RASUL-RASUL SALITANO 2
2
Mian Bisa Na Roh nalubatan
1 #
Basam. 23:15-21; Kua. 16:9-11 Sambuno lapa polong doi oloyo Pentakosta, sasaibino komian momangangga pototongi doi meeng kotampat. 2Sosinggot doimbaa tololongol komeeng kolobo mobulungan doi dapang buno mbombuul momakansang konapuulan. Mian modaano moosulang doi bonuadoo sasaibino moono tukon do langgedoo alalo mobulungan. 3Maka yanila kitayo komian alep-alepo pokakana koaung mokolot dadul doi yayaa tukon totol doi yanila meeng-meeng. 4Yanila sasaibino kinuasai tukon Mian Bisa Na Roh, maka yanila basilingan doi moimoiya kosilingan tentang. Yanila basilingan manurut oila komo Rohdoo beekene doi yanila sulano napobantile.
5Doiya kosinggatoo badaang ko Yahudi miano luwedoi moimoiya kolipu bailon doi posaapon kodunia, dungol doi Yerusalem. Yanila daano komian mo taat tuuno doi Mian Bisa. 6Salataa linongol do langgedoo alalo mobulungan, badaang tuuno komian molubat pototongi. Yanila sasaibino ngginggim molengele do mianoo momangangga momoola basilingan doi moimoiya kosilingan tentang. 7Tukon masainding tukon naakiyan nabiyok yanila bantile, “Mian-mian mo basilingan nia sasaibino Galilea miano, bolikon? 8Bulaando kona tealian tobikon kita lengele yanila mobasilingan doi silingan lalomo doi kita nalipu memeeng? 9Kita mian luwedoi Partia, Media, Elam, Mesopotamia, Yudea tukon Kapadokia; doi Pontus tukon Asia, 10doi Frigia tukon Pamfilia, doi Mesir tukon lipu-lipu Libia pokolanikon ko Kirene; daano doi kita komo lubat luwedoi Roma, 11daano ko Yahudi miano tukon daano koidan ko mian-mian bangsa bailon mo lapamo usok agama Yahudi; daano koidan komo lubat luwedoi Kereta tukon luwedoi Arab. Kita sasaibino lengele yanila basilingan doi nda silingan lalomo memeeng manganai doi langge-langge mo minasaindinggon Mian Bisa mo lakukanggene!” 12Tukon masainding tukon aki nabiyok yanila sasaibino posadai meeng tukon meeng, “Oila komaanano naiya?”
13Bai daano komian bailon koidan mo totulaiyo. Yanila bantile, “Eh, ndaiya mianoo tolongo malangu!”
Petrus naotunggul
14Maka Petrus kokondong pososinggat tukon rasuloo mosongulo meeng bailon, boobus yana basilingan doi mian dangodoo. Tukon alalo mo babasal yana bantile, “Utus-utus, Yahudi miano tukon sasaibino komo dungol doi Yerusalem! Polengele mono-monondok, sabab nalangge nia palaluu yaku jelaskanggene doi komuyu. 15Mian nia aki namalangu, buno komuyu popasangka; sabab budodoiya sodo batong sio dowa-dowa. 16Bai naiya lapamo Mian Bisa babulitakene luwedoi Nabi Yoel:
17 #
Yl. 2:28-32
Mian Bisa bantile, ‘Doi lounu napupusan
Yaku naikon kundange Ku Roh doi sasaibino komian.
Komu pau-pau mala-malane tukon mupau-pau boineno Yana bontiikene doikoo kolangge-langge Yaku mo bontiikene doi yanila.
Mian-mian mutabo yana kitayo kolangge-langge Yaku mo tudoikene doi yanila.
Mumian-mian momotuwa yana olumon tentang olumon Yaku mo beekene doi yanila.
18Doi kupeleleani-peleleani – mau mala-malane mau kai boine –,
sio kukundongiikene Ku Roh doi oloyo-oloyodoo.
Yanila naikon bontiikene do langge-langgedoo Yaku mo bontiikenemo doi yanila.
19Yaku naikon madaanokon kuasa mominasaindinggon doi dapang bungkukono,
tukon langge-langge modeikon lobo dimbaa doi dunia bilito;
naikon daano kosau tukon aung; bukol tukon tibolung.
20Oloyo naikon teali kalipookan,
bituwon teali memela pokakana kosau
akiyoon nalaate ko Temeneno na Oloyo, Oloyo mo babasal tukon motaanggadoo nalubat.
21Doiya kosinggatoo, mian mo uang doi Temeneno
naikon sinalamaton.’
22Utus-utus Israel miano! Polengele oila komo yaku mo bantile nia: Yesus Nasaret mianodoo lapamo Mian Bisa beena limang motuuk doi utus. Doiya tokita tuuno doi mominasaindinggon tukon langge-langge mobolikon langge ko Mian Bisa mo lakukanggene doi komuyu tanga-tangano luwedoi Yesus. Sasaibino doiya utus toiyomo. 23#Mat. 27:35; Mrk. 15:24; Luk. 23:33; Yoh. 19:18 Pokokonoi natetel susuungo, Mian Bisa putuskanggene sulano nasalakanggene Yesus doi komuyu. Tukon salataa Yana sinalakanggon, komuyu akateyo Yana tukon komuyu batadikene mian-mian mokulokis nasempange Yana. 24#Mat. 28:5-6; Mrk. 16:6; Luk. 24:5 Bai Mian Bisa otuboiyo Yana koidan doi mian-mian momate antarano. Yana linomos tukon matean, bai Mian Bisa sodiiyo Yana, sabab aki namoola Yana mokinuasai budoo doi matean. 25#Sad. 16:8-11 Manganai Yesus nia biasa Daud bantile,
‘Yaku sidutu kitayo ko Temeneno doi salaanggu;
Yana lolainge Yaku, sulano Yaku aki kuinunggot mau kai oioilamo.
26Doiyamo kosababpo konoanggu laba-laba tuuno,
kobabanggu mabantil pangga-panggaalan;
tukon kobutonggu nia montotiili
tukon sanaang doi kibul lalomo.
27Sabab Ikoo aki mubatadikene Ku jiwa natotinggal doi mian momate nadunia lalomo.
Ikoo aki mubatadikene komu mian mo satiadoo namanas tukon kabus.
28Ikoo lapamo tudoikene doi Yaku kololoon motuuk doi tuboan mo bisa.
Daku laba-labaan liba-liba sabab Ikoo daano polaing Yaku.’
29Utus-utus, pobeenggu kaloasan, mobasilingan tukon tala-talaang tentang Daud, tamanggita nakatulunan. Yana matemo tukon tinadino koidan; kokibulo daanoon doi kita nia tanga-tangano polong budodoiya. 30#Sad. 132:11; 2Sam. 7:12-13 Mian Bisa lapamo bateteba doi Daud, tukon sumba, baikon daano komeeng komian kona katulunan naikon Mian Bisa oduduke teali tomundo. Sabab Daud toiyo do tetebadoo tukon mau Yana bai meeng konabi koidan, 31Yana toiyo koidan oila komo Mian Bisa kubaiyo. Jadi Yana lapamo tantukene baikon ko Tomundo Pasalamat Mian Bisa mo dondiikene, naikon tubo koidan doi namatean. Daud bantile,
‘Yana aki nabinatadikon totinggal doi mian momate nadunia lalomo;
kobutongo aki nateali manas tukon kabus.’
32Yesus naiyamo komo Mian Bisa otuboiyo koidan doi namatean. Kami sasaibino lapamo sakisiiyo doiya halloo. 33Yana biningkat doi basambuan mo tatandak tukon Mian Bisa beena kakuasaan, maka Yana talimayo ko Mian Bisa Na Roh mo lapamo dinondiikon doi Tama. Tukon doi komuyu budodoiya nia molengele tukon kitayo doiyamo do Rohdoo mo kundongiikene doi kami. 34#Sad. 110:1 Daud susuungo aki naliba doi surgaa, bai Daud bantile,
‘Temeneno bantile doi ku Temeneno:
Osulango doi bakalingo-Ku taalikon,
35polong Yaku kubaiyo komu musu-musu sosuba doi-Koo!’
36Doiyamo kosababpo sasaibino ko Israel miano sio napotoiyo tutuuno baikon Yesus komuyu mo sempanggenedoo, Yesus doiya Yanamo koidan komo lapamo Mian Bisa dondiikene nateali Temeneno tukon Tomundo Pasalamat!”
37Salataa do mian-mianoo lengele doiya langgedoo, yanila noano susa tuuno. Maka yanila mansadai doi Petrus tukon rasul-rasuloo bailon, “Utus-utus, kami sio oila kombai kinubai?”
38Petrus timbiliyo, “Pobadodoloon doi polalim-lalim. Tukon komuyu meeng-meeng sio sinau paisu salani luwedoi Yesus Kristus sambuno, sulano kopoo lalim-lalim inompuni. Maka Utus-utus naikon mantalima tambo Mian Bisa Na Roh moluwedoi Mian Bisa. 39Sabab komo Mian Bisa nadinandikonoo doiya tuuk doi-Koo tukon muturunan tukon tuuk koidan doi mian mo daano doi tampat-tampat mo odoon – doiyamo sasaibino komian nda Temeneno Mian Bisa mo uange sulano nalubat doi Yana.”
40Bunomo doiya Petrus nakatalangan doi yanila. Tukon daano mobadaang konabantilan bailon koidan yana anjulkanggene doi yanila sulano yanila nalapaase kobutongo doi bangsa nia mo kulokis Mian Bisa mo ukume naikon. 41Badaang komian moanggayo oila Petrus nabinantil, maka yanila polaing sinaumo paisu salani. Kona kadaang do mianoo mo mangangga doiya singgat sosuungi koidan tolu koloon komian. 42Tukon tutuu yanila banggadudul monggiotunggul doi rasul-rasul tukon sidutu pototongi posinggat-singgat. Yanila kaan posinggat-singgat tukon sambeang posinggat-singgat.
Mian-mian momangangga nakokubai doi tuboan
43Badaang tuuno komo minasaindinggon do rasul-rasuloo mo kubaiyo tobikon sasaibino komian masainding tukon matakut. 44#Kis. R. 4:32-35 Mian momanganggadoo sasaibino banggadudul pomeenggon tukon oila komo daano doi yanila, yanila bapake posinggat-singgat. 45Yanila balukene kona polangge-langge tukon yanila nabuat, maka napo obosikene kodoyno doi yanila sasaibino menurut meeng-meeng nakapalaluuwan. 46Samba-samba kooloyo yanila pototongi doi Temeneno Na Bonua; maka napokaan posinggat-singgat, tukon laba-laba tukon yanila aki nasombong-sombong doi yanila nabonua. 47Yanila tolongo nggaa-nggaale ko Mian Bisa tukon yanila sineseang doi sasaibino komian. Sasamba kooloyo kona kadaang yanila tosuungi sabab ko Temeneno beekene doi yanila komian budodoiya mo sinalamaton.
Currently Selected:
RASUL-RASUL SALITANO 2: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
RASUL-RASUL SALITANO 2
2
Mian Bisa Na Roh nalubatan
1 #
Basam. 23:15-21; Kua. 16:9-11 Sambuno lapa polong doi oloyo Pentakosta, sasaibino komian momangangga pototongi doi meeng kotampat. 2Sosinggot doimbaa tololongol komeeng kolobo mobulungan doi dapang buno mbombuul momakansang konapuulan. Mian modaano moosulang doi bonuadoo sasaibino moono tukon do langgedoo alalo mobulungan. 3Maka yanila kitayo komian alep-alepo pokakana koaung mokolot dadul doi yayaa tukon totol doi yanila meeng-meeng. 4Yanila sasaibino kinuasai tukon Mian Bisa Na Roh, maka yanila basilingan doi moimoiya kosilingan tentang. Yanila basilingan manurut oila komo Rohdoo beekene doi yanila sulano napobantile.
5Doiya kosinggatoo badaang ko Yahudi miano luwedoi moimoiya kolipu bailon doi posaapon kodunia, dungol doi Yerusalem. Yanila daano komian mo taat tuuno doi Mian Bisa. 6Salataa linongol do langgedoo alalo mobulungan, badaang tuuno komian molubat pototongi. Yanila sasaibino ngginggim molengele do mianoo momangangga momoola basilingan doi moimoiya kosilingan tentang. 7Tukon masainding tukon naakiyan nabiyok yanila bantile, “Mian-mian mo basilingan nia sasaibino Galilea miano, bolikon? 8Bulaando kona tealian tobikon kita lengele yanila mobasilingan doi silingan lalomo doi kita nalipu memeeng? 9Kita mian luwedoi Partia, Media, Elam, Mesopotamia, Yudea tukon Kapadokia; doi Pontus tukon Asia, 10doi Frigia tukon Pamfilia, doi Mesir tukon lipu-lipu Libia pokolanikon ko Kirene; daano doi kita komo lubat luwedoi Roma, 11daano ko Yahudi miano tukon daano koidan ko mian-mian bangsa bailon mo lapamo usok agama Yahudi; daano koidan komo lubat luwedoi Kereta tukon luwedoi Arab. Kita sasaibino lengele yanila basilingan doi nda silingan lalomo memeeng manganai doi langge-langge mo minasaindinggon Mian Bisa mo lakukanggene!” 12Tukon masainding tukon aki nabiyok yanila sasaibino posadai meeng tukon meeng, “Oila komaanano naiya?”
13Bai daano komian bailon koidan mo totulaiyo. Yanila bantile, “Eh, ndaiya mianoo tolongo malangu!”
Petrus naotunggul
14Maka Petrus kokondong pososinggat tukon rasuloo mosongulo meeng bailon, boobus yana basilingan doi mian dangodoo. Tukon alalo mo babasal yana bantile, “Utus-utus, Yahudi miano tukon sasaibino komo dungol doi Yerusalem! Polengele mono-monondok, sabab nalangge nia palaluu yaku jelaskanggene doi komuyu. 15Mian nia aki namalangu, buno komuyu popasangka; sabab budodoiya sodo batong sio dowa-dowa. 16Bai naiya lapamo Mian Bisa babulitakene luwedoi Nabi Yoel:
17 #
Yl. 2:28-32
Mian Bisa bantile, ‘Doi lounu napupusan
Yaku naikon kundange Ku Roh doi sasaibino komian.
Komu pau-pau mala-malane tukon mupau-pau boineno Yana bontiikene doikoo kolangge-langge Yaku mo bontiikene doi yanila.
Mian-mian mutabo yana kitayo kolangge-langge Yaku mo tudoikene doi yanila.
Mumian-mian momotuwa yana olumon tentang olumon Yaku mo beekene doi yanila.
18Doi kupeleleani-peleleani – mau mala-malane mau kai boine –,
sio kukundongiikene Ku Roh doi oloyo-oloyodoo.
Yanila naikon bontiikene do langge-langgedoo Yaku mo bontiikenemo doi yanila.
19Yaku naikon madaanokon kuasa mominasaindinggon doi dapang bungkukono,
tukon langge-langge modeikon lobo dimbaa doi dunia bilito;
naikon daano kosau tukon aung; bukol tukon tibolung.
20Oloyo naikon teali kalipookan,
bituwon teali memela pokakana kosau
akiyoon nalaate ko Temeneno na Oloyo, Oloyo mo babasal tukon motaanggadoo nalubat.
21Doiya kosinggatoo, mian mo uang doi Temeneno
naikon sinalamaton.’
22Utus-utus Israel miano! Polengele oila komo yaku mo bantile nia: Yesus Nasaret mianodoo lapamo Mian Bisa beena limang motuuk doi utus. Doiya tokita tuuno doi mominasaindinggon tukon langge-langge mobolikon langge ko Mian Bisa mo lakukanggene doi komuyu tanga-tangano luwedoi Yesus. Sasaibino doiya utus toiyomo. 23#Mat. 27:35; Mrk. 15:24; Luk. 23:33; Yoh. 19:18 Pokokonoi natetel susuungo, Mian Bisa putuskanggene sulano nasalakanggene Yesus doi komuyu. Tukon salataa Yana sinalakanggon, komuyu akateyo Yana tukon komuyu batadikene mian-mian mokulokis nasempange Yana. 24#Mat. 28:5-6; Mrk. 16:6; Luk. 24:5 Bai Mian Bisa otuboiyo Yana koidan doi mian-mian momate antarano. Yana linomos tukon matean, bai Mian Bisa sodiiyo Yana, sabab aki namoola Yana mokinuasai budoo doi matean. 25#Sad. 16:8-11 Manganai Yesus nia biasa Daud bantile,
‘Yaku sidutu kitayo ko Temeneno doi salaanggu;
Yana lolainge Yaku, sulano Yaku aki kuinunggot mau kai oioilamo.
26Doiyamo kosababpo konoanggu laba-laba tuuno,
kobabanggu mabantil pangga-panggaalan;
tukon kobutonggu nia montotiili
tukon sanaang doi kibul lalomo.
27Sabab Ikoo aki mubatadikene Ku jiwa natotinggal doi mian momate nadunia lalomo.
Ikoo aki mubatadikene komu mian mo satiadoo namanas tukon kabus.
28Ikoo lapamo tudoikene doi Yaku kololoon motuuk doi tuboan mo bisa.
Daku laba-labaan liba-liba sabab Ikoo daano polaing Yaku.’
29Utus-utus, pobeenggu kaloasan, mobasilingan tukon tala-talaang tentang Daud, tamanggita nakatulunan. Yana matemo tukon tinadino koidan; kokibulo daanoon doi kita nia tanga-tangano polong budodoiya. 30#Sad. 132:11; 2Sam. 7:12-13 Mian Bisa lapamo bateteba doi Daud, tukon sumba, baikon daano komeeng komian kona katulunan naikon Mian Bisa oduduke teali tomundo. Sabab Daud toiyo do tetebadoo tukon mau Yana bai meeng konabi koidan, 31Yana toiyo koidan oila komo Mian Bisa kubaiyo. Jadi Yana lapamo tantukene baikon ko Tomundo Pasalamat Mian Bisa mo dondiikene, naikon tubo koidan doi namatean. Daud bantile,
‘Yana aki nabinatadikon totinggal doi mian momate nadunia lalomo;
kobutongo aki nateali manas tukon kabus.’
32Yesus naiyamo komo Mian Bisa otuboiyo koidan doi namatean. Kami sasaibino lapamo sakisiiyo doiya halloo. 33Yana biningkat doi basambuan mo tatandak tukon Mian Bisa beena kakuasaan, maka Yana talimayo ko Mian Bisa Na Roh mo lapamo dinondiikon doi Tama. Tukon doi komuyu budodoiya nia molengele tukon kitayo doiyamo do Rohdoo mo kundongiikene doi kami. 34#Sad. 110:1 Daud susuungo aki naliba doi surgaa, bai Daud bantile,
‘Temeneno bantile doi ku Temeneno:
Osulango doi bakalingo-Ku taalikon,
35polong Yaku kubaiyo komu musu-musu sosuba doi-Koo!’
36Doiyamo kosababpo sasaibino ko Israel miano sio napotoiyo tutuuno baikon Yesus komuyu mo sempanggenedoo, Yesus doiya Yanamo koidan komo lapamo Mian Bisa dondiikene nateali Temeneno tukon Tomundo Pasalamat!”
37Salataa do mian-mianoo lengele doiya langgedoo, yanila noano susa tuuno. Maka yanila mansadai doi Petrus tukon rasul-rasuloo bailon, “Utus-utus, kami sio oila kombai kinubai?”
38Petrus timbiliyo, “Pobadodoloon doi polalim-lalim. Tukon komuyu meeng-meeng sio sinau paisu salani luwedoi Yesus Kristus sambuno, sulano kopoo lalim-lalim inompuni. Maka Utus-utus naikon mantalima tambo Mian Bisa Na Roh moluwedoi Mian Bisa. 39Sabab komo Mian Bisa nadinandikonoo doiya tuuk doi-Koo tukon muturunan tukon tuuk koidan doi mian mo daano doi tampat-tampat mo odoon – doiyamo sasaibino komian nda Temeneno Mian Bisa mo uange sulano nalubat doi Yana.”
40Bunomo doiya Petrus nakatalangan doi yanila. Tukon daano mobadaang konabantilan bailon koidan yana anjulkanggene doi yanila sulano yanila nalapaase kobutongo doi bangsa nia mo kulokis Mian Bisa mo ukume naikon. 41Badaang komian moanggayo oila Petrus nabinantil, maka yanila polaing sinaumo paisu salani. Kona kadaang do mianoo mo mangangga doiya singgat sosuungi koidan tolu koloon komian. 42Tukon tutuu yanila banggadudul monggiotunggul doi rasul-rasul tukon sidutu pototongi posinggat-singgat. Yanila kaan posinggat-singgat tukon sambeang posinggat-singgat.
Mian-mian momangangga nakokubai doi tuboan
43Badaang tuuno komo minasaindinggon do rasul-rasuloo mo kubaiyo tobikon sasaibino komian masainding tukon matakut. 44#Kis. R. 4:32-35 Mian momanganggadoo sasaibino banggadudul pomeenggon tukon oila komo daano doi yanila, yanila bapake posinggat-singgat. 45Yanila balukene kona polangge-langge tukon yanila nabuat, maka napo obosikene kodoyno doi yanila sasaibino menurut meeng-meeng nakapalaluuwan. 46Samba-samba kooloyo yanila pototongi doi Temeneno Na Bonua; maka napokaan posinggat-singgat, tukon laba-laba tukon yanila aki nasombong-sombong doi yanila nabonua. 47Yanila tolongo nggaa-nggaale ko Mian Bisa tukon yanila sineseang doi sasaibino komian. Sasamba kooloyo kona kadaang yanila tosuungi sabab ko Temeneno beekene doi yanila komian budodoiya mo sinalamaton.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in