TITUS 2
2
Anakotnak atakam baememtam atakam
1Wore ere, era atakamnak aememtamey. 2Era duturu owe, jak fiak abememtas. Are turu owe baememtas. Bimak binip aptam baememtas. Are Yesus Kristus eemnak bamesemkoromtas. Are owe bafaimak baemomemkoromtas. Are bamompim bas. Emes atakam aememtamey. 3Era paytu tapesam, aememas pak takes, era turunak tapes pak jipu baemtas. Are wan owe jaos, emes ataso atakam bakoromat bas. Are bir bwi banda bimak binip daytu bas. Are era akot pak baememtamtas. Wore ere, emes atakam aememtamey. 4Emesare, are era ai tapes, ambiis anama ajii bafaim baememtamtas. 5Are era ai tapes, bimak binip aptam baemapam, asan pota apok baemapam, atame owe asan akot baemtamam, asan akot tapes baemapam, armo atakam ji baeam, emes aememtamtemas. Owe, Allah atakam, pota atakam bakore-ombar.
6Wonom era ai owe, bimak binip aptam baemem, ataane aweomey. 7Era aemtem pak takes, akot pak aemey. Owerawa, era aemtem pak jipu batawejomtas. Atakam aememtamtem, atakam turuar. Wonom biakot aememey. 8Atakamnak akoreaarey. Owe woatakam, pota atakam bakore-ombar. Erarawa woatakam aooemas owe, dare atakam pota baemekore asan apok. Erarawa are damke akemtemas.
9Bambi karai baetam owe, karai armat owe atakam ji baetas. Era aememas pak takes, jak akot era karai armat owe baemtas. Are era karai armat owe atep bajit bas. 10Are era karai armat owe pak wosom bas. Me, are owe akotam, owe turuam, baememtas. Are emes aemtas, owe, era aememtamemmarom atakam, atakam akot aportemas. Emesare, era aememtamemmarom atakam, Allah atakam. Armat Ipitam dera Bajortaer Ipit.
11Emesare, Allah, asan akot, asamot owe bambi baem, aememem. Armat Ipitam era pak asamot owe aporomtame. Era pakam owe takes bajortaer pak. 12Dare Allah era asan akot dare bambi aemmaro apormarom. Erarawa dare era asan pota pakam, ara aemansa tapirmi jak basenomem pakam, beak sos basotam, ere akot apormarom. Dare waa bare, bimak binip aptam baememam, turunak owe baememam, akot owe baememam, ere akot apormarom. 13Dare era akot bare baemames jiirey aeemarom. Waaam banamek ara apemmarom. Era bare ere, Yesus Kristus andaeto bare are. Era baream, dare Armat Ipitam, aakotipitnak pakam, emes aportemarom. Emesare, Are Ju Armat Ipit Allah. Are dara Bajortaer Raja Ipit. 14Armat Ipit dare jokoman pak takes basurumtam, dambir atemtamero. Are, dare owe turunak baemapomtam, dambir atemtamero. Are dare ajoo owe baememam akoten. Are dare akot pak baem jak baseseromem akoten.
15Emesare, wore emes atakam aememtamey. Wonom owe ataane aweomey. Oweam ajatemotaerey. Emes atakam fiaknak akoretamey. Oweam bifane wore bafeomem bas.
Currently Selected:
TITUS 2: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
TITUS 2
2
Anakotnak atakam baememtam atakam
1Wore ere, era atakamnak aememtamey. 2Era duturu owe, jak fiak abememtas. Are turu owe baememtas. Bimak binip aptam baememtas. Are Yesus Kristus eemnak bamesemkoromtas. Are owe bafaimak baemomemkoromtas. Are bamompim bas. Emes atakam aememtamey. 3Era paytu tapesam, aememas pak takes, era turunak tapes pak jipu baemtas. Are wan owe jaos, emes ataso atakam bakoromat bas. Are bir bwi banda bimak binip daytu bas. Are era akot pak baememtamtas. Wore ere, emes atakam aememtamey. 4Emesare, are era ai tapes, ambiis anama ajii bafaim baememtamtas. 5Are era ai tapes, bimak binip aptam baemapam, asan pota apok baemapam, atame owe asan akot baemtamam, asan akot tapes baemapam, armo atakam ji baeam, emes aememtamtemas. Owe, Allah atakam, pota atakam bakore-ombar.
6Wonom era ai owe, bimak binip aptam baemem, ataane aweomey. 7Era aemtem pak takes, akot pak aemey. Owerawa, era aemtem pak jipu batawejomtas. Atakam aememtamtem, atakam turuar. Wonom biakot aememey. 8Atakamnak akoreaarey. Owe woatakam, pota atakam bakore-ombar. Erarawa woatakam aooemas owe, dare atakam pota baemekore asan apok. Erarawa are damke akemtemas.
9Bambi karai baetam owe, karai armat owe atakam ji baetas. Era aememas pak takes, jak akot era karai armat owe baemtas. Are era karai armat owe atep bajit bas. 10Are era karai armat owe pak wosom bas. Me, are owe akotam, owe turuam, baememtas. Are emes aemtas, owe, era aememtamemmarom atakam, atakam akot aportemas. Emesare, era aememtamemmarom atakam, Allah atakam. Armat Ipitam dera Bajortaer Ipit.
11Emesare, Allah, asan akot, asamot owe bambi baem, aememem. Armat Ipitam era pak asamot owe aporomtame. Era pakam owe takes bajortaer pak. 12Dare Allah era asan akot dare bambi aemmaro apormarom. Erarawa dare era asan pota pakam, ara aemansa tapirmi jak basenomem pakam, beak sos basotam, ere akot apormarom. Dare waa bare, bimak binip aptam baememam, turunak owe baememam, akot owe baememam, ere akot apormarom. 13Dare era akot bare baemames jiirey aeemarom. Waaam banamek ara apemmarom. Era bare ere, Yesus Kristus andaeto bare are. Era baream, dare Armat Ipitam, aakotipitnak pakam, emes aportemarom. Emesare, Are Ju Armat Ipit Allah. Are dara Bajortaer Raja Ipit. 14Armat Ipit dare jokoman pak takes basurumtam, dambir atemtamero. Are, dare owe turunak baemapomtam, dambir atemtamero. Are dare ajoo owe baememam akoten. Are dare akot pak baem jak baseseromem akoten.
15Emesare, wore emes atakam aememtamey. Wonom owe ataane aweomey. Oweam ajatemotaerey. Emes atakam fiaknak akoretamey. Oweam bifane wore bafeomem bas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1994