HOSEA 9
9
Natiaba han tonas antom kasat neu Israel
1Hoi to Israel, kais minaeb amteni hi neno-neno naek sin onle uf-uf bian. Hi misaitan milali hi Uisneno ma hi ka mi'ki fa neune In. Anbi pukan aen kase hi misosa milali hi aom anfani amapaisa neu uisneno teta Baal, ma hi malin ma amsimo aen kase le hi mibai anfani on upa na'ko uisneno teta nane neu ki! 2Mes ka lo fa anteni of hi minuka aen kase ma min fomeni saitun, ma milali tua min kase. 3Hi, hoi to Israel, of hi ka mimaika fa anbi pah le Uisneno anfe nani neu ki. Of him fani neu Mesir, ma hi miah mnahat le ka malomi anbi pah Asyur. 4Anbi pah-pah nane of hi ka mitulu fa tua min kase ma mu'it fuat he nati' amhalin Uisneno In nekan. Ho mnahat le atoni sin nah nani of anhainisi atoni, onle mnahat le atoni naiti ma sin nah anbi buat neu lasi sub amates. Mnahat nane in otan alkun namsenab ho taim; of ho ka meki fa kle'o neu he nati' mutulu neu Ume Uisneno. 5Anbi neno-neno naek palsait neu mibes neu Uisneno, of hi ka mo'e fa sa' es neu he nati' minaeb in. 6Leka snama nane anbol, ma neki ki neu pah bian anteni, ma le nabalah na'ko ki nane of atoni-atoni Mesir anibun sin he namate ma ansub sin anbi Memfis! Hun ma kasunat of anmoni ma antobe nani hi ume sin balan ma hi amaus noni muti maupa.
7Tabu kasat nane antia nalali, tabu neu he nati' him simo seunbanin neu hi mo'et sin. Israel of antamis nani!
Hi mimolok mak, “Smanaf le natua anbi Mafefa knino amonot kun! In namaun!” Hi mimolok onane natuin him nek menan kau ma hi sanat nane naek anfin.
8Uisneno anlenu kau fani Mafefa knino he nati' umnauba ki on In to, leka him poi ma amnao mok me, hi main lanan he mikleo kau onle kolo. Anbi Uisneno In pah nanan, to nane namusu nok kai ale Mafefa knino. 9Hi mo'et nane maufinu kun onle afi atoni sin anmo'e nani anbi Gibea. Uisneno of namnau hi sanat sin, ma of ankas ki natuin hi sanat sin.
Sanat to Israel ma in amnekin
10 Uisneno nakua a'an nak, “Leka anbi ahun-hunut Au u'eku ok Israel, Au umlil onle atoni naeku nok tua min kase anbi mnela snaen. Leka anbi ahun-hunut Au utef ok hi nai sin, Au malin onle atoni nit hau bubuk in fuan ahunut. Mes leka sin nao neu Tubu Peor, sin naluli ma nabes neu Baal, sin nalahib sin aok onle uisneno teta le sin anek nani.
11Israel sin amasat nane of natpen ma namneku onle kolo; of kan mu'i fa a'aput, ma kan mu'i fa li'ana-li'ana le he nahonis. 12Mes leka anmu'i li'ana le nahonis ma nanaeb in, of Au aiti sin; of Au ka ufetin fa es he nati' in anmoni. Amle'ut neu ki, hoi to Israel, leka Au usaitan ki!”
13 Uisneno au it li'ana-li'ana le sin anli'u ma namate sin. 14Of Au he toti sa' na'ko ki neu atoni-atoni nane? Amtao ma mo'e sin bife sin hen kiu! Anmo'e sin talantia sin ka nasusu fa sin anah-anah sin!
Uisneno ankas to Israel
15 Uisneno nakua a'an nak, “Ale maufinu sin nauba anbi Gilgal. Au u'uba Au nek nanan neu sin na'ko bale nane. Natuin sin mo'et amaufinut, of Au li'u sin na'ko Au pah le i. Of Au ka nek ateni sin fa, natuin sin atopus sin anlaban nalali Kau. 16Of Au kas atoni Israel. Of sin anfani hau sena le ka mafua fa, ma le in aba'an nane anmeto nalali. Of sin kan mu'i fa li'ana; maski nak sin anmu'i anah amsa, of Au umate li'ana-li'ana le sin anek nani sin nane.”
Mafefa knino namolok neu Israel
17Uisneno le au tuthae nane of antite In to, natuin sin kan lomi fa he natnin In. Of Sin nasitbok anbi ale uf-uf sin atnanan.
Currently Selected:
HOSEA 9: AOZ
Highlight
Copy
Compare
Share
Want to have your highlights saved across all your devices? Sign up or sign in
HOSEA 9
9
Natiaba han tonas antom kasat neu Israel
1Hoi to Israel, kais minaeb amteni hi neno-neno naek sin onle uf-uf bian. Hi misaitan milali hi Uisneno ma hi ka mi'ki fa neune In. Anbi pukan aen kase hi misosa milali hi aom anfani amapaisa neu uisneno teta Baal, ma hi malin ma amsimo aen kase le hi mibai anfani on upa na'ko uisneno teta nane neu ki! 2Mes ka lo fa anteni of hi minuka aen kase ma min fomeni saitun, ma milali tua min kase. 3Hi, hoi to Israel, of hi ka mimaika fa anbi pah le Uisneno anfe nani neu ki. Of him fani neu Mesir, ma hi miah mnahat le ka malomi anbi pah Asyur. 4Anbi pah-pah nane of hi ka mitulu fa tua min kase ma mu'it fuat he nati' amhalin Uisneno In nekan. Ho mnahat le atoni sin nah nani of anhainisi atoni, onle mnahat le atoni naiti ma sin nah anbi buat neu lasi sub amates. Mnahat nane in otan alkun namsenab ho taim; of ho ka meki fa kle'o neu he nati' mutulu neu Ume Uisneno. 5Anbi neno-neno naek palsait neu mibes neu Uisneno, of hi ka mo'e fa sa' es neu he nati' minaeb in. 6Leka snama nane anbol, ma neki ki neu pah bian anteni, ma le nabalah na'ko ki nane of atoni-atoni Mesir anibun sin he namate ma ansub sin anbi Memfis! Hun ma kasunat of anmoni ma antobe nani hi ume sin balan ma hi amaus noni muti maupa.
7Tabu kasat nane antia nalali, tabu neu he nati' him simo seunbanin neu hi mo'et sin. Israel of antamis nani!
Hi mimolok mak, “Smanaf le natua anbi Mafefa knino amonot kun! In namaun!” Hi mimolok onane natuin him nek menan kau ma hi sanat nane naek anfin.
8Uisneno anlenu kau fani Mafefa knino he nati' umnauba ki on In to, leka him poi ma amnao mok me, hi main lanan he mikleo kau onle kolo. Anbi Uisneno In pah nanan, to nane namusu nok kai ale Mafefa knino. 9Hi mo'et nane maufinu kun onle afi atoni sin anmo'e nani anbi Gibea. Uisneno of namnau hi sanat sin, ma of ankas ki natuin hi sanat sin.
Sanat to Israel ma in amnekin
10 Uisneno nakua a'an nak, “Leka anbi ahun-hunut Au u'eku ok Israel, Au umlil onle atoni naeku nok tua min kase anbi mnela snaen. Leka anbi ahun-hunut Au utef ok hi nai sin, Au malin onle atoni nit hau bubuk in fuan ahunut. Mes leka sin nao neu Tubu Peor, sin naluli ma nabes neu Baal, sin nalahib sin aok onle uisneno teta le sin anek nani.
11Israel sin amasat nane of natpen ma namneku onle kolo; of kan mu'i fa a'aput, ma kan mu'i fa li'ana-li'ana le he nahonis. 12Mes leka anmu'i li'ana le nahonis ma nanaeb in, of Au aiti sin; of Au ka ufetin fa es he nati' in anmoni. Amle'ut neu ki, hoi to Israel, leka Au usaitan ki!”
13 Uisneno au it li'ana-li'ana le sin anli'u ma namate sin. 14Of Au he toti sa' na'ko ki neu atoni-atoni nane? Amtao ma mo'e sin bife sin hen kiu! Anmo'e sin talantia sin ka nasusu fa sin anah-anah sin!
Uisneno ankas to Israel
15 Uisneno nakua a'an nak, “Ale maufinu sin nauba anbi Gilgal. Au u'uba Au nek nanan neu sin na'ko bale nane. Natuin sin mo'et amaufinut, of Au li'u sin na'ko Au pah le i. Of Au ka nek ateni sin fa, natuin sin atopus sin anlaban nalali Kau. 16Of Au kas atoni Israel. Of sin anfani hau sena le ka mafua fa, ma le in aba'an nane anmeto nalali. Of sin kan mu'i fa li'ana; maski nak sin anmu'i anah amsa, of Au umate li'ana-li'ana le sin anek nani sin nane.”
Mafefa knino namolok neu Israel
17Uisneno le au tuthae nane of antite In to, natuin sin kan lomi fa he natnin In. Of Sin nasitbok anbi ale uf-uf sin atnanan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in