BILANGAN 13
13
Atoni atnu'us bo'es am nua
(Ul. 1:19-33)
1 Uisneno nakua a'an neu Nai Musa nak, 2“Na'ko uf Israel mese-mese ansonu mese na'ko ale sin nakaf he nati' sin natnu' pah Kanaan le of Au fe neu atoni Israel.” 3-15Fun anmatom nok plenat Uisneno nane, Nai Musa ansonu sin na'ko mnela snaen Paran. Ale atoni nane sin anakaf kun anbi atoni Israel sin:
| Uf | Nakaf |
|---|---|
| Ruben | Nai Syamua Nai Zakur anmone |
| Simeon | Nai Safat Nai Hori anmone |
| Yehuda | Nai Kaleb Nai Yefune anmone |
| Isakhar | Nai Yigal Nai Yusuf anmone |
| Efraim | Nai Hosea Nai Nun anmone |
| Benyamin | Nai Palti Nai Rafu anmone |
| Zebulon | Nai Gadiel Nai Sodi anmone |
| Manasye | Nai Gadi Nai Susi anmone |
| Dan | Nai Amiel Nai Gemali anmone |
| Asyer | Nai Nai Setur Nai Mikhael anmone |
| Naftali | Nai Nahbi Nai Wofsi anmone |
| Gad | Nai Guel Nai Makhi anmone |
16Nane ale atnu'us le Nai Musa ansonu sin he natnu' pah nane. Nai Hosea Nai Nun anmone, Nai Musa anseka in kanan anfani Nai Yosua.
17Leka Nai Musa anlenu sin anao, sin anba'an sin nak, “Amnao nai amsali bian a'li, amsali pah Kanaan bian a'ne'u, oke te amnao piut meu bale pah neten. 18Amtae milek-leko pah nane in onme, in tuaf sin namfau ai kahaf, ai sin atoni abe'it ai sin alima'et. 19Amtae milek-leko amsa pah nane naleko ai kahaf, ma sin tuaf sin natua anbi kuan-kuan le ka naninbon fa ai sin natua anbi kot le mabaki lape. 20Mihelan hi nekam. Amkiso sin pah nane pah maafa ka ma pah nane anmu'i hau namfau ka. Kais amnikan leka him fani aim hi meki kit hau fua akle'o le anmoni anbi pah nane.” Tabu nane tabu ahunut hau tua min kase in nafua.
21Ma atoni-atoni nane sin anao neu bian a'li ma antae nalek-leko pah nane nauba na'ko mnela snaen Zin anbi bian a'ne'u nao neu bian a'li antia kot Rehob, anhaumak lanan nao neu Hamat. 22Ahun-hunut sin nao neu bian a'ne'u pah nane ma sin nem antia kot Hebron, bale atoni Ahiman, Sesai ma Talmai, Nai Enak in sanut mofut sin natua anbine. Nahakeb kot Hebron ton hitu nahun na'ko kot Zoan anbi Mesir fe ka nahakeb fa. 23Oke te sin nem antia Eskol. Anbi nane sin anlefi nan hau tua min kase in fuan toef mese le ma'fen le'uf kun, talante sin nasaeb neu hau uf mese ma atoni sin anloi. Sin amsa neki lin kase fuan fua fauk 24ma bub fua mina in fuan amsa. Bale nane antek nak Anonof Eskol natuin toef tua min kase in fuan le atoni Israel anlefi nan anbi nane.
25Leka sin antae nalek-leko pah nane neno bo'ha in a'lon, ale atnu'us nane sin nekin fanin 26ma sin natiaba ale lasi nane neu Nai Musa, Nai Harun ma neu to Israel le fe sin nabuan anbi Kades, mnela snaen Paran. Sin nanu'un ale sa' le sin nit nalali ma sin nalile ale hau fua le sin neki. 27Sin nak neu Nai Musa nak, “Haim kiso milek-leko pah nane milalien ma hai mit nak pah nane maafa ma namlia, ma i hau fua akle'o le hai meki na'ko bale nane. 28Mes kot nane in tuafen abe'it ma matani kun. Sin kot anae ma mabaki lape. Oke anteni amsa, hai mit atoni-atoni anbi nane sin sanut mofut na'ko atoni-atoni anae le'uf sin. 29Atoni Amalek sin natua anbi pah nane bian a'ne'u; atoni Het, Yebus ma Amori sin natua anbi bale neten; ma atoni Kanaan sin natua anbi tasi ninen ma anbi Noe Yordan ninen.”
30Mes Nai Kaleb in anfe nek tainine neu atoni-atoni le ansakoi neu Nai Musa. Nai Kaleb nak, “Pah nane hit mes tape' ma mes hit tasik tani anbi tabu i amsa, natuin hit tabe'i matani neu het be'u sin.”
31Mes atoni-atoni le sin anfani nem nok Nai Kaleb nane sin nak, “Kahaf, hit ka nabe'i fa het laban sin. Tuafen pah nane sin nabe'i nesin kit.” 32Oke te sin nanu'un nu'un amoel neu atoni Israel antom pah le sin natnu' nalali nane. Sin nak, “Pah nane nahenu nok lasi amle'ut nae le'uf, nes-nesi tuafen pah nane. Atoni-atoni le hai mit sin anbi nane sin aoken nae le'uf kun. 33Namneo hai mit atoni-atoni le sin nae leufen, sin le nane sanut mofut atoni Enak. Tanes'ok tok sin, haim naben hai onle fokat, ma namneo sin ankiso kai onle nane.”
Currently Selected:
BILANGAN 13: AOZ
Highlight
Copy
Compare
Share
Want to have your highlights saved across all your devices? Sign up or sign in
BILANGAN 13
13
Atoni atnu'us bo'es am nua
(Ul. 1:19-33)
1 Uisneno nakua a'an neu Nai Musa nak, 2“Na'ko uf Israel mese-mese ansonu mese na'ko ale sin nakaf he nati' sin natnu' pah Kanaan le of Au fe neu atoni Israel.” 3-15Fun anmatom nok plenat Uisneno nane, Nai Musa ansonu sin na'ko mnela snaen Paran. Ale atoni nane sin anakaf kun anbi atoni Israel sin:
| Uf | Nakaf |
|---|---|
| Ruben | Nai Syamua Nai Zakur anmone |
| Simeon | Nai Safat Nai Hori anmone |
| Yehuda | Nai Kaleb Nai Yefune anmone |
| Isakhar | Nai Yigal Nai Yusuf anmone |
| Efraim | Nai Hosea Nai Nun anmone |
| Benyamin | Nai Palti Nai Rafu anmone |
| Zebulon | Nai Gadiel Nai Sodi anmone |
| Manasye | Nai Gadi Nai Susi anmone |
| Dan | Nai Amiel Nai Gemali anmone |
| Asyer | Nai Nai Setur Nai Mikhael anmone |
| Naftali | Nai Nahbi Nai Wofsi anmone |
| Gad | Nai Guel Nai Makhi anmone |
16Nane ale atnu'us le Nai Musa ansonu sin he natnu' pah nane. Nai Hosea Nai Nun anmone, Nai Musa anseka in kanan anfani Nai Yosua.
17Leka Nai Musa anlenu sin anao, sin anba'an sin nak, “Amnao nai amsali bian a'li, amsali pah Kanaan bian a'ne'u, oke te amnao piut meu bale pah neten. 18Amtae milek-leko pah nane in onme, in tuaf sin namfau ai kahaf, ai sin atoni abe'it ai sin alima'et. 19Amtae milek-leko amsa pah nane naleko ai kahaf, ma sin tuaf sin natua anbi kuan-kuan le ka naninbon fa ai sin natua anbi kot le mabaki lape. 20Mihelan hi nekam. Amkiso sin pah nane pah maafa ka ma pah nane anmu'i hau namfau ka. Kais amnikan leka him fani aim hi meki kit hau fua akle'o le anmoni anbi pah nane.” Tabu nane tabu ahunut hau tua min kase in nafua.
21Ma atoni-atoni nane sin anao neu bian a'li ma antae nalek-leko pah nane nauba na'ko mnela snaen Zin anbi bian a'ne'u nao neu bian a'li antia kot Rehob, anhaumak lanan nao neu Hamat. 22Ahun-hunut sin nao neu bian a'ne'u pah nane ma sin nem antia kot Hebron, bale atoni Ahiman, Sesai ma Talmai, Nai Enak in sanut mofut sin natua anbine. Nahakeb kot Hebron ton hitu nahun na'ko kot Zoan anbi Mesir fe ka nahakeb fa. 23Oke te sin nem antia Eskol. Anbi nane sin anlefi nan hau tua min kase in fuan toef mese le ma'fen le'uf kun, talante sin nasaeb neu hau uf mese ma atoni sin anloi. Sin amsa neki lin kase fuan fua fauk 24ma bub fua mina in fuan amsa. Bale nane antek nak Anonof Eskol natuin toef tua min kase in fuan le atoni Israel anlefi nan anbi nane.
25Leka sin antae nalek-leko pah nane neno bo'ha in a'lon, ale atnu'us nane sin nekin fanin 26ma sin natiaba ale lasi nane neu Nai Musa, Nai Harun ma neu to Israel le fe sin nabuan anbi Kades, mnela snaen Paran. Sin nanu'un ale sa' le sin nit nalali ma sin nalile ale hau fua le sin neki. 27Sin nak neu Nai Musa nak, “Haim kiso milek-leko pah nane milalien ma hai mit nak pah nane maafa ma namlia, ma i hau fua akle'o le hai meki na'ko bale nane. 28Mes kot nane in tuafen abe'it ma matani kun. Sin kot anae ma mabaki lape. Oke anteni amsa, hai mit atoni-atoni anbi nane sin sanut mofut na'ko atoni-atoni anae le'uf sin. 29Atoni Amalek sin natua anbi pah nane bian a'ne'u; atoni Het, Yebus ma Amori sin natua anbi bale neten; ma atoni Kanaan sin natua anbi tasi ninen ma anbi Noe Yordan ninen.”
30Mes Nai Kaleb in anfe nek tainine neu atoni-atoni le ansakoi neu Nai Musa. Nai Kaleb nak, “Pah nane hit mes tape' ma mes hit tasik tani anbi tabu i amsa, natuin hit tabe'i matani neu het be'u sin.”
31Mes atoni-atoni le sin anfani nem nok Nai Kaleb nane sin nak, “Kahaf, hit ka nabe'i fa het laban sin. Tuafen pah nane sin nabe'i nesin kit.” 32Oke te sin nanu'un nu'un amoel neu atoni Israel antom pah le sin natnu' nalali nane. Sin nak, “Pah nane nahenu nok lasi amle'ut nae le'uf, nes-nesi tuafen pah nane. Atoni-atoni le hai mit sin anbi nane sin aoken nae le'uf kun. 33Namneo hai mit atoni-atoni le sin nae leufen, sin le nane sanut mofut atoni Enak. Tanes'ok tok sin, haim naben hai onle fokat, ma namneo sin ankiso kai onle nane.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in