JOSUA 19
19
Luat na ditontuhon baen di Simeon
1Bagian na paduahon, i ma tano di angka ripe na sian Marga Simeon. Masuk do tano ni halahi lopus tu bagasan ni tano nampuna ni Marga Juda. 2Dilehen di halahi: Berseba, Seba, Molada, 3Hasar-Sual, Bala, Esem, 4Eltolad, Betul, Horma, 5Ziklag, Bet-Markabot, Hasar-Susa, 6Bet-Lebaot dohot Saruhen. Tolu bolas kota sudena dohot angka luat-luatna.
7Songon i Ain, Rimon, Eter, dohot Asan; opat kota dohot angka luat-luatna. 8Dohot ma disi sude angka pagaran na humaliang kota i lopus tu Baalat-Beer (i ma Rama) na di Selatan. I ma tano na dilehen tu angka ripe na sian Marga Simeon na gabe bagian ni halahi. 9Mabidangtu do tano i di Juda, jadi gabe dilehen ma deba tu Simeon.
Luat na ditontuhon baen di Zebulon
10Bagian patoluhon, i ma di angka ripe na sian Marga Zebulon. Lalu do tu Sarid batas ni tano na dilehen di halahi. 11Sian Sarid, manggistang ma garis batas i sabola Hasundutan tu Marala, ditondong ma Dabeset dohot anak ni batang aek na di Habincaran ni Jokneam. 12Batas sabola Habincaran mamungka ma i sian Sarid torus tu parbatasan ni Kislot-Tabor, torus tu Dobrat lalu manangkok tu Jafia. 13Sian i torus ma garis batas i tu Habincaran tu Gathefer dohot Etkasin, lalu mangeldok adop Nea torus tu Rimon. 14Sabola Utara, mangeldok ma batas ni tano i adop Hanaton jana marujung di Rura Jifta-El. 15Di bagasan batas i masuk ma: Katat, Nahalal, Simron, Jidala, dohot Betlehem. Adong do dua bolas kota di luat ni halahi i dohot angka luat na humaliangna. 16Angka i ma kota dohot angka luatna na masuk tu tano na dilehen tu angka ripe na sian Marga Zebulon.
Luat na ditontuhon baen di Isakar
17Bagian paopatkon, i ma tano bagian ni angka ripe na sian Marga Isakar. 18Na masuk tu luat ni halahi: Jisreel, Kesulot, Sunem, 19Hefaraim, Sion, Anaharat, 20Rabit, Kision, Ebes, 21Remet, En-Ganim, En-Hada, dohot Bet-Pases. 22Dais do batas ni tano ni halahi tu Tabor, Sahasima, Bet-Semes, lalu marujung di Batang aek Jordan. Adong do onom bolas kota dohot angka luat na humaliangna na masuk tu tano ni halahi. 23Angka i ma kota dohot luat na masuk tu tano na dilehen tu angka ripe na sian Marga Isakar na gabe tano bagian ni halahi.
Luat na ditontuhon baen di Aser
24Bagian na palimahon, i ma tano baen di angka ripe na sian Marga Aser. 25Na masuk tu luat ni halahi do: Helkat, Hali, Beten, Aksap, 26Alamelek, Amad dohot Misal. Dais do garis batas ni halahi sabola Hasundutan di Karmel dohot di Sikar Libnat. 27Sian i mangeldok ma batas ni halahi i tu Habincaran tu Bet-Dagon mardomu ma i tu batas ni Zebulon dohot Rura Jifta-El manuju tu Utara tu Bet-Emek dohot Nehiel. Laing torus ma garis batas i tu Utara tu Kabul, 28Ebron, Rehob, Hamon dohot Kana lopus tu Sidon. 29Sian i mangeldok ma batas i tu Rama lopus tu kota Tirus, i ma sada kota na marbenteng; dung i mangeldok ma mangulahi garis batas i tu Hosa lalu marujung ma di Laut Tonga. Masuk tu bagasan batas i ma Mahalab, Aksib, 30Uma, Afek, dohot Rehob. Adong do dua pulu dua kota dohot angka luat na humaliangna sude na masuk tu tano ni halahi. 31Angka i ma kota dohot luat na masuk tu tano na dilehen tu angka ripe na sian Marga Aser baen tano bagian ni halahi.
Luat na ditontuhon baen di Naftali
32Bagian na paonomkon, i ma tano baen di angka ripe na sian Marga Naftali. 33Mamungka sian Helep do batas ni tano ni halahi lopus tu hayu ara na di Zoanaim, torus tu Adaminekeb lopus tu Jabneel, lalu tu Lakum, dung i marujung di Batang aek Jordan. 34Sian i mangeldok ma batas ni tano i tu Hasundutan tu Asnot-Tabor, jana sian i tu Hukok. Di sabola Selatan, marbatas dohot Zebulon ma luat on, sabola Hasundutan dohot Aser jana sabola Habincaran marbatas dohot Batang aek Jordan. 35Angka kota na marbenteng, i ma: Zidim, Zer, Hamat, Rakat, Kineret, 36Adama, Rama, Hasor, 37Kedes, Edrei, En-Hasor, 38Jiron, Migdalel, Horem, Bet-Anat dohot Bet-Semes. Sambilan bolas kota sude luat ni halahi dohot angka luat na humaliangna. 39Angka i ma kota dohot angka luat na masuk tu tano na dilehen di angka ripe na sian Marga Naftali na gabe tano bagian ni halahi.
Luat na ditontuhon baen di Dan
40Bagian na papituhon, i ma tano baen di angka ripe na sian Marga Dan. 41Masuk tu luat ni halahi do Zora, Estaol, Ir-Semes, 42Saalabin, Ayalon, Jitla, 43Elon, Timna, Ekron, 44Elteke, Gibeton, Baalat, 45Jehud, Bene-Berak, Gad-Rimon, 46Meyarkon, Rakon, songon i luat na humaliang Jope. 47Nada tarbuat angka halak na sian Marga Dan deba sian bagian ni halahi i, gabe kehe ma halahi tu Lesem mamorangi kota i. Jadi dirampas halahi ma kota i lalu dibunu pangisina i, jana ujungna diingani halahi ma kota i. Jadi gabe maringanan ma halahi disi jana digonti halahi ma goar ni kota Lesem gabe kota Dan mangihutkon goar ni ompu ni halahi. 48Angka i ma kota dohot angka luat na masuk tu tano na dilehen di angka ripe na sian Marga Dan na gabe tano bagian ni halahi.
Bagian na parpudi
49Dung sidung dibagi-bagi halak Israel tano na di luat i, dilehen halahi ma di si Josua anak ni si Nun deba tano na gabe ia puna. 50Laing songon na niparentahon ni Tuhan, dilehen halahi ma disia kota na nipangidonia, i ma: Timnat-Serah na di partoran Efraim. Dipauli si Josua ma mangulahi kota i, lalu maringanan ia disi.
51Songon i ma dibaen Malim Eleasar, si Josua anak ni si Nun dohot angka pamimpin ni angka ripe sian angka marga ni bangso Israel marbagi-bagi tano na di luat i marhite na mandanggurkon undi laho mangido hagiot ni Tuhan. Di Silo do i dibaen halahi di pintu ni Bandar Parmianan Ni Tuhan. Jana dung sidung i, salose ma parbagi ni tano i.
Currently Selected:
JOSUA 19: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JOSUA 19
19
Luat na ditontuhon baen di Simeon
1Bagian na paduahon, i ma tano di angka ripe na sian Marga Simeon. Masuk do tano ni halahi lopus tu bagasan ni tano nampuna ni Marga Juda. 2Dilehen di halahi: Berseba, Seba, Molada, 3Hasar-Sual, Bala, Esem, 4Eltolad, Betul, Horma, 5Ziklag, Bet-Markabot, Hasar-Susa, 6Bet-Lebaot dohot Saruhen. Tolu bolas kota sudena dohot angka luat-luatna.
7Songon i Ain, Rimon, Eter, dohot Asan; opat kota dohot angka luat-luatna. 8Dohot ma disi sude angka pagaran na humaliang kota i lopus tu Baalat-Beer (i ma Rama) na di Selatan. I ma tano na dilehen tu angka ripe na sian Marga Simeon na gabe bagian ni halahi. 9Mabidangtu do tano i di Juda, jadi gabe dilehen ma deba tu Simeon.
Luat na ditontuhon baen di Zebulon
10Bagian patoluhon, i ma di angka ripe na sian Marga Zebulon. Lalu do tu Sarid batas ni tano na dilehen di halahi. 11Sian Sarid, manggistang ma garis batas i sabola Hasundutan tu Marala, ditondong ma Dabeset dohot anak ni batang aek na di Habincaran ni Jokneam. 12Batas sabola Habincaran mamungka ma i sian Sarid torus tu parbatasan ni Kislot-Tabor, torus tu Dobrat lalu manangkok tu Jafia. 13Sian i torus ma garis batas i tu Habincaran tu Gathefer dohot Etkasin, lalu mangeldok adop Nea torus tu Rimon. 14Sabola Utara, mangeldok ma batas ni tano i adop Hanaton jana marujung di Rura Jifta-El. 15Di bagasan batas i masuk ma: Katat, Nahalal, Simron, Jidala, dohot Betlehem. Adong do dua bolas kota di luat ni halahi i dohot angka luat na humaliangna. 16Angka i ma kota dohot angka luatna na masuk tu tano na dilehen tu angka ripe na sian Marga Zebulon.
Luat na ditontuhon baen di Isakar
17Bagian paopatkon, i ma tano bagian ni angka ripe na sian Marga Isakar. 18Na masuk tu luat ni halahi: Jisreel, Kesulot, Sunem, 19Hefaraim, Sion, Anaharat, 20Rabit, Kision, Ebes, 21Remet, En-Ganim, En-Hada, dohot Bet-Pases. 22Dais do batas ni tano ni halahi tu Tabor, Sahasima, Bet-Semes, lalu marujung di Batang aek Jordan. Adong do onom bolas kota dohot angka luat na humaliangna na masuk tu tano ni halahi. 23Angka i ma kota dohot luat na masuk tu tano na dilehen tu angka ripe na sian Marga Isakar na gabe tano bagian ni halahi.
Luat na ditontuhon baen di Aser
24Bagian na palimahon, i ma tano baen di angka ripe na sian Marga Aser. 25Na masuk tu luat ni halahi do: Helkat, Hali, Beten, Aksap, 26Alamelek, Amad dohot Misal. Dais do garis batas ni halahi sabola Hasundutan di Karmel dohot di Sikar Libnat. 27Sian i mangeldok ma batas ni halahi i tu Habincaran tu Bet-Dagon mardomu ma i tu batas ni Zebulon dohot Rura Jifta-El manuju tu Utara tu Bet-Emek dohot Nehiel. Laing torus ma garis batas i tu Utara tu Kabul, 28Ebron, Rehob, Hamon dohot Kana lopus tu Sidon. 29Sian i mangeldok ma batas i tu Rama lopus tu kota Tirus, i ma sada kota na marbenteng; dung i mangeldok ma mangulahi garis batas i tu Hosa lalu marujung ma di Laut Tonga. Masuk tu bagasan batas i ma Mahalab, Aksib, 30Uma, Afek, dohot Rehob. Adong do dua pulu dua kota dohot angka luat na humaliangna sude na masuk tu tano ni halahi. 31Angka i ma kota dohot luat na masuk tu tano na dilehen tu angka ripe na sian Marga Aser baen tano bagian ni halahi.
Luat na ditontuhon baen di Naftali
32Bagian na paonomkon, i ma tano baen di angka ripe na sian Marga Naftali. 33Mamungka sian Helep do batas ni tano ni halahi lopus tu hayu ara na di Zoanaim, torus tu Adaminekeb lopus tu Jabneel, lalu tu Lakum, dung i marujung di Batang aek Jordan. 34Sian i mangeldok ma batas ni tano i tu Hasundutan tu Asnot-Tabor, jana sian i tu Hukok. Di sabola Selatan, marbatas dohot Zebulon ma luat on, sabola Hasundutan dohot Aser jana sabola Habincaran marbatas dohot Batang aek Jordan. 35Angka kota na marbenteng, i ma: Zidim, Zer, Hamat, Rakat, Kineret, 36Adama, Rama, Hasor, 37Kedes, Edrei, En-Hasor, 38Jiron, Migdalel, Horem, Bet-Anat dohot Bet-Semes. Sambilan bolas kota sude luat ni halahi dohot angka luat na humaliangna. 39Angka i ma kota dohot angka luat na masuk tu tano na dilehen di angka ripe na sian Marga Naftali na gabe tano bagian ni halahi.
Luat na ditontuhon baen di Dan
40Bagian na papituhon, i ma tano baen di angka ripe na sian Marga Dan. 41Masuk tu luat ni halahi do Zora, Estaol, Ir-Semes, 42Saalabin, Ayalon, Jitla, 43Elon, Timna, Ekron, 44Elteke, Gibeton, Baalat, 45Jehud, Bene-Berak, Gad-Rimon, 46Meyarkon, Rakon, songon i luat na humaliang Jope. 47Nada tarbuat angka halak na sian Marga Dan deba sian bagian ni halahi i, gabe kehe ma halahi tu Lesem mamorangi kota i. Jadi dirampas halahi ma kota i lalu dibunu pangisina i, jana ujungna diingani halahi ma kota i. Jadi gabe maringanan ma halahi disi jana digonti halahi ma goar ni kota Lesem gabe kota Dan mangihutkon goar ni ompu ni halahi. 48Angka i ma kota dohot angka luat na masuk tu tano na dilehen di angka ripe na sian Marga Dan na gabe tano bagian ni halahi.
Bagian na parpudi
49Dung sidung dibagi-bagi halak Israel tano na di luat i, dilehen halahi ma di si Josua anak ni si Nun deba tano na gabe ia puna. 50Laing songon na niparentahon ni Tuhan, dilehen halahi ma disia kota na nipangidonia, i ma: Timnat-Serah na di partoran Efraim. Dipauli si Josua ma mangulahi kota i, lalu maringanan ia disi.
51Songon i ma dibaen Malim Eleasar, si Josua anak ni si Nun dohot angka pamimpin ni angka ripe sian angka marga ni bangso Israel marbagi-bagi tano na di luat i marhite na mandanggurkon undi laho mangido hagiot ni Tuhan. Di Silo do i dibaen halahi di pintu ni Bandar Parmianan Ni Tuhan. Jana dung sidung i, salose ma parbagi ni tano i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society