JOEL 1
1
1On ma tona ni Tuhan tu si Joel anak ni si Petuel.
Marsak halak Israel hara ni na abis suan-suanan di ladang di papangani siapor
2Hamu angka na tobang-tobang, tangihon hamu ma;
parrohahon ma sude hamu pangisi ni luat on!
Unjung dehe tarjadi songon on di hatihamunu
sanga dompak di ngolu ni angka ompumunu?
3Caritohon hamu ma na masa i tu angka dakdanakmunu;
anso dipalalu halahi muse tu dakdanakna caritomunu i.
Sundut na mangihut pe angkon botoonna muse,
jana paudutonna tu sundut na di pudina be.
4Punguan ni siapor na so taretong bahatna,
songgop di ladang mamangani suan-suananna.
Sanga aha na tading dibaen punguan na sada,
abis muse ma i dipangan na di pudina.
5Ngot ma, o angka parmabuk jana tangis ma hamu!
Tangis ma hamu ale angka parminum anggur na baru,
angke madung dirampas anggur i sian pamanganmunu!
6Ro do parangan ni angka bangso laho mamorangi tanongku;
na gogo jana nada habilangan bahatna;
iponna pe tajom songon ipon ni singa jara-jara,
jana saitna songon sait ni singa boru-boru.
7Disegohon halahi do bona ni anggurta,
bona ni ara pe diabiskonsa.
Disangkuliti halahi bonana,
gabe mamontar angka dangkana.
8Tangis ma hamu, songon anak boru na marsak roha
na tangis hara ni na matean tunangan haholongan ni rohana.
9Ma pola abis gandum dohot anggur sudena
nada adong be sihaulkonon di Bagas Ni Tuhan.
Gabe marsak ma angka malim,
dibaen nada adong be haul di Tuhan.
10Tarulang angka ladang jana marhancit,
hauma pe marsak boti sai susa;
dibaen gandum madung sude,
mahiang bona ni anggur umpe marbatu be,
miak pe ma giot abis.
11Angka partani gabe maila
parkobun anggur pe tama tangis!
Angke mangabis gandum dohot eme darat taru hais,
jana parbatu sibuaton pe madung dangis.
12Bona ni hayu sipanganon di padang gabe mahiang sudena:
bona ni anggur, ara, appel, kurma dohot dalimo,
gabe mago ma tata jop ni roha,
limpot ma sian bangso i jop ni roha.
13Hamu ale angka malim na markobasi di langgatan,
pake hamu ma abit goni anso martangisan.
Masuk ma tu Bagas Ni Tuhan marbornginma laho mangandung disi,
angke nada adong be haul anggur dohot gandum.
14Parentahon bangsomi anso puaso,
patupa hamu ma sada ari parpunguan bolon!
Ontang ma angka pamimpin maradu hatobangonna
maradu sude angka na maringanan di luat on,
anso marroan tu Bagas Ni Tuhan Debata,
laho martangiang jana pio-pio mangido tolong tuSia.
15Nada sadia honok nari ari ni Tuhan dapot ne ma,
disi ma hatihana Na Markuaso i parohon mara.
Na jorbut sun do ari i
dibaen maroban arsak dohot hasegoan do i.
16Di na abis sipanganonta,
manatap sajo ma hita, gogo soada.
Nada jumpang be jop ni roha di Bagas Ni Debatanta.
17Di tano na harsang, same marmatean.
Nada adong be gandum na nisimpan.
Rumar talobat gabe marlohaan.
18Marngiak pahan-pahanan;
jana gaor angka lombu
angke nada adong be ruput pajampalanna;
songon i dohot biri-biri gabe tarsonggot.
19Tu Ho do au mangido tolong ale Tuhan,
angke langa do padang na harsang jana halongonan;
angka hayu pe mahiang marmatean
mosok songon na niapian.
20Salang binatang riar pe angka na di harangan,
pio-pio do tu Ho mangido partolongan.
Nada be margogo halahi pasombu nguasna,
angke mahiang do angka batang aek sasudena.
Currently Selected:
JOEL 1: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
JOEL 1
1
1On ma tona ni Tuhan tu si Joel anak ni si Petuel.
Marsak halak Israel hara ni na abis suan-suanan di ladang di papangani siapor
2Hamu angka na tobang-tobang, tangihon hamu ma;
parrohahon ma sude hamu pangisi ni luat on!
Unjung dehe tarjadi songon on di hatihamunu
sanga dompak di ngolu ni angka ompumunu?
3Caritohon hamu ma na masa i tu angka dakdanakmunu;
anso dipalalu halahi muse tu dakdanakna caritomunu i.
Sundut na mangihut pe angkon botoonna muse,
jana paudutonna tu sundut na di pudina be.
4Punguan ni siapor na so taretong bahatna,
songgop di ladang mamangani suan-suananna.
Sanga aha na tading dibaen punguan na sada,
abis muse ma i dipangan na di pudina.
5Ngot ma, o angka parmabuk jana tangis ma hamu!
Tangis ma hamu ale angka parminum anggur na baru,
angke madung dirampas anggur i sian pamanganmunu!
6Ro do parangan ni angka bangso laho mamorangi tanongku;
na gogo jana nada habilangan bahatna;
iponna pe tajom songon ipon ni singa jara-jara,
jana saitna songon sait ni singa boru-boru.
7Disegohon halahi do bona ni anggurta,
bona ni ara pe diabiskonsa.
Disangkuliti halahi bonana,
gabe mamontar angka dangkana.
8Tangis ma hamu, songon anak boru na marsak roha
na tangis hara ni na matean tunangan haholongan ni rohana.
9Ma pola abis gandum dohot anggur sudena
nada adong be sihaulkonon di Bagas Ni Tuhan.
Gabe marsak ma angka malim,
dibaen nada adong be haul di Tuhan.
10Tarulang angka ladang jana marhancit,
hauma pe marsak boti sai susa;
dibaen gandum madung sude,
mahiang bona ni anggur umpe marbatu be,
miak pe ma giot abis.
11Angka partani gabe maila
parkobun anggur pe tama tangis!
Angke mangabis gandum dohot eme darat taru hais,
jana parbatu sibuaton pe madung dangis.
12Bona ni hayu sipanganon di padang gabe mahiang sudena:
bona ni anggur, ara, appel, kurma dohot dalimo,
gabe mago ma tata jop ni roha,
limpot ma sian bangso i jop ni roha.
13Hamu ale angka malim na markobasi di langgatan,
pake hamu ma abit goni anso martangisan.
Masuk ma tu Bagas Ni Tuhan marbornginma laho mangandung disi,
angke nada adong be haul anggur dohot gandum.
14Parentahon bangsomi anso puaso,
patupa hamu ma sada ari parpunguan bolon!
Ontang ma angka pamimpin maradu hatobangonna
maradu sude angka na maringanan di luat on,
anso marroan tu Bagas Ni Tuhan Debata,
laho martangiang jana pio-pio mangido tolong tuSia.
15Nada sadia honok nari ari ni Tuhan dapot ne ma,
disi ma hatihana Na Markuaso i parohon mara.
Na jorbut sun do ari i
dibaen maroban arsak dohot hasegoan do i.
16Di na abis sipanganonta,
manatap sajo ma hita, gogo soada.
Nada jumpang be jop ni roha di Bagas Ni Debatanta.
17Di tano na harsang, same marmatean.
Nada adong be gandum na nisimpan.
Rumar talobat gabe marlohaan.
18Marngiak pahan-pahanan;
jana gaor angka lombu
angke nada adong be ruput pajampalanna;
songon i dohot biri-biri gabe tarsonggot.
19Tu Ho do au mangido tolong ale Tuhan,
angke langa do padang na harsang jana halongonan;
angka hayu pe mahiang marmatean
mosok songon na niapian.
20Salang binatang riar pe angka na di harangan,
pio-pio do tu Ho mangido partolongan.
Nada be margogo halahi pasombu nguasna,
angke mahiang do angka batang aek sasudena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society