AMOS 1
1
1Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.
2Didok ia,
“Marngaur Tuhan sian Dolok Sion.
Mangaronggur soraNia sian Jerusalem.
Hiang ma angka duhut di padang,
duhut pe di Dolok Karmel maradu mahiang.”
Uhuman ni Debata tu angka bangso hombar ni Israel
Siria
3Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead. 4Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad. 5SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”
Pilistin
6Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom. 7Hara ni i tongosonKu ma api tu angka tembok ni kota Gasa, jana surbuonKu sude angka bentengna. 8PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”
Tirus
9Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon. 10Hara ni i tongosonKu ma api tu angka tembok ni kota Tirus, jana surbuonKu sude angka bentengna i.”
Edom
11Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i.#1:11 ANGKA KAHANGGI NI HALAHI: Pomparan ni si Jakob angkang ni si Esau i do halak Israel. Pomparan ni si Esau do halak Edom. Manigor muruk do halahi jana tongtong marhosom. 12Hara ni i tongosonKu ma api tu kota Teman jana surbuonKu lopus abis angka benteng ni Bosra.”
Amon
13Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead. 14Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak. 15Obanon ma raja ni halahi dohot angka pamimpinna na asing i tu habuangan, ninna Tuhan.”
Currently Selected:
AMOS 1: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
AMOS 1
1
1Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.
2Didok ia,
“Marngaur Tuhan sian Dolok Sion.
Mangaronggur soraNia sian Jerusalem.
Hiang ma angka duhut di padang,
duhut pe di Dolok Karmel maradu mahiang.”
Uhuman ni Debata tu angka bangso hombar ni Israel
Siria
3Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead. 4Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad. 5SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”
Pilistin
6Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom. 7Hara ni i tongosonKu ma api tu angka tembok ni kota Gasa, jana surbuonKu sude angka bentengna. 8PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”
Tirus
9Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon. 10Hara ni i tongosonKu ma api tu angka tembok ni kota Tirus, jana surbuonKu sude angka bentengna i.”
Edom
11Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i.#1:11 ANGKA KAHANGGI NI HALAHI: Pomparan ni si Jakob angkang ni si Esau i do halak Israel. Pomparan ni si Esau do halak Edom. Manigor muruk do halahi jana tongtong marhosom. 12Hara ni i tongosonKu ma api tu kota Teman jana surbuonKu lopus abis angka benteng ni Bosra.”
Amon
13Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead. 14Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak. 15Obanon ma raja ni halahi dohot angka pamimpinna na asing i tu habuangan, ninna Tuhan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society