HAGAI 2
2
Hajagaron ni Bagas Na Badia na imbaru i
1Di tanggal dua pulu sada bulan pitu laing di bagasan taon i, mangkuling muse ma Tuhan markite-hite Panurirang Hagai songon on, 2dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on, 3“Adong dope ulaning sian hamu na marningot sanga songon dia parjagar ni BagasKon na salpu i? Saonnari bia do pangalahona mangihutkon pandapotmunu? Inda he dao do sian puas ni pangkilalaan? 4Tapi saonnari, patogu ma rohamu, ale Zerubabel, ninna Tuhan; patogu ma rohamu ale Malim Godang Josua, anak ni si Josadak; patogu ma rohamu ale sude bangso, ninna Tuhan; markarejo ma, harana dongananKu do hamu, ninna Tuhan Na Markuaso. 5Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.
6Nada sadia honok nari, huturonKu ma langit dohot tano, darat dohot laut. 7HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i. 8Au do nampuna sasude sere dohot perak na adong, ninna Tuhan Na Markuaso. 9Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.
Martahi Panurirang Hagai dohot angka malim
10Di tanggal dua pulu opat bulan sambilan di taon paduahon mamarenta Raja Darius, mangkuling ma Tuhan Na Markuaso i mangulahi tu Panurirang Hagai, 11“Songon on do hata ni Tuhan Na Markuaso: Sapai ma tu angka malim taringot tu pangajaran. 12Sugari rupani adong sada halak na mambuat juhut sian haul na dihaulkon tu Tuhan, lalu dioban ia mulak di pangalompit-lompitan ni baju jubania i, dung i dais muse ma baju jubania i tu roti sanga tu sipamasahon bagi aha pe, sanga tu anggur, sanga miak zetun, sanga tu sipanganon bagi aha pe, gabe badia muse dehe i sudena?”
Di na nipalalu ni si Hagai sapa-sapa i, dialusi angka malim i ma, “Nada.”
13Dung i marsapa ma si Hagai mangulahi, “Sugari rupani adong sada halak na gabe hodar hara ni na dais ia tu bangke, dung i dais muse ma ia tu sada sian sipanganon nangkin, gabe dohot dehe sipanganon i hodar muse?”
Dialusi angka malim i ma, “Olo, antong!”
14Dung i didok si Hagai ma mangulahi: Songon i muse tu bangso na di adopanKu, ninna Tuhan, sanga aha na nibaen ni tangan ni halahi dohot na nihaulkon ni halahi disi; na ramun do i.
Dijanjihon Tuhan pasupasuNia
15Didok Tuhan ma, “Cubo hamu ma pamanat hamu na masa di hamu saonnari! Taran so mamungka dope padenggankon BagasKon, 16kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong. 17Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au. 18Sadari on, tanggal dua pulu opat bulan sambilan, sidung ma dipayakkon batu ojahan ni BagasKu! Parrohahon hamu ma sanga aha do na tarjadi mamungka sadari on. 19Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”
Janji ni Tuhan tu si Zerubabel
20Laing di na sadari i, i ma di tanggal dua pulu opat bulan sambilan, dipaboa Tuhan ma tona na paduahon tu si Hagai, 21songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’ 22ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa. 23Di ari i, ale Zerubabel, naposongKu, angkatonKu ma ho laho mamarenta markite-hite goarKu. Angke ho do na Hupili.” Madung didok Tuhan Na Markuaso i songon i.
Currently Selected:
HAGAI 2: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
HAGAI 2
2
Hajagaron ni Bagas Na Badia na imbaru i
1Di tanggal dua pulu sada bulan pitu laing di bagasan taon i, mangkuling muse ma Tuhan markite-hite Panurirang Hagai songon on, 2dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on, 3“Adong dope ulaning sian hamu na marningot sanga songon dia parjagar ni BagasKon na salpu i? Saonnari bia do pangalahona mangihutkon pandapotmunu? Inda he dao do sian puas ni pangkilalaan? 4Tapi saonnari, patogu ma rohamu, ale Zerubabel, ninna Tuhan; patogu ma rohamu ale Malim Godang Josua, anak ni si Josadak; patogu ma rohamu ale sude bangso, ninna Tuhan; markarejo ma, harana dongananKu do hamu, ninna Tuhan Na Markuaso. 5Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.
6Nada sadia honok nari, huturonKu ma langit dohot tano, darat dohot laut. 7HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i. 8Au do nampuna sasude sere dohot perak na adong, ninna Tuhan Na Markuaso. 9Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.
Martahi Panurirang Hagai dohot angka malim
10Di tanggal dua pulu opat bulan sambilan di taon paduahon mamarenta Raja Darius, mangkuling ma Tuhan Na Markuaso i mangulahi tu Panurirang Hagai, 11“Songon on do hata ni Tuhan Na Markuaso: Sapai ma tu angka malim taringot tu pangajaran. 12Sugari rupani adong sada halak na mambuat juhut sian haul na dihaulkon tu Tuhan, lalu dioban ia mulak di pangalompit-lompitan ni baju jubania i, dung i dais muse ma baju jubania i tu roti sanga tu sipamasahon bagi aha pe, sanga tu anggur, sanga miak zetun, sanga tu sipanganon bagi aha pe, gabe badia muse dehe i sudena?”
Di na nipalalu ni si Hagai sapa-sapa i, dialusi angka malim i ma, “Nada.”
13Dung i marsapa ma si Hagai mangulahi, “Sugari rupani adong sada halak na gabe hodar hara ni na dais ia tu bangke, dung i dais muse ma ia tu sada sian sipanganon nangkin, gabe dohot dehe sipanganon i hodar muse?”
Dialusi angka malim i ma, “Olo, antong!”
14Dung i didok si Hagai ma mangulahi: Songon i muse tu bangso na di adopanKu, ninna Tuhan, sanga aha na nibaen ni tangan ni halahi dohot na nihaulkon ni halahi disi; na ramun do i.
Dijanjihon Tuhan pasupasuNia
15Didok Tuhan ma, “Cubo hamu ma pamanat hamu na masa di hamu saonnari! Taran so mamungka dope padenggankon BagasKon, 16kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong. 17Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au. 18Sadari on, tanggal dua pulu opat bulan sambilan, sidung ma dipayakkon batu ojahan ni BagasKu! Parrohahon hamu ma sanga aha do na tarjadi mamungka sadari on. 19Haru pe nada adong be anggur na tinggal, jana bona ni anggur, ara, dalimo dohot bona ni zetun nada mamutik dope, tapi mamungka saonnari pasupasuonKu ma hamu!”
Janji ni Tuhan tu si Zerubabel
20Laing di na sadari i, i ma di tanggal dua pulu opat bulan sambilan, dipaboa Tuhan ma tona na paduahon tu si Hagai, 21songon on, “Dokkon ma tu si Zerubabel bupati ni Juda songon on, ‘HuturonKu ma langit dohot tano,’ 22ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa. 23Di ari i, ale Zerubabel, naposongKu, angkatonKu ma ho laho mamarenta markite-hite goarKu. Angke ho do na Hupili.” Madung didok Tuhan Na Markuaso i songon i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society