HOSEA 2
2
1Dokkon ma tu donganmu halaklahi, “Ami!” jana tu donganmu dadaboru, “Ruhama!”
Si Gomer na so setia i ma gambaran ni Israel
2Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna. 3Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.” 4Taringot tu angka anakna, nada haholonganKu be halahi, angke anak gampang do halahi. 5Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”
6Harani i, giot tutuponKu ma dalanna dohot angka suga, jana pajongjongon tembok giot mangurung ia, jadi nada diboto ia be dalanna. 7Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”
8Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i. 9Hara ni i, di hamamasa ni sabion tarihonKu noma mangulahi na Hulehen i, i ma gandum dohot anggur maradu wol dohot abit linen pakeannia. 10PatalahonKu ia di jolo ni sude haholongan ni rohana. Sahalak pe nada adong na margogo paluahon ia sian kuasongKu. 11AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia. 12MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis. 13UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.
Dihaholongi Tuhan bangsoNia
14Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha. 15PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir. 16Jana nada be Baalnia#2:16 BAALNIA: Goar ni debata ni Kanaan do i, astuanna “Tuhan”; sada nari astuanna “halaklahi”. Au goaronnia, tapi dokkononnia ma Au halaklahinia. 17Dung i padaoonKu ma goar ni angka Baal sian pamanganmu gabe nada dokkonon be goar ni halahi.
18BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.
19O Israel, buatonKu ma ho baen ripengKu,
na tutu sapanjangna gabe ripengKu.
Huasii jana sai Huhaholongi ho tongtong;
setia ma Au jana burju tongtong.
20Hombar tu janjingKu, Hualap ho di Au.
Okuonmu sandiri ma Au do Tuhanmu.
21Jadi di hatiha i, ninna Tuhan, tangihononKu ma langit,
jana langit tangihononna ma tano on.
22Giot tangihonon ni tano on ma gandum, anggur dohot miak,
jana tangihonon ni halahi ma Jisreel.
23BaenonKu ma bangsongKu mangolu marsonang-sonang
jana hot maringanan di tanona.
Tu halahi na margoar ‘Na So Dihaholongi’
patuduhononKu ma bahaso na Huhaholongi do halahi,
jana tu halahi na nigoaran ‘Nada BangsongKu’,
dokkononKu ma ‘BangsongKu Do Hamu’.
Songon on ma alusan ni halahi
‘Ho do tutu Debatanami!’ ”
Currently Selected:
HOSEA 2: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HOSEA 2
2
1Dokkon ma tu donganmu halaklahi, “Ami!” jana tu donganmu dadaboru, “Ruhama!”
Si Gomer na so setia i ma gambaran ni Israel
2Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna. 3Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.” 4Taringot tu angka anakna, nada haholonganKu be halahi, angke anak gampang do halahi. 5Harana madung gabe parhamainan ina ni halahi; ia na marorot halahi madung marparange na so denggan. Harana didok ia do, “Giot ihutkononku do angka haholongan ni rohangku, na mangalehen roti dohot aek inumon, imbulu ni biri-biri dohot abit linen, miak dohot inumonku.”
6Harani i, giot tutuponKu ma dalanna dohot angka suga, jana pajongjongon tembok giot mangurung ia, jadi nada diboto ia be dalanna. 7Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”
8Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i. 9Hara ni i, di hamamasa ni sabion tarihonKu noma mangulahi na Hulehen i, i ma gandum dohot anggur maradu wol dohot abit linen pakeannia. 10PatalahonKu ia di jolo ni sude haholongan ni rohana. Sahalak pe nada adong na margogo paluahon ia sian kuasongKu. 11AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia. 12MatehononKu ma angka bona ni anggurna dohot bona ni arana, taringot tusi didokkon: Silehen-lehen do sudena on di au, na dilehen ni angka haholongan ni rohangku tu au! BaenonKu ma i gabe harangan, jana panganon ni angka binatang na di padang ma i lopus abis. 13UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.
Dihaholongi Tuhan bangsoNia
14Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha. 15PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir. 16Jana nada be Baalnia#2:16 BAALNIA: Goar ni debata ni Kanaan do i, astuanna “Tuhan”; sada nari astuanna “halaklahi”. Au goaronnia, tapi dokkononnia ma Au halaklahinia. 17Dung i padaoonKu ma goar ni angka Baal sian pamanganmu gabe nada dokkonon be goar ni halahi.
18BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.
19O Israel, buatonKu ma ho baen ripengKu,
na tutu sapanjangna gabe ripengKu.
Huasii jana sai Huhaholongi ho tongtong;
setia ma Au jana burju tongtong.
20Hombar tu janjingKu, Hualap ho di Au.
Okuonmu sandiri ma Au do Tuhanmu.
21Jadi di hatiha i, ninna Tuhan, tangihononKu ma langit,
jana langit tangihononna ma tano on.
22Giot tangihonon ni tano on ma gandum, anggur dohot miak,
jana tangihonon ni halahi ma Jisreel.
23BaenonKu ma bangsongKu mangolu marsonang-sonang
jana hot maringanan di tanona.
Tu halahi na margoar ‘Na So Dihaholongi’
patuduhononKu ma bahaso na Huhaholongi do halahi,
jana tu halahi na nigoaran ‘Nada BangsongKu’,
dokkononKu ma ‘BangsongKu Do Hamu’.
Songon on ma alusan ni halahi
‘Ho do tutu Debatanami!’ ”
Indonesian Bible Society