PONGOTUNGGUL 12
12
1Neneekekai doi Mopasitakakon modaanon ikoo motabokon.
Moakiyoon nalubat kotaun-taun mobadaang kosakisaa.
Doi tempodoo ikoo naikon bantil,
“Daku tuboan aki namondok.”
2Kalu dotempodoo lubat komatamu akimo nataraang,
sampe adukono kooloyo panano bituwon tukon bituwon pauno akimo nataraang.
Bunom mokalipookan babayo kondan;
tataap lolainge ikoo pokakana moancame ikoo.
3Kololosuamu busak tukon koidan akimo namebee soopan.
Koaimu motobuka naikon muyuko akimo nubukuan.
Ngolimu aki nacukup tuuk mobasaiyo komukinaan.
Kabur komatamu tobikon doiya ndalaso komu pokita.
4Kona ramean kololoon polong doi tolingaimu tolongo ndalas-ndalas.
Musiik alalo tukon bagilingan kabi-kabi aki mulengele.
Ikoo akimo mumoola moolo tombosokon.
Tomisi alalo kubaiyo ikoo aki mutombosokon.
5Ikoo matakut toliboiyo kotampat motatandak
tukon muampakon sio muhati-hati.
Komu buuk mombol tukon koaimu ikoo tade-tadekene doi muampakonan.
Maka lapuso sasaibino komunias tukon mominomooton.
Kita sasalanemo konda tampat dungolan mopangabisan,
komian-mian moberduka tukon momandaung popuson kololoon.
6Korante suasa naikon bontol tukon tanga-tangalaas;
posi mosoni tuwong tukon mapasa;
alos patambuk bontol tukon rusak;
kendii manas tukon tanga-tangalaas.
7Butonggita naikon abali,
teali abu doi dunia.
Ansaang ndatuboan naikon abali doi Mian Bisa.
Yanamokai komo beekene salaku Naanugerah mobinekon.
8Kubantilan, bisa sasaibino doiya akiyo kotakoso,
sasaibino percuma, akiyo koalatino.
Konakasimpulan
9Ko Sang Pemikir doo pandoi tukon bijaksana konapikiran.
Sabab doiya yana otunggulikene doi umat saibino kona pengetahuan.
Badaang koandean kona pinalajari,
maka yana naujio kona talakanaan.
10Yana berusaha napososunggene kobantilan-bantilan penghibur,
tukon jujur konatulisano kobantilan-bantilan.
11Mian pandoi nabantilan buno meeng kopadagai natongkat momangan,
dotongkatoo napinake tuuk polindungi nadomba.
Andean tukon otinau napinototongikonan,
buno paku mopinakukon tuuno.
Sasaibino doiya Mian Bisa komo beekene koidan,
nda padagai moakiyo komo liisiyo.
12Daku pau, meeng kolangge kaliangano ikoo sio mubadagai.
Motulisan kitab akiyo konapupusan,
tukon sio nabadaang luunggon ndabalajar
pakadakene kojiwa tukon raga.
13Sambuno lapa yaku timba-timbange sasaibino,
naiamokai konakasimpulan yaku molaate.
Matakutenekai ko Mian Bisa tukon loingiokai saibino Kona parentah,
sabab tolongo tuuk doiyamokai kabanggapi Napinasitaka.
14Mian Bisa naikon adiliyo saibino konda kokubai;
mo monondok tukon molokis,
tukon kai motosookon koidan.
Currently Selected:
PONGOTUNGGUL 12: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
PONGOTUNGGUL 12
12
1Neneekekai doi Mopasitakakon modaanon ikoo motabokon.
Moakiyoon nalubat kotaun-taun mobadaang kosakisaa.
Doi tempodoo ikoo naikon bantil,
“Daku tuboan aki namondok.”
2Kalu dotempodoo lubat komatamu akimo nataraang,
sampe adukono kooloyo panano bituwon tukon bituwon pauno akimo nataraang.
Bunom mokalipookan babayo kondan;
tataap lolainge ikoo pokakana moancame ikoo.
3Kololosuamu busak tukon koidan akimo namebee soopan.
Koaimu motobuka naikon muyuko akimo nubukuan.
Ngolimu aki nacukup tuuk mobasaiyo komukinaan.
Kabur komatamu tobikon doiya ndalaso komu pokita.
4Kona ramean kololoon polong doi tolingaimu tolongo ndalas-ndalas.
Musiik alalo tukon bagilingan kabi-kabi aki mulengele.
Ikoo akimo mumoola moolo tombosokon.
Tomisi alalo kubaiyo ikoo aki mutombosokon.
5Ikoo matakut toliboiyo kotampat motatandak
tukon muampakon sio muhati-hati.
Komu buuk mombol tukon koaimu ikoo tade-tadekene doi muampakonan.
Maka lapuso sasaibino komunias tukon mominomooton.
Kita sasalanemo konda tampat dungolan mopangabisan,
komian-mian moberduka tukon momandaung popuson kololoon.
6Korante suasa naikon bontol tukon tanga-tangalaas;
posi mosoni tuwong tukon mapasa;
alos patambuk bontol tukon rusak;
kendii manas tukon tanga-tangalaas.
7Butonggita naikon abali,
teali abu doi dunia.
Ansaang ndatuboan naikon abali doi Mian Bisa.
Yanamokai komo beekene salaku Naanugerah mobinekon.
8Kubantilan, bisa sasaibino doiya akiyo kotakoso,
sasaibino percuma, akiyo koalatino.
Konakasimpulan
9Ko Sang Pemikir doo pandoi tukon bijaksana konapikiran.
Sabab doiya yana otunggulikene doi umat saibino kona pengetahuan.
Badaang koandean kona pinalajari,
maka yana naujio kona talakanaan.
10Yana berusaha napososunggene kobantilan-bantilan penghibur,
tukon jujur konatulisano kobantilan-bantilan.
11Mian pandoi nabantilan buno meeng kopadagai natongkat momangan,
dotongkatoo napinake tuuk polindungi nadomba.
Andean tukon otinau napinototongikonan,
buno paku mopinakukon tuuno.
Sasaibino doiya Mian Bisa komo beekene koidan,
nda padagai moakiyo komo liisiyo.
12Daku pau, meeng kolangge kaliangano ikoo sio mubadagai.
Motulisan kitab akiyo konapupusan,
tukon sio nabadaang luunggon ndabalajar
pakadakene kojiwa tukon raga.
13Sambuno lapa yaku timba-timbange sasaibino,
naiamokai konakasimpulan yaku molaate.
Matakutenekai ko Mian Bisa tukon loingiokai saibino Kona parentah,
sabab tolongo tuuk doiyamokai kabanggapi Napinasitaka.
14Mian Bisa naikon adiliyo saibino konda kokubai;
mo monondok tukon molokis,
tukon kai motosookon koidan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in