JOSUA 9
9
Margabus halak Gibeon tu si Josua
1Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus. 2Marpokat ma sude angka raja-raja on lalu mardomu laho mamorangi si Josua dohot halak Israel.
3Tapi anggo angka halak Gibeon na sian bangso Hewi, madung dibege halahi taringot tu na nibaen ni si Josua maradopkon Jeriko dohot Ai. 4Diputuskon halahi ma laho mamake tipu akal maradopkon si Josua. Kehe ma halahi mambuat sipanganon, jana dibobani halahi ma angka halode ni halahi dohot harung angka na dung buruk, dohot angka kantongan ni anggur na buruk-buruk na nibaen sian bobak. 5Dung i dipake halahi ma pakean na masibak-sibak dohot sipatu sandal na dung lolot na didungkap-dungkapan. Roti na nioban ni halahi pe baen balanjo, roti na mahiang do jana na lapuhon. 6Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”
7Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”
8Didok halahi ma, “Na rade do hami patuluskon sanga aha pe na nihagiotanmunu.”
“Ise dehe hamu? Jana na sian luat dia do hamu?” ning si Josua manyapai halahi.
9Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir. 10Bope sanga aha na nibaenNia tu sidua halak raja ni halak Amori di Habincaran ni Jordan, si Sihon raja ni Hesbon dohot si Og raja ni Basan na maringanan di Astarot. 11Na nisuruhon ni angka pamimpin dohot sude na maringanan di luatnami do hami paradehon bohal jana mardalanan laho mandapotkon hamu tuannami. Disuru do hami laho mangoloi hagiotmunu tuannami jana mangido tu hamu mambaen parjanjian dohot hami. 12Ligi hamu ma roti, bohalnami on! Milas dope roti on dompak na kehe hami sian bagas laho mandapotkon hamu tuannami. Hape saonnari, ligi hamu ma! Ma pola mahiang jana lapuhon. 13Jana angka kantongan ni anggur on pe na imbaru do dompak hami isi, hape saonnari, ligi hamu ma! Ma pola maribak-ribak. Pakeannami dohot sipatu sandalnami pe ma pola masego hara ni dao ni pardalanannami.”
14Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi. 15Dibaen si Josua ma parjanjian tanda mardongan dohot halak Gibeon i jana marjanji na so bunuon ni halahi. Jadi marsumpa ma angka pamimpin ni rayat ni Israel laho patuluskon parjanjian i.
16Tolu ari dung dibaen parjanjian i, baru pe anso tarboto bahaso na so sadia dao do angka jolma i tinggal sian inganan ni halak Israel. 17Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim. 18Hape nada tarbaen angka halak Israel be mamunu halahi, dibaen madung marsumpa angka pamimpin ni Israel tu halahi mangasahon goar ni Tuhan Debata ni Israel. Mungut-ungut ma sude halak Israel hara ni pangalaho on tu angka pamimpin ni halahi i. 19Tapi dialusi angka pamimpin i ma, “Bia baenon da! Ma sanga marsumpa hami tu halahi mangasahon goar ni Tuhan Debata ni Israel. Saonnari nada tola hita mambaen na jahat tu halahi. 20Angkon padiaronta do halahi mangolu hara ni na dung tajanjihon; muda nada songon i, uhumon ni Debata noma hita. 21Jadi, ulang dibunu halahi, tapi dumenggan ma tabaen halahi gabe partaha soban dohot angka sialap aek di hita.” Songon i ma dianjurkon angka pamimpin i.
22Dung i dipio ma angka halak Gibeon i anso mangadop tu si Josua. Didok si Josua ma, “Biasi dipaoto-oto hamu hami, jana didok hamu na marasal sian luat na dao hamu, hape na maringanan dison do hamu? 23Hara ni na songon i pambaenanmunu, hona uhum ni Debata ma hamu. Tongtong noma bangsomunu gabe hatoban sitaha soban dohot sialap aek baen sipakeon di Bagas Ni Debatangku.”
24Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on. 25Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.” 26Jadi gabe dibaen si Josua ma songonon: Diondihon ia ma halahi jana nada diloas ia halak Israel mamunu halahi. 27Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.
Currently Selected:
JOSUA 9: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JOSUA 9
9
Margabus halak Gibeon tu si Josua
1Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus. 2Marpokat ma sude angka raja-raja on lalu mardomu laho mamorangi si Josua dohot halak Israel.
3Tapi anggo angka halak Gibeon na sian bangso Hewi, madung dibege halahi taringot tu na nibaen ni si Josua maradopkon Jeriko dohot Ai. 4Diputuskon halahi ma laho mamake tipu akal maradopkon si Josua. Kehe ma halahi mambuat sipanganon, jana dibobani halahi ma angka halode ni halahi dohot harung angka na dung buruk, dohot angka kantongan ni anggur na buruk-buruk na nibaen sian bobak. 5Dung i dipake halahi ma pakean na masibak-sibak dohot sipatu sandal na dung lolot na didungkap-dungkapan. Roti na nioban ni halahi pe baen balanjo, roti na mahiang do jana na lapuhon. 6Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”
7Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”
8Didok halahi ma, “Na rade do hami patuluskon sanga aha pe na nihagiotanmunu.”
“Ise dehe hamu? Jana na sian luat dia do hamu?” ning si Josua manyapai halahi.
9Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir. 10Bope sanga aha na nibaenNia tu sidua halak raja ni halak Amori di Habincaran ni Jordan, si Sihon raja ni Hesbon dohot si Og raja ni Basan na maringanan di Astarot. 11Na nisuruhon ni angka pamimpin dohot sude na maringanan di luatnami do hami paradehon bohal jana mardalanan laho mandapotkon hamu tuannami. Disuru do hami laho mangoloi hagiotmunu tuannami jana mangido tu hamu mambaen parjanjian dohot hami. 12Ligi hamu ma roti, bohalnami on! Milas dope roti on dompak na kehe hami sian bagas laho mandapotkon hamu tuannami. Hape saonnari, ligi hamu ma! Ma pola mahiang jana lapuhon. 13Jana angka kantongan ni anggur on pe na imbaru do dompak hami isi, hape saonnari, ligi hamu ma! Ma pola maribak-ribak. Pakeannami dohot sipatu sandalnami pe ma pola masego hara ni dao ni pardalanannami.”
14Jadi dijagit halak Israel ma antong sipanganon i sian angka halak Gibeon i, hape nada mangido sipaingot halahi sian Tuhan salaho tusi. 15Dibaen si Josua ma parjanjian tanda mardongan dohot halak Gibeon i jana marjanji na so bunuon ni halahi. Jadi marsumpa ma angka pamimpin ni rayat ni Israel laho patuluskon parjanjian i.
16Tolu ari dung dibaen parjanjian i, baru pe anso tarboto bahaso na so sadia dao do angka jolma i tinggal sian inganan ni halak Israel. 17Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim. 18Hape nada tarbaen angka halak Israel be mamunu halahi, dibaen madung marsumpa angka pamimpin ni Israel tu halahi mangasahon goar ni Tuhan Debata ni Israel. Mungut-ungut ma sude halak Israel hara ni pangalaho on tu angka pamimpin ni halahi i. 19Tapi dialusi angka pamimpin i ma, “Bia baenon da! Ma sanga marsumpa hami tu halahi mangasahon goar ni Tuhan Debata ni Israel. Saonnari nada tola hita mambaen na jahat tu halahi. 20Angkon padiaronta do halahi mangolu hara ni na dung tajanjihon; muda nada songon i, uhumon ni Debata noma hita. 21Jadi, ulang dibunu halahi, tapi dumenggan ma tabaen halahi gabe partaha soban dohot angka sialap aek di hita.” Songon i ma dianjurkon angka pamimpin i.
22Dung i dipio ma angka halak Gibeon i anso mangadop tu si Josua. Didok si Josua ma, “Biasi dipaoto-oto hamu hami, jana didok hamu na marasal sian luat na dao hamu, hape na maringanan dison do hamu? 23Hara ni na songon i pambaenanmunu, hona uhum ni Debata ma hamu. Tongtong noma bangsomunu gabe hatoban sitaha soban dohot sialap aek baen sipakeon di Bagas Ni Debatangku.”
24Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on. 25Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.” 26Jadi gabe dibaen si Josua ma songonon: Diondihon ia ma halahi jana nada diloas ia halak Israel mamunu halahi. 27Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society