ROMA 7
7
Oorey bajuut atakam
1Dejoo owe akotnak! Tare basakamtam atakam tamsam owe. Erarawa era akoretey atakam, jane ajitemakam. Emesare, jatiaptam owe taka, basakamtam atakam bomon aemapmas. Owe dambir aemtas, are basakamtam atakam bomon boemap apok. 2Ere taot oorey ajuute emes tamen are. Era basakamtam atakam ere, “Era taot armo ipit batuujis, wanam wan ipit bojuut bas.” Emes atakam akorem. Me, armo ipit dambir aemto, wanam era taot oorey aojuutto, era basakamtam atakam era taot dosa atakam apok. 3Erarawa, taot armo ipit dambir baem apok ere, wanam era taot wan ipit aojuutto, ere, era taot jasipar taot. Me, armo ipit dambir aemto, era taot oorey bojuut bas, emes basakamtam atakam bomon boeapom apok aemtem. Are wan ipit aojuutto, are jasipar taot apok. 4Dejoo owe akotnak! Tanom emes are. Tare Kristus takan aemapmakam. Me Armat Ipit dambir ateme. Erarawa tanom dambir tamen atemekem. Emesare, tare Musa Basakamtam Atakam bomon boemap apok. Tararawa, waa ajaorwasite Ipit aapak. Ere dare Allah akot apormar pak baem are. 5Bonak ere, dare dajak basenomem pak jipu taka aemaarum. Dare Musa Basakamtam Atakam aporaarum, emes dosa baem, jak asenomaarum. Emesare, era aemaarum pak dambir baem pak taka. 6Emesare, dare dambir tamen atemom. Erarawa, Allah atakam akore, “Tare Musa aeapome Basakamtam Atakam bomon boemap apok.” Emes atakam aesime. Me Allah karai aetammarom pak ere, tarai pak jipu boem apok. Ere Musa buku aeapome Basakamtam Atakam jipu apok. Me Allah karai aetammarom pak ere, Allah Jip ai jak atetamero pak jipu.
Musa Basakamtam Atakam, pota ape atakam
7Dare ere wama atakam okoretam? Era Musa Basakamtam Atakam dosa pak ape? Apoknak! Dere era Basakamtam Atakam jane bajie apok ere, denom dosa pak bapor apok aemaaru. Me wan Basakamtam Atakamam, “Pak senomemtakam,” emes atakam akorem. Era Basakamtam Atakam emes atakam apok ere, denom pak basenomem bapor apok aemaaru. 8Era basakamtam Atakam ere, pak basenomem atakam aememtamen. Derarawa, pak basenomem aokakaimo. Bonak ere, dere era Basakamtam Atakam atakam bapor apok aemaaru, dere pak basenomem kope emes aemaaru. 9Era Basakamtam Atakamam, “Tare emes pak emtakam,” emes atakam akorem. Dere era atakam bapor apok aemaaru, ere dere jak akot aememaaru. Dere ere, era Basakamtam Atakam taka taka aporo ere, dosa baem asenomo. Derarawa jak pota aememo. 10Denom dambir tamen atemo. Emesare, Allah, jiine pak, asamot owe batetam akot ajien. Erarawa, era basakamtam atakam taka taka ataetiitamen. Me, era basakamtam atakam, dere dambir batem atakam basakamtii pak. 11Emesare, dosa asan akot apore, era dosa potet tamen atutumen. Denom era basakamtam atakam taka taka atakam jane ajio ere, era dosa dera batatii tamen aemen. Era dosa, era basakamtam atakam, dera batatii tamen aemen.
12Emesare, era Basakamtam Atakam, Allah ataetiitame atakam are. Era basakamtam atakam taka taka, Allah ataetiitame atakam are. Are atakamnak. Are akot. 13Emesare, era akot Basakamtam Atakam dera atatiien apaye? Emes apok! Dosa dera atatiien. Era basakamtam atakam akot pak dosa aitey, dera atatiien. Me, era pak, dosa apota pak, baso baporom pak are. Era basakamtam atakam taka taka, owe dosa baem bas, emes atakam akoremas. Emesare, owe era dosa dara atatiiero apormas ere, are era dosa potanak apormas.
Asamot owe jak atakam
14Emesare, Musa Basakamtam Atakam, Allah pak apormarom. Dere ere, asamot ipit. Dere dosa bambi karai baetam ipit. 15Dere era jak aseseromo pak jipu baem apok. Me, era bifane afeomemin pak jipu aememin. Dere emes baem wama tamenem? Denom demsam apok. 16Dere dejak baseseromem apok pak jipu aemtey, dere Musa Basakamtam Atakam akot ajimin. 17Emesare dere era pota pak baem, dema apok. Me, dejak bomon aemapemar dosa, era pota pak aemum. 18Me dejak bomon aemapemar pak, ere, akot pak apok apormin. Me dejak, ere asamot jak. Denom akot pak baem jak aseseromemin. Me, dere era pak baemeem asan apok. 19Dere akot pak baem jak aseserommin. Dere ere, era pak baem apok. Emesare, dere dejak baseseromem apok dosa aememin. 20Dere dejak baseseromem apok pak aemtey, era pak dema baem apok. Me, dejak bomon aemapemar dosa, era pak aemtameman.
21Erarawa, dere akot pak baem aemtey, era pota pakam setepkope aememman. Dere emes taka aememin. 22Dere dejak bomon, “Allah Atakam akotnak.” Emes atakam aesimemin. 23Me debimak binip pak ere, apas. Me dedamo bomon pakam apas. “Me Musa Basakamtam Atakam ji bae akot.” Emes bimak binip kope atetaramemin. Me, dedamo bomon pak, dosa baemaar, daytinak asenomeme. Me dedamo bomon pak fiaknak. 24Emesare, dere asan potanak are. Ara damo dambir atemtem. Dera ajortaertan ere, tanam? 25Yesus Kristus daTuhan ajortaeren! Emesare, dere terima kasih atakam Allah akorommin. Emesare. Dere bimak binip atetaramemin ere, “Musa Basakamtam Atakam ji bae akot,” emes atakam aesimemin. Me dejak bomon pak ere, dosa era Basakamtam Atakam ji aeem.
Currently Selected:
ROMA 7: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
ROMA 7
7
Oorey bajuut atakam
1Dejoo owe akotnak! Tare basakamtam atakam tamsam owe. Erarawa era akoretey atakam, jane ajitemakam. Emesare, jatiaptam owe taka, basakamtam atakam bomon aemapmas. Owe dambir aemtas, are basakamtam atakam bomon boemap apok. 2Ere taot oorey ajuute emes tamen are. Era basakamtam atakam ere, “Era taot armo ipit batuujis, wanam wan ipit bojuut bas.” Emes atakam akorem. Me, armo ipit dambir aemto, wanam era taot oorey aojuutto, era basakamtam atakam era taot dosa atakam apok. 3Erarawa, taot armo ipit dambir baem apok ere, wanam era taot wan ipit aojuutto, ere, era taot jasipar taot. Me, armo ipit dambir aemto, era taot oorey bojuut bas, emes basakamtam atakam bomon boeapom apok aemtem. Are wan ipit aojuutto, are jasipar taot apok. 4Dejoo owe akotnak! Tanom emes are. Tare Kristus takan aemapmakam. Me Armat Ipit dambir ateme. Erarawa tanom dambir tamen atemekem. Emesare, tare Musa Basakamtam Atakam bomon boemap apok. Tararawa, waa ajaorwasite Ipit aapak. Ere dare Allah akot apormar pak baem are. 5Bonak ere, dare dajak basenomem pak jipu taka aemaarum. Dare Musa Basakamtam Atakam aporaarum, emes dosa baem, jak asenomaarum. Emesare, era aemaarum pak dambir baem pak taka. 6Emesare, dare dambir tamen atemom. Erarawa, Allah atakam akore, “Tare Musa aeapome Basakamtam Atakam bomon boemap apok.” Emes atakam aesime. Me Allah karai aetammarom pak ere, tarai pak jipu boem apok. Ere Musa buku aeapome Basakamtam Atakam jipu apok. Me Allah karai aetammarom pak ere, Allah Jip ai jak atetamero pak jipu.
Musa Basakamtam Atakam, pota ape atakam
7Dare ere wama atakam okoretam? Era Musa Basakamtam Atakam dosa pak ape? Apoknak! Dere era Basakamtam Atakam jane bajie apok ere, denom dosa pak bapor apok aemaaru. Me wan Basakamtam Atakamam, “Pak senomemtakam,” emes atakam akorem. Era Basakamtam Atakam emes atakam apok ere, denom pak basenomem bapor apok aemaaru. 8Era basakamtam Atakam ere, pak basenomem atakam aememtamen. Derarawa, pak basenomem aokakaimo. Bonak ere, dere era Basakamtam Atakam atakam bapor apok aemaaru, dere pak basenomem kope emes aemaaru. 9Era Basakamtam Atakamam, “Tare emes pak emtakam,” emes atakam akorem. Dere era atakam bapor apok aemaaru, ere dere jak akot aememaaru. Dere ere, era Basakamtam Atakam taka taka aporo ere, dosa baem asenomo. Derarawa jak pota aememo. 10Denom dambir tamen atemo. Emesare, Allah, jiine pak, asamot owe batetam akot ajien. Erarawa, era basakamtam atakam taka taka ataetiitamen. Me, era basakamtam atakam, dere dambir batem atakam basakamtii pak. 11Emesare, dosa asan akot apore, era dosa potet tamen atutumen. Denom era basakamtam atakam taka taka atakam jane ajio ere, era dosa dera batatii tamen aemen. Era dosa, era basakamtam atakam, dera batatii tamen aemen.
12Emesare, era Basakamtam Atakam, Allah ataetiitame atakam are. Era basakamtam atakam taka taka, Allah ataetiitame atakam are. Are atakamnak. Are akot. 13Emesare, era akot Basakamtam Atakam dera atatiien apaye? Emes apok! Dosa dera atatiien. Era basakamtam atakam akot pak dosa aitey, dera atatiien. Me, era pak, dosa apota pak, baso baporom pak are. Era basakamtam atakam taka taka, owe dosa baem bas, emes atakam akoremas. Emesare, owe era dosa dara atatiiero apormas ere, are era dosa potanak apormas.
Asamot owe jak atakam
14Emesare, Musa Basakamtam Atakam, Allah pak apormarom. Dere ere, asamot ipit. Dere dosa bambi karai baetam ipit. 15Dere era jak aseseromo pak jipu baem apok. Me, era bifane afeomemin pak jipu aememin. Dere emes baem wama tamenem? Denom demsam apok. 16Dere dejak baseseromem apok pak jipu aemtey, dere Musa Basakamtam Atakam akot ajimin. 17Emesare dere era pota pak baem, dema apok. Me, dejak bomon aemapemar dosa, era pota pak aemum. 18Me dejak bomon aemapemar pak, ere, akot pak apok apormin. Me dejak, ere asamot jak. Denom akot pak baem jak aseseromemin. Me, dere era pak baemeem asan apok. 19Dere akot pak baem jak aseserommin. Dere ere, era pak baem apok. Emesare, dere dejak baseseromem apok dosa aememin. 20Dere dejak baseseromem apok pak aemtey, era pak dema baem apok. Me, dejak bomon aemapemar dosa, era pak aemtameman.
21Erarawa, dere akot pak baem aemtey, era pota pakam setepkope aememman. Dere emes taka aememin. 22Dere dejak bomon, “Allah Atakam akotnak.” Emes atakam aesimemin. 23Me debimak binip pak ere, apas. Me dedamo bomon pakam apas. “Me Musa Basakamtam Atakam ji bae akot.” Emes bimak binip kope atetaramemin. Me, dedamo bomon pak, dosa baemaar, daytinak asenomeme. Me dedamo bomon pak fiaknak. 24Emesare, dere asan potanak are. Ara damo dambir atemtem. Dera ajortaertan ere, tanam? 25Yesus Kristus daTuhan ajortaeren! Emesare, dere terima kasih atakam Allah akorommin. Emesare. Dere bimak binip atetaramemin ere, “Musa Basakamtam Atakam ji bae akot,” emes atakam aesimemin. Me dejak bomon pak ere, dosa era Basakamtam Atakam ji aeem.
@LAI 1994