JOSUA 23
23
Pidato parsirangan ni si Josua
1Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu. 2Jadi gabe dipio ia ma sude halak Israel, rap dohot angka hatobangon, angka pamimpin, angka panguhum, dohot angka panglima, lalu didok ia ma, “Madung matobang situtu au saonnari. 3Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu. 4Tano ni angka bangso na tinggal i dope, songon i muse tano ni sude angka bangso na dung hutaluhon i, i ma tano na bolak mamungka sian Habincaran ni Batang aek Jordan torus tu Hasundutan lopus tu Laut Tonga, madung hutontuhon sudena i gabe hamu nampunasa. 5Baenon ni Tuhan Debatamunu angka bangso i talu, jana maporus sian hamu muda kehe hamu mamorangi halahi. Hamu noma nampuna luat ni halahi, songon na dung dijanjihon ni Tuhan Debatamunu tu hamu. 6Jadi hara ni i, sai parrohahon hamu ma denggan-denggan anso oloi hamu jana dalankon hamu sandok na tarsurat di bagasan Buku Uhum ni si Musa i. Ulang ma layas rohamunu mida deba sian angka uhum i. 7Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i. 8Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on. 9Anggo angka bangso na godang boti na gogo madung dipaorot Tuhan sian hamu; sada halak pe nada adong na tahan mangalo hamu. 10Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i. 11Hara ni i, ingot hamu ma laho manghaholongi Tuhan Debatamunu. 12Muda nada setia be hamu, gabe diihutkon hamu angka bangso na tinggal i dope di tonga-tongamunu jana marbagasi hamu dohot halahi, 13ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.
14Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa. 15Tapi songon partulus ni janjiNia i pasada-sada na denggan na dibaen Tuhan tu hamu, laing songon i muse do pastina dalankononNia ancamanNia pasada-sada tu hamu. 16Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”
Currently Selected:
JOSUA 23: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JOSUA 23
23
Pidato parsirangan ni si Josua
1Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu. 2Jadi gabe dipio ia ma sude halak Israel, rap dohot angka hatobangon, angka pamimpin, angka panguhum, dohot angka panglima, lalu didok ia ma, “Madung matobang situtu au saonnari. 3Madung diida hamu sandiri sandok na nipatupa ni Tuhan Debatamunu maradopkon sude bangso-bangso na dison hara ni hamu. Tuhan Debatamunu i sandiri do na marporang humopkop hamu. 4Tano ni angka bangso na tinggal i dope, songon i muse tano ni sude angka bangso na dung hutaluhon i, i ma tano na bolak mamungka sian Habincaran ni Batang aek Jordan torus tu Hasundutan lopus tu Laut Tonga, madung hutontuhon sudena i gabe hamu nampunasa. 5Baenon ni Tuhan Debatamunu angka bangso i talu, jana maporus sian hamu muda kehe hamu mamorangi halahi. Hamu noma nampuna luat ni halahi, songon na dung dijanjihon ni Tuhan Debatamunu tu hamu. 6Jadi hara ni i, sai parrohahon hamu ma denggan-denggan anso oloi hamu jana dalankon hamu sandok na tarsurat di bagasan Buku Uhum ni si Musa i. Ulang ma layas rohamunu mida deba sian angka uhum i. 7Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i. 8Tapi, sai tongtong ma hamu unduk tu Tuhan, songon na dung unduk hamu tuSia lopus tu sadari on. 9Anggo angka bangso na godang boti na gogo madung dipaorot Tuhan sian hamu; sada halak pe nada adong na tahan mangalo hamu. 10Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i. 11Hara ni i, ingot hamu ma laho manghaholongi Tuhan Debatamunu. 12Muda nada setia be hamu, gabe diihutkon hamu angka bangso na tinggal i dope di tonga-tongamunu jana marbagasi hamu dohot halahi, 13ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.
14Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa. 15Tapi songon partulus ni janjiNia i pasada-sada na denggan na dibaen Tuhan tu hamu, laing songon i muse do pastina dalankononNia ancamanNia pasada-sada tu hamu. 16Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society