BILANGAN 23
23
1Nai Bileam nak neu Nai Balak nak, “Muhakeb anbi bale' i baki fuat hitu neu kau, ma muloitan anbi i bijae keso hitu, ma bibi panis keso hitu.”
2Nai Balak anmo'e natuin onle Nai Bileam nak neune. Anbi baki fuat mese-mese nane sin natulu bijae keso mese ma bibi kase keso mese. 3Oke te Nai Bileam nak neu Nai Balak nak, “Amhake amhaumak fua tulu mnotu na'ko au Usif. Ma au fe anao he kiso ai Uisneno anlomi he naeku nok kau ai kahaf. Mes au uton neu ko ale sa' ok-oke le Uisneno naton neu kau.” Ma Nai Bileam in anao anmes neu tubu fatu mese in tunan, 4ma anbi nane Uisneno nem neu in. Nai Bileam nak neu Uisneno nak, “Au uhakeb ulali baki fuat hitu ma au utulu bijae keso mese ma bibi kase keso mese anbi baki fuat mese-mese nane in tunan.”
5Oke te Uisneno natonan Nai Bileam sa' le mes in naton, ma anlenu in anfani neu Nai Balak he natiaba neune a'an Uisneno. 6Nai Bileam anfani ma napeni Nai Balak fe anhake anhaumak in fua tulu mnotu, bua'-bua' nok ale anakaf Moab.
7Oke te Nai Bileam antek beno i nak,
“Na'ko Aram, bale nuaf anbi neno saen nane,
Nai Balak, kesel Moab in no'en kau, ma in nak,
‘Aum nai, mumolok nai antom kau.
Amsukat to Israel nane!’
8Oni au he sukat ka,
leka Uisneno In kan sukat fa ka?
Oni au he kas ka,
leka Uisneno In kan kas fa ka?
9Na'ko nuaf-nuaf sin tunan au it sin;
na'ko neten-neten sin tunan au kiso sin.
Kiso, uf mese le anmeskun
uf-uf bian kan maselo fa nok sin.
10Nai Yakub in sufan onle afu skuku le kat so'i tabe'i fa;
to Israel in amfaune matain le'uf.
So nati' au mate on atoni amneot
so nati' au uak au nalak on atoni-atoni sin uan sin nalan.”
11Oke te Nai Balak nak neu Nai Bileam nak, “Hom tao ma mo'e sa' neu kau ka? Au eki ko aum meu i hem sukat au musu-musu sin. Mes hom fe kum tetus neu sin.”
12Nai Bileam natae nak, “Au al nabe'i u'uab sa' le Uisneno anlenu kau he au umolok.”
Beno hae nua
13Oke te Nai Balak nak neu Nai Bileam nak, “Aum he hit atnao bua'-bua' neu bale bian; na'ko nane nabe'i ho mit al bian na'ko to Israel. Amsukat sin na'ko nane.” 14Nai Balak neki Nai Bileam neu mnela Zofim, anbi Tubu Pisga in tunan. Anbi bale nane amsa in nahakeb baki fuat hitu ma natulu bijae keso mese ma bibi kase keso mese anbi baki fuat mese-mese fafon.
15Nai Bileam nak neu Nai Balak nak, “Ho mumaika ambi i, amhaumak au Usif ho fua tulu mnotu, ma au nao fe he utef Uisneno anbi nane.”
16 Uisneno natef nok Nai Bileam ma naton neune sa' le mes in he na'uab, oke te anlenu in anfani neu Nai Balak he natiaba a'an Uisneno nane. 17Nai Bileam in anfani ma napeni Nai Balak fe anhake anhaumak in fua tulu mnotu, bua'-bua' nok ale anakaf Moab. Nai Balak in natoti sa' ka es le Uisneno naton nalali, 18oke te Nai Bileam antek beno i nak,
“Hoi, Balak, Nai Zipor anmone, aum nai,
amnen nai sa' le au he u'uab.
19Uisneno ka onfa atoni pah pinan
le antofon nok manoe ma anlomi he namo'e.
Leka Uisneno In anmanta'en,
In mes nanokab nani!
Leka In nakua In a'an,
lasi nane mes nanokab nani!
20Anlenu kau he nati' au fe tetus;
ma leka Uisneno In anfe tetus,
ka nabe'i fa he nati' au hel ufani.
21Anbi Nai Yakub katit fa amle'ut;
anbi Israel kat kius tan fa mafena.
‘Uisneno sin,
In nok sin.
Sin antek abaf:
In Kesel kun!
22Uisneno le neki sin anpoi na'ko Mesir;
onle bijae fui In anmabe'u neu sin.
23Katit fa el amle'ut le hen toman Nai Yakub
katit fa el amnitas le he nabe'i Israel.
Antom nonot nane atoni of namolok nak, ‘Amkiso nai lasi mkakan le Uisneno anmo'e!’
24Uf nane anfen on meo asu ainaf,
ma anfen anhake nok matani on meo asu keso.
In kan tup fa fe leka in fe ka neku fa in osaf
ma ka ninu fa na' na'ko osaf
le in anheke ma anpisu.”
25Oke te Nai Balak nak neu Nai Bileam nak, “Maut nai, kalu ho kam lomi fa hem sukat to Israel, mes kais hom fe tetus neu sin!”
26Nai Bileam natae nak, “Ait au ka uton ulali fa neu ko Usif neu au of anmo'e ale sa' le Uisneno naplenat?”
Beno hae tenu
27Nai Balak nak, “Aum he hit atnao teu bale bian. Sekau nahin nak Uisneno nafetin ko hem sukat Israel neu kau anbi bale nane.” 28In neki Nai Bileam neu Tubu Peor in tunan le anbaina neu mnela snaen. 29Nai Bileam nak neu Nai Balak nak, “Muhakeb baki fuat hitu anbi bale i ma muloitan anbi i bijae keso hitu ma bibi kase keso hitu.” 30Nai Balak antao ma anmo'e onle Nai Bileam nak neune. In natulu bijae keso mese ma bibi kase keso mese anbi baki fuat mese-mese fafon nane.
Currently Selected:
BILANGAN 23: AOZ
Highlight
Copy
Compare
Share
Want to have your highlights saved across all your devices? Sign up or sign in
BILANGAN 23
23
1Nai Bileam nak neu Nai Balak nak, “Muhakeb anbi bale' i baki fuat hitu neu kau, ma muloitan anbi i bijae keso hitu, ma bibi panis keso hitu.”
2Nai Balak anmo'e natuin onle Nai Bileam nak neune. Anbi baki fuat mese-mese nane sin natulu bijae keso mese ma bibi kase keso mese. 3Oke te Nai Bileam nak neu Nai Balak nak, “Amhake amhaumak fua tulu mnotu na'ko au Usif. Ma au fe anao he kiso ai Uisneno anlomi he naeku nok kau ai kahaf. Mes au uton neu ko ale sa' ok-oke le Uisneno naton neu kau.” Ma Nai Bileam in anao anmes neu tubu fatu mese in tunan, 4ma anbi nane Uisneno nem neu in. Nai Bileam nak neu Uisneno nak, “Au uhakeb ulali baki fuat hitu ma au utulu bijae keso mese ma bibi kase keso mese anbi baki fuat mese-mese nane in tunan.”
5Oke te Uisneno natonan Nai Bileam sa' le mes in naton, ma anlenu in anfani neu Nai Balak he natiaba neune a'an Uisneno. 6Nai Bileam anfani ma napeni Nai Balak fe anhake anhaumak in fua tulu mnotu, bua'-bua' nok ale anakaf Moab.
7Oke te Nai Bileam antek beno i nak,
“Na'ko Aram, bale nuaf anbi neno saen nane,
Nai Balak, kesel Moab in no'en kau, ma in nak,
‘Aum nai, mumolok nai antom kau.
Amsukat to Israel nane!’
8Oni au he sukat ka,
leka Uisneno In kan sukat fa ka?
Oni au he kas ka,
leka Uisneno In kan kas fa ka?
9Na'ko nuaf-nuaf sin tunan au it sin;
na'ko neten-neten sin tunan au kiso sin.
Kiso, uf mese le anmeskun
uf-uf bian kan maselo fa nok sin.
10Nai Yakub in sufan onle afu skuku le kat so'i tabe'i fa;
to Israel in amfaune matain le'uf.
So nati' au mate on atoni amneot
so nati' au uak au nalak on atoni-atoni sin uan sin nalan.”
11Oke te Nai Balak nak neu Nai Bileam nak, “Hom tao ma mo'e sa' neu kau ka? Au eki ko aum meu i hem sukat au musu-musu sin. Mes hom fe kum tetus neu sin.”
12Nai Bileam natae nak, “Au al nabe'i u'uab sa' le Uisneno anlenu kau he au umolok.”
Beno hae nua
13Oke te Nai Balak nak neu Nai Bileam nak, “Aum he hit atnao bua'-bua' neu bale bian; na'ko nane nabe'i ho mit al bian na'ko to Israel. Amsukat sin na'ko nane.” 14Nai Balak neki Nai Bileam neu mnela Zofim, anbi Tubu Pisga in tunan. Anbi bale nane amsa in nahakeb baki fuat hitu ma natulu bijae keso mese ma bibi kase keso mese anbi baki fuat mese-mese fafon.
15Nai Bileam nak neu Nai Balak nak, “Ho mumaika ambi i, amhaumak au Usif ho fua tulu mnotu, ma au nao fe he utef Uisneno anbi nane.”
16 Uisneno natef nok Nai Bileam ma naton neune sa' le mes in he na'uab, oke te anlenu in anfani neu Nai Balak he natiaba a'an Uisneno nane. 17Nai Bileam in anfani ma napeni Nai Balak fe anhake anhaumak in fua tulu mnotu, bua'-bua' nok ale anakaf Moab. Nai Balak in natoti sa' ka es le Uisneno naton nalali, 18oke te Nai Bileam antek beno i nak,
“Hoi, Balak, Nai Zipor anmone, aum nai,
amnen nai sa' le au he u'uab.
19Uisneno ka onfa atoni pah pinan
le antofon nok manoe ma anlomi he namo'e.
Leka Uisneno In anmanta'en,
In mes nanokab nani!
Leka In nakua In a'an,
lasi nane mes nanokab nani!
20Anlenu kau he nati' au fe tetus;
ma leka Uisneno In anfe tetus,
ka nabe'i fa he nati' au hel ufani.
21Anbi Nai Yakub katit fa amle'ut;
anbi Israel kat kius tan fa mafena.
‘Uisneno sin,
In nok sin.
Sin antek abaf:
In Kesel kun!
22Uisneno le neki sin anpoi na'ko Mesir;
onle bijae fui In anmabe'u neu sin.
23Katit fa el amle'ut le hen toman Nai Yakub
katit fa el amnitas le he nabe'i Israel.
Antom nonot nane atoni of namolok nak, ‘Amkiso nai lasi mkakan le Uisneno anmo'e!’
24Uf nane anfen on meo asu ainaf,
ma anfen anhake nok matani on meo asu keso.
In kan tup fa fe leka in fe ka neku fa in osaf
ma ka ninu fa na' na'ko osaf
le in anheke ma anpisu.”
25Oke te Nai Balak nak neu Nai Bileam nak, “Maut nai, kalu ho kam lomi fa hem sukat to Israel, mes kais hom fe tetus neu sin!”
26Nai Bileam natae nak, “Ait au ka uton ulali fa neu ko Usif neu au of anmo'e ale sa' le Uisneno naplenat?”
Beno hae tenu
27Nai Balak nak, “Aum he hit atnao teu bale bian. Sekau nahin nak Uisneno nafetin ko hem sukat Israel neu kau anbi bale nane.” 28In neki Nai Bileam neu Tubu Peor in tunan le anbaina neu mnela snaen. 29Nai Bileam nak neu Nai Balak nak, “Muhakeb baki fuat hitu anbi bale i ma muloitan anbi i bijae keso hitu ma bibi kase keso hitu.” 30Nai Balak antao ma anmo'e onle Nai Bileam nak neune. In natulu bijae keso mese ma bibi kase keso mese anbi baki fuat mese-mese fafon nane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in