AMOS 6
6
Masarsar Israel
1Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat. 2Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu? 3Laing gogo rohamunu mandok na honok dope ari hamamago i, hape angka parbuatanmunu i do patibuhon haroro ni ari i.
4Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara! 5Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi. 6Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel. 7Jadi hara ni i, hamu ma parjolo-jolo obanon tu habuangan. Marujung ma angka pesta dohot angka parjamu-jamuanmunu i.
8Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”
9Ampot adong dope sampulu halak na ro martabuni di bagasan sada bagas, laing mate muse ma halahi sude. 10Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?”
Jadi tarbege ma alus mandok, “Nada be!”
Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”
11Muda mangalehen parenta Tuhan, bagas na menek sanga na godang gabe marsegoan. 12Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.
13Ale hamu na marjop ni roha hara ni Lodabar,#6:13 LODABAR: Di hata Ibrani pandok ni goar on sarupa dohot na marastuan “nada adong sanga aha.” jana na mandok, “Nada he marhite hagogoonta do tarampas Karnaim#6:13 KARNAIM: Tanduk do astuan ni goar ni kota on, i ma gambaran ni hagogoan. di hita?”
14Didok Tuhan, Debata Na Markuaso i sandiri do, “Ale halak Israel, tongosonKu ma tentara sian sada luat na asing laho mamparhanciti hamu. Sosahon ni halahi ma hamu sian dalan laho tu Hamat di Utara lopus tu Rura Araba di Selatan.”
Currently Selected:
AMOS 6: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
AMOS 6
6
Masarsar Israel
1Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat. 2Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu? 3Laing gogo rohamunu mandok na honok dope ari hamamago i, hape angka parbuatanmunu i do patibuhon haroro ni ari i.
4Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara! 5Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi. 6Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel. 7Jadi hara ni i, hamu ma parjolo-jolo obanon tu habuangan. Marujung ma angka pesta dohot angka parjamu-jamuanmunu i.
8Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”
9Ampot adong dope sampulu halak na ro martabuni di bagasan sada bagas, laing mate muse ma halahi sude. 10Muda adong sian na sabagas mangurus kuburan ni na matean, ro ma ia jana ia ma maroban bangke ni sisolkotna i tu balian. Pio-pio ma ia tu jolma na di pudi ni bagasna i, “Adong dope he na mangolu disi rap dohot ho?”
Jadi tarbege ma alus mandok, “Nada be!”
Dokkonon ni na markarejo mangubur bangke ia ma, “Ulang be mangkatai ho! Nada tola dokkononta goar ni Tuhan.”
11Muda mangalehen parenta Tuhan, bagas na menek sanga na godang gabe marsegoan. 12Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.
13Ale hamu na marjop ni roha hara ni Lodabar,#6:13 LODABAR: Di hata Ibrani pandok ni goar on sarupa dohot na marastuan “nada adong sanga aha.” jana na mandok, “Nada he marhite hagogoonta do tarampas Karnaim#6:13 KARNAIM: Tanduk do astuan ni goar ni kota on, i ma gambaran ni hagogoan. di hita?”
14Didok Tuhan, Debata Na Markuaso i sandiri do, “Ale halak Israel, tongosonKu ma tentara sian sada luat na asing laho mamparhanciti hamu. Sosahon ni halahi ma hamu sian dalan laho tu Hamat di Utara lopus tu Rura Araba di Selatan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society