MIKA 7
7
Mur mundur parange ni Israel
1Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon. 2Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna. 3Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat. 4Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri.
Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi! 5Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa. 6Angka anak halaklahi pabilehon amangna, anak dadaboru bangkit mangalo inangna, parumaen mangalo namboruna; marsalisi do halak na sabagas.
7Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.
Dipatupa Tuhan haluaan
8Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au. 9Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita. 10Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.
11Ale Jerusalem! Madung dapot hatihana di hamu laho mambangun angka tembok ni kotamu mangulahi. Pabidangon ma di ari i tanomu. 12Marmulahan ma tu ho angka halakmu sian ingananna be – sian Asur na di Habincaran, sian Mesir na di Selatan, sian luat na di Batang aek Efrat, sian ipar ni laut dohot sian angka dolok na dao-dao. 13Tapi anggo tano on gabe gariang noma hara ni hajahatan ni halak na manginganisa.
Tangiang mangido ibo ni roha ni Tuhan di Israel
14Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.
15Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir. 16Idaon ni angka bangso ma i jana maila ma halahi dung diboto na so adong do hape bagi aha arti ni sandok hagogoan ni halahi. Mago ma roha ni halahi gabe nada be malo mangkuling sanga marbinege. 17Gabe songon ulok ma halahi mandilati tano, jana songon angka binatang na manjulur di tano i; humitir ma halahi ruar sian bentengna jana ro ma tu jolo ni Tuhan Debatanami, humitir marhite biar tu Ho.
18Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i. 19Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut! 20PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.
Currently Selected:
MIKA 7: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
MIKA 7
7
Mur mundur parange ni Israel
1Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon. 2Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna. 3Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat. 4Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri.
Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi! 5Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa. 6Angka anak halaklahi pabilehon amangna, anak dadaboru bangkit mangalo inangna, parumaen mangalo namboruna; marsalisi do halak na sabagas.
7Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.
Dipatupa Tuhan haluaan
8Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au. 9Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita. 10Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.
11Ale Jerusalem! Madung dapot hatihana di hamu laho mambangun angka tembok ni kotamu mangulahi. Pabidangon ma di ari i tanomu. 12Marmulahan ma tu ho angka halakmu sian ingananna be – sian Asur na di Habincaran, sian Mesir na di Selatan, sian luat na di Batang aek Efrat, sian ipar ni laut dohot sian angka dolok na dao-dao. 13Tapi anggo tano on gabe gariang noma hara ni hajahatan ni halak na manginganisa.
Tangiang mangido ibo ni roha ni Tuhan di Israel
14Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.
15Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir. 16Idaon ni angka bangso ma i jana maila ma halahi dung diboto na so adong do hape bagi aha arti ni sandok hagogoan ni halahi. Mago ma roha ni halahi gabe nada be malo mangkuling sanga marbinege. 17Gabe songon ulok ma halahi mandilati tano, jana songon angka binatang na manjulur di tano i; humitir ma halahi ruar sian bentengna jana ro ma tu jolo ni Tuhan Debatanami, humitir marhite biar tu Ho.
18Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i. 19Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut! 20PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society