RASUL-RASUL SALITANO 7
7
Stepanus napidato
1Imam babasal mansadai doi Stepanus, “Oilakai do mianoo nabinantil sasaibino bisa?” 2#Tea. 12:1Stepanus timbiliyo, “Utus-utus tukon Tama-tama! Soba polengele yaku! Akiyoon kotumbunggita Abraham biyol doi Haran, doiya kosinggatoo daano modungol doi Mesopotamia, Mian Basa mo monondok lubat doi yana, 3tukon bantile, ‘Otinggalemo komutano tukon kopulimu. Ampakon doi lipu Yaku naikon mo tudoikene doikoo.’ 4#Tea. 11:31, 12:4 Maka Abraham otinggalemo kolipu Kasdim, maka biyol doi Haran. Sambuno Abraham tamano mate, Mian Bisa kubaiyo Abraham biyol doi lipu nia Utus-utus tukon Tama-tama sasaibino modungoliyo budodoo nia. 5#Tea. 12:7, 13:15, 15:18, 17:8 Doiya kosinggatoo akiyo mau nabaino soobos doi lipu nia Mian Bisa beekene doi Abraham sulano nateali Abraham nalipu; mau kai nasalaal aki nabineekon doi yana. Bai Mian Bisa perjanjikenemo baikon Yana naikon mobeekene doi Abraham sulano nateali Abraham namilik doi nakatulunan. Doiya kosinggatoo Abraham akiyoon nadaano kona pau. 6#Tea. 15:13-14 Bai naiya ko Mian Bisa nabantilan doi yana, ‘Komu katurunan naikon dungol buno mian molulubaton doi mian nalipu bailon. Dopai lipudoo tumbuno naikon kubaiyo yanila ata tukon lokis-lokise yanila sangkap kosakato kotaun kona kalumbit. 7#Tob. 3:12 Bai Yaku naikon ukume komian molokis-lokise yanila, tukon yanila koidan biyol doi lipudoo tukon yanila naikon sosubaiyo Yaku doi tampat nia.’ 8#Tea. 17:10-14, 21:2-4, 25:26, 29:31–35:18 Sambuno lapa bantile buno doiya do perjanjianoo Mian Bisa sahkanggenemo tukon upacara sunat. Maka sambuno lapa Ishak, Abraham napau susuungo, Abraham sunate yana salataa kona umur alu kooloyo. Doibundu Ishak sunate koidan kona pau, doiyamo Yakub. Tukon Yakub sunate koidan kona pau mosongulo lua, doiyamo komo teali Yahudi miano tama-tamano naluwean.
9 #
Tea. 37:11, 28, 39:2, 21 Tamanggita-tamanggitadoo naluwean mosikitene Yusuf, sampe yanila balukene yana teali ata doi Mesir. Bai Mian Bisa loolainge yana, 10#Tea. 41:39-41 tukon osodiiyo yana doi sasaibino kosusaan. Mian Bisa beena doi yana pikiran tukon pandoiyan dosinggatoo yana namangadapan doi Firaun tomundo Mesir, tobikon Firaun tealikene yana gubernur tano Mesir tukon mokuasaiyo Firaun nabatomundoan. 11#Tea. 42:1-2 Doibundu teali kolaal mo babasal doi posaapon ko Mesir tukon Kanaan tobikon komian sakisaa tuuno. Kotumbunggita akimo namalaat kinaan. 12Salataa Yakub lengele doi Mesir daano kolabue yana sumboliiyo kona labuk-labuk, tumbunggita, ampakon indaa napo ampakonan tumbeno. 13#Tea. 45:1, 16 Tempo yanila naampakonan koluano luunggon, Yusuf pailukene doi utus-utusodoo baikon yanamo Yusuf. Sodo doiya kosinggatoo dotomundodoo Mesir toiyo yanila Yusuf utuso. 14#Tea. 45:9-10, 17-18, 46:27 Doibundu Yusuf makapatu teteba doi tamano, Yakub, sulano kabiyo yana polong sasaibino kopuli-pulino nabiyol doi Mesir – sasaibino yanila daano kopitu kolono lima komian. 15#Tea. 46:1-7, 49:33 Maka Yakub biyolo doi Mesir tukon idoomo kotumbunggita namatean. 16#Tea. 23:3-16, 33:19, 50:7-13; Yos. 24:32 Yanila bajano doibundu koidan binaba doi Sikhem tukon tinadin doi batadinan mo lapamo Abraham oliyo tukon momondukon kodoy doi suku Hemor miano doi Sikhem.
17 #
Tob. 1:7-8
Salataa adukono loolani kotempono ko Mian Bisa nakonoiyano kona janji doi Abraham, kotulanggita doi Mesir sosuungimo kona badaangan. 18Doi napupusan daano komeeng kotomundo bailon mo aki natingoniiyo Yusuf, teali tomundo doi Mesir. 19#Tob. 1:10-11, 22 Tomundodoo tolongo mae-maenggene kotulanggita todudul kulokis doi tumbunggitadoo. Yana pakisaayo yanila moaisene konapoo pau-pau mo sodo sinuung sulano nasasabul tukon namate. 20#Tob. 2:2 Doiya lounudoo Musa nasinuungan; yana meeng kopau lumboon mo monondok tuuno. Tolu kobituwon kona kalumbit kotamano napialaano doi nabonua, 21#Tob. 2:3-10 tukon sambuno yana sinakukon, Firaun naboine alayo yana, maka pialayo yana bunekene napau susuungo. 22Sasaibino ko Mesir miano namotoiyan inotunggukon doi yana tukon yana teali meeng komian mo balakuasa tuuno doi bantilan mau doi lenggang.
23 #
Tob. 2:11-15
Sambuno Musa kona umur sangkap kolonomo kotaun, sumbut kona mongiasan doi noano lalom sulano naampakon kitayo kondondoong kobangsa Israel miano. 24Maka yana kitayo komeeng komian doi Israel mianodoo Mesir miano mosakisaayo; maka yana belayo do mianoo mo sinakisaa tukon akateyo do Mesiroo miano. 25Musa aanggene kona bangsa naikon mangalatikene baikon ko Mian Bisa daano mopakeyo yana sulano nasodiiyo yanila. Bai tokita yanila aki napoalatiyo. 26Modoakon yana kitayo koidan ko Israel miano lua mopoakate, maka yana kakaate podamekene yanila. Yana bantile, ‘Komuyu nia mondoutus. Bulaando komuyu mopoakate?’ 27Bai do mianoo meeng mo bobokiiyo kotulano duwekene Musa doi bibil maka nabantile, ‘Miano komo bingkate ikoo moteali padagai tukon pengurus doi kami? 28Kai ikoo yase akateyo yaku koidan buno do Mesiroo miano ikoo moakateyo kolubabi?’ 29#Tob. 18:3-4 Sambuno Musa lengele oila do mianoo nabinantil, Musa dampas tinggale ko Mesir tukon dungol doi Midian. Indaa yana malaat lua kopau.
30 #
Tob. 3:1-10
Sangkap kolono kotaun doibundu meeng komalaekat lubat doi Musa doi padang lalomo loolanikon ko Sinai Bunggulo. Malaekatoo lubat doi aung lalomo luwe mosolot mo daano kolot. 31Musa masainding mokitayo doiya langgedoo, tobikon yana ampakon nggau-nggaupe sulano natoiyo oila doiya. Maka yana lengele ko Temeneno alalo mobantile, 32‘Yakumo ko Mian Bisa tumbumuyu; Yaku Abraham na Mian Bisa, Ishak tukon Yakub.’ Musa lolondong namatakutan tobikon akimo nabarani koidan mokitayo do sumolotoo. 33Doibundu Temeneno bantile koidan, ‘Liate komu sandaal ikoo mo pakeyo nokon, sabab buta tampat mukokondonganokon daano buta mo moliyous. 34Yaku lapamo kitayo tukon palatikanggene kona mosopotan tukon nasakisaawan Ku mian doi Mesir. Yaku lapamo lengele yanila nakeluhan tukon Yaku obulus sulano kuosodiiyo yanila. Budodoiya, maimo! Yaku naikon sumboliiyo ikoo abali doi Mesir.’
35 #
Tob. 2:14
Musa nia Musa mo aki nainakui doi bangsa Israel tukon mo tinolak tukon nabantilan nia, ‘Indee komo bingkate ikoo teali padagai tukon mai pengurus?’ Bai mau nabuno doiya yanamo ko Mian Bisa nai numbolii sulano nateali padagai tukon pasalamat, tukon potombonii moluwedoi malaekat mo lubat doi yana doi mosolot mo laladoo. 36#Tob. 7:3, 14:21; Bang. 14:33 Musa doiyamo komo pimpine kobangsa Israel nadampasan doi Mesir tukon kubaiyo kolangge-langge mominasaindinggon tukon langge-langge modeikon lobo doi Mesir, doi Tobun Memera, tukon doi padang lalomo kona kalumbit sangkap kolono kotaun. 37#Kua. 8:15, 18 Yanamo koidan Musa mo bantile doi bangsa Israel, ‘Mian Bisa naikon beena komuyu meeng konabi mo ililik doi komuyu nokoila, pokakana buno Yana lilike yaku.’ 38#Tob. 19:1–20:17; Kua. 5:1-33 Musamo kai doi bangsa Israel tanga-tangano nadaanoan doi padang lalomo komo teali pangantara tuuk malaekat mo posilingonii doi yana doi Sinai Bunggulo tukon tumbunggita. Yanamo komo mantalima doi Mian Bisa bilita mo tubo sulano napinolonggon doi kita.
39Mau kai nabuno doiya kitamo tumbunggita aki nayase taat doi Yana. Yanila tolake Yana tukon yase abali doi Mesir. 40#Tob. 32:1 Yanila bantile doi Harun, ‘Mongkubai dewa-dewa tuuk doi kami, sulano do dewa-dewadoo naloolainge kami. Sabab kami akimo mai toiyo oilamo naikon komo teali tukon Musadoo nakanggiyano kami dampas lengget doi Mesir!’ 41#Tob. 32:2-6 Maka doiya kosinggatoo yanila mongkubaimo meeng timbalang mobuno saapi pauno, maka yanila mososubakon sosuba doi timbalang tukon yanila mongkubai lamean sulano napo sosubaiyo kolangge yanila mokubaiyo susuungo. 42#Am. 5:25-27 Maka ko Mian Bisa otinggalemo yanila tukon sodiinggenemo yanila napo sosubaiyo kobituwon-bituwon doi timbu. Doiya pokokonoi tukon oila komo totulis doi nabi-nabi nabuku lalomo. Buno naiya,
‘Eh Israel miano! Bolikon tuuk doi Yaku
komuyu metembel tukon mososubakon iyayon sangkap kolono kotaun kolumbito doi padang lalomo.
43Sandung bapilogotan Molokh komu binababa
polaing-laing tukon potimbalang iyayon bapilogotan, doiyamo Pilogot uuno;
doiyamo kopo lobo kinubai komuyu mososubaiyo.
Tobikon doiya Yaku naikon sakukene komuyu polong dodoon doi Babel sembeleng.’
44 #
Tob. 25:9, 40 Sandung tampat Mian Bisa nalubatan doi banggapi kona talaatan doi tumbunggita doi padang lalomo. Do sandungoo kinubai luwe Mian Bisa naparenta doi Musa tukon loingikene kosontoh Mian Bisa mo otudoikene doi Musa. 45#Yos. 3:14-17 Doibundu do sandungoo tumbunggita babayo momeenggon singgatoo yanila tukon Yosua naampakonan lobuute konda lipu nia doi kakuasaan bangsa-bangsa Mian Bisa mo siikayo doi yanila salaano. Sandungoo daano idoo popolonggon Daud nalounu. 46#2Sam. 7:1-16; 1Tund. 17:1-14 Daud sanaanggene ko Mian Bisa noano tukon mangkabi doi yana sulano yana nalinoason mongkubai meeng kobonua motuuk doi Mian Bisa Yakub nasinosubaidoo. 47#1Tom. 6:1-38; 2Tund. 3:1-17 Bai Salomo komo kekendenge dobonuadoo motuuk doi Mian Bisa.
48Mau ko Mian Bisa nababasal aki nadungol doi bonua lalomo banggapi mo kubaiyo; sabab doi nabi nabuku totulis buno naiya,
49 #
Yes. 66:1-2
‘Timbu doiya Kukulusii,
tukon dunia Kubatudangan.
Bonua oila kopoo kinokondong motuuk doi Yaku?
Inaando kotampato Ku tatadean?
50Bolikon baanggon Yaku susuunggu, komo tealikene sasaibino?’
bunomo doiya ko Mian Bisa nabantilano.
51 #
Yes. 63:10
Todudulo kona matikasan konoamuyu Utus-utus tukon bunomo doiya lakon kona maalingan kopoo taatan doi Mian Bisa! Kotolingaimuyu bongolo tuuno doi Mian Bisa nabantilan! Komuyu sasaibino buno tumbumuyu; sidutu lawane ko Mian Bisa Na Roh! 52Oila daano konabi mo aki kotumbumuyu nasakisaayo? Yanila akateyo kobito-bito doi Mian Bisa doi loolukonoo mo lapamo babotilanggene baikon Mian Bisa na Ata mo bisadoo naikon lubat. Bai budodoiya komuyu kulokisanggene tukon akateyo do Mian Bisadoo na Ata. 53Malaekat-malaekat lapamo pelenggene ko Mian Bisa Naparenta-parenta doikoo bai komuyu aki potulutiyo!”
Stepanus linambit batu
54Buno doiya anggota-anggota Pangadilan Agama lengelemo sasaibino oila komo Stepanus nabinantil, yanila masakit konoano tukon nggimal tuuno doi yana. 55Bai Stepanus mo inusokimo tukon Mian Bisa Na Roh, lelengea doi timbu. Yana kitayo ko Mian Bisa nababasalan tukon Yesus kokondong doi tampat mobalakuasa doi Mian Bisa bakalingano taalikon. 56“Kitayo,” Stepanus bantile, “yaku kitayo kosurgaa motobuka tukon Banggapi Napau kokondong doi Mian Bisa bakalingano taalikon!”
57Anggota-anggotadoo pangadilan yanila kukupe kopai tolingainoila maka koku-kokuweis, maka yanila posinggat molakoyo Stepanus. 58Yanila keete yana doi kampung tonggulungo doibundu yanila sakule yana tukon batu. Mian mo masakisii doiya kadadianoo yanila abese konapoo pakean doi meeng kopau malane kosambuno Saulus. 59Daanoon yanila molambite Stepanus, Stepanus uang, “Yesus, talimayo daku Roh!” 60Maka yana ladanggene kotuulo tukon nggeleamon tuuno, “Temeneno inai motonggungikene naiya dosa nia doi yanila!” Sambuno lapa bantile buno doiya yana matemo.
Currently Selected:
RASUL-RASUL SALITANO 7: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
RASUL-RASUL SALITANO 7
7
Stepanus napidato
1Imam babasal mansadai doi Stepanus, “Oilakai do mianoo nabinantil sasaibino bisa?” 2#Tea. 12:1Stepanus timbiliyo, “Utus-utus tukon Tama-tama! Soba polengele yaku! Akiyoon kotumbunggita Abraham biyol doi Haran, doiya kosinggatoo daano modungol doi Mesopotamia, Mian Basa mo monondok lubat doi yana, 3tukon bantile, ‘Otinggalemo komutano tukon kopulimu. Ampakon doi lipu Yaku naikon mo tudoikene doikoo.’ 4#Tea. 11:31, 12:4 Maka Abraham otinggalemo kolipu Kasdim, maka biyol doi Haran. Sambuno Abraham tamano mate, Mian Bisa kubaiyo Abraham biyol doi lipu nia Utus-utus tukon Tama-tama sasaibino modungoliyo budodoo nia. 5#Tea. 12:7, 13:15, 15:18, 17:8 Doiya kosinggatoo akiyo mau nabaino soobos doi lipu nia Mian Bisa beekene doi Abraham sulano nateali Abraham nalipu; mau kai nasalaal aki nabineekon doi yana. Bai Mian Bisa perjanjikenemo baikon Yana naikon mobeekene doi Abraham sulano nateali Abraham namilik doi nakatulunan. Doiya kosinggatoo Abraham akiyoon nadaano kona pau. 6#Tea. 15:13-14 Bai naiya ko Mian Bisa nabantilan doi yana, ‘Komu katurunan naikon dungol buno mian molulubaton doi mian nalipu bailon. Dopai lipudoo tumbuno naikon kubaiyo yanila ata tukon lokis-lokise yanila sangkap kosakato kotaun kona kalumbit. 7#Tob. 3:12 Bai Yaku naikon ukume komian molokis-lokise yanila, tukon yanila koidan biyol doi lipudoo tukon yanila naikon sosubaiyo Yaku doi tampat nia.’ 8#Tea. 17:10-14, 21:2-4, 25:26, 29:31–35:18 Sambuno lapa bantile buno doiya do perjanjianoo Mian Bisa sahkanggenemo tukon upacara sunat. Maka sambuno lapa Ishak, Abraham napau susuungo, Abraham sunate yana salataa kona umur alu kooloyo. Doibundu Ishak sunate koidan kona pau, doiyamo Yakub. Tukon Yakub sunate koidan kona pau mosongulo lua, doiyamo komo teali Yahudi miano tama-tamano naluwean.
9 #
Tea. 37:11, 28, 39:2, 21 Tamanggita-tamanggitadoo naluwean mosikitene Yusuf, sampe yanila balukene yana teali ata doi Mesir. Bai Mian Bisa loolainge yana, 10#Tea. 41:39-41 tukon osodiiyo yana doi sasaibino kosusaan. Mian Bisa beena doi yana pikiran tukon pandoiyan dosinggatoo yana namangadapan doi Firaun tomundo Mesir, tobikon Firaun tealikene yana gubernur tano Mesir tukon mokuasaiyo Firaun nabatomundoan. 11#Tea. 42:1-2 Doibundu teali kolaal mo babasal doi posaapon ko Mesir tukon Kanaan tobikon komian sakisaa tuuno. Kotumbunggita akimo namalaat kinaan. 12Salataa Yakub lengele doi Mesir daano kolabue yana sumboliiyo kona labuk-labuk, tumbunggita, ampakon indaa napo ampakonan tumbeno. 13#Tea. 45:1, 16 Tempo yanila naampakonan koluano luunggon, Yusuf pailukene doi utus-utusodoo baikon yanamo Yusuf. Sodo doiya kosinggatoo dotomundodoo Mesir toiyo yanila Yusuf utuso. 14#Tea. 45:9-10, 17-18, 46:27 Doibundu Yusuf makapatu teteba doi tamano, Yakub, sulano kabiyo yana polong sasaibino kopuli-pulino nabiyol doi Mesir – sasaibino yanila daano kopitu kolono lima komian. 15#Tea. 46:1-7, 49:33 Maka Yakub biyolo doi Mesir tukon idoomo kotumbunggita namatean. 16#Tea. 23:3-16, 33:19, 50:7-13; Yos. 24:32 Yanila bajano doibundu koidan binaba doi Sikhem tukon tinadin doi batadinan mo lapamo Abraham oliyo tukon momondukon kodoy doi suku Hemor miano doi Sikhem.
17 #
Tob. 1:7-8
Salataa adukono loolani kotempono ko Mian Bisa nakonoiyano kona janji doi Abraham, kotulanggita doi Mesir sosuungimo kona badaangan. 18Doi napupusan daano komeeng kotomundo bailon mo aki natingoniiyo Yusuf, teali tomundo doi Mesir. 19#Tob. 1:10-11, 22 Tomundodoo tolongo mae-maenggene kotulanggita todudul kulokis doi tumbunggitadoo. Yana pakisaayo yanila moaisene konapoo pau-pau mo sodo sinuung sulano nasasabul tukon namate. 20#Tob. 2:2 Doiya lounudoo Musa nasinuungan; yana meeng kopau lumboon mo monondok tuuno. Tolu kobituwon kona kalumbit kotamano napialaano doi nabonua, 21#Tob. 2:3-10 tukon sambuno yana sinakukon, Firaun naboine alayo yana, maka pialayo yana bunekene napau susuungo. 22Sasaibino ko Mesir miano namotoiyan inotunggukon doi yana tukon yana teali meeng komian mo balakuasa tuuno doi bantilan mau doi lenggang.
23 #
Tob. 2:11-15
Sambuno Musa kona umur sangkap kolonomo kotaun, sumbut kona mongiasan doi noano lalom sulano naampakon kitayo kondondoong kobangsa Israel miano. 24Maka yana kitayo komeeng komian doi Israel mianodoo Mesir miano mosakisaayo; maka yana belayo do mianoo mo sinakisaa tukon akateyo do Mesiroo miano. 25Musa aanggene kona bangsa naikon mangalatikene baikon ko Mian Bisa daano mopakeyo yana sulano nasodiiyo yanila. Bai tokita yanila aki napoalatiyo. 26Modoakon yana kitayo koidan ko Israel miano lua mopoakate, maka yana kakaate podamekene yanila. Yana bantile, ‘Komuyu nia mondoutus. Bulaando komuyu mopoakate?’ 27Bai do mianoo meeng mo bobokiiyo kotulano duwekene Musa doi bibil maka nabantile, ‘Miano komo bingkate ikoo moteali padagai tukon pengurus doi kami? 28Kai ikoo yase akateyo yaku koidan buno do Mesiroo miano ikoo moakateyo kolubabi?’ 29#Tob. 18:3-4 Sambuno Musa lengele oila do mianoo nabinantil, Musa dampas tinggale ko Mesir tukon dungol doi Midian. Indaa yana malaat lua kopau.
30 #
Tob. 3:1-10
Sangkap kolono kotaun doibundu meeng komalaekat lubat doi Musa doi padang lalomo loolanikon ko Sinai Bunggulo. Malaekatoo lubat doi aung lalomo luwe mosolot mo daano kolot. 31Musa masainding mokitayo doiya langgedoo, tobikon yana ampakon nggau-nggaupe sulano natoiyo oila doiya. Maka yana lengele ko Temeneno alalo mobantile, 32‘Yakumo ko Mian Bisa tumbumuyu; Yaku Abraham na Mian Bisa, Ishak tukon Yakub.’ Musa lolondong namatakutan tobikon akimo nabarani koidan mokitayo do sumolotoo. 33Doibundu Temeneno bantile koidan, ‘Liate komu sandaal ikoo mo pakeyo nokon, sabab buta tampat mukokondonganokon daano buta mo moliyous. 34Yaku lapamo kitayo tukon palatikanggene kona mosopotan tukon nasakisaawan Ku mian doi Mesir. Yaku lapamo lengele yanila nakeluhan tukon Yaku obulus sulano kuosodiiyo yanila. Budodoiya, maimo! Yaku naikon sumboliiyo ikoo abali doi Mesir.’
35 #
Tob. 2:14
Musa nia Musa mo aki nainakui doi bangsa Israel tukon mo tinolak tukon nabantilan nia, ‘Indee komo bingkate ikoo teali padagai tukon mai pengurus?’ Bai mau nabuno doiya yanamo ko Mian Bisa nai numbolii sulano nateali padagai tukon pasalamat, tukon potombonii moluwedoi malaekat mo lubat doi yana doi mosolot mo laladoo. 36#Tob. 7:3, 14:21; Bang. 14:33 Musa doiyamo komo pimpine kobangsa Israel nadampasan doi Mesir tukon kubaiyo kolangge-langge mominasaindinggon tukon langge-langge modeikon lobo doi Mesir, doi Tobun Memera, tukon doi padang lalomo kona kalumbit sangkap kolono kotaun. 37#Kua. 8:15, 18 Yanamo koidan Musa mo bantile doi bangsa Israel, ‘Mian Bisa naikon beena komuyu meeng konabi mo ililik doi komuyu nokoila, pokakana buno Yana lilike yaku.’ 38#Tob. 19:1–20:17; Kua. 5:1-33 Musamo kai doi bangsa Israel tanga-tangano nadaanoan doi padang lalomo komo teali pangantara tuuk malaekat mo posilingonii doi yana doi Sinai Bunggulo tukon tumbunggita. Yanamo komo mantalima doi Mian Bisa bilita mo tubo sulano napinolonggon doi kita.
39Mau kai nabuno doiya kitamo tumbunggita aki nayase taat doi Yana. Yanila tolake Yana tukon yase abali doi Mesir. 40#Tob. 32:1 Yanila bantile doi Harun, ‘Mongkubai dewa-dewa tuuk doi kami, sulano do dewa-dewadoo naloolainge kami. Sabab kami akimo mai toiyo oilamo naikon komo teali tukon Musadoo nakanggiyano kami dampas lengget doi Mesir!’ 41#Tob. 32:2-6 Maka doiya kosinggatoo yanila mongkubaimo meeng timbalang mobuno saapi pauno, maka yanila mososubakon sosuba doi timbalang tukon yanila mongkubai lamean sulano napo sosubaiyo kolangge yanila mokubaiyo susuungo. 42#Am. 5:25-27 Maka ko Mian Bisa otinggalemo yanila tukon sodiinggenemo yanila napo sosubaiyo kobituwon-bituwon doi timbu. Doiya pokokonoi tukon oila komo totulis doi nabi-nabi nabuku lalomo. Buno naiya,
‘Eh Israel miano! Bolikon tuuk doi Yaku
komuyu metembel tukon mososubakon iyayon sangkap kolono kotaun kolumbito doi padang lalomo.
43Sandung bapilogotan Molokh komu binababa
polaing-laing tukon potimbalang iyayon bapilogotan, doiyamo Pilogot uuno;
doiyamo kopo lobo kinubai komuyu mososubaiyo.
Tobikon doiya Yaku naikon sakukene komuyu polong dodoon doi Babel sembeleng.’
44 #
Tob. 25:9, 40 Sandung tampat Mian Bisa nalubatan doi banggapi kona talaatan doi tumbunggita doi padang lalomo. Do sandungoo kinubai luwe Mian Bisa naparenta doi Musa tukon loingikene kosontoh Mian Bisa mo otudoikene doi Musa. 45#Yos. 3:14-17 Doibundu do sandungoo tumbunggita babayo momeenggon singgatoo yanila tukon Yosua naampakonan lobuute konda lipu nia doi kakuasaan bangsa-bangsa Mian Bisa mo siikayo doi yanila salaano. Sandungoo daano idoo popolonggon Daud nalounu. 46#2Sam. 7:1-16; 1Tund. 17:1-14 Daud sanaanggene ko Mian Bisa noano tukon mangkabi doi yana sulano yana nalinoason mongkubai meeng kobonua motuuk doi Mian Bisa Yakub nasinosubaidoo. 47#1Tom. 6:1-38; 2Tund. 3:1-17 Bai Salomo komo kekendenge dobonuadoo motuuk doi Mian Bisa.
48Mau ko Mian Bisa nababasal aki nadungol doi bonua lalomo banggapi mo kubaiyo; sabab doi nabi nabuku totulis buno naiya,
49 #
Yes. 66:1-2
‘Timbu doiya Kukulusii,
tukon dunia Kubatudangan.
Bonua oila kopoo kinokondong motuuk doi Yaku?
Inaando kotampato Ku tatadean?
50Bolikon baanggon Yaku susuunggu, komo tealikene sasaibino?’
bunomo doiya ko Mian Bisa nabantilano.
51 #
Yes. 63:10
Todudulo kona matikasan konoamuyu Utus-utus tukon bunomo doiya lakon kona maalingan kopoo taatan doi Mian Bisa! Kotolingaimuyu bongolo tuuno doi Mian Bisa nabantilan! Komuyu sasaibino buno tumbumuyu; sidutu lawane ko Mian Bisa Na Roh! 52Oila daano konabi mo aki kotumbumuyu nasakisaayo? Yanila akateyo kobito-bito doi Mian Bisa doi loolukonoo mo lapamo babotilanggene baikon Mian Bisa na Ata mo bisadoo naikon lubat. Bai budodoiya komuyu kulokisanggene tukon akateyo do Mian Bisadoo na Ata. 53Malaekat-malaekat lapamo pelenggene ko Mian Bisa Naparenta-parenta doikoo bai komuyu aki potulutiyo!”
Stepanus linambit batu
54Buno doiya anggota-anggota Pangadilan Agama lengelemo sasaibino oila komo Stepanus nabinantil, yanila masakit konoano tukon nggimal tuuno doi yana. 55Bai Stepanus mo inusokimo tukon Mian Bisa Na Roh, lelengea doi timbu. Yana kitayo ko Mian Bisa nababasalan tukon Yesus kokondong doi tampat mobalakuasa doi Mian Bisa bakalingano taalikon. 56“Kitayo,” Stepanus bantile, “yaku kitayo kosurgaa motobuka tukon Banggapi Napau kokondong doi Mian Bisa bakalingano taalikon!”
57Anggota-anggotadoo pangadilan yanila kukupe kopai tolingainoila maka koku-kokuweis, maka yanila posinggat molakoyo Stepanus. 58Yanila keete yana doi kampung tonggulungo doibundu yanila sakule yana tukon batu. Mian mo masakisii doiya kadadianoo yanila abese konapoo pakean doi meeng kopau malane kosambuno Saulus. 59Daanoon yanila molambite Stepanus, Stepanus uang, “Yesus, talimayo daku Roh!” 60Maka yana ladanggene kotuulo tukon nggeleamon tuuno, “Temeneno inai motonggungikene naiya dosa nia doi yanila!” Sambuno lapa bantile buno doiya yana matemo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in