PONGOTUNGGUL 5
5
1Akiyoon mubasilingan pikikene looluk, tukon inai momosobit berjanji doi Mian Bisa. Yana daano doi surgaa tukon ikoo daano doi dunia, jadi banggalemo komu bantilan-bantilan. 2Pololokon ikoo matakut, pololokon babasal kokomungkinan ikoo malaat olumon lokis. Pololokon badaang kosilingan, pololokon babasal kokomungkinan mokaluare kobantilan-bantilan longas. 3Jadi kalu ikoo berjanji doi Mian Bisa, tapatio kai namosobit. Yana aki nayase komian mobabunokon longas. Tobikon doiya tapatiyomo komu perjanjian. 4#Sad. 66:13-14 Tadukai naaki mumokubai perjanjian tukon ikoo momokubai perjanjian bai aki mutapatiyo. 5Inaikai mubantilan-bantilan mokubayo ikoo baladosa, tobikon doiya ikoo terpaksa mobontiikene doi imam moleleaniyo ko Temeneno, tobikon doiya ikoo bingung mobantile koperjanjian. Tuuk doi oila sampe ko Mian Bisa nggimolikon tukon Namanasemo komu balimangan hasilo? 6Maukai nabadaang doolumonoo bai akiyo koalatino, bunomo koidan mau nabadaang kosilingan akiyo kotakoso. Bai matakutenekai ko Temeneno.
Kotuboan tongo sia-sia
7Inai moheran sosibong kalu ikoo kitayo kopenguasa mopikikene komian motalalais, tukon rampase konapokok tukon aki nabeena yanila kaadilan. Sasamba kopagawe konaatasan lindungiyo tukon looluakon kosambu motatandak konapangkat lindungiyo.
8Bisa kai kotomundo natuboan tolongo moinikene kobapupuiyan hasilo.
9Komian modoko doy akinabiasa cukup konadoy; mian motindokene kobuat, aki nabiasa biai tukon untung. Saibinokai sia-sia. 10Polokon badaang kona kinasakon meeng-meeng komian pololokon badaang komian bailon mosio nabinee kaan. Akiyono kona untung tuuk tumbuno, yana tolongo toiyo baikon yana kaasa. 11Meeng komian mobalimang aki nacukup kokinaan, bai konaaki-akiyonan yana moola moolo tombosokon. Kobaliko, meeng komian mokaasa buno doiya konabuat mobadaang, bai yana aki moalo sabab yana khawatir.
12Doi dunia nia kukitayo kolobo mosedih. Meeng komian moatambune kobuat tuuk doitempo kakurangan. 13Bai dobuatoo lapus sabab lobo mosoe, tobikon doiya akiyo komo pusakaiyo. 14#Ayb. 1:21; Sad. 49:18; 1Tim. 6:7 Kita sinuung talalau; bunomo koidan kita tinggale nadunia nia, aki ndamababa oila-oila luwe doi sasaibino konda pakadakan. 15Koiya tutuu sedih! kita taus buno doi tempo ndalubatan diabudodoo. Kita paka-pakadak tuuk mololonggon mombuul, tukon oila konahasil? 16Tuboan malumbit, kita tataap doi kalipokan lalomo, kita basusah-susah, pakadak, mosikit tukon noa momalalas.
17Maka yaku mangalatimo kai baikon komo monondok tuuno tuuk doi kita doiyamo kaan, monginum tukon ndarasakanggene kondalimang hasilo doi nda tuboania mopepende Mian Bisa mobeekene doi kita; doiyamo konda nasib. 18Kalu meeng komian matalima kasaan tukon buat luwe doi Mian Bisa, tukon yana pinataikon morasakanggene dokasaanoo, siokai nabasukuur tukon narasakanggene sasaibino donalimangoo hasilo. Doiya daano koidan Mian Bisa napebeekon. 19Mian Bisa tapatio domianoo noano tukon tedesan, maka yana aki nakhawatir mopikikene kotuboan nia mopepende.
Currently Selected:
PONGOTUNGGUL 5: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
PONGOTUNGGUL 5
5
1Akiyoon mubasilingan pikikene looluk, tukon inai momosobit berjanji doi Mian Bisa. Yana daano doi surgaa tukon ikoo daano doi dunia, jadi banggalemo komu bantilan-bantilan. 2Pololokon ikoo matakut, pololokon babasal kokomungkinan ikoo malaat olumon lokis. Pololokon badaang kosilingan, pololokon babasal kokomungkinan mokaluare kobantilan-bantilan longas. 3Jadi kalu ikoo berjanji doi Mian Bisa, tapatio kai namosobit. Yana aki nayase komian mobabunokon longas. Tobikon doiya tapatiyomo komu perjanjian. 4#Sad. 66:13-14 Tadukai naaki mumokubai perjanjian tukon ikoo momokubai perjanjian bai aki mutapatiyo. 5Inaikai mubantilan-bantilan mokubayo ikoo baladosa, tobikon doiya ikoo terpaksa mobontiikene doi imam moleleaniyo ko Temeneno, tobikon doiya ikoo bingung mobantile koperjanjian. Tuuk doi oila sampe ko Mian Bisa nggimolikon tukon Namanasemo komu balimangan hasilo? 6Maukai nabadaang doolumonoo bai akiyo koalatino, bunomo koidan mau nabadaang kosilingan akiyo kotakoso. Bai matakutenekai ko Temeneno.
Kotuboan tongo sia-sia
7Inai moheran sosibong kalu ikoo kitayo kopenguasa mopikikene komian motalalais, tukon rampase konapokok tukon aki nabeena yanila kaadilan. Sasamba kopagawe konaatasan lindungiyo tukon looluakon kosambu motatandak konapangkat lindungiyo.
8Bisa kai kotomundo natuboan tolongo moinikene kobapupuiyan hasilo.
9Komian modoko doy akinabiasa cukup konadoy; mian motindokene kobuat, aki nabiasa biai tukon untung. Saibinokai sia-sia. 10Polokon badaang kona kinasakon meeng-meeng komian pololokon badaang komian bailon mosio nabinee kaan. Akiyono kona untung tuuk tumbuno, yana tolongo toiyo baikon yana kaasa. 11Meeng komian mobalimang aki nacukup kokinaan, bai konaaki-akiyonan yana moola moolo tombosokon. Kobaliko, meeng komian mokaasa buno doiya konabuat mobadaang, bai yana aki moalo sabab yana khawatir.
12Doi dunia nia kukitayo kolobo mosedih. Meeng komian moatambune kobuat tuuk doitempo kakurangan. 13Bai dobuatoo lapus sabab lobo mosoe, tobikon doiya akiyo komo pusakaiyo. 14#Ayb. 1:21; Sad. 49:18; 1Tim. 6:7 Kita sinuung talalau; bunomo koidan kita tinggale nadunia nia, aki ndamababa oila-oila luwe doi sasaibino konda pakadakan. 15Koiya tutuu sedih! kita taus buno doi tempo ndalubatan diabudodoo. Kita paka-pakadak tuuk mololonggon mombuul, tukon oila konahasil? 16Tuboan malumbit, kita tataap doi kalipokan lalomo, kita basusah-susah, pakadak, mosikit tukon noa momalalas.
17Maka yaku mangalatimo kai baikon komo monondok tuuno tuuk doi kita doiyamo kaan, monginum tukon ndarasakanggene kondalimang hasilo doi nda tuboania mopepende Mian Bisa mobeekene doi kita; doiyamo konda nasib. 18Kalu meeng komian matalima kasaan tukon buat luwe doi Mian Bisa, tukon yana pinataikon morasakanggene dokasaanoo, siokai nabasukuur tukon narasakanggene sasaibino donalimangoo hasilo. Doiya daano koidan Mian Bisa napebeekon. 19Mian Bisa tapatio domianoo noano tukon tedesan, maka yana aki nakhawatir mopikikene kotuboan nia mopepende.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in