JUNUS 1
1
Digagai si Junus parenta ni Tuhan
1Di na sanoli mangkuling ma Tuhan tu si Junus, anak ni si Amitai. 2Ning Ia ma, “Kehe ma ho tu Ninive, tu kota na godang i laho mangancam kota i, angke madung lalu tu Au hajahatan ni halahi.” 3Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan. 4Tapi diparo Tuhan ma alogo na gogo tu laut i, gabe masa ma ombak na jorbut situtu na manondong kapal i, saotik nari noma anso maropuk. 5Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.
6Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”
7Dung manaek si Junus dohot nakhoda i tu ginjang, marsidokkonan ma angka parkapal i sama halahi, “Tole ma tabaen undi, anso taboto sanga ise na sala umbaen na ro parmaraan on tu hita!” Jadi dibaen halahi ma undi, jana goar ni si Junus ma hona. 8Jadi didok halahi ma tu si Junus, “Paboa ma tu hami, hara ni ise do umbahen na ro parmaraan on tu hita. Aha do karejomu, sian dia do ho ro, di dia do kotamu jana sian bangso dia do ho?”
9Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.” 10Dung i dicaritohon ia ma sanga songon dia pargilonia sian Tuhan.
Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan. 11Jadi laing mur manggasa-gasa muse do torus ombak i, lalu disapai angka parkapal i ma tusia, “Bia noma baenonnami tu ho anso mantak ombak on?”
12Didok si Junus ma mangalusi, “Ambungkon ma au tu bagasan laut i, pasti so ombak i. Angke madung huboto do saonnari, hara ni au do boncir ni ombak na jorbut on manondong hamu.”
13Tapi laing dipuntial angka parkapal i do gogona marsitutu mandayung kapal i tu darat. Tapi laing mur manggasa-gasa do ombak i, gabe nada marguna haloloja ni halahi i. 14Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.” 15Lalu didanggurkon halahi ma si Junus tu bagasan laut i. Jadi manigor ompot ma so ombak i. 16Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.
17Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.
Currently Selected:
JUNUS 1: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JUNUS 1
1
Digagai si Junus parenta ni Tuhan
1Di na sanoli mangkuling ma Tuhan tu si Junus, anak ni si Amitai. 2Ning Ia ma, “Kehe ma ho tu Ninive, tu kota na godang i laho mangancam kota i, angke madung lalu tu Au hajahatan ni halahi.” 3Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan. 4Tapi diparo Tuhan ma alogo na gogo tu laut i, gabe masa ma ombak na jorbut situtu na manondong kapal i, saotik nari noma anso maropuk. 5Mabiar situtu ma angka na di kapal i jana marsurak-surak ma halahi mangido tolong tu debatana be. Diparambungkon halahi ma angka muatan ni kapal i tu bagasan laut i anso ulang bonom kapal i. Tapi anggo si Junus madung di inganan na partoru hian, dipapayak-payak ia ma disi lalu tarpodom sinok.
6Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”
7Dung manaek si Junus dohot nakhoda i tu ginjang, marsidokkonan ma angka parkapal i sama halahi, “Tole ma tabaen undi, anso taboto sanga ise na sala umbaen na ro parmaraan on tu hita!” Jadi dibaen halahi ma undi, jana goar ni si Junus ma hona. 8Jadi didok halahi ma tu si Junus, “Paboa ma tu hami, hara ni ise do umbahen na ro parmaraan on tu hita. Aha do karejomu, sian dia do ho ro, di dia do kotamu jana sian bangso dia do ho?”
9Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.” 10Dung i dicaritohon ia ma sanga songon dia pargilonia sian Tuhan.
Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan. 11Jadi laing mur manggasa-gasa muse do torus ombak i, lalu disapai angka parkapal i ma tusia, “Bia noma baenonnami tu ho anso mantak ombak on?”
12Didok si Junus ma mangalusi, “Ambungkon ma au tu bagasan laut i, pasti so ombak i. Angke madung huboto do saonnari, hara ni au do boncir ni ombak na jorbut on manondong hamu.”
13Tapi laing dipuntial angka parkapal i do gogona marsitutu mandayung kapal i tu darat. Tapi laing mur manggasa-gasa do ombak i, gabe nada marguna haloloja ni halahi i. 14Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.” 15Lalu didanggurkon halahi ma si Junus tu bagasan laut i. Jadi manigor ompot ma so ombak i. 16Gabe mabiar situtu ma angka parkapal i tu Tuhan, jana dung mandarat, dihaulkon halahi ma haul jana marjanji ma halahi laho mangoloi Tuhan.
17Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society