BILANGAN 28
28
Fua tulu-fua tulu le nabala
(Kel. 29:38-46)
1 Uisneno anlenu Nai Musa 2he natiaba neu nonot Israel nak sin mes anpanat nok matani he nati' anbi tabu-tabu le anlek nani, sin natulu fua tulu onle bukae le anhalin Uisneno In nekan.
3Le i fua tulu le mes he natulu neu Uisneno: Fua tulu neno-neno esle', bibi kase keso ana nua uan ton mese le kan mu'i fa in amle'un, 4es neu fua tulu nok-noka, ma es anteni neu fua tulu neno anmabe. 5Bua'-bua' nok bibi kase ana nua en nane mes natulu ut kilo mese anselo nok mina bub fua mina le leok le'uf liter mese. 6Nane fua tulu mnotu le nabala le anbi hae ahunut natulu anbi Tubu Sinai. In fon anhalin Uisneno In nekan. 7Bua'-bua' nok bibi kase ana nua en nane mes natulu amsa tua mina mtasa liter mese le anpofin neu baki tulu fafon. 8Bibi kase ana neu fua tulu neno anmabe mes natulu papmese onle fua tulu nok-noka, nok tua mina mtaso. In fon anhalin Uisneno In nekan.
Fua tulu anbi Neno Snasat
9Anbi Neno Snasat mes mitulu bibi kase keso ana nua uan ton mese le kan mu'i fa in amle'un, ut kilo nua amselo nok mina bub fua mina neu fua tulu bukae ma fua tulu tua mina mtasa. 10Fua tulu mnotu nane mes natulu anbi Neno Snasat mese-mese on amsato ma ambab neu fua tulu neno-neno bua'-bua' nok fua tulu tua mina mtasa.
Fua tulu anbi neno ahunut anbi funan mese-mese
11Anbi neno ahunut funan mese-mese mes hi mitulu neu Uisneno fua tulu mnotu bijae keso tipu nua, bibi kase keso mese, bibi kase keso ana hitu uan ton mese, mese-mese le kan mu'i fa in amle'un. 12On fua tulu bukae mes hi mitulu ut le amselo nok mina bub fua mina; ut kilo tenu neu bijae keso mese-mese; ut kilo nua neu bibi kase keso, 13ma ut kilo mese neu bibi keso ana mese-mese. Fua tulu mnotu nane anfani on fua tulu bukae, ma in fon anhalin Uisneno In nekan. 14Bua'-bua' nok fua tulu mnotu nane hi mes mitulu amsa tua mina mtasa, liter nua neu bijae keso mese-mese, liter mese am batis neu bibi kase keso, ma liter mese neu bibi kase ana mese-mese. Nane lekat lulut neu fua tulu mnotu le mes natulu nani anbi neno ahunut anbi funan mese-mese anbi ton mese in nanan. 15On amsato ma ambab neu fua tulu mnotu neno-neno ma fua tulu tua mina mtasa, hi mes mitulu amsa bibi kase keso mese neu fua tulu sako sanat.
Fua tulu anbi Neno Naek Utunu' le kan pake fa lalu haef
(Im. 23:5-14)
16Anbi neno bo'es am ha funan ahunut, nane neno Paskah neu Uisneno. 17Neno noka fa, neno bo'es am nim, nane Neno Naek Utunu' le kan pake Lalu haef, ma anbi neno hitu in a'lon hi ka nabe'i he miah utunu' le anmo'e anpake lalu haef. 18Anbi neno ahunut neno naek nane hi mes anmo'e buat, he miluli mibes, ma ka nabe'i fa he hi mepu, mepu mafena. 19Mitulu neu Uisneno fua tulu mnotu bijae keso tipu nua, bibi kase keso mese, ma bibi kase keso ana hitu uan ton mese-mese le kan mu'i fa in amle'un. 20Mitulu fua tulu bukae le natetab nani, esle' ut maselo nok mina bub fua mina: ut kilo tenu neu bijae keso mese-mese, ut kilo nua neu bibi kase keso, 21ma ut kilo mese neu bibi kase keso ana mese-mese. 22Mitulu bibi kase mese amsa neu fua tulu sako sanat. Nok lasi nane te hi minaoba luli besa sako sanat neu to. 23Ale fua tulu nane anfani on amsato ma ambab fua tulu mnotu nok-noka anbi neno-neno. 24Nok lasi nane amsa mes hi mitulu neu Uisneno fua tulu mnotu anbi neno hitu in a'lon. Fua tulu nane anfani on amsato ma ambab fua tulu mnotu neno-neno nok in fua tulu tua mina mtasa. Fua tulu nane in fon anhalin Uisneno In nekan. 25Ma anbi neno hitu hi mes anmo'e buat he miluli mibes ma ka nabe'i fa he hi mepu, mepu mafena.
Fua tulu anbi Fesat Sekit ma mnonut
(Im. 23:15-22)
26Anbi neno ahunut Fesat Sekit ma mnonut, neno naek klei hitu namsopu, anbi tabu hi mitulu ane kase fe'u neu Uisneno, hi mes anmo'e buat he miluli mibes ma ka nabe'i fa he hi mepu, mepu mafena. 27Hi mitulu neu Uisneno fua tulu mnotu bijae keso nua, bibi kase keso tipu mese ma bibi kase keso ana hitu uan ton mese, mese-mese le kan mu'i fa in amle'un. 28Hi mitulu fua tulu bukae le natetab ani, ut maselo nok mina bub fua mina: ut kilo tenu neu bijae keso mese-mese, ut kilo nua neu bibi kase keso, 29ma ut kilo mese neu bibi kase ana mese-mese. 30Hi mitulu amsa bibi keso mese neu fua tulu sako sanat. Nok lasi nane te hi minaoba luli besa sako sanat neu to. 31Fua tulu-fua tulu nane nok in fua tulu tua mina mtasa anfani on amsato ma ambab fua tulu mnotu neno-neno ma fua tulu bukae.
Currently Selected:
BILANGAN 28: AOZ
Highlight
Copy
Compare
Share
Want to have your highlights saved across all your devices? Sign up or sign in
BILANGAN 28
28
Fua tulu-fua tulu le nabala
(Kel. 29:38-46)
1 Uisneno anlenu Nai Musa 2he natiaba neu nonot Israel nak sin mes anpanat nok matani he nati' anbi tabu-tabu le anlek nani, sin natulu fua tulu onle bukae le anhalin Uisneno In nekan.
3Le i fua tulu le mes he natulu neu Uisneno: Fua tulu neno-neno esle', bibi kase keso ana nua uan ton mese le kan mu'i fa in amle'un, 4es neu fua tulu nok-noka, ma es anteni neu fua tulu neno anmabe. 5Bua'-bua' nok bibi kase ana nua en nane mes natulu ut kilo mese anselo nok mina bub fua mina le leok le'uf liter mese. 6Nane fua tulu mnotu le nabala le anbi hae ahunut natulu anbi Tubu Sinai. In fon anhalin Uisneno In nekan. 7Bua'-bua' nok bibi kase ana nua en nane mes natulu amsa tua mina mtasa liter mese le anpofin neu baki tulu fafon. 8Bibi kase ana neu fua tulu neno anmabe mes natulu papmese onle fua tulu nok-noka, nok tua mina mtaso. In fon anhalin Uisneno In nekan.
Fua tulu anbi Neno Snasat
9Anbi Neno Snasat mes mitulu bibi kase keso ana nua uan ton mese le kan mu'i fa in amle'un, ut kilo nua amselo nok mina bub fua mina neu fua tulu bukae ma fua tulu tua mina mtasa. 10Fua tulu mnotu nane mes natulu anbi Neno Snasat mese-mese on amsato ma ambab neu fua tulu neno-neno bua'-bua' nok fua tulu tua mina mtasa.
Fua tulu anbi neno ahunut anbi funan mese-mese
11Anbi neno ahunut funan mese-mese mes hi mitulu neu Uisneno fua tulu mnotu bijae keso tipu nua, bibi kase keso mese, bibi kase keso ana hitu uan ton mese, mese-mese le kan mu'i fa in amle'un. 12On fua tulu bukae mes hi mitulu ut le amselo nok mina bub fua mina; ut kilo tenu neu bijae keso mese-mese; ut kilo nua neu bibi kase keso, 13ma ut kilo mese neu bibi keso ana mese-mese. Fua tulu mnotu nane anfani on fua tulu bukae, ma in fon anhalin Uisneno In nekan. 14Bua'-bua' nok fua tulu mnotu nane hi mes mitulu amsa tua mina mtasa, liter nua neu bijae keso mese-mese, liter mese am batis neu bibi kase keso, ma liter mese neu bibi kase ana mese-mese. Nane lekat lulut neu fua tulu mnotu le mes natulu nani anbi neno ahunut anbi funan mese-mese anbi ton mese in nanan. 15On amsato ma ambab neu fua tulu mnotu neno-neno ma fua tulu tua mina mtasa, hi mes mitulu amsa bibi kase keso mese neu fua tulu sako sanat.
Fua tulu anbi Neno Naek Utunu' le kan pake fa lalu haef
(Im. 23:5-14)
16Anbi neno bo'es am ha funan ahunut, nane neno Paskah neu Uisneno. 17Neno noka fa, neno bo'es am nim, nane Neno Naek Utunu' le kan pake Lalu haef, ma anbi neno hitu in a'lon hi ka nabe'i he miah utunu' le anmo'e anpake lalu haef. 18Anbi neno ahunut neno naek nane hi mes anmo'e buat, he miluli mibes, ma ka nabe'i fa he hi mepu, mepu mafena. 19Mitulu neu Uisneno fua tulu mnotu bijae keso tipu nua, bibi kase keso mese, ma bibi kase keso ana hitu uan ton mese-mese le kan mu'i fa in amle'un. 20Mitulu fua tulu bukae le natetab nani, esle' ut maselo nok mina bub fua mina: ut kilo tenu neu bijae keso mese-mese, ut kilo nua neu bibi kase keso, 21ma ut kilo mese neu bibi kase keso ana mese-mese. 22Mitulu bibi kase mese amsa neu fua tulu sako sanat. Nok lasi nane te hi minaoba luli besa sako sanat neu to. 23Ale fua tulu nane anfani on amsato ma ambab fua tulu mnotu nok-noka anbi neno-neno. 24Nok lasi nane amsa mes hi mitulu neu Uisneno fua tulu mnotu anbi neno hitu in a'lon. Fua tulu nane anfani on amsato ma ambab fua tulu mnotu neno-neno nok in fua tulu tua mina mtasa. Fua tulu nane in fon anhalin Uisneno In nekan. 25Ma anbi neno hitu hi mes anmo'e buat he miluli mibes ma ka nabe'i fa he hi mepu, mepu mafena.
Fua tulu anbi Fesat Sekit ma mnonut
(Im. 23:15-22)
26Anbi neno ahunut Fesat Sekit ma mnonut, neno naek klei hitu namsopu, anbi tabu hi mitulu ane kase fe'u neu Uisneno, hi mes anmo'e buat he miluli mibes ma ka nabe'i fa he hi mepu, mepu mafena. 27Hi mitulu neu Uisneno fua tulu mnotu bijae keso nua, bibi kase keso tipu mese ma bibi kase keso ana hitu uan ton mese, mese-mese le kan mu'i fa in amle'un. 28Hi mitulu fua tulu bukae le natetab ani, ut maselo nok mina bub fua mina: ut kilo tenu neu bijae keso mese-mese, ut kilo nua neu bibi kase keso, 29ma ut kilo mese neu bibi kase ana mese-mese. 30Hi mitulu amsa bibi keso mese neu fua tulu sako sanat. Nok lasi nane te hi minaoba luli besa sako sanat neu to. 31Fua tulu-fua tulu nane nok in fua tulu tua mina mtasa anfani on amsato ma ambab fua tulu mnotu neno-neno ma fua tulu bukae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in