YESAYA 1
1
1 #
2Tom. 15:1-7, 15:32-38, 16:1-20, 18:1–20:21; 2Tund. 26:1-23, 27:1-9, 28:1-27, 29:1–32:33 Naiya kitabpia koantoko doiyamo teteba-teteba motuuk tentang Yehuda tukon Yerusalem ko Mian Bisa monyatakanggene doi Yesaya, Amos napau, doi tempo Uzia, Yotam, Ahas tukon Hizkia nabasambuan doi Yehuda.
Mian Bisa anuukene konamian
2Eh ikoo kotimbu lengelekai, ikoo kodunianokon palatikanggenekai! Ko Temeneno nabantilano, “Kopau-pau molapamo yaku piarayo yanila lawanakumo. 3Kosaapi tingoniiyo kotumbuno, kokeledai toiyo kona tampat kaanan molapamo tumbuno sadiakene. Bai daku mian doi Israel aki napo tingoniiyaku; tukon aki napo pahamiyo.”
4Komuyunokon kobangsa mobaladosa komuyukai silakamo, tukon komuyu komian molokis konakalakuan tukon mian molokis! Sabab luwedoi polalim-lalim komuyu sakisaamo. Komuyu tolakemo ko Temeneno tukon totonggulungemo ko Mian Bisa Momoliyous mo sio posombaiyo. 5Bulaando motongo komuyu bantayo? Komuyu yase poinukum lobian kona motongan koidan? Koolumu moonomo tukon pakol-pakol moboowan, konoamuyu tukon popikiran masakito. 6Luwedoi olumu polong doi aimu palalaino akiyo komo sehat doi butomu. Kobutomu boboongan, kopakol laalo mobulusan doi kulitomu tukon pakol-pakol. Komupakol-pakol akiyoon nakinumosi kai akiyoon napinorban tukon toik patolo mobilisii, tukon akiyoon koidan napinakuli tukon likison.
7Komutano minanaso; komukota-kota sinuamo kabus. Doi matamu salaano komian molulubaton alayo komu buta tukon manase sasaibino kololongguno. 8Tongo Yerusalem komo totinggal, bai teali kota motataap linubotii tukon linobosi tukon kala, pokakana kosandung doi anggur asino kai buno sabu-sabua doi ontimun asino. 9#Tea. 19:24; Rm. 9:29 Kalu andeno ko Temeneno Mobabasal Konakuasa aki naolupute komoimoiya komian doi kita, kita sasaibino inalapuso kabus, pokakana ko Sodom tukon Gomora.
10Yerusalem, sasaibino kokatua tukon komu bangsa tealimo pokakana ko Sodom tukon Gomora miano. Pondongoliiyokai oilamo ko Temeneno nabinantil doi komuyu; popalatikanggenekai oilamo konda Mian Bisa nainotunggulikon kita. 11#Am. 5:21-22 Ko Temeneno bantile, “Ikoo sangkayo baikon Yaku naikon yase sasaibino kososubakon momomeenggon ikoo mososubakene doiyaku? Yaku mangaekenemo tukon komu sosuba domba-domba mosinua tukon komu saapi pauno inakko. Kosapi langgilo sauno, domba tukon mbembe akimo kuiyase. 12Indee komo sumboliiyo komuyu mobabayo dososubakonoo doitempo polubatan bakaleda doiyaku? Indee komo sumboliiyo komuyu momababa dombaa-dombulo doi Ku Bonua Moliyous? 13-14Akiyo kogunano mau mubabayo domu sosubakonoo. Koboono adukon kutoluwekene. Aki kuiyase momokita kalu komuyu lamekene ko Bituwon mo Boolu, oloyo-oloyo Tadean tukon oloyo-oloyo babasal tukon rapat-rapat agama. Doiya sasaibino tealimo lokis sabab podosa-dosa tukon buno meeng kotanggungan doiya-Ku; tukon Yaku pakadako motanggunge.
15Kalukai komuyu tidekene kolimamuyu maka posambeang, bai aki kumapalatikanggon. Mau nabadaang luunggon musambeang bai aki kumopusinggon, sabab dolimamudoo badaango komu inakate. Kumosiyo kobutomu sulano nabilisii. 16Sasaibino kokulokisan komuyu mokubaiyomo siokai mutadeiyomo. Jadi, inaimo koidan momokubai kulokisan, 17balajarokai momokubai monondokan. Ekeenggelekai kokaadilan tukon akiyenggene kolailaingganano kotulanggita; beekene kopautuboon nahaak tukon belayo sasaibino kobalu naulusan.”
18Ko Temeneno bantile, “Mai nda alapayo naurusan nia. Maukai komu dosa namemela buno kasumba, bai yaku naikon kumosiyo komuyu na teali moute bilisii pokakana kokapos. Maukai komu dosa-dosa nabadaang tukon nababalat, bai yaku ompuniyo. 19Kalu komuyu yase taat doiyaku, komuyu naikon toupiyo kolangge-langge momondok moluwedoi mutano. 20Bai kalu komuyu lawanaku, komuyu mate naikon doi polobosian. Yaku, Temeneno, lapamo basilingan.”
Kota moaki nataat
21Kokota loolukon motaat, budodoiya pokakana komeeng komian motombololowaon! Loolukon kotumbuno adil tukon jujur, budodoiya pangakate-pangakate dungoliyomo. 22Yerusalem, looluk ikoo pokakana kosuasa, bai budodoiya akiyono koanggano koidan. Looluk ikoo pokakana koanggur momaamis, bai budodoiya tongo bapaisu tukon akimo namaamis. 23Sasaibino kopo katua tealimo mian molokis tukon koaino limano tealimo pondikuk; yanila tolongo yase mantalima hadiah tukon doy tambo. Aki napo yase ndongoliiyo kobalu-balu napangaduan.
24Tobikon doiya ko Temeneno Mobabasal Konakuasa, ko Israel miano na Mian Bisa nabantilano: “Eh, Daku musuh-musuh, Yaku naikon balase Daku dendam doi komuyu, sulano naakimo pokubaiya-Ku susah koidan. 25Yaku naikon tindokiiyo komuyu. Pokakana komian momosopu logam, Yaku naikon sopuwo komuyu; sasaibino komo manggilit liate doi komuyu. 26Yaku naikon beena komuyu hakim-hakim tukon pongotinau pokakana doi looluk. Tobikon doiya kokota Yerusalem sinombuikono kota moadil tukon setia.”
27Ko Temeneno adil, maka Yana naikon salamatene ko Yerusalem tukon komian-mian momanasalkene kona dosa. 28Bai komian-mian molawane ko Temeneno yana naikon inakate kabus, tukon sasaibino komo otinggale ko Temeneno naikon inakabus koidan.
29Yanila naikon malaat maa sabab sosubaiyo kokayung-kayung batango tukon yanila mokubai kombung balambeaan. 30Yanila naikon teali buno kayung mobabasal momolooyu koloono tukon buno kombung moaki nalinombai paisu. 31Pokakana kosumolot motosua tongo luwedoi meeng kosolo batuno, bunomo doiya koidan komian modaano kona kuasa naikon inakate luwedoi nakokubai-kokubai molokis, tukon akiyo komo moola atadeyo dosilakaanoo.
Currently Selected:
YESAYA 1: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
YESAYA 1
1
1 #
2Tom. 15:1-7, 15:32-38, 16:1-20, 18:1–20:21; 2Tund. 26:1-23, 27:1-9, 28:1-27, 29:1–32:33 Naiya kitabpia koantoko doiyamo teteba-teteba motuuk tentang Yehuda tukon Yerusalem ko Mian Bisa monyatakanggene doi Yesaya, Amos napau, doi tempo Uzia, Yotam, Ahas tukon Hizkia nabasambuan doi Yehuda.
Mian Bisa anuukene konamian
2Eh ikoo kotimbu lengelekai, ikoo kodunianokon palatikanggenekai! Ko Temeneno nabantilano, “Kopau-pau molapamo yaku piarayo yanila lawanakumo. 3Kosaapi tingoniiyo kotumbuno, kokeledai toiyo kona tampat kaanan molapamo tumbuno sadiakene. Bai daku mian doi Israel aki napo tingoniiyaku; tukon aki napo pahamiyo.”
4Komuyunokon kobangsa mobaladosa komuyukai silakamo, tukon komuyu komian molokis konakalakuan tukon mian molokis! Sabab luwedoi polalim-lalim komuyu sakisaamo. Komuyu tolakemo ko Temeneno tukon totonggulungemo ko Mian Bisa Momoliyous mo sio posombaiyo. 5Bulaando motongo komuyu bantayo? Komuyu yase poinukum lobian kona motongan koidan? Koolumu moonomo tukon pakol-pakol moboowan, konoamuyu tukon popikiran masakito. 6Luwedoi olumu polong doi aimu palalaino akiyo komo sehat doi butomu. Kobutomu boboongan, kopakol laalo mobulusan doi kulitomu tukon pakol-pakol. Komupakol-pakol akiyoon nakinumosi kai akiyoon napinorban tukon toik patolo mobilisii, tukon akiyoon koidan napinakuli tukon likison.
7Komutano minanaso; komukota-kota sinuamo kabus. Doi matamu salaano komian molulubaton alayo komu buta tukon manase sasaibino kololongguno. 8Tongo Yerusalem komo totinggal, bai teali kota motataap linubotii tukon linobosi tukon kala, pokakana kosandung doi anggur asino kai buno sabu-sabua doi ontimun asino. 9#Tea. 19:24; Rm. 9:29 Kalu andeno ko Temeneno Mobabasal Konakuasa aki naolupute komoimoiya komian doi kita, kita sasaibino inalapuso kabus, pokakana ko Sodom tukon Gomora.
10Yerusalem, sasaibino kokatua tukon komu bangsa tealimo pokakana ko Sodom tukon Gomora miano. Pondongoliiyokai oilamo ko Temeneno nabinantil doi komuyu; popalatikanggenekai oilamo konda Mian Bisa nainotunggulikon kita. 11#Am. 5:21-22 Ko Temeneno bantile, “Ikoo sangkayo baikon Yaku naikon yase sasaibino kososubakon momomeenggon ikoo mososubakene doiyaku? Yaku mangaekenemo tukon komu sosuba domba-domba mosinua tukon komu saapi pauno inakko. Kosapi langgilo sauno, domba tukon mbembe akimo kuiyase. 12Indee komo sumboliiyo komuyu mobabayo dososubakonoo doitempo polubatan bakaleda doiyaku? Indee komo sumboliiyo komuyu momababa dombaa-dombulo doi Ku Bonua Moliyous? 13-14Akiyo kogunano mau mubabayo domu sosubakonoo. Koboono adukon kutoluwekene. Aki kuiyase momokita kalu komuyu lamekene ko Bituwon mo Boolu, oloyo-oloyo Tadean tukon oloyo-oloyo babasal tukon rapat-rapat agama. Doiya sasaibino tealimo lokis sabab podosa-dosa tukon buno meeng kotanggungan doiya-Ku; tukon Yaku pakadako motanggunge.
15Kalukai komuyu tidekene kolimamuyu maka posambeang, bai aki kumapalatikanggon. Mau nabadaang luunggon musambeang bai aki kumopusinggon, sabab dolimamudoo badaango komu inakate. Kumosiyo kobutomu sulano nabilisii. 16Sasaibino kokulokisan komuyu mokubaiyomo siokai mutadeiyomo. Jadi, inaimo koidan momokubai kulokisan, 17balajarokai momokubai monondokan. Ekeenggelekai kokaadilan tukon akiyenggene kolailaingganano kotulanggita; beekene kopautuboon nahaak tukon belayo sasaibino kobalu naulusan.”
18Ko Temeneno bantile, “Mai nda alapayo naurusan nia. Maukai komu dosa namemela buno kasumba, bai yaku naikon kumosiyo komuyu na teali moute bilisii pokakana kokapos. Maukai komu dosa-dosa nabadaang tukon nababalat, bai yaku ompuniyo. 19Kalu komuyu yase taat doiyaku, komuyu naikon toupiyo kolangge-langge momondok moluwedoi mutano. 20Bai kalu komuyu lawanaku, komuyu mate naikon doi polobosian. Yaku, Temeneno, lapamo basilingan.”
Kota moaki nataat
21Kokota loolukon motaat, budodoiya pokakana komeeng komian motombololowaon! Loolukon kotumbuno adil tukon jujur, budodoiya pangakate-pangakate dungoliyomo. 22Yerusalem, looluk ikoo pokakana kosuasa, bai budodoiya akiyono koanggano koidan. Looluk ikoo pokakana koanggur momaamis, bai budodoiya tongo bapaisu tukon akimo namaamis. 23Sasaibino kopo katua tealimo mian molokis tukon koaino limano tealimo pondikuk; yanila tolongo yase mantalima hadiah tukon doy tambo. Aki napo yase ndongoliiyo kobalu-balu napangaduan.
24Tobikon doiya ko Temeneno Mobabasal Konakuasa, ko Israel miano na Mian Bisa nabantilano: “Eh, Daku musuh-musuh, Yaku naikon balase Daku dendam doi komuyu, sulano naakimo pokubaiya-Ku susah koidan. 25Yaku naikon tindokiiyo komuyu. Pokakana komian momosopu logam, Yaku naikon sopuwo komuyu; sasaibino komo manggilit liate doi komuyu. 26Yaku naikon beena komuyu hakim-hakim tukon pongotinau pokakana doi looluk. Tobikon doiya kokota Yerusalem sinombuikono kota moadil tukon setia.”
27Ko Temeneno adil, maka Yana naikon salamatene ko Yerusalem tukon komian-mian momanasalkene kona dosa. 28Bai komian-mian molawane ko Temeneno yana naikon inakate kabus, tukon sasaibino komo otinggale ko Temeneno naikon inakabus koidan.
29Yanila naikon malaat maa sabab sosubaiyo kokayung-kayung batango tukon yanila mokubai kombung balambeaan. 30Yanila naikon teali buno kayung mobabasal momolooyu koloono tukon buno kombung moaki nalinombai paisu. 31Pokakana kosumolot motosua tongo luwedoi meeng kosolo batuno, bunomo doiya koidan komian modaano kona kuasa naikon inakate luwedoi nakokubai-kokubai molokis, tukon akiyo komo moola atadeyo dosilakaanoo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in