AMOS 3
3
1Amnen Uisneno In fef ba'an le i, hoi atoni Israel le Uisneno napoitan nalali ki na'ko pah Mesir! Uisneno nakua a'an nak, 2“Na'ko ale uf anbi pah pinan, alkun hi mes, uf le Au uhine ma Au panat. Nok nane natuin hi sanat nane naek, ma namneo of Au kas ki.”
Mepu na'ko Mafefa knino
3Oni anmu'i ka atoni nua le sin nao nabua ma sin ka nek bua nahun fa?
4Anmu'i ka meo asu anbi nasi in nanan hen anbai, kalu in fe ka napeni fa mu'it le in anheke nan?
Anmu'i ka meo asu hen anbai anbi in bola nanan leka in fe kan heke nan fa sa'-sa'?
5Anmu'i ka kolo maheke leka kan mu'i fa klio?
Anmu'i ka klio le an obeon le kan heke nan sa'?
6Atoni abit kot of ka namtau fa ka leka sin nen to'is in hanan le anfani taka' nak anmu'i makenat?
Oni anmu'i ka kot mese antoman asnama leka Uisneno es ka nasanut nani fa?
7 Uisneno Anesit Afinit of kan mo'e fa sa' es leka In ka naton nahunun fa In salit nao natuin In Mafefa knino ma ma In ate sin.
8Leka meo asu an anbai, sekau es ka namtau fa ka?
Leka Uisneno Anesit Afinit es nakua In a'an, sekau ka es of anta' ma kan kakan ma ka naton fa In fef ba'an?
Samaria natsel ma nasitbon
9Amkakan ma miton lasi le i neu atoni le namaika anbi sonaf Mesir ma Asdod mak, “Mibuabom nai anbi tubu-tubu le anhaumak nok Samaria, ma ampanat nai lasi taisibu naek ma lasi susu' le anbol anbi nane.”
10 Uisneno nakua a'an nak, “Atoni-atoni le nane natua sin sonaf-sonaf sin neki blua le sin napeni na'ko susu' ma bulalut. Ma sin alsin ka nahin fa mo'et amneot ma amnonot. 11Natuin lasi nane musu of anfun natef sin pah, ma of naskuku sin kot, ma of nasik nan sin sonaf sin.
12Onle atuku bibi mese le napeni nafani in bibi kase haen ai luken le meo asu nah nani, onane amsa amaika Samaria ala kle'o es of namaika le antup nok leko anbi bale malula.”
13 Uisneno Akuasat ma Anesit Afinit nakua a'an nak, “Tabu le i ampanat nai ma mimnaub Nai Yakub in sufan. 14Anbi neno le i of Au kas atoni Israel natuin sin sanat. Of Au ule'un baki fuat anbi Betel. Baki fuat nane of Au ipu in panan mese-mese antia afu. 15Ume-ume neu tabu manikin ma ume-ume neu tabu maputu of Au uskuku ani sin. Ume-ume le namasab neki fafi panan nane in nisin of Au u'belat ani sin; ale ume naek sin of Au utselab ani sin.
Currently Selected:
AMOS 3: AOZ
Highlight
Copy
Compare
Share
Want to have your highlights saved across all your devices? Sign up or sign in
AMOS 3
3
1Amnen Uisneno In fef ba'an le i, hoi atoni Israel le Uisneno napoitan nalali ki na'ko pah Mesir! Uisneno nakua a'an nak, 2“Na'ko ale uf anbi pah pinan, alkun hi mes, uf le Au uhine ma Au panat. Nok nane natuin hi sanat nane naek, ma namneo of Au kas ki.”
Mepu na'ko Mafefa knino
3Oni anmu'i ka atoni nua le sin nao nabua ma sin ka nek bua nahun fa?
4Anmu'i ka meo asu anbi nasi in nanan hen anbai, kalu in fe ka napeni fa mu'it le in anheke nan?
Anmu'i ka meo asu hen anbai anbi in bola nanan leka in fe kan heke nan fa sa'-sa'?
5Anmu'i ka kolo maheke leka kan mu'i fa klio?
Anmu'i ka klio le an obeon le kan heke nan sa'?
6Atoni abit kot of ka namtau fa ka leka sin nen to'is in hanan le anfani taka' nak anmu'i makenat?
Oni anmu'i ka kot mese antoman asnama leka Uisneno es ka nasanut nani fa?
7 Uisneno Anesit Afinit of kan mo'e fa sa' es leka In ka naton nahunun fa In salit nao natuin In Mafefa knino ma ma In ate sin.
8Leka meo asu an anbai, sekau es ka namtau fa ka?
Leka Uisneno Anesit Afinit es nakua In a'an, sekau ka es of anta' ma kan kakan ma ka naton fa In fef ba'an?
Samaria natsel ma nasitbon
9Amkakan ma miton lasi le i neu atoni le namaika anbi sonaf Mesir ma Asdod mak, “Mibuabom nai anbi tubu-tubu le anhaumak nok Samaria, ma ampanat nai lasi taisibu naek ma lasi susu' le anbol anbi nane.”
10 Uisneno nakua a'an nak, “Atoni-atoni le nane natua sin sonaf-sonaf sin neki blua le sin napeni na'ko susu' ma bulalut. Ma sin alsin ka nahin fa mo'et amneot ma amnonot. 11Natuin lasi nane musu of anfun natef sin pah, ma of naskuku sin kot, ma of nasik nan sin sonaf sin.
12Onle atuku bibi mese le napeni nafani in bibi kase haen ai luken le meo asu nah nani, onane amsa amaika Samaria ala kle'o es of namaika le antup nok leko anbi bale malula.”
13 Uisneno Akuasat ma Anesit Afinit nakua a'an nak, “Tabu le i ampanat nai ma mimnaub Nai Yakub in sufan. 14Anbi neno le i of Au kas atoni Israel natuin sin sanat. Of Au ule'un baki fuat anbi Betel. Baki fuat nane of Au ipu in panan mese-mese antia afu. 15Ume-ume neu tabu manikin ma ume-ume neu tabu maputu of Au uskuku ani sin. Ume-ume le namasab neki fafi panan nane in nisin of Au u'belat ani sin; ale ume naek sin of Au utselab ani sin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in