Roma 3
3
Araheꞌ toIahudiꞌ to mosuliꞌ hangko i Pueꞌ Ala, agáiáná Pueꞌ Ala bateꞌna mobukeki dándiNa
1Kitaꞌ toIahudiꞌ hai tauna to tiꞌaraheꞌ toIahudiꞌ hibali pekeꞌ. Upu-upukeꞌ masalaꞌ i peitána Pueꞌ Ala. Babilaꞌ ara to ina mekuneꞌ node: Apa porasiꞌána toIahudiꞌ? Apa bunduꞌna karatileꞌraꞌ? 2Ina kuhániki: ara mpuꞌu porasiꞌángkiꞌ toIahudiꞌ, hai handaꞌ pobunduꞌána! Rungu-runguna, Pueꞌ Ala mampoweꞌi ngkóráꞌNa i kitaꞌ toIahudiꞌ hangkoia.#3:2 Básá Roma 9:4-5. 3Mewaliꞌ babilaꞌ ara wopiꞌi to ina mekuneꞌ node: Noumbá ane ara toIahudiꞌ to tiꞌaraheꞌ tetidaꞌ i pepoináláiraꞌ? Ba Pueꞌ Ala tiꞌara piꞌi ina mobukeki dándiNa i hira upu-upu? 4Tiꞌara noꞌonoꞌ. Kehapiꞌ araheꞌ tauna to tiꞌara mobukeki dándiraꞌ, Pueꞌ Ala bateꞌna ina mobukeki dándiNa. Hangaa-ngaa tabuhinao apa to nauliꞌ Datu Daudiꞌ hangkoia. Nauliꞌ node:
“Ó Pueꞌ, toꞌu to Nuꞌuliꞌ.
Kehapiꞌ ba heáná peá to mosalaꞌiKoꞌ,
bateꞌna hangaa-ngaa rapangákuꞌ kamanótóna laluitaMu.”#3:4 Básá woꞌo Iesaia 1:18a; 43:26; Aiubi 42:1-6. (Sura Petóiá 51:6b)
5Mewaliꞌ, bábehiána tauna to tiꞌara manótó mopatongawaꞌ kamanótóna Pueꞌ Ala. Ane noꞌonoꞌi, apa mani to peisá ina tauliꞌ? Ba tiꞌara hintotoꞌ kamabukoꞌna Pueꞌ Ala? Ineeꞌ nipekiri katiꞌárána manótó Pueꞌ Ala ane Ia mohukukeꞌ ánti bábehiántaꞌ to kadake. Ara mpuꞌu tauna to mampekiri noꞌonoꞌ, 6agáiáná pekiriraꞌ tiꞌara toꞌu. Ane rápáꞌna Pueꞌ Ala tiꞌara manótó, lempóna Ia tiꞌara peisá mohoda-hoda kárá-káráraꞌ upu-upu tauna i alo pobutusi i kahópóꞌána duniáꞌ. 7Agáiáná ara tauna to manguliꞌ node: “Ane bábehiángkuꞌ to motengkoꞌ mopatongawaꞌ kamanótóna Pueꞌ Ala haneꞌi hangaꞌNa rapomahile, moapa riꞌi haneꞌi kódóꞌ to rasalaꞌi ánti dósángkuꞌ?” 8Ara woꞌo tauna to mogoli-goli laluitangkuꞌ. Rauliꞌ molaluitaꞌaꞌ node: “Rángina tabábehi pemiꞌi bábehiá to kadake bona peámpungi to hangko i Pueꞌ Ala tongawaꞌ i kitaꞌ.” Tauna to manguliꞌ noꞌonoꞌ, hintotoꞌ ntepuꞌuheꞌ nahuku Pueꞌ Ala!
Upu-upu tauna masalaꞌ i peitána Pueꞌ Ala
9Mewaliꞌ, ba kitaꞌ toIahudiꞌ melumbuꞌ kamaroꞌantaꞌ hangko i tauna ntániꞌna? Tiꞌara! Láwiꞌ nodo miꞌi to kuꞌuliꞌ, upu-upu tauna bateꞌna masalaꞌ, láwiꞌ kitaꞌ upu-upu to madósákeꞌ, maroꞌa toIahudiꞌ maroꞌa tauna ntániꞌna. 10Láwiꞌ hangkoia teukiꞌ i lalu Sura Magasaꞌ to manguliꞌ node:
“Tiꞌara ara haweꞌ hadua tauna to manótó i peitána Pueꞌ Ala.
11Tiꞌara ara haweꞌ hadua to moisá apa to maroꞌa.
Tiꞌara ara haweꞌ hadua to mampoinao ntepuꞌu moisá Pueꞌ Ala.
12Upu-upu tauna motaleuki Pueꞌ Ala.
Tiꞌara piꞌi mobunduꞌ katueꞌraꞌ.
Tiꞌara ara tauna to maroꞌa bábehiáraꞌ, haweꞌ hadua tiꞌara ara. (Sura Petóiá 14:1-3; 53:1-3)
13Polaluitaraꞌ peisá mopakanawoꞌ tauna
hai peisá woꞌo mopaꞌara kapate i tauna. (Sura Petóiá 5:10; 140:4)
14Pakaheꞌ mokambo tauna ntániꞌna,
hai laluitaraꞌ mopamahái laluraꞌ. (Sura Petóiá 10:7)
15Latóꞌheꞌ hai rapoinao pemiꞌi mepapate.
16Iumbá peá kalaoáraꞌ, moántiheꞌ posisalaꞌ hai kapári.
17Tiꞌara raisá rárá pohintuwuꞌ. (Iesaia 59:7-8; Sura Paturoꞌ 1:16)
18Tiꞌara raisá mengkoruꞌ i Pueꞌ Ala.” (Sura Petóiá 36:2)
19Hangko i apa to teukiꞌ iti, taisá ntepuꞌu katiꞌárána ara tauna to manótó. Hai taisá upu-upu to teukiꞌ i Paturoꞌna Musa, teukiꞌ bona mopaturoꞌkeꞌ. Mewaliꞌ, tiꞌara ara haweꞌ hadua tauna to pebáiꞌ manguliꞌ katiꞌárána masalaꞌ. Upu-upu tauna bateꞌna masalaꞌ i peitána Pueꞌ Ala. 20Tiꞌara ara haweꞌ hadua to peisá rapakanótó i peitána Pueꞌ Ala ánti pampeuláꞌiraꞌ Paturoꞌna Musa, ngkáliꞌna riꞌi moliu Paturoꞌna Musa iti, tauna moisá kamadósáraꞌ.
Rárá bona tauna mewaliꞌ manótó i peitána Pueꞌ Ala (3:21–5:21)
Kitaꞌ mewaliꞌkeꞌ manótó i peitána Pueꞌ Ala ánti pepoináláintaꞌ i Pueꞌ Iesu
21Deꞌe-deꞌe Pueꞌ Ala motudeꞌámokeꞌ noumbá rárána bona tauna peisá mewaliꞌ manótó i peitáNa. Kehapiꞌ rárá iti tepahaweꞌ miꞌi hangkoia i lalu sura to naukiꞌ Musa hai suraraꞌ nabiꞌ-nabiꞌ,#3:21 sura to naukiꞌ Musa hai suraraꞌ nabiꞌ-nabiꞌ: Ia miꞌi Pototowiá to Sae. tiꞌarakeꞌ mewaliꞌ manótó i peitána Pueꞌ Ala ánti kamampeuláꞌintaꞌ Paturoꞌna Musa, {láwiꞌ tiꞌara tabuku mampeuláꞌi upu-upuna iti,} 22agáiáná mewaliꞌkeꞌ manótó i peitána Pueꞌ Ala ánti kamepoináláintaꞌ i Iesu Kerisitu. Upu-upu tauna to mepoinálái i Iesu narekeꞌ Pueꞌ Ala manótó i peitáNa, láwiꞌ Ia tiꞌara mampopontaniꞌ toIahudiꞌ hai to tiꞌara toIahudiꞌ. 23Kitaꞌ upu-upu tauna to madósá, onoꞌ miꞌi haneꞌi tiꞌarakeꞌ hintotoꞌ molámbiꞌ gáláꞌtaꞌ i lalu kameawaꞌNa. 24Agáiáná ánti kanahómpókintaꞌ Kerisitu Iesu, Pueꞌ Ala mokábáhámokeꞌ hangko i huku dósántaꞌ, hai Narekeꞌmokeꞌ manótó i peitáNa. Upu-upu iti Naweꞌikeꞌ mbero hangko i kabulána laluNa.
25Pueꞌ Ala mohuhuꞌ Iesu nodo popenómbá bona mewaliꞌ rárá podame. Iesu rapapate hai mabubu waheꞌNa mouláꞌ popakanótóna Pueꞌ Ala. Ia rahuku mosulewátáikeꞌ bona teámpungi dósántaꞌ, hai tiꞌarapokeꞌ nakabukoꞌi Pueꞌ Ala ane mepoináláikeꞌ i Iesu. Hangko tiꞌara mani Iesu mate, Pueꞌ Ala tiꞌara mohuku upu-upu tauna to madósá. Ánti kasabaraꞌNa iti, ara dósá tauna to Napatodáhi peá i tempó iti. 26Agáiáná deꞌe-deꞌe, Pueꞌ Ala mopatongawaꞌ kamanótóNa, láwiꞌ Ia mopakanótó upu-upu tauna to mepoinálái i Iesu, álána mewaliꞌheꞌ manótó i peitáNa.
27Mewaliꞌ, tiꞌara ara álásántaꞌ mampepemahile, láwiꞌ tiꞌarakeꞌ natarima Pueꞌ Ala ánti bábehiántaꞌ to maroꞌa, agáiáná Natarimamokeꞌ ánti pepoináláintaꞌ i Pueꞌ Iesu Topohómpóꞌ Salaꞌ. 28Deꞌe miꞌi tunggáiána laluitangkuꞌ: kitaꞌ mewaliꞌkeꞌ manótó i peitána Pueꞌ Ala, tiꞌara hangko i bábehiántaꞌ to maroꞌa mouláꞌ Paturoꞌna Musa, agáiáná ánti pepoináláintaꞌ. 29Ba nipekiri kitaꞌ peá toIahudiꞌ to napokaꞌahiꞌ Pueꞌ Ala, ba Ia maꞌahiꞌ woꞌo i tauna ntániꞌna? Niꞌisá Ia mampokaꞌahiꞌ woꞌo tauna ntániꞌna, 30láwiꞌ hadua peá Pueꞌ Ala, hai Ia mopakanótókeꞌ i peitáNa ánti pepoináláintaꞌ, maroꞌa kitaꞌ toIahudiꞌ, maroꞌa tauna to tiꞌaraheꞌ toIahudiꞌ.
31Mewaliꞌ, peisá paꞌi takábáhá miꞌi Paturoꞌna Musa, láwiꞌ Pueꞌ Ala mopakanótókeꞌ ánti pepoináláintaꞌ, tiꞌara ánti pampeuláꞌintaꞌ paturoꞌ iti? Tiꞌara! Ineeꞌ nipekiri noꞌonoꞌ! Ngkáliꞌna riꞌi, Paturoꞌna Musa iti hangaa-ngaa tabiláꞌ.#3:31 Básá Ieremia 31:33.
Currently Selected:
Roma 3: NTBEP
Highlight
Share
Compare
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
Roma 3
3
Araheꞌ toIahudiꞌ to mosuliꞌ hangko i Pueꞌ Ala, agáiáná Pueꞌ Ala bateꞌna mobukeki dándiNa
1Kitaꞌ toIahudiꞌ hai tauna to tiꞌaraheꞌ toIahudiꞌ hibali pekeꞌ. Upu-upukeꞌ masalaꞌ i peitána Pueꞌ Ala. Babilaꞌ ara to ina mekuneꞌ node: Apa porasiꞌána toIahudiꞌ? Apa bunduꞌna karatileꞌraꞌ? 2Ina kuhániki: ara mpuꞌu porasiꞌángkiꞌ toIahudiꞌ, hai handaꞌ pobunduꞌána! Rungu-runguna, Pueꞌ Ala mampoweꞌi ngkóráꞌNa i kitaꞌ toIahudiꞌ hangkoia.#3:2 Básá Roma 9:4-5. 3Mewaliꞌ babilaꞌ ara wopiꞌi to ina mekuneꞌ node: Noumbá ane ara toIahudiꞌ to tiꞌaraheꞌ tetidaꞌ i pepoináláiraꞌ? Ba Pueꞌ Ala tiꞌara piꞌi ina mobukeki dándiNa i hira upu-upu? 4Tiꞌara noꞌonoꞌ. Kehapiꞌ araheꞌ tauna to tiꞌara mobukeki dándiraꞌ, Pueꞌ Ala bateꞌna ina mobukeki dándiNa. Hangaa-ngaa tabuhinao apa to nauliꞌ Datu Daudiꞌ hangkoia. Nauliꞌ node:
“Ó Pueꞌ, toꞌu to Nuꞌuliꞌ.
Kehapiꞌ ba heáná peá to mosalaꞌiKoꞌ,
bateꞌna hangaa-ngaa rapangákuꞌ kamanótóna laluitaMu.”#3:4 Básá woꞌo Iesaia 1:18a; 43:26; Aiubi 42:1-6. (Sura Petóiá 51:6b)
5Mewaliꞌ, bábehiána tauna to tiꞌara manótó mopatongawaꞌ kamanótóna Pueꞌ Ala. Ane noꞌonoꞌi, apa mani to peisá ina tauliꞌ? Ba tiꞌara hintotoꞌ kamabukoꞌna Pueꞌ Ala? Ineeꞌ nipekiri katiꞌárána manótó Pueꞌ Ala ane Ia mohukukeꞌ ánti bábehiántaꞌ to kadake. Ara mpuꞌu tauna to mampekiri noꞌonoꞌ, 6agáiáná pekiriraꞌ tiꞌara toꞌu. Ane rápáꞌna Pueꞌ Ala tiꞌara manótó, lempóna Ia tiꞌara peisá mohoda-hoda kárá-káráraꞌ upu-upu tauna i alo pobutusi i kahópóꞌána duniáꞌ. 7Agáiáná ara tauna to manguliꞌ node: “Ane bábehiángkuꞌ to motengkoꞌ mopatongawaꞌ kamanótóna Pueꞌ Ala haneꞌi hangaꞌNa rapomahile, moapa riꞌi haneꞌi kódóꞌ to rasalaꞌi ánti dósángkuꞌ?” 8Ara woꞌo tauna to mogoli-goli laluitangkuꞌ. Rauliꞌ molaluitaꞌaꞌ node: “Rángina tabábehi pemiꞌi bábehiá to kadake bona peámpungi to hangko i Pueꞌ Ala tongawaꞌ i kitaꞌ.” Tauna to manguliꞌ noꞌonoꞌ, hintotoꞌ ntepuꞌuheꞌ nahuku Pueꞌ Ala!
Upu-upu tauna masalaꞌ i peitána Pueꞌ Ala
9Mewaliꞌ, ba kitaꞌ toIahudiꞌ melumbuꞌ kamaroꞌantaꞌ hangko i tauna ntániꞌna? Tiꞌara! Láwiꞌ nodo miꞌi to kuꞌuliꞌ, upu-upu tauna bateꞌna masalaꞌ, láwiꞌ kitaꞌ upu-upu to madósákeꞌ, maroꞌa toIahudiꞌ maroꞌa tauna ntániꞌna. 10Láwiꞌ hangkoia teukiꞌ i lalu Sura Magasaꞌ to manguliꞌ node:
“Tiꞌara ara haweꞌ hadua tauna to manótó i peitána Pueꞌ Ala.
11Tiꞌara ara haweꞌ hadua to moisá apa to maroꞌa.
Tiꞌara ara haweꞌ hadua to mampoinao ntepuꞌu moisá Pueꞌ Ala.
12Upu-upu tauna motaleuki Pueꞌ Ala.
Tiꞌara piꞌi mobunduꞌ katueꞌraꞌ.
Tiꞌara ara tauna to maroꞌa bábehiáraꞌ, haweꞌ hadua tiꞌara ara. (Sura Petóiá 14:1-3; 53:1-3)
13Polaluitaraꞌ peisá mopakanawoꞌ tauna
hai peisá woꞌo mopaꞌara kapate i tauna. (Sura Petóiá 5:10; 140:4)
14Pakaheꞌ mokambo tauna ntániꞌna,
hai laluitaraꞌ mopamahái laluraꞌ. (Sura Petóiá 10:7)
15Latóꞌheꞌ hai rapoinao pemiꞌi mepapate.
16Iumbá peá kalaoáraꞌ, moántiheꞌ posisalaꞌ hai kapári.
17Tiꞌara raisá rárá pohintuwuꞌ. (Iesaia 59:7-8; Sura Paturoꞌ 1:16)
18Tiꞌara raisá mengkoruꞌ i Pueꞌ Ala.” (Sura Petóiá 36:2)
19Hangko i apa to teukiꞌ iti, taisá ntepuꞌu katiꞌárána ara tauna to manótó. Hai taisá upu-upu to teukiꞌ i Paturoꞌna Musa, teukiꞌ bona mopaturoꞌkeꞌ. Mewaliꞌ, tiꞌara ara haweꞌ hadua tauna to pebáiꞌ manguliꞌ katiꞌárána masalaꞌ. Upu-upu tauna bateꞌna masalaꞌ i peitána Pueꞌ Ala. 20Tiꞌara ara haweꞌ hadua to peisá rapakanótó i peitána Pueꞌ Ala ánti pampeuláꞌiraꞌ Paturoꞌna Musa, ngkáliꞌna riꞌi moliu Paturoꞌna Musa iti, tauna moisá kamadósáraꞌ.
Rárá bona tauna mewaliꞌ manótó i peitána Pueꞌ Ala (3:21–5:21)
Kitaꞌ mewaliꞌkeꞌ manótó i peitána Pueꞌ Ala ánti pepoináláintaꞌ i Pueꞌ Iesu
21Deꞌe-deꞌe Pueꞌ Ala motudeꞌámokeꞌ noumbá rárána bona tauna peisá mewaliꞌ manótó i peitáNa. Kehapiꞌ rárá iti tepahaweꞌ miꞌi hangkoia i lalu sura to naukiꞌ Musa hai suraraꞌ nabiꞌ-nabiꞌ,#3:21 sura to naukiꞌ Musa hai suraraꞌ nabiꞌ-nabiꞌ: Ia miꞌi Pototowiá to Sae. tiꞌarakeꞌ mewaliꞌ manótó i peitána Pueꞌ Ala ánti kamampeuláꞌintaꞌ Paturoꞌna Musa, {láwiꞌ tiꞌara tabuku mampeuláꞌi upu-upuna iti,} 22agáiáná mewaliꞌkeꞌ manótó i peitána Pueꞌ Ala ánti kamepoináláintaꞌ i Iesu Kerisitu. Upu-upu tauna to mepoinálái i Iesu narekeꞌ Pueꞌ Ala manótó i peitáNa, láwiꞌ Ia tiꞌara mampopontaniꞌ toIahudiꞌ hai to tiꞌara toIahudiꞌ. 23Kitaꞌ upu-upu tauna to madósá, onoꞌ miꞌi haneꞌi tiꞌarakeꞌ hintotoꞌ molámbiꞌ gáláꞌtaꞌ i lalu kameawaꞌNa. 24Agáiáná ánti kanahómpókintaꞌ Kerisitu Iesu, Pueꞌ Ala mokábáhámokeꞌ hangko i huku dósántaꞌ, hai Narekeꞌmokeꞌ manótó i peitáNa. Upu-upu iti Naweꞌikeꞌ mbero hangko i kabulána laluNa.
25Pueꞌ Ala mohuhuꞌ Iesu nodo popenómbá bona mewaliꞌ rárá podame. Iesu rapapate hai mabubu waheꞌNa mouláꞌ popakanótóna Pueꞌ Ala. Ia rahuku mosulewátáikeꞌ bona teámpungi dósántaꞌ, hai tiꞌarapokeꞌ nakabukoꞌi Pueꞌ Ala ane mepoináláikeꞌ i Iesu. Hangko tiꞌara mani Iesu mate, Pueꞌ Ala tiꞌara mohuku upu-upu tauna to madósá. Ánti kasabaraꞌNa iti, ara dósá tauna to Napatodáhi peá i tempó iti. 26Agáiáná deꞌe-deꞌe, Pueꞌ Ala mopatongawaꞌ kamanótóNa, láwiꞌ Ia mopakanótó upu-upu tauna to mepoinálái i Iesu, álána mewaliꞌheꞌ manótó i peitáNa.
27Mewaliꞌ, tiꞌara ara álásántaꞌ mampepemahile, láwiꞌ tiꞌarakeꞌ natarima Pueꞌ Ala ánti bábehiántaꞌ to maroꞌa, agáiáná Natarimamokeꞌ ánti pepoináláintaꞌ i Pueꞌ Iesu Topohómpóꞌ Salaꞌ. 28Deꞌe miꞌi tunggáiána laluitangkuꞌ: kitaꞌ mewaliꞌkeꞌ manótó i peitána Pueꞌ Ala, tiꞌara hangko i bábehiántaꞌ to maroꞌa mouláꞌ Paturoꞌna Musa, agáiáná ánti pepoináláintaꞌ. 29Ba nipekiri kitaꞌ peá toIahudiꞌ to napokaꞌahiꞌ Pueꞌ Ala, ba Ia maꞌahiꞌ woꞌo i tauna ntániꞌna? Niꞌisá Ia mampokaꞌahiꞌ woꞌo tauna ntániꞌna, 30láwiꞌ hadua peá Pueꞌ Ala, hai Ia mopakanótókeꞌ i peitáNa ánti pepoináláintaꞌ, maroꞌa kitaꞌ toIahudiꞌ, maroꞌa tauna to tiꞌaraheꞌ toIahudiꞌ.
31Mewaliꞌ, peisá paꞌi takábáhá miꞌi Paturoꞌna Musa, láwiꞌ Pueꞌ Ala mopakanótókeꞌ ánti pepoináláintaꞌ, tiꞌara ánti pampeuláꞌintaꞌ paturoꞌ iti? Tiꞌara! Ineeꞌ nipekiri noꞌonoꞌ! Ngkáliꞌna riꞌi, Paturoꞌna Musa iti hangaa-ngaa tabiláꞌ.#3:31 Básá Ieremia 31:33.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.