HAKIM-HAKIM 10
10
Si Tola
1Dung marujung ngolu ni si Abimelek, gabe pamimpin ma si Tola anak ni si Pua laho paluahon halak Israel. Pahompu ni si Dodo do i na sian Marga Isakar. Maringanan di Samir na di partoran Efraim do ia. 2Dua pulu tolu taon honokna ia mamimpin Israel, dung i marujung ma ngolunia jana dikuburkon di Samir.
Si Jair
3Dung si Tola, dipimpin si Jair ma Israel dua pulu dua taon lolotna. Sian Gilead do asal ni si Jair. 4Anaknia halaklahi adong do tolu pulu halak. Adong do tolu pulu halode tunggang ni halahi dohot tolu pulu huta di Luat Gilead. Digoari dope angka huta i, huta-huta ni si Jair. 5Marujung mangolu ni si Jair muse, jana dikubur di Kamon.
Si Jefta
6Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin. 7Muruk ma Tuhan hara ni i tu halak Israel, gabe dipadiar Ia bangso Pilistin dohot bangso Amon markuaso tu halahi. 8Salapan bolas taon honokna sai disosak bangso na dua i sude halak Israel na maringanan di Gilead luat ni halak Amori na di Habincaran ni Batang aek Jordan. Kejam do pambaen ni halahi tu angka halak Israel i. 9Taripar dope halak Amon di Batang aek Jordan laho kehe mamorangi Marga Juda, Benyamin dohot Efraim, gabe markancit situtu ma halak Israel.
10Jadi pio-pio ma halak Israel tu Tuhan, ninna halahi ma, “Madung mardosa hami maradopkon Ho, hara ni na so hami antureskon Ho Debatanami, gabe marsomba hami tu angka Debata Baal.”
11-12Dialusi Tuhan ma, “Najolo dijajah bangso Mesir do hamu, bangso Amori, Amon, Pilistin, Sidon, Amalek dohot bangso Maon. Jadi gabe pio-pio ma hamu mangido tolong tu Au. Bia do, adong he na so Hupalua hamu sian kuaso ni halahi? 13Haru songon i pe, laing dihudukkon hamu dope Au, lalu kehe hamu marsomba tu angka dewa. Jadi saonnari nada ra be Au paluahon hamu. 14Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”
15Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.” 16Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.
17Di hatiha i topet ma markobas-kobas tentara ni Amon laho marporang jana marbandar ma halahi di Gilead. Madung marlagut halak Israel jana marbandar halahi di Mispa. 18Disi pio-pio ma rayat dohot angka pamimpin ni Marga Israel i di tonga-tonga ni halahi, “Sanga ise na puluk mangangkat sinjata mangalo bangso Amon, baenon ma gabe pamimpin ni sude pangisi ni Gilead.”
Currently Selected:
HAKIM-HAKIM 10: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HAKIM-HAKIM 10
10
Si Tola
1Dung marujung ngolu ni si Abimelek, gabe pamimpin ma si Tola anak ni si Pua laho paluahon halak Israel. Pahompu ni si Dodo do i na sian Marga Isakar. Maringanan di Samir na di partoran Efraim do ia. 2Dua pulu tolu taon honokna ia mamimpin Israel, dung i marujung ma ngolunia jana dikuburkon di Samir.
Si Jair
3Dung si Tola, dipimpin si Jair ma Israel dua pulu dua taon lolotna. Sian Gilead do asal ni si Jair. 4Anaknia halaklahi adong do tolu pulu halak. Adong do tolu pulu halode tunggang ni halahi dohot tolu pulu huta di Luat Gilead. Digoari dope angka huta i, huta-huta ni si Jair. 5Marujung mangolu ni si Jair muse, jana dikubur di Kamon.
Si Jefta
6Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin. 7Muruk ma Tuhan hara ni i tu halak Israel, gabe dipadiar Ia bangso Pilistin dohot bangso Amon markuaso tu halahi. 8Salapan bolas taon honokna sai disosak bangso na dua i sude halak Israel na maringanan di Gilead luat ni halak Amori na di Habincaran ni Batang aek Jordan. Kejam do pambaen ni halahi tu angka halak Israel i. 9Taripar dope halak Amon di Batang aek Jordan laho kehe mamorangi Marga Juda, Benyamin dohot Efraim, gabe markancit situtu ma halak Israel.
10Jadi pio-pio ma halak Israel tu Tuhan, ninna halahi ma, “Madung mardosa hami maradopkon Ho, hara ni na so hami antureskon Ho Debatanami, gabe marsomba hami tu angka Debata Baal.”
11-12Dialusi Tuhan ma, “Najolo dijajah bangso Mesir do hamu, bangso Amori, Amon, Pilistin, Sidon, Amalek dohot bangso Maon. Jadi gabe pio-pio ma hamu mangido tolong tu Au. Bia do, adong he na so Hupalua hamu sian kuaso ni halahi? 13Haru songon i pe, laing dihudukkon hamu dope Au, lalu kehe hamu marsomba tu angka dewa. Jadi saonnari nada ra be Au paluahon hamu. 14Tu angka debata na nipilimunu i ma hamu antong kehe. Pio-pio ma hamu tu halahi! Padiar ma halahi na paluahon hamu di bagasan hasusaan i.”
15Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.” 16Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.
17Di hatiha i topet ma markobas-kobas tentara ni Amon laho marporang jana marbandar ma halahi di Gilead. Madung marlagut halak Israel jana marbandar halahi di Mispa. 18Disi pio-pio ma rayat dohot angka pamimpin ni Marga Israel i di tonga-tonga ni halahi, “Sanga ise na puluk mangangkat sinjata mangalo bangso Amon, baenon ma gabe pamimpin ni sude pangisi ni Gilead.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society