HAMALIMON 13
13
Aturan taringot tu na marnyae kusta
1Dilehen Tuhan ma angka aturan tu si Musa dohot si Harun songon on. 2Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun. 3Angkon paresoon ni malim i do na mahancit na di huling-kuling i. Muda gabe bontar do imbulu na donok tu na mahancit i, jana umbagas idaon na mahancit i sian humaliangna, halak na hona nyae kulit parmaraan ma i. Jadi patorangon ni malim i ma bahaso na dung ramun halak i. 4Tapi muda bontar idaon na mahancit i, nada pola umbagas idaon sian huling-kuling humaliangna, bope imbulu i pe nada pola bontar, angkon paasingon ni malim ma halak i pitu ari honokna. 5Di ari papituhon angkon paresoon ni malim i mangulahi. Muda laing dos do rupa ni nyae i mangihutkon pandapot ni malim i nada mangalangkoti, angkon paasingon ma halahi pitu ari nari. 6Di ari papituhon paresoon ni malim i ma mangulahi, muda mur mago na hancit i nada mur tamba, pabotohonon ni malim i ma paboa na dung ias halahi. Nyae ni huling-kuling na so pola parmaraan do i. Basuon ni halakna i ma pakeanna jana gabe ias ma ia. 7Tapi muda mur manamba nyae i haru pe na dung didok malim na ias halakna i, angkon kehe mangulahi halahi paboahon tu malim. 8Paresoon ni malim i ma mangulahi, muda tutu na dung mur tu raratna nyae i, dipabotohon ma na dung ramun halakna i; na dung huliton na gabe parmaraan do i.
9Halak na hona nyae huliton na jorbut i, angkon obanon tu malim. 10Paresoon ni malim ma halahi. Muda bontar do tompa ni huling-kuling na mahancit i, bope imbuluna bontar jana gok nana di na mahancit i, 11i ma halak na dung hona nyae huliton. Patorangon ni malim ma bahaso na ramun halahi. Nada pola angkon paasingon inganan ni halahi angke madung tangkas na ramun do ia. 12Muda mur manamba do tihas na bontar i, pola ditutup ia sian pat lalu tu ambubunia, 13angkon paresoon ni malim i do mangulahi. Muda diida ia na dung sap sude pamatang ni halahi jana bontar sude huling-kulingna, na dung ias do halahi. 14-15Tapi muda tubu dope sibuk na so pade sian i, angkon paresoon ni malim mangulahi, muda tutu do i sibuk na so pade dohonon ma na ramun halahi, angke sibuk na so pade, i do tandana bahaso nyae i nyae na gabe parmaraan. 16Tapi anggo dung malum sibuk na so pade i, gabe mulak bontar, angkon patidahononnia dope dirinia tu malim, 17anso dipareso mangulahi. Muda dung tangkas na dung bontar sibuk na so pade i, dohonon ni malim i ma na dung ias halakna i.
18Muda adong sada halak na baroon, tapi madung malum baro i, 19hape di pudi gabe manggurbak jana bontar, sanga tihas i tarida antara ni na bontar dohot na rara, angkon kehe do halahi tu malim, 20anso dipareso. Muda umbagas do tihas i sian sibuk na humaliang i, bope imbulu na disi madung bontar, dohonon ni malim ma na ramun halahi. Baro i ma boncir ni nyae huliton na gabe parmaraan. 21Tapi di hatiha na nipareso ni malim i baro i, nada bontar be imbulu i, bope tihas i nada pola umbagas sian sibuk na humaliang i tapi mur bontar tompana, paasingon ni malim i ma inganan ni halahi pitu ari honokna. 22Muda mur martamba do tihas i, paboaon ni malim i ma na ramun halahi, angke hona nyae huliton na gabe parmaraan do i. 23Tapi anggo so adong muba ni tihas i jana nada mur bidang, hum tihas ni baro i sajo noma, na dung ias do halahi.
24Muda adong sada halak mahancit hara ni na mosok, dung i tarida di sibuk na mosok i antara ni na bontar dohot na rara, 25angkon paresoon ni malim do i. Muda bontar imbulu di bagian na mahancit i jana umbagas na mahancit i sian sibuk na humaliang, i ma nyae huliton na maroban tu parmaraan na dung langkot tu na mosok i, dung i dohonon ni malim ma na dung ramun halahi. 26Tapi anggo nada bontar imbulu na disi bope nada pola umbagas na mahancit i sian sibuk humaliangna i, tapi tompana mur torang, dung i paasingon ni malim ma inganan ni halahi pitu ari honokna. 27Di ari papituhon i paresoon ni malim i ma mangulahi, muda mur mabidang do na mahancit i, i ma halak na dung hona huliton na maroban tu parmaraan angkon dohonon ma ia na dung ramun. 28Tapi anggo laing songon i do tompa ni tihas i jana nada pola mur mabidang bope mur so tarida, nada huliton na maroban tu parmaraan i. Dohonon ni malim i ma na dung ias halak i angke hum hara ni na mosok do i.
29Sugari sura adong sada halaklahi sanga dadaboru na mangkalotuk uluna sanga isang-isangna, 30angkon paresoon ni malim do i. Muda umbagas do na mahancit i sian sibuk humaliangna, bope obuk na disi gabe gorsing jana ranggo, i ma tanda ni nyae kusta na maroban tu parmaraan, jadi angkon pabotohonon ma na dung ramun halahi. 31Di hatiha na paresohon na hancit i malim i, nada pola umbagas sian sibuk humaliangna, tapi nada adong obuk na jeges disi, angkon paasingon do halahi pitu ari honokna. 32Di ari na papituhon, angkon paresoon ni malim i ma na mahancit i mangulahi, muda nada manamba na mahancit i dohot angka obuk na disi nada pola gorsing, dung i nada pola umbagas na mahancit i sian sibuk humaliangna, 33angkon cukuron ma humaliang inganan ni na mahancit i. Dung i paasingon ni malim ma inganan ni halahi pitu ari honokna. 34Di ari papituhon, paresoon ni malim ma mangulahi, muda laing nada manamba na mahancit i, dung i muse nada umbagas na mahancit i sian sibuk humaliangna, pabotohonon ma na dung ias halahi jana angkon basuonnia pakeanna. 35Tapi muda mur manamba na mahancit i, hape madung didok ia na dung ias ia, 36angkon paresoon ni malim mangulahi. Muda tutu ma na mur mabidang na mahancit i, nada pola paresoon ni malim i obukna na dung gorsing, angke madung tangkas na dung ramun ia. 37Tapi muda so manamba na mahancit i mangihutkon pandapot ni malim, jana tutu do obuk na jeges disi, na dung malum ma na mahancit i, dohonon ni malim ma na dung ias halahi.
38Muda adong sada halaklahi sanga dadaboru na martihas-tihas na bontar di huling-kulingna, 39angkon paresoon ni malim do halakna i. Muda bontar langan do tompa ni tihas i, i ma pano na langkot tusia, dohonon do ias halakna i.
40-41Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i. 42Tapi anggo tubu tihas antara na bontar dohot na rara-rara di palpalna i, i ma na dung hona kusta na maroban tu parmaraan. 43Angkon paresoon ni malim do halahi, jana muda adong do tutu tihas na bontar rara-rara, 44dohonon ni malim ma na ramun halahi, na dung nyae kusta na maroban tu parmaraan hara ni nyae di uluna.
45Sahalak na hona kusta na jorbut i, angkon pakean na masuak-suak do pakeonnia jana padiaron obukna nada nisuri, angkon tutuponnia do di toru ni bohina jana marsurak-surak mandok: “Ramun, ramun!” 46Salolot diae ia nyae i, ramun do ibana. Angkon di balian ni parbandaran do ingananna, dao sian halak na asing.
Aturan taringot tu na lapuhon
47Muda adong pakean na lapuhon sanga abit aha pe sian wol sanga linen, 48sanga angka sipaulion gabe barang pakean sian bobak. 49Muda rata-rata do tompa ni lapuk i sanga rara-rara, i ma tandana na dung mabidang na lapuhon i, angkon patidahononkon do i tu malim. 50Paresoon ni malim ma barang i lalu dipaasing ia pitu ari honokna. 51Di ari papituhon paresoon ni malim ma mangulahi. Muda mur manamba do na lapuhon i, i ma tandana na ramun barang i. 52Angkon tutungon ni malim ma barang i, hara ni na martamba-tamba do lapukna i, hara ni i angkon ditutung tu api.
53Tapi muda diida malim na paresohon i, hape nada martamba lapuk ni barang i, 54disuru basu ia ma i jana dipaasing ia pitu ari honokna. 55Dung i dipareso malim mangulahi. Muda so muba tompa ni lapuk i haru pe nada manamba, na ramun do barang i, hara ni i angkon nitutung do i, nada marimbar haru sabola sian pudi sanga sian jolo na lapuhon i. 56Tapi di hatiha dipareso malim i mangulahi lapuk i, hape madung balsom, angkon suakkononnia ma na marlapuk di abit sanga bobak i. 57Dung i muda ro mangulahi lapuk i, angkon tutungon ni nampuna i do barang i. 58Muda dung dibasu, tihas na di barang i gabe mago, angkon basuon ma barang i mangulahi, disi pe taretong na dung ias.
59Songon i ma angka aturan taringot tu na lapuhon na dapot di pakean linen sanga wol sanga di barang aha sajo pe na binaen sian bobak.
Currently Selected:
HAMALIMON 13: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HAMALIMON 13
13
Aturan taringot tu na marnyae kusta
1Dilehen Tuhan ma angka aturan tu si Musa dohot si Harun songon on. 2Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun. 3Angkon paresoon ni malim i do na mahancit na di huling-kuling i. Muda gabe bontar do imbulu na donok tu na mahancit i, jana umbagas idaon na mahancit i sian humaliangna, halak na hona nyae kulit parmaraan ma i. Jadi patorangon ni malim i ma bahaso na dung ramun halak i. 4Tapi muda bontar idaon na mahancit i, nada pola umbagas idaon sian huling-kuling humaliangna, bope imbulu i pe nada pola bontar, angkon paasingon ni malim ma halak i pitu ari honokna. 5Di ari papituhon angkon paresoon ni malim i mangulahi. Muda laing dos do rupa ni nyae i mangihutkon pandapot ni malim i nada mangalangkoti, angkon paasingon ma halahi pitu ari nari. 6Di ari papituhon paresoon ni malim i ma mangulahi, muda mur mago na hancit i nada mur tamba, pabotohonon ni malim i ma paboa na dung ias halahi. Nyae ni huling-kuling na so pola parmaraan do i. Basuon ni halakna i ma pakeanna jana gabe ias ma ia. 7Tapi muda mur manamba nyae i haru pe na dung didok malim na ias halakna i, angkon kehe mangulahi halahi paboahon tu malim. 8Paresoon ni malim i ma mangulahi, muda tutu na dung mur tu raratna nyae i, dipabotohon ma na dung ramun halakna i; na dung huliton na gabe parmaraan do i.
9Halak na hona nyae huliton na jorbut i, angkon obanon tu malim. 10Paresoon ni malim ma halahi. Muda bontar do tompa ni huling-kuling na mahancit i, bope imbuluna bontar jana gok nana di na mahancit i, 11i ma halak na dung hona nyae huliton. Patorangon ni malim ma bahaso na ramun halahi. Nada pola angkon paasingon inganan ni halahi angke madung tangkas na ramun do ia. 12Muda mur manamba do tihas na bontar i, pola ditutup ia sian pat lalu tu ambubunia, 13angkon paresoon ni malim i do mangulahi. Muda diida ia na dung sap sude pamatang ni halahi jana bontar sude huling-kulingna, na dung ias do halahi. 14-15Tapi muda tubu dope sibuk na so pade sian i, angkon paresoon ni malim mangulahi, muda tutu do i sibuk na so pade dohonon ma na ramun halahi, angke sibuk na so pade, i do tandana bahaso nyae i nyae na gabe parmaraan. 16Tapi anggo dung malum sibuk na so pade i, gabe mulak bontar, angkon patidahononnia dope dirinia tu malim, 17anso dipareso mangulahi. Muda dung tangkas na dung bontar sibuk na so pade i, dohonon ni malim i ma na dung ias halakna i.
18Muda adong sada halak na baroon, tapi madung malum baro i, 19hape di pudi gabe manggurbak jana bontar, sanga tihas i tarida antara ni na bontar dohot na rara, angkon kehe do halahi tu malim, 20anso dipareso. Muda umbagas do tihas i sian sibuk na humaliang i, bope imbulu na disi madung bontar, dohonon ni malim ma na ramun halahi. Baro i ma boncir ni nyae huliton na gabe parmaraan. 21Tapi di hatiha na nipareso ni malim i baro i, nada bontar be imbulu i, bope tihas i nada pola umbagas sian sibuk na humaliang i tapi mur bontar tompana, paasingon ni malim i ma inganan ni halahi pitu ari honokna. 22Muda mur martamba do tihas i, paboaon ni malim i ma na ramun halahi, angke hona nyae huliton na gabe parmaraan do i. 23Tapi anggo so adong muba ni tihas i jana nada mur bidang, hum tihas ni baro i sajo noma, na dung ias do halahi.
24Muda adong sada halak mahancit hara ni na mosok, dung i tarida di sibuk na mosok i antara ni na bontar dohot na rara, 25angkon paresoon ni malim do i. Muda bontar imbulu di bagian na mahancit i jana umbagas na mahancit i sian sibuk na humaliang, i ma nyae huliton na maroban tu parmaraan na dung langkot tu na mosok i, dung i dohonon ni malim ma na dung ramun halahi. 26Tapi anggo nada bontar imbulu na disi bope nada pola umbagas na mahancit i sian sibuk humaliangna i, tapi tompana mur torang, dung i paasingon ni malim ma inganan ni halahi pitu ari honokna. 27Di ari papituhon i paresoon ni malim i ma mangulahi, muda mur mabidang do na mahancit i, i ma halak na dung hona huliton na maroban tu parmaraan angkon dohonon ma ia na dung ramun. 28Tapi anggo laing songon i do tompa ni tihas i jana nada pola mur mabidang bope mur so tarida, nada huliton na maroban tu parmaraan i. Dohonon ni malim i ma na dung ias halak i angke hum hara ni na mosok do i.
29Sugari sura adong sada halaklahi sanga dadaboru na mangkalotuk uluna sanga isang-isangna, 30angkon paresoon ni malim do i. Muda umbagas do na mahancit i sian sibuk humaliangna, bope obuk na disi gabe gorsing jana ranggo, i ma tanda ni nyae kusta na maroban tu parmaraan, jadi angkon pabotohonon ma na dung ramun halahi. 31Di hatiha na paresohon na hancit i malim i, nada pola umbagas sian sibuk humaliangna, tapi nada adong obuk na jeges disi, angkon paasingon do halahi pitu ari honokna. 32Di ari na papituhon, angkon paresoon ni malim i ma na mahancit i mangulahi, muda nada manamba na mahancit i dohot angka obuk na disi nada pola gorsing, dung i nada pola umbagas na mahancit i sian sibuk humaliangna, 33angkon cukuron ma humaliang inganan ni na mahancit i. Dung i paasingon ni malim ma inganan ni halahi pitu ari honokna. 34Di ari papituhon, paresoon ni malim ma mangulahi, muda laing nada manamba na mahancit i, dung i muse nada umbagas na mahancit i sian sibuk humaliangna, pabotohonon ma na dung ias halahi jana angkon basuonnia pakeanna. 35Tapi muda mur manamba na mahancit i, hape madung didok ia na dung ias ia, 36angkon paresoon ni malim mangulahi. Muda tutu ma na mur mabidang na mahancit i, nada pola paresoon ni malim i obukna na dung gorsing, angke madung tangkas na dung ramun ia. 37Tapi muda so manamba na mahancit i mangihutkon pandapot ni malim, jana tutu do obuk na jeges disi, na dung malum ma na mahancit i, dohonon ni malim ma na dung ias halahi.
38Muda adong sada halaklahi sanga dadaboru na martihas-tihas na bontar di huling-kulingna, 39angkon paresoon ni malim do halakna i. Muda bontar langan do tompa ni tihas i, i ma pano na langkot tusia, dohonon do ias halakna i.
40-41Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i. 42Tapi anggo tubu tihas antara na bontar dohot na rara-rara di palpalna i, i ma na dung hona kusta na maroban tu parmaraan. 43Angkon paresoon ni malim do halahi, jana muda adong do tutu tihas na bontar rara-rara, 44dohonon ni malim ma na ramun halahi, na dung nyae kusta na maroban tu parmaraan hara ni nyae di uluna.
45Sahalak na hona kusta na jorbut i, angkon pakean na masuak-suak do pakeonnia jana padiaron obukna nada nisuri, angkon tutuponnia do di toru ni bohina jana marsurak-surak mandok: “Ramun, ramun!” 46Salolot diae ia nyae i, ramun do ibana. Angkon di balian ni parbandaran do ingananna, dao sian halak na asing.
Aturan taringot tu na lapuhon
47Muda adong pakean na lapuhon sanga abit aha pe sian wol sanga linen, 48sanga angka sipaulion gabe barang pakean sian bobak. 49Muda rata-rata do tompa ni lapuk i sanga rara-rara, i ma tandana na dung mabidang na lapuhon i, angkon patidahononkon do i tu malim. 50Paresoon ni malim ma barang i lalu dipaasing ia pitu ari honokna. 51Di ari papituhon paresoon ni malim ma mangulahi. Muda mur manamba do na lapuhon i, i ma tandana na ramun barang i. 52Angkon tutungon ni malim ma barang i, hara ni na martamba-tamba do lapukna i, hara ni i angkon ditutung tu api.
53Tapi muda diida malim na paresohon i, hape nada martamba lapuk ni barang i, 54disuru basu ia ma i jana dipaasing ia pitu ari honokna. 55Dung i dipareso malim mangulahi. Muda so muba tompa ni lapuk i haru pe nada manamba, na ramun do barang i, hara ni i angkon nitutung do i, nada marimbar haru sabola sian pudi sanga sian jolo na lapuhon i. 56Tapi di hatiha dipareso malim i mangulahi lapuk i, hape madung balsom, angkon suakkononnia ma na marlapuk di abit sanga bobak i. 57Dung i muda ro mangulahi lapuk i, angkon tutungon ni nampuna i do barang i. 58Muda dung dibasu, tihas na di barang i gabe mago, angkon basuon ma barang i mangulahi, disi pe taretong na dung ias.
59Songon i ma angka aturan taringot tu na lapuhon na dapot di pakean linen sanga wol sanga di barang aha sajo pe na binaen sian bobak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society