MATIUS 7
7
Fainekat neu alef lasi
(Luk. 6:37-38, 41-42)
1“Kais him fain alef lasi neu es, he nati' kais Uisneno anfain alef lasi neu ki. 2Fun onle him lefi bian sin lasi, onane amsa Uisneno of anlefi ki hi lasi. Ma atnais le him tai mekin neu atoni bian, of Uisneno antai ki nekin amsa. 3Nansa' ho mit hau lapu' anbi ho bae in matan, mes hau pisa anbi ho matam ho ka muhinef ka? 4Leka me ho mak neu ho bae: Maut fe upoitan ko hau lapu' es ho matam mes hau pisa es ho matam kun. 5Hoi asafanut, mupoitan muhunun hau pisa na'ko ho matam, oke te ho mit nok alekot he mupoitan hau lapu' na'ko ho bae in matan.”
Bale knino ma ma'upa
6“Kais him fe bale knino neu asu he nati' kais asu naklelon nem ma ansau ki. Ma kais him polin baun kael usaf neu fafi, he nati' kais fafi anteli nale'un.
Lasi totis, lasi mnamit, lasi leku eno
(Luk. 11:9-13)
7“Ma him toti nai, of anfe ki; hi mami nai, of hi mipeni; him leku eno nai of nasoitan nani neu ki. 8Fun atoni le antoti of ansimo, ma atoni le in naim sa' of napeni ma atoni le anleuk eno of nasoitan eno neun. 9Ai anmu'i atoni anbi ki le in anah antoti utunu' oke te in anfen fatu, 10ai in antoti ika oke te anfene kauna ka? 11Es nane kalu hi on atoni asanat le hi mihin ma amfe lasi alekot neu hi anhin, sa' anteni hi Ama abit neno tunan! Of In anfe lasi alekot neu sin le antoti neu In.”
Lalan amneot
12“Ma ale lasi sa' le him lomi he nati' atoni anmo'e nani neu ki, hi mo'e mani amsa onane neu sin. Fun nane plenat knino ma Mafefa knino sin sulat in nesan kun.
13So amtam nai mutuin eno malenat nane, fun eno le anaek ma lalan le anmainua an ali neu amle'ut, ma atoni namfau le sin tam natuin, 14mes eno le an-ana ma lalan le anmalen an ali neu honis, ma atoni ka namfau fa le napeni nan.”
Him panat hi aom na'ko mafefa mo'el sin
15“Him panat nai hi aom na'ko ale mafefa mo'el sin le nem neu ki on bibi kase, mes sin nekan nane on aus fui abulalut. 16Mes of hi mihin sin natuin sin mo'et. Nabe'i ka atoni anseu tanu'an sena in fuan na'ko kisan, ai anseu bubuk fuan na'ko put-puta ka? 17Onane amsa ale hau alekot nafua fuan alekot ma hau ka alekot nafua fuan ka alekot. 18Leka me hau alekot he nafua fuan amle'ut, ai hau ka alekot he nafua fuan alekot. 19Ma ale hau le ka nafuaf fuan alekot, of anote nisan ma anpolin neu ai. 20Onane, ale mafefa mo'el sin, of hi mihin sin na'ko sin mo'et.
21Ka ale atoni le no'en Kau ma nak: Uisneno, Uisneno! Of sin antam neu Plenat Neno Tunan, mes in kun le anmo'e natuin Au Ama abit neno tunan In lomin. 22Fun bi neno amsoput, of atoni namfau le nak neu Kau nak: Uisneno, Uisneno, ait hai ka mibeno fa Ho kanam ma amli'u ale nitu anbi Ho kanam ma anmo'e lasi amkakat namfau anbi Ho kanam ka? 23Ma anbi neno nane of Au utonan sin muti ma nak: Au ka uhin Kif! Miskot nai mi'ko Kau, ale hi anmo'e lasi amle'ut!”
Ahakeb ume ahinet ma ahakeb ume amonot
(Luk. 6:46-49)
24“Ale atoni le amnen Au a'ak ma anmo'e natuin, in onle atoni ahinet le nahakeb in ume bi faut putun. 25Oke te ulan ansanu ma noel ansae nalali te anin anfu ume nane, mes ume nane ka natselaf fun nahakeb anbi faut putun. 26Mes ale atoni le amnen Au a'ak ma kan mo'e natuinef, in onle atoni amonot le nahakeb in ume anbi snaen. 27Ma leka ulan ansanu ma noel ansae oke te anin anfu ume nane, of ume nane natsel kun ma namle'u naek.”
Anenat sin namkakan
28Ma leka Yesus nasopu In a'at i, ale atoni amfaun sin namkakan natuin Yesus In lasi noina nane, 29fun In nanoina sin neki kuasat ma ka on fa Ahin Sulat sin.
Currently Selected:
MATIUS 7: AOZ
Highlight
Copy
Compare
Share
Want to have your highlights saved across all your devices? Sign up or sign in
MATIUS 7
7
Fainekat neu alef lasi
(Luk. 6:37-38, 41-42)
1“Kais him fain alef lasi neu es, he nati' kais Uisneno anfain alef lasi neu ki. 2Fun onle him lefi bian sin lasi, onane amsa Uisneno of anlefi ki hi lasi. Ma atnais le him tai mekin neu atoni bian, of Uisneno antai ki nekin amsa. 3Nansa' ho mit hau lapu' anbi ho bae in matan, mes hau pisa anbi ho matam ho ka muhinef ka? 4Leka me ho mak neu ho bae: Maut fe upoitan ko hau lapu' es ho matam mes hau pisa es ho matam kun. 5Hoi asafanut, mupoitan muhunun hau pisa na'ko ho matam, oke te ho mit nok alekot he mupoitan hau lapu' na'ko ho bae in matan.”
Bale knino ma ma'upa
6“Kais him fe bale knino neu asu he nati' kais asu naklelon nem ma ansau ki. Ma kais him polin baun kael usaf neu fafi, he nati' kais fafi anteli nale'un.
Lasi totis, lasi mnamit, lasi leku eno
(Luk. 11:9-13)
7“Ma him toti nai, of anfe ki; hi mami nai, of hi mipeni; him leku eno nai of nasoitan nani neu ki. 8Fun atoni le antoti of ansimo, ma atoni le in naim sa' of napeni ma atoni le anleuk eno of nasoitan eno neun. 9Ai anmu'i atoni anbi ki le in anah antoti utunu' oke te in anfen fatu, 10ai in antoti ika oke te anfene kauna ka? 11Es nane kalu hi on atoni asanat le hi mihin ma amfe lasi alekot neu hi anhin, sa' anteni hi Ama abit neno tunan! Of In anfe lasi alekot neu sin le antoti neu In.”
Lalan amneot
12“Ma ale lasi sa' le him lomi he nati' atoni anmo'e nani neu ki, hi mo'e mani amsa onane neu sin. Fun nane plenat knino ma Mafefa knino sin sulat in nesan kun.
13So amtam nai mutuin eno malenat nane, fun eno le anaek ma lalan le anmainua an ali neu amle'ut, ma atoni namfau le sin tam natuin, 14mes eno le an-ana ma lalan le anmalen an ali neu honis, ma atoni ka namfau fa le napeni nan.”
Him panat hi aom na'ko mafefa mo'el sin
15“Him panat nai hi aom na'ko ale mafefa mo'el sin le nem neu ki on bibi kase, mes sin nekan nane on aus fui abulalut. 16Mes of hi mihin sin natuin sin mo'et. Nabe'i ka atoni anseu tanu'an sena in fuan na'ko kisan, ai anseu bubuk fuan na'ko put-puta ka? 17Onane amsa ale hau alekot nafua fuan alekot ma hau ka alekot nafua fuan ka alekot. 18Leka me hau alekot he nafua fuan amle'ut, ai hau ka alekot he nafua fuan alekot. 19Ma ale hau le ka nafuaf fuan alekot, of anote nisan ma anpolin neu ai. 20Onane, ale mafefa mo'el sin, of hi mihin sin na'ko sin mo'et.
21Ka ale atoni le no'en Kau ma nak: Uisneno, Uisneno! Of sin antam neu Plenat Neno Tunan, mes in kun le anmo'e natuin Au Ama abit neno tunan In lomin. 22Fun bi neno amsoput, of atoni namfau le nak neu Kau nak: Uisneno, Uisneno, ait hai ka mibeno fa Ho kanam ma amli'u ale nitu anbi Ho kanam ma anmo'e lasi amkakat namfau anbi Ho kanam ka? 23Ma anbi neno nane of Au utonan sin muti ma nak: Au ka uhin Kif! Miskot nai mi'ko Kau, ale hi anmo'e lasi amle'ut!”
Ahakeb ume ahinet ma ahakeb ume amonot
(Luk. 6:46-49)
24“Ale atoni le amnen Au a'ak ma anmo'e natuin, in onle atoni ahinet le nahakeb in ume bi faut putun. 25Oke te ulan ansanu ma noel ansae nalali te anin anfu ume nane, mes ume nane ka natselaf fun nahakeb anbi faut putun. 26Mes ale atoni le amnen Au a'ak ma kan mo'e natuinef, in onle atoni amonot le nahakeb in ume anbi snaen. 27Ma leka ulan ansanu ma noel ansae oke te anin anfu ume nane, of ume nane natsel kun ma namle'u naek.”
Anenat sin namkakan
28Ma leka Yesus nasopu In a'at i, ale atoni amfaun sin namkakan natuin Yesus In lasi noina nane, 29fun In nanoina sin neki kuasat ma ka on fa Ahin Sulat sin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in