YESAYA 17
17
Ko Mian Bisa hukume ko Siria tukon Israel
1 #
Yer. 49:23-27; Am. 1:3-5; Zak. 9:1 Ko Temeneno bantile, “Ko Damsyik akimo koidan nabuno kota, bai baino buno kota lapono mototimbunimo. 2Kokota-kota doi Siria naikon tininggalo sidutu-posidutukon tukon tealimo iyayon mopiniala nadungolan; akiyokai komeeng komian momoola siikayo yanila. 3Ko Israel naikon lapus konapo soopan tukon ko Damsyik lapus konapo bebasan. Ko Siria miano labino naikon tubo doi nakulokisan pokakana ko Israel miano. Yakumo, ko Temeneno Mobabasal Konakuasa, basilingano.”
4Ko Temeneno bantile, “Naikon kalu laate kotempono ko Israel namajuan pupuso, tukon konamakmuran lapuso. 5Ko Israel pokakana kokombung doi Refaim mokabus pinete kogandumo, tukon baino soisik komo totinggal. 6Pokakana ko zaitun batango mokabuso pinete kosaono, tukon baino moimoiya kosaono modaanoon doi tubo-tubono tukon doi panga-pangano, bunomo doiya koidan ko Israel miano tongo soisik komo salamat. Yakumo, ko Temeneno, Israel miano na Mian Bisa, basilingano.”
7Doi oloyodoo komian naikon abali momakabi tulung doi mopasitakayo, doiyamo Israel miano na Mian Bisa Momoliyous. 8Yanila akimo naikon koidan napo moinikene kohasil moluwedoi napo langge kinubai, doiyamo balabaan-balabaan mosuaan kamangian, tukon Dewi Asyera timbalango.
9Doi oloyodoo, kokota-kota doi Israel mobukuan konabataanggonan naikon teali tabaak tukon kiis tuuno, pokakana kokota-kota Hewi tukon Amori miano motinggale salataa napo dampasan luwedoi Israel miano.
10Israel, ikoo toliminggenemo ko Mian bisa momasalamaton tukon lindungiyo ikoo pokakana kobunggul batu momoonggol. Kobalino, ikoo lapamo sakaiyo kokombung-kombung tuuk doi dewa-dewa. 11Bai maukai dolanggedoo mosinakakon banggadudul sopii tukon bungai doi oloyodoo musakakanano, bai akiyo kohasilo. Komo daano tongo susaan tukon rasaano komasakitan moaki namoola tade.
Komusuh-musuh natano-tano naikon linungguimo
12Kobangsa-bangsa mobukuan diabudodoo daanoon mopelek; koalaloila momuuk pokakana kobokol mopakapapuung. 13Yanila maju pokakana kolomba molokis. Bai ko Mian Bisa ancame yanila, maka napo bulenggene kodilinoila polong doi lipu naodoonan. Yanila linolonggon pokakana kosekam doi bunggo eaakono mbombuul mobengakene, kai buno ambata sokoy mopuule. 14Doi tempo naalanian komodoa yanila lubatene komatakutan mohebat, bai kalu dowa-dowamo yanila lapuso. Doiyamokai sasamba komian morampase kita kona nasib.
Currently Selected:
YESAYA 17: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 17
17
Ko Mian Bisa hukume ko Siria tukon Israel
1 #
Yer. 49:23-27; Am. 1:3-5; Zak. 9:1 Ko Temeneno bantile, “Ko Damsyik akimo koidan nabuno kota, bai baino buno kota lapono mototimbunimo. 2Kokota-kota doi Siria naikon tininggalo sidutu-posidutukon tukon tealimo iyayon mopiniala nadungolan; akiyokai komeeng komian momoola siikayo yanila. 3Ko Israel naikon lapus konapo soopan tukon ko Damsyik lapus konapo bebasan. Ko Siria miano labino naikon tubo doi nakulokisan pokakana ko Israel miano. Yakumo, ko Temeneno Mobabasal Konakuasa, basilingano.”
4Ko Temeneno bantile, “Naikon kalu laate kotempono ko Israel namajuan pupuso, tukon konamakmuran lapuso. 5Ko Israel pokakana kokombung doi Refaim mokabus pinete kogandumo, tukon baino soisik komo totinggal. 6Pokakana ko zaitun batango mokabuso pinete kosaono, tukon baino moimoiya kosaono modaanoon doi tubo-tubono tukon doi panga-pangano, bunomo doiya koidan ko Israel miano tongo soisik komo salamat. Yakumo, ko Temeneno, Israel miano na Mian Bisa, basilingano.”
7Doi oloyodoo komian naikon abali momakabi tulung doi mopasitakayo, doiyamo Israel miano na Mian Bisa Momoliyous. 8Yanila akimo naikon koidan napo moinikene kohasil moluwedoi napo langge kinubai, doiyamo balabaan-balabaan mosuaan kamangian, tukon Dewi Asyera timbalango.
9Doi oloyodoo, kokota-kota doi Israel mobukuan konabataanggonan naikon teali tabaak tukon kiis tuuno, pokakana kokota-kota Hewi tukon Amori miano motinggale salataa napo dampasan luwedoi Israel miano.
10Israel, ikoo toliminggenemo ko Mian bisa momasalamaton tukon lindungiyo ikoo pokakana kobunggul batu momoonggol. Kobalino, ikoo lapamo sakaiyo kokombung-kombung tuuk doi dewa-dewa. 11Bai maukai dolanggedoo mosinakakon banggadudul sopii tukon bungai doi oloyodoo musakakanano, bai akiyo kohasilo. Komo daano tongo susaan tukon rasaano komasakitan moaki namoola tade.
Komusuh-musuh natano-tano naikon linungguimo
12Kobangsa-bangsa mobukuan diabudodoo daanoon mopelek; koalaloila momuuk pokakana kobokol mopakapapuung. 13Yanila maju pokakana kolomba molokis. Bai ko Mian Bisa ancame yanila, maka napo bulenggene kodilinoila polong doi lipu naodoonan. Yanila linolonggon pokakana kosekam doi bunggo eaakono mbombuul mobengakene, kai buno ambata sokoy mopuule. 14Doi tempo naalanian komodoa yanila lubatene komatakutan mohebat, bai kalu dowa-dowamo yanila lapuso. Doiyamokai sasamba komian morampase kita kona nasib.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in