YESAYA 19
19
Ko Mian Bisa naikon hukume ko Mesir
1 #
Yer. 46:2-26; Yeh. 29:1–32:32 Naiyamokai koteteba tentang Mesir. Ko Temeneno lubat doi Mesir tukon lakit doi bunom momodoling. Komian mobapilogotan doi Mesir lolondong doi salaano tukon ko Mesir miano paupaunomo konoanoila. 2Ko Temeneno bantile, “Yaku naikon tealikene kopolobosian utus mondoutus doi Mesir; utus lawane kona utus, komo poloolanikon lawane kona poloolanikonan, kokota lawane kokota tukon kobatomundoan lawane kobatomundoan. 3Ko Mesir miano natetel yaku akiyenggene tukon yaku lotoyo kona po semangat. Yanila naikon makabi tulung doi napo pilogot, yanila makabi otunggul tukon potudoikon doi dukun-dukun tukon doi ulik-ulik. 4Yaku naikon sarahkanggenemo ko Mesir doi meeng kotomundo mobarani tukon lokis kona parentaano yanila. Yaku, Temeneno Mobabasal Konakuasa, basilingano.”
5Ko Nil Paisunobatango naikon mbeeng tukon naikon motuul. 6Kokolam-kolam naikon boowan koikano kalu mootimo kopaisuno. Ko Gelagah tukon bulungo naikon molooyumo. 7Posaapon kotampat mokidadian kolibuang popupuson ko Nil Paisunobatango naikon motuul kokabus maka mbombuul nabengakene. 8Sasaibino kotolosabang mobiasa bapeka doi paisudoo yanila mongoluu tuuno maka napo kokiil sabab konapo peka tukon konapo buani akiyono kogunano. Sasaibino komian mobapete putus asa; 9-10yanila tukon mian mosinasai susa tukon akiyono konapo samangat.
11Tutuu kona longasan kokatua-katua doi kota Zoan! Ko Mesir miano mopandoy kubaiyomo yanila bodoh! Yanila barani tuuno mobantile doi tomundo baikon yanila katurunan mian mopandoy tukon tomundo nakaturunan doi loonu loolukon! 12Eh, kotomundo Mesir, inaandomokai dopo tuan mopandoy mebee otunggul? Uga-ugaatene yanila toiyomo ko Temeneno Mobabasal Konakuasa natetel motuuk doi Mesir. 13Sasaibino komo katuaiyo ko Zoan tukon Memfis doiya mian molongas. Yanila bolikonkai pakatuai kota bai doi yaniladoo tongo tealikene konapo bangsa nasilaka. 14Doi yaniladookai Temeneno komo kubaiyo longas tobikon doiya konapo otunggul salamo tuuno. Koakibato, ko Mesir tealimo sala doi sasaibino kolangge, tukon unggo-unggoto pokakana komian momalangu motenggelusiyo konauta susuungo. 15Doi Mesir akiyono komeeng komian komo toiyo kopikiran momonondok, maukai pamarentano tukon rayato, maukai paulangkaino kai mian mobiasa.
Ko Mesir miano sosubaiyomo ko Temeneno
16Kalu naikon nalaate kotempono kobangsa Mesir teali buno meeng koboine momolisuk tukon monggotokuton. Yanila teali lolondong kalu yanila kitoyomo ko Temeneno mopasekenemo kolimano nahukumano yanila. 17Kotano doi Yehuda kubaiyo bingung ko Mesir miano kalu iningotiikono ko Temeneno Mobabasal Konakuasa nakaputusan tentang doi yaniladoo.
18Doi tempodoo lima kokota doi Mesir komo pakeyo kosilingan Ibrani. Komian indaa mokubai totopi tukon Temeneno Mobabasal Konakuasa sambuno. Daano komeeng dokotadoo sinombuikon “Kota Oloyo matano.”
19Doi tempodoo kokota Mesir pusato daano komeeng kobalabaan motuuk doi Temeneno, tukon doi napokalalatan inabos komeeng kobatu koidan motuuk doi Temeneno. 20Dobalabaanoo tukon dobatudoo doiya meeng kopalosan nadaanoan ko Temeneno Mobabasal Konakuasa doi Mesir. Kalukai naikon dobangsadoo linailainggon, tukon kalu yanila uango doi Temeneno momakabi tulung, ko Temeneno kapatuwo komeeng komian sulano nasalamatene yanila. 21Ko Temeneno okitakene kobutongo doi bangsa Mesir, tukon ko Mesir miano naikon tingoniiyomo tukon sosubaiyomo Yana, maka napo mababa sosubakon tukon napo sosuba doiya-Na. Yanila mabantil perjanjian doiya-Na tukon batotopian yanila molaksanakanggene. 22Ko Temeneno naikon ajare ko Mesir miano, bai salataa laate konapupusan Yana seseangemo yanila. Yanila abalimo doi Temeneno, tukon ko Temeneno lengelemo konapo sambeang tukon Yana oluputemo yanila doi silakaan lalomo.
23Doi tempodoo naikon daano kololoon mobabasal napokalalatanan ko Mesir tukon Asyur. Dotanodoo molua kotumbuno naikon mule loloiyo dololoono tukon yanila kaleda posinggat-singgat. 24Doi tempodoo ko Israel nakadudukan pokakana ko Mesir tukon Asyur, tukon dobangsadoo motolu teali balakaat doi posaapon kodunia. 25Ko Temeneno Mobabasal Konakuasa naikon balakaatiyo yanila tukon bantile, “Yaku balakaatiyomo komuyu, eh komuyu Daku umat doi Mesir, Asyur Yaku mopasitakayo, tukon Ko Israel Kuumat linilik.”
Currently Selected:
YESAYA 19: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 19
19
Ko Mian Bisa naikon hukume ko Mesir
1 #
Yer. 46:2-26; Yeh. 29:1–32:32 Naiyamokai koteteba tentang Mesir. Ko Temeneno lubat doi Mesir tukon lakit doi bunom momodoling. Komian mobapilogotan doi Mesir lolondong doi salaano tukon ko Mesir miano paupaunomo konoanoila. 2Ko Temeneno bantile, “Yaku naikon tealikene kopolobosian utus mondoutus doi Mesir; utus lawane kona utus, komo poloolanikon lawane kona poloolanikonan, kokota lawane kokota tukon kobatomundoan lawane kobatomundoan. 3Ko Mesir miano natetel yaku akiyenggene tukon yaku lotoyo kona po semangat. Yanila naikon makabi tulung doi napo pilogot, yanila makabi otunggul tukon potudoikon doi dukun-dukun tukon doi ulik-ulik. 4Yaku naikon sarahkanggenemo ko Mesir doi meeng kotomundo mobarani tukon lokis kona parentaano yanila. Yaku, Temeneno Mobabasal Konakuasa, basilingano.”
5Ko Nil Paisunobatango naikon mbeeng tukon naikon motuul. 6Kokolam-kolam naikon boowan koikano kalu mootimo kopaisuno. Ko Gelagah tukon bulungo naikon molooyumo. 7Posaapon kotampat mokidadian kolibuang popupuson ko Nil Paisunobatango naikon motuul kokabus maka mbombuul nabengakene. 8Sasaibino kotolosabang mobiasa bapeka doi paisudoo yanila mongoluu tuuno maka napo kokiil sabab konapo peka tukon konapo buani akiyono kogunano. Sasaibino komian mobapete putus asa; 9-10yanila tukon mian mosinasai susa tukon akiyono konapo samangat.
11Tutuu kona longasan kokatua-katua doi kota Zoan! Ko Mesir miano mopandoy kubaiyomo yanila bodoh! Yanila barani tuuno mobantile doi tomundo baikon yanila katurunan mian mopandoy tukon tomundo nakaturunan doi loonu loolukon! 12Eh, kotomundo Mesir, inaandomokai dopo tuan mopandoy mebee otunggul? Uga-ugaatene yanila toiyomo ko Temeneno Mobabasal Konakuasa natetel motuuk doi Mesir. 13Sasaibino komo katuaiyo ko Zoan tukon Memfis doiya mian molongas. Yanila bolikonkai pakatuai kota bai doi yaniladoo tongo tealikene konapo bangsa nasilaka. 14Doi yaniladookai Temeneno komo kubaiyo longas tobikon doiya konapo otunggul salamo tuuno. Koakibato, ko Mesir tealimo sala doi sasaibino kolangge, tukon unggo-unggoto pokakana komian momalangu motenggelusiyo konauta susuungo. 15Doi Mesir akiyono komeeng komian komo toiyo kopikiran momonondok, maukai pamarentano tukon rayato, maukai paulangkaino kai mian mobiasa.
Ko Mesir miano sosubaiyomo ko Temeneno
16Kalu naikon nalaate kotempono kobangsa Mesir teali buno meeng koboine momolisuk tukon monggotokuton. Yanila teali lolondong kalu yanila kitoyomo ko Temeneno mopasekenemo kolimano nahukumano yanila. 17Kotano doi Yehuda kubaiyo bingung ko Mesir miano kalu iningotiikono ko Temeneno Mobabasal Konakuasa nakaputusan tentang doi yaniladoo.
18Doi tempodoo lima kokota doi Mesir komo pakeyo kosilingan Ibrani. Komian indaa mokubai totopi tukon Temeneno Mobabasal Konakuasa sambuno. Daano komeeng dokotadoo sinombuikon “Kota Oloyo matano.”
19Doi tempodoo kokota Mesir pusato daano komeeng kobalabaan motuuk doi Temeneno, tukon doi napokalalatan inabos komeeng kobatu koidan motuuk doi Temeneno. 20Dobalabaanoo tukon dobatudoo doiya meeng kopalosan nadaanoan ko Temeneno Mobabasal Konakuasa doi Mesir. Kalukai naikon dobangsadoo linailainggon, tukon kalu yanila uango doi Temeneno momakabi tulung, ko Temeneno kapatuwo komeeng komian sulano nasalamatene yanila. 21Ko Temeneno okitakene kobutongo doi bangsa Mesir, tukon ko Mesir miano naikon tingoniiyomo tukon sosubaiyomo Yana, maka napo mababa sosubakon tukon napo sosuba doiya-Na. Yanila mabantil perjanjian doiya-Na tukon batotopian yanila molaksanakanggene. 22Ko Temeneno naikon ajare ko Mesir miano, bai salataa laate konapupusan Yana seseangemo yanila. Yanila abalimo doi Temeneno, tukon ko Temeneno lengelemo konapo sambeang tukon Yana oluputemo yanila doi silakaan lalomo.
23Doi tempodoo naikon daano kololoon mobabasal napokalalatanan ko Mesir tukon Asyur. Dotanodoo molua kotumbuno naikon mule loloiyo dololoono tukon yanila kaleda posinggat-singgat. 24Doi tempodoo ko Israel nakadudukan pokakana ko Mesir tukon Asyur, tukon dobangsadoo motolu teali balakaat doi posaapon kodunia. 25Ko Temeneno Mobabasal Konakuasa naikon balakaatiyo yanila tukon bantile, “Yaku balakaatiyomo komuyu, eh komuyu Daku umat doi Mesir, Asyur Yaku mopasitakayo, tukon Ko Israel Kuumat linilik.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in