ko Mian Bisa hukume ko Moab
10 #
Yes. 15:1–16:14; Yer. 48:1-47; Yeh. 25:8-11; Am. 2:1-3; Zef. 2:8-11 Ko Temeneno naikon lindungiyo ko Bunggul Sion, bai ko Moab pinipiik pokakana kolembut doi nainabosan. 11Kotumbuno naikon ulule kolimano pokakana komian mobatotobo kayok doi tobun. Bai ko Temeneno naikon akiyenggene konapo babanggaalan tobikon doiya akinapo moola mokubai oioila.
12Ko Moab nabenteng-benteng tukon kopagaro mobinetoon motatandak tuuno naikon linubang tukon tinikakon doi buta teali manas buno abu.
Currently Selected:
YESAYA 25: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 25
25
Manyanyian nggaalano ko Temeneno
1 Temeneno, Ikoomokai daku Mian Bisa,
yaku akabasale Ikoo tukon yaku nggaale Kosambumu.
Sabab Komu kokubai-kokubai minasaindinggon tuuno;
Ikoo batetelikenemo salataa doi looluk,
tukon ikoo kubaiyo tukon molole.
2Yaku manasemo kabus dokotadoo;
dokotadoo mopinagar kayung teali molombo.
Kokamali mian molulubaton mobangune manaso,
tukon akimo nabinangun posidu-sidutukon.
3Ikoo naikon ngginaanggaal luwedoi bangsa mobukuan,
tukon kobangsa-bangsa mobarani tukon lokis naikon matakutene ko Temeneno.
4Sabab Ikoo teali mian moaki nabukuan nasoopan,
tampat mian motalalais narasaano aman.
Ikoomokai kosoopan luwedoi sokoy,
soopan luwedoi pintal momoonas tuuno.
Sabab ikoo lokis doi mulubatan momolobosi
pokakana kosokoy doi tempo timul,
5pokakana kombombuul pintal doi buta mokindololon.
Bai Ikoo kubaiyo komai musuh aki nabiyok-biyok,
yaku atadeiyo komian molokis nanggele-nggeleamonan,
pokakana kosoopan doi bunom mopopookiyo kooloyo matano momoonas.
Ko Mian Bisa sadiayo koramean
6Doi Bunggul Sion, ko Temeneno Mobabasal Konakuasa yana sadiakonemo koramean motuuk doi sasaibino kobangsa doi dunia. Yana sidake kokinaan momaamis tuuno tukon anggur paisuno mopinili. 7Doi bunggul bunggonodoo. Yana naikon sobiiyo kobunom susaan motombukiyo sasaibino kobangsa-bangsa. 8#1Kor. 15:54; Ink. 7:17, 21:4 Ko Temeneno Mobabasal Konakuasa naikon akateyo kabus komaut polong sidutu-posidutukon! Yana naikon apuse komian matano paisuno moluwedoi doi sasamba komian duduso, tukon edeenggene kopototulai doi naumat motanggunge doi posaapon kodunia. Ko Temeneno lapamo bantile, tukon doiya pasti teali.
9Doitempodoo komian naikon bantile,
“Konatutuuwan, iyanamokai konda Mian Bisa;
iyanamokai konda tinotiili,
sulano nda sinalamaton.
Tutuu, naiyamokai ko Temeneno;
iyanamokai konda tinotiili.
Budodoiya kita wookon laba-laba,
sabab iyana salamatenemo kita.”
Ko Mian Bisa hukume ko Moab
10 #
Yes. 15:1–16:14; Yer. 48:1-47; Yeh. 25:8-11; Am. 2:1-3; Zef. 2:8-11 Ko Temeneno naikon lindungiyo ko Bunggul Sion, bai ko Moab pinipiik pokakana kolembut doi nainabosan. 11Kotumbuno naikon ulule kolimano pokakana komian mobatotobo kayok doi tobun. Bai ko Temeneno naikon akiyenggene konapo babanggaalan tobikon doiya akinapo moola mokubai oioila.
12Ko Moab nabenteng-benteng tukon kopagaro mobinetoon motatandak tuuno naikon linubang tukon tinikakon doi buta teali manas buno abu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in