HOSEA 7
7
1 Uisneno nakua a'an nak, “Anbi tabu he uloitan Au to Israel ma uleko ufani sin monin, lasi le Au it anbi sin alkun maufinu ma sanat. Sin napoiba es neu es, sin antam neu atoni ume he nabak, ma sin anfani atoni asikat anbi lanan-lanan. 2Sin ka natenab nit fa nak of Au umnau sin maufinu nane piut. Mes sin sanat-sanat nane nahenu sin nekan talantia natonon neu Kau.”
Pukan abit sonaf in nanan
3 Uisneno nakua a'an nak, “Nok poi ma mo'et-mo'et maufinu to nami he nati' anhalin kesel ma ana' plenat sin nekan. 4Sin alsin abulalut ma atoni-atoni le sin nekan ka na'ki fa. Sin manek nanan nane onle ai anbi tunaf le anmo'e utunu' kan pese fa nahunun na'ko lalu haef nane maloitan he namnotu. 5Anbi neno buat na'ko kesel, sin nainut kesel ma ana' plenat sin talantia sin mafu ma anmo'e lasi-lasi mono. Anbi amsoput kesel in namlil nok ale abulalut nane. 6Onle ai anbi tunaf sin nanan amsa tenab maufinu ma nek to'as le anpin anbi sin nekan anbi fai teme, nok-noka anpese napina onle ai le nahaka'taun.
7Anbi in to'as ma in maufinu in nanan, sin namate ale atopus-atopus sin. Sin namate kesel sin es nok es. Mes maski mo'et namle'u onane, kan mu'i fa es hen onen neu Kau ma antoti tuntakus.”
Israel ma uf-uf
8 Uisneno nakua a'an nak, “To Israel namesbok nok ale uf-uf le anfeun natef sin, talantia sin anfani onle utunu' namtas an aobia. 9Sin nekan kan be' fa neu namesbok nok uf-uf nane, sin be'it matani nane namneku. Sin monin nane he namsopu, mes sin ka nahin fa. 10Atoni Israel sin nek anaeb nane natonon anfani elet ma tanhais. Maski nak ale lasi nane anbol nalali, sin ka nami Kau fa ai kan fani nem fa neu Kau, sin Uisneno. 11Israel sin oinsok neu am nem onle kot kase amonot. Anbi ahunut atoni-atoni nane antoti babat ma tuntakus na'ko Mesir, anbi amunit sin naen neu Asyur! 12Mes leka sin nao, anfin Au tao kleo ma Au heke sin onle atoni anheke kolo. Of Au kas sin natuin sin maufinu le Au uhin ulali.
13Amle'ut neu sin, natuin sin nasaitan nalali Kau. Au sali he nati' ufetin sin, mes sin luli besa nane luman kun. 14Sin kan onen fa nok amneot neu Kau. Leka sin an onen, sin antup anbi hala in tunan ma sin ankae onle atoni-atoni le ka nafnek neu Kau. Leka sin an onen ma antoti aen kase ma tua min kase sin napapa' sin aon onle afi atoni-atoni le nabes neu hau le'u ma fatu le'u. Namneo sin al-al sin anlaban Kau! 15Maski nak Au es u'naeb sin ma Au es afe neu sin be'it ma matani, mes sin nabuan ma anlaban Kau. 16Sin natuin smanaf-smanaf le kan mu'i fa kuasat sa'-sa'. Sin le nane ka tafnek fa neu sin natuin sin onle klaot apenut. Ale sin atopus sin namolok nok nek amoko, natuin of namate sin neki suni, ma atoni-atoni Mesir of anmanis sin.”
Currently Selected:
HOSEA 7: AOZ
Highlight
Copy
Compare
Share
Want to have your highlights saved across all your devices? Sign up or sign in
HOSEA 7
7
1 Uisneno nakua a'an nak, “Anbi tabu he uloitan Au to Israel ma uleko ufani sin monin, lasi le Au it anbi sin alkun maufinu ma sanat. Sin napoiba es neu es, sin antam neu atoni ume he nabak, ma sin anfani atoni asikat anbi lanan-lanan. 2Sin ka natenab nit fa nak of Au umnau sin maufinu nane piut. Mes sin sanat-sanat nane nahenu sin nekan talantia natonon neu Kau.”
Pukan abit sonaf in nanan
3 Uisneno nakua a'an nak, “Nok poi ma mo'et-mo'et maufinu to nami he nati' anhalin kesel ma ana' plenat sin nekan. 4Sin alsin abulalut ma atoni-atoni le sin nekan ka na'ki fa. Sin manek nanan nane onle ai anbi tunaf le anmo'e utunu' kan pese fa nahunun na'ko lalu haef nane maloitan he namnotu. 5Anbi neno buat na'ko kesel, sin nainut kesel ma ana' plenat sin talantia sin mafu ma anmo'e lasi-lasi mono. Anbi amsoput kesel in namlil nok ale abulalut nane. 6Onle ai anbi tunaf sin nanan amsa tenab maufinu ma nek to'as le anpin anbi sin nekan anbi fai teme, nok-noka anpese napina onle ai le nahaka'taun.
7Anbi in to'as ma in maufinu in nanan, sin namate ale atopus-atopus sin. Sin namate kesel sin es nok es. Mes maski mo'et namle'u onane, kan mu'i fa es hen onen neu Kau ma antoti tuntakus.”
Israel ma uf-uf
8 Uisneno nakua a'an nak, “To Israel namesbok nok ale uf-uf le anfeun natef sin, talantia sin anfani onle utunu' namtas an aobia. 9Sin nekan kan be' fa neu namesbok nok uf-uf nane, sin be'it matani nane namneku. Sin monin nane he namsopu, mes sin ka nahin fa. 10Atoni Israel sin nek anaeb nane natonon anfani elet ma tanhais. Maski nak ale lasi nane anbol nalali, sin ka nami Kau fa ai kan fani nem fa neu Kau, sin Uisneno. 11Israel sin oinsok neu am nem onle kot kase amonot. Anbi ahunut atoni-atoni nane antoti babat ma tuntakus na'ko Mesir, anbi amunit sin naen neu Asyur! 12Mes leka sin nao, anfin Au tao kleo ma Au heke sin onle atoni anheke kolo. Of Au kas sin natuin sin maufinu le Au uhin ulali.
13Amle'ut neu sin, natuin sin nasaitan nalali Kau. Au sali he nati' ufetin sin, mes sin luli besa nane luman kun. 14Sin kan onen fa nok amneot neu Kau. Leka sin an onen, sin antup anbi hala in tunan ma sin ankae onle atoni-atoni le ka nafnek neu Kau. Leka sin an onen ma antoti aen kase ma tua min kase sin napapa' sin aon onle afi atoni-atoni le nabes neu hau le'u ma fatu le'u. Namneo sin al-al sin anlaban Kau! 15Maski nak Au es u'naeb sin ma Au es afe neu sin be'it ma matani, mes sin nabuan ma anlaban Kau. 16Sin natuin smanaf-smanaf le kan mu'i fa kuasat sa'-sa'. Sin le nane ka tafnek fa neu sin natuin sin onle klaot apenut. Ale sin atopus sin namolok nok nek amoko, natuin of namate sin neki suni, ma atoni-atoni Mesir of anmanis sin.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in