BILANGAN 6
6
Lekat lulut antom atoni le anmanta'en nana'at in monin
1 Uisneno anlenu Nai Musa 2anfe lekat lulut le i atoni Israel. Leka atoni mese ai bife mese le anmanta'en hen beti natet'on kun neu Uisneno on atoni mese le nanaat in monin kun, 3-4ka nabe'i fa he ninu tua mina mtasa ma tua amafut. In ka nabe'i fa he ninu tua mafu sa' am sa' le anmo'e na'ko tua min kase in fuan ai hau fua bian. In ka nabe'i fa he nah tua min kase in fuan le alekot ai le anmeto, ai sa'-sa' le na'ko hau tua min kase; in fuan nanan ai in tunan makuke ka nabe'i fa hen in nah.
5Anbi tabu in fe nanaoba in lasi manta'en in ka nabe'i fa hen ketu ma anlefi in nakfunu ai an eu in nakfunu. Anbi tabu le nane in nakfunu ma in konon, mes nakaena sin hen moni namnanu. In mafut nok in lasi manta'en talante tabu in nasopu tabu in beti nateta in aon neu Uisneno. 6-7In nakfunu nane anfani ataka nak in beti nateta in aon neu Uisneno. Leka fe in lasi manta'en nane nanaobon in ka nabe'i fa nalahi in aon; in ka nabe'i fa hen haumak amates aon nitun, maski nak nane in amaf aon nitun, ai ainaf, ai in olif tataf sin. 8Leka fe in anfani atoni le anbeti nateta in aon neu Uisneno, in le nane al atoni neu Uisneno kun.
9Leka nakfunu atoni mese le anbeti nateta in aon kun neu Uisneno anfani nalahi natuin in haumak atoni le anmate nok askeken, in mes anpao fe neno hitu in a'lon; oke te in mes an eu in nakfunu ma in konon, oke te in anfani naknino. 10Antam neno fanu te in mes neki kol ot kase nua ai kol otos neu Ana' fuat knino anbi Um-ume Uisneno in eno. 11Kolo mese Ana' fuat knino mes natulu nani neu fua tulu sako sanat, ma es anteni neu fua tulu mnotu neu he naneku in lahi ai in amle'ut. Anbi neno nane amsa in mes anbeti nateta nafani in nakfunu neu Uisneno, 12ma nafe'un lasi nana'at in aon on atoni le anbeti nateta kun in aon neu Uisneno. Tabu le anfini ma ankono nalali kan so'i fa anteni natuin in anfani lahi ai amle'ut nalali. On fua tulu seka lukit in mes natulu bibi kase mese le in uan fe ton mese.
13Leka tabu lasi manta'en atoni mese le anbeti nateta in aon kun neu Uisneno namsopu, mes anmo'e luli besa i. Mes neki atoni nane neu Um-ume Uisneno in eno, 14neki nok mu'it tenu le kan mu'i fa in amle'un: bibi kase keso ana mese in uan ton mese neu fua tulu mnotu, bibi kase ainaf mese uan ton mese neu fua tulu sako sanat, ma bibi kase keso mese neu fua tulu halan. 15In amsa natulu utunu' poni mese le anmo'e kan pake fa lalu haef, esle' utunu' akbubu le anmo'e na'ko ut anselo nok mina bub fua mina. Naik na'ko nane in amsa mes natulu bukae ma fua tulu mninut.
16Ana' fuat knino mes neki ale nane ok-oke neu Uisneno In human In matan, oke te natulu fua tulu sako sanat ma fua tulu mnotu. 17Bua'-bua' nok utunu' poni mese nane, in mes natulu bibi kase keso nane neu Uisneno on fua tulu halan. Onane amsa fua tulu bukae ma fua tulu mninut nane mes natulu nani sin neu Uisneno.
18Atoni le anbeti nateta in aon kun neu Uisneno nane mes in an eu in nakfunu anbi Um-ume Uisneno enon ma anpolin natam sin neu ai nanan bale fua tulu halan nane fe mamnotu.
19Oke te, kalu bibi kase keso nane in pusun matan nahan nalali, Ana' fuat knino mes naiti ma nateke bua'-bua' nok utunu' akbubu mese ma kokis manihis mese na'ko poni mese, neu atoni le anbeti nateta in aon kun neu Uisneno. 20Oke te Ana' fuat knino mes nalile bukae nane on tulu le anbeti nateta nani neu Uisneno; nane pa' ma nama' Ana' fuat knino, oke te abasan ma pusun na'ko bibi kase keso le natuin lekat lulut anfani pa' ma nama' Ana' fuat knino. Oke onane te, atoni nane le anbeti nateta in aon kun neu Uisneno in nabe'i ninu tua mina mtasa.
21Nane lekat lulut neu atoni le in anbeti nateta in aon kun neu Uisneno, mes kalu atoni le anbeti nateta in aon kun neu Uisneno, tulu nane nesi na'ko lekat lulut le in manta'en, in mes nanokab nani in lasi manta'en nane nok alekot.
Ana' fuat knino a'an athoe neno
22 Uisneno anlenu nai Musa 23natiaba neu Nai Harun ma in anah-anah sin nak sin mes antek a'at i anbi tabu sin anfe tetus neu to Israel:
24So nati' Uisneno anfe ki tetus ma anpanat ma anpao ki.
25So nati' Uisneno In nek leko neu ki ma In nek mamun neu ki.
26So nati' Uisneno In nek ma namnau ki ma anfe neu ki halan nekaf.
27Ma Uisneno nakua a'an nak, “Leka sin antek Au kanak on tetus neu to Israel, of Au fe tetus neu sin.”
Currently Selected:
BILANGAN 6: AOZ
Highlight
Copy
Compare
Share
Want to have your highlights saved across all your devices? Sign up or sign in
BILANGAN 6
6
Lekat lulut antom atoni le anmanta'en nana'at in monin
1 Uisneno anlenu Nai Musa 2anfe lekat lulut le i atoni Israel. Leka atoni mese ai bife mese le anmanta'en hen beti natet'on kun neu Uisneno on atoni mese le nanaat in monin kun, 3-4ka nabe'i fa he ninu tua mina mtasa ma tua amafut. In ka nabe'i fa he ninu tua mafu sa' am sa' le anmo'e na'ko tua min kase in fuan ai hau fua bian. In ka nabe'i fa he nah tua min kase in fuan le alekot ai le anmeto, ai sa'-sa' le na'ko hau tua min kase; in fuan nanan ai in tunan makuke ka nabe'i fa hen in nah.
5Anbi tabu in fe nanaoba in lasi manta'en in ka nabe'i fa hen ketu ma anlefi in nakfunu ai an eu in nakfunu. Anbi tabu le nane in nakfunu ma in konon, mes nakaena sin hen moni namnanu. In mafut nok in lasi manta'en talante tabu in nasopu tabu in beti nateta in aon neu Uisneno. 6-7In nakfunu nane anfani ataka nak in beti nateta in aon neu Uisneno. Leka fe in lasi manta'en nane nanaobon in ka nabe'i fa nalahi in aon; in ka nabe'i fa hen haumak amates aon nitun, maski nak nane in amaf aon nitun, ai ainaf, ai in olif tataf sin. 8Leka fe in anfani atoni le anbeti nateta in aon neu Uisneno, in le nane al atoni neu Uisneno kun.
9Leka nakfunu atoni mese le anbeti nateta in aon kun neu Uisneno anfani nalahi natuin in haumak atoni le anmate nok askeken, in mes anpao fe neno hitu in a'lon; oke te in mes an eu in nakfunu ma in konon, oke te in anfani naknino. 10Antam neno fanu te in mes neki kol ot kase nua ai kol otos neu Ana' fuat knino anbi Um-ume Uisneno in eno. 11Kolo mese Ana' fuat knino mes natulu nani neu fua tulu sako sanat, ma es anteni neu fua tulu mnotu neu he naneku in lahi ai in amle'ut. Anbi neno nane amsa in mes anbeti nateta nafani in nakfunu neu Uisneno, 12ma nafe'un lasi nana'at in aon on atoni le anbeti nateta kun in aon neu Uisneno. Tabu le anfini ma ankono nalali kan so'i fa anteni natuin in anfani lahi ai amle'ut nalali. On fua tulu seka lukit in mes natulu bibi kase mese le in uan fe ton mese.
13Leka tabu lasi manta'en atoni mese le anbeti nateta in aon kun neu Uisneno namsopu, mes anmo'e luli besa i. Mes neki atoni nane neu Um-ume Uisneno in eno, 14neki nok mu'it tenu le kan mu'i fa in amle'un: bibi kase keso ana mese in uan ton mese neu fua tulu mnotu, bibi kase ainaf mese uan ton mese neu fua tulu sako sanat, ma bibi kase keso mese neu fua tulu halan. 15In amsa natulu utunu' poni mese le anmo'e kan pake fa lalu haef, esle' utunu' akbubu le anmo'e na'ko ut anselo nok mina bub fua mina. Naik na'ko nane in amsa mes natulu bukae ma fua tulu mninut.
16Ana' fuat knino mes neki ale nane ok-oke neu Uisneno In human In matan, oke te natulu fua tulu sako sanat ma fua tulu mnotu. 17Bua'-bua' nok utunu' poni mese nane, in mes natulu bibi kase keso nane neu Uisneno on fua tulu halan. Onane amsa fua tulu bukae ma fua tulu mninut nane mes natulu nani sin neu Uisneno.
18Atoni le anbeti nateta in aon kun neu Uisneno nane mes in an eu in nakfunu anbi Um-ume Uisneno enon ma anpolin natam sin neu ai nanan bale fua tulu halan nane fe mamnotu.
19Oke te, kalu bibi kase keso nane in pusun matan nahan nalali, Ana' fuat knino mes naiti ma nateke bua'-bua' nok utunu' akbubu mese ma kokis manihis mese na'ko poni mese, neu atoni le anbeti nateta in aon kun neu Uisneno. 20Oke te Ana' fuat knino mes nalile bukae nane on tulu le anbeti nateta nani neu Uisneno; nane pa' ma nama' Ana' fuat knino, oke te abasan ma pusun na'ko bibi kase keso le natuin lekat lulut anfani pa' ma nama' Ana' fuat knino. Oke onane te, atoni nane le anbeti nateta in aon kun neu Uisneno in nabe'i ninu tua mina mtasa.
21Nane lekat lulut neu atoni le in anbeti nateta in aon kun neu Uisneno, mes kalu atoni le anbeti nateta in aon kun neu Uisneno, tulu nane nesi na'ko lekat lulut le in manta'en, in mes nanokab nani in lasi manta'en nane nok alekot.
Ana' fuat knino a'an athoe neno
22 Uisneno anlenu nai Musa 23natiaba neu Nai Harun ma in anah-anah sin nak sin mes antek a'at i anbi tabu sin anfe tetus neu to Israel:
24So nati' Uisneno anfe ki tetus ma anpanat ma anpao ki.
25So nati' Uisneno In nek leko neu ki ma In nek mamun neu ki.
26So nati' Uisneno In nek ma namnau ki ma anfe neu ki halan nekaf.
27Ma Uisneno nakua a'an nak, “Leka sin antek Au kanak on tetus neu to Israel, of Au fe tetus neu sin.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in