JOSUA 15
15
Angka luat na ditontuhon baen di Juda
1Batas-batas ni tano parbagian ni angka marga na sian horong Juda, songon on ma:
Sabola Selatan, manggistang ma luat i lopus tu ujung di Selatan Halongonan Zin di parbalohan ni Edom; 2mamungka sian ujung ni Laut Mate, 3torus mamintas angka robean ni dolok na di Akrabim lalu tu Zin. Dung i mamintas sian Selatan ni Kades-Barnea, torus tu Hesron, manangkok tu Adar, dung i mangeldok adop Karka. 4Sian i torus muse ma garis ni batas i tu Asmon, lalu manyoksok anak ni batang aek di parbatasan ni Mesir, dung i marujung ma di Laut Tonga. Songon i ma garis batas i sabola Selatan, luat ni Juda.
5Di Habincaran, Laut Mate ma batasna torus tu Utara lalu tu muara ni Batang aek Jordan.
Di Utara, mamungka ma batas i sian muara ni Batang aek Jordan i, 6manangkok tu Bet-Hogla, lalu torus tu Utara ni Bet-Araba. Sian i manangkok dope torus batas i tu Utara, lalu tu batu Bohan. (Si Bohan anak ni si Ruben do i), 7dung i torus ma i tu Rura Akor lalu tu Debir, lalu mangeldok tu Utara mangulahi adop Gilgal di inganan na tongtang dohot robean ni angka dolok na di Adumim na di Selatan ni rura i. Sian i torus muse tu mual ni aek En-Semes lopus tu En-Rogel, 8dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim, 9dung i torus ma tu mual ni aek Me-Neftoah, torus tu angka kota na di lambung ni Dolok Efron. Sian i mangeldok do garis batas i sabola tu Baala (i ma Kiryat-Jearim), 10jana marhuliang ma i di Hasundutan ni Baala sabola tu partoran Edom lalu torus tu bagian Utara ni Dolok Jearim (i ma Dolok Kesalon), jana manuat muse tu Bet-Semes, dung i manggistang ma i tu Timna. 11Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga. 12Songon i ma garis batas sabola Hasundutan ni luat ni Marga Juda.
Di luat i ma maringanan angka halak na sian marga-marga ni Juda.
Si Kaleb mangarampas Hebron dohot Debir
(Hak. 1:10-15)
13Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i. 14Pomparan ni si Enak i, i ma angka halak: Sesai, Ahiman dohot Talmai. Madung dipaorot si Kaleb sudena halahi sian Hebron. 15Sian i kehe ma si Kaleb mamorangi angka jolma na maringanan di Debir. (Tarbarita do najolo goar ni kota i Kiryat-Sefer.) 16Ninna si Kaleb ma, “Bayo na tolapsa mangarampas Debir, hulehen ma si Aksa borungki gabe ripena.” 17Jadi dirampas si Otniel anak ni anggi ni si Kaleb na margoar si Kenas ma kota i; jadi dilehen si Kaleb ma si Aksa borunia i gabe ripe ni si Otniel. 18Di ari parbagason ni halahi disosak si Otniel ma si Aksa#15:18 Disosak si Otniel ma si Aksa (ligi Hak. 1:14) di pustaha Ibrani tarsurat: “Disosak si Aksa ma si Otniel”. anso dipangido ia tano tu amangnia i. Jadi mijur ma si Aksa sian halodenia i, gabe disapai amangnia i ma, “Aha dope di ho?” 19Dialusi si Aksa ma, “Di luat na mahiang do tano na nilehen ni amang i di au. Jadi hupangido sanga na piga mual ni aek.” Jadi gabe dilehen si Kaleb ma disia mual ni aek di dolok dohot mual ni aek na di lombang.
Angka kota ni Juda
20Mangihut dipajojor dison tano na dilehen tu angka marga ni Juda, baen halahi puna. 21-32Angka kota na dumao di Selatan na gabe bagian ni Juda, i ma na donok tu parbatasan ni Edom, i ma: Kabseel, Eder, Jagur, Kina, Dimona, Adada, Kedes, Hasor, Jitnan, Zip, Telem, Bealot, Hasor-Hadata, Keriot-Hesron (i ma Hasor), Amam, Sema, Molada, Hasar-Gada, Hesmon, Bet-Pelet, Hasar-Sual, Berseba, Bisiotia, Baala, Iyim, Esem, Eltolad, Kesil, Horma, Ziklag, Madmana, Sansana, Lebaot, Silhim, Ain dohot Rimon, pungu dua pulu sambilan kota sudena, dohot ma i angka luat na humaliangsa.
33-36Kota na di dolok-dolok i ma: Estaol, Zora, Asna, Zanoah, En-Ganim, Tapuah, Enam, Jarmut, Adulam, Sokho, Aseka, Saarim, Aditaim, Gedera, dohot Gederotaim; pungu sude opat bolas.
37-41Masuk muse dope Zenan, Hadasa, Migdalgad, Dilean, Mispa, Jokteel, Lakis, Boskat, Eglon, Kabon, Lahmas, Kitlis, Gederot, Bet-Dagon, Naama dohot Makeda pungu sude onom bolas rap dohot huta na humaliangna.
42-44Laing masuk tu Juda dope i ma: Libna, Eter, Asan, Jiftah, Asna, Nesib, Kehila, Aksib dohot Maresa, pungu sude sambilan rap dohot angka hutana.
45Tamba ni i taretong muse dope Ekron dohot angka luat na humaliangna, 46dohot sude angka kota dohot angka luat na di lambung ni Asdod, sian Ekron lopus tu Laut Tonga. 47Songon i muse Asdod dohot Gasa dohot angka luat maradu angka pagaranna na gumodang lopus tu lambung ni anak ni batang aek na di parbatasan ni Mesir dohot topi ni Laut Tonga.
48-51Angka kota na di dolok i ma: Samir, Jatir, Sokho, Dana, Kiryat-Sana (i ma Debir), Anab, Estemo, Anim, Gosen, Holon, dohot Gilo, pungu sabolas kota rap dohot angka luat humaliangna.
52-54Laing nampuna ni Juda muse do: Arab, Duma, Esan, Janum, Bet-Tapuah, Afeka, Humta, Kiryat-Arba (Hebron) dohot Zior, pungu sambilan kota dohot angka luat na humaliangna.
55-57Songon i muse sisampulu kota na mangihut on dohot angka luat na humaliangna: Maon, Karmel, Zip, Juta, Jisreel, Jokdeam, Zanoah, Kain, Gibea dohot Timna.
58-59Dohot muse, Halhul, Bet-Zur, Gedor, Maarat, Bet-Anot, dohot Eltekon, pungu sude onom kota dohot angka luat na humaliangna.
60Songon i muse kota na dua nari on rap dohot angka luat na humaliangna: Kota Kiryat-Baal (i ma Kiryat-Jearim) dohot kota Raba.
61-62Kota na di halongonan i ma: Bet-Araba, Midin, Sekhakha, Nibsan, Kota Sira dohot En-Gedi, pungu sude onom kota dohot angka luat na humaliangna.
63Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.
Currently Selected:
JOSUA 15: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JOSUA 15
15
Angka luat na ditontuhon baen di Juda
1Batas-batas ni tano parbagian ni angka marga na sian horong Juda, songon on ma:
Sabola Selatan, manggistang ma luat i lopus tu ujung di Selatan Halongonan Zin di parbalohan ni Edom; 2mamungka sian ujung ni Laut Mate, 3torus mamintas angka robean ni dolok na di Akrabim lalu tu Zin. Dung i mamintas sian Selatan ni Kades-Barnea, torus tu Hesron, manangkok tu Adar, dung i mangeldok adop Karka. 4Sian i torus muse ma garis ni batas i tu Asmon, lalu manyoksok anak ni batang aek di parbatasan ni Mesir, dung i marujung ma di Laut Tonga. Songon i ma garis batas i sabola Selatan, luat ni Juda.
5Di Habincaran, Laut Mate ma batasna torus tu Utara lalu tu muara ni Batang aek Jordan.
Di Utara, mamungka ma batas i sian muara ni Batang aek Jordan i, 6manangkok tu Bet-Hogla, lalu torus tu Utara ni Bet-Araba. Sian i manangkok dope torus batas i tu Utara, lalu tu batu Bohan. (Si Bohan anak ni si Ruben do i), 7dung i torus ma i tu Rura Akor lalu tu Debir, lalu mangeldok tu Utara mangulahi adop Gilgal di inganan na tongtang dohot robean ni angka dolok na di Adumim na di Selatan ni rura i. Sian i torus muse tu mual ni aek En-Semes lopus tu En-Rogel, 8dung i manangkok mamolus Rura Hinom tu Selatan ni tor inganan hajongjongan ni Jerusalem kota ni angka halak Jebus. Sian i torus ma garis batas i tu ambubu ni tor i di Hasundutan ni Rura Hinom, di ujung Parutara ni Rura Refaim, 9dung i torus ma tu mual ni aek Me-Neftoah, torus tu angka kota na di lambung ni Dolok Efron. Sian i mangeldok do garis batas i sabola tu Baala (i ma Kiryat-Jearim), 10jana marhuliang ma i di Hasundutan ni Baala sabola tu partoran Edom lalu torus tu bagian Utara ni Dolok Jearim (i ma Dolok Kesalon), jana manuat muse tu Bet-Semes, dung i manggistang ma i tu Timna. 11Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga. 12Songon i ma garis batas sabola Hasundutan ni luat ni Marga Juda.
Di luat i ma maringanan angka halak na sian marga-marga ni Juda.
Si Kaleb mangarampas Hebron dohot Debir
(Hak. 1:10-15)
13Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i. 14Pomparan ni si Enak i, i ma angka halak: Sesai, Ahiman dohot Talmai. Madung dipaorot si Kaleb sudena halahi sian Hebron. 15Sian i kehe ma si Kaleb mamorangi angka jolma na maringanan di Debir. (Tarbarita do najolo goar ni kota i Kiryat-Sefer.) 16Ninna si Kaleb ma, “Bayo na tolapsa mangarampas Debir, hulehen ma si Aksa borungki gabe ripena.” 17Jadi dirampas si Otniel anak ni anggi ni si Kaleb na margoar si Kenas ma kota i; jadi dilehen si Kaleb ma si Aksa borunia i gabe ripe ni si Otniel. 18Di ari parbagason ni halahi disosak si Otniel ma si Aksa#15:18 Disosak si Otniel ma si Aksa (ligi Hak. 1:14) di pustaha Ibrani tarsurat: “Disosak si Aksa ma si Otniel”. anso dipangido ia tano tu amangnia i. Jadi mijur ma si Aksa sian halodenia i, gabe disapai amangnia i ma, “Aha dope di ho?” 19Dialusi si Aksa ma, “Di luat na mahiang do tano na nilehen ni amang i di au. Jadi hupangido sanga na piga mual ni aek.” Jadi gabe dilehen si Kaleb ma disia mual ni aek di dolok dohot mual ni aek na di lombang.
Angka kota ni Juda
20Mangihut dipajojor dison tano na dilehen tu angka marga ni Juda, baen halahi puna. 21-32Angka kota na dumao di Selatan na gabe bagian ni Juda, i ma na donok tu parbatasan ni Edom, i ma: Kabseel, Eder, Jagur, Kina, Dimona, Adada, Kedes, Hasor, Jitnan, Zip, Telem, Bealot, Hasor-Hadata, Keriot-Hesron (i ma Hasor), Amam, Sema, Molada, Hasar-Gada, Hesmon, Bet-Pelet, Hasar-Sual, Berseba, Bisiotia, Baala, Iyim, Esem, Eltolad, Kesil, Horma, Ziklag, Madmana, Sansana, Lebaot, Silhim, Ain dohot Rimon, pungu dua pulu sambilan kota sudena, dohot ma i angka luat na humaliangsa.
33-36Kota na di dolok-dolok i ma: Estaol, Zora, Asna, Zanoah, En-Ganim, Tapuah, Enam, Jarmut, Adulam, Sokho, Aseka, Saarim, Aditaim, Gedera, dohot Gederotaim; pungu sude opat bolas.
37-41Masuk muse dope Zenan, Hadasa, Migdalgad, Dilean, Mispa, Jokteel, Lakis, Boskat, Eglon, Kabon, Lahmas, Kitlis, Gederot, Bet-Dagon, Naama dohot Makeda pungu sude onom bolas rap dohot huta na humaliangna.
42-44Laing masuk tu Juda dope i ma: Libna, Eter, Asan, Jiftah, Asna, Nesib, Kehila, Aksib dohot Maresa, pungu sude sambilan rap dohot angka hutana.
45Tamba ni i taretong muse dope Ekron dohot angka luat na humaliangna, 46dohot sude angka kota dohot angka luat na di lambung ni Asdod, sian Ekron lopus tu Laut Tonga. 47Songon i muse Asdod dohot Gasa dohot angka luat maradu angka pagaranna na gumodang lopus tu lambung ni anak ni batang aek na di parbatasan ni Mesir dohot topi ni Laut Tonga.
48-51Angka kota na di dolok i ma: Samir, Jatir, Sokho, Dana, Kiryat-Sana (i ma Debir), Anab, Estemo, Anim, Gosen, Holon, dohot Gilo, pungu sabolas kota rap dohot angka luat humaliangna.
52-54Laing nampuna ni Juda muse do: Arab, Duma, Esan, Janum, Bet-Tapuah, Afeka, Humta, Kiryat-Arba (Hebron) dohot Zior, pungu sambilan kota dohot angka luat na humaliangna.
55-57Songon i muse sisampulu kota na mangihut on dohot angka luat na humaliangna: Maon, Karmel, Zip, Juta, Jisreel, Jokdeam, Zanoah, Kain, Gibea dohot Timna.
58-59Dohot muse, Halhul, Bet-Zur, Gedor, Maarat, Bet-Anot, dohot Eltekon, pungu sude onom kota dohot angka luat na humaliangna.
60Songon i muse kota na dua nari on rap dohot angka luat na humaliangna: Kota Kiryat-Baal (i ma Kiryat-Jearim) dohot kota Raba.
61-62Kota na di halongonan i ma: Bet-Araba, Midin, Sekhakha, Nibsan, Kota Sira dohot En-Gedi, pungu sude onom kota dohot angka luat na humaliangna.
63Kota Jerusalem pe masuk bagian ni Juda do, tapi nada tarpaorot halak Juda haruar angka halak Jebus na maringanan disi. Lopus saonnari laing rap maringanan di kota i do angka halak Jebus dohot halak Juda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society