Nɔ̀ɓà 1
1
Éézùɖùɛ̀-nyɔ̀ ɓěɔ̀ zɛɖɛ-zɛɖɛ kĩ́ín-kĩ́ín
1Ti ɖòɛ̀ ɓaɖaa, Bounɓoɔ̀ wùɖù ma Mózè gbo ɖé Sányà Gbǎùn-fúɖúáɔ̀ kɔ̃, ɖé jàɖàìn-gbò kɔ̃̀ mú ɓɛ́ Bounɓoɔ̀ kè ɔ nyɔ ɓěɔ̀ dyéàìn nyɛ. Ɖɛ nìà kɛ kpá ma ti ɓɛ́ wa ɖǎ ma ɖé Íjè-ɓòɖòɔ̀ kɔ̃ sɔ̀ɛɛ zɔ̃ sɔ̃́ nììnɔ̀ dɛ̀nɛ̀ sɔ̃́ nììnɔ̀ wé kĩ́ín-kĩ́ínɔ̀ ɓaɖa. 2Bounɓoɔ̀ cɛ̃ɛ ma ɔ gbo, ké ɔ ɖá, “M̀ kè Eɖóún mɛ zɛɖɛ Éézùɖùɛ̀-dyù séín ɓěɔ̀ dyììn ɖé waà xwéɖé-dù kè waà ɓǎà gbǒ-xwíníín ɓěɔ̀ mú. Ɓě mɛ po gàa ɖò-ɖò séín 3ɓɛ́ ɔ nyuá zɔ̃ kpáɖá-nyɔ mɔɔ zi kɔ̃ɛɛ nyɛ́nɛ́ ɓíɖíi. Nyɔ séín nì Éézùɖùɛ̀-dyù ɓěɔ̀ hwìɛ̀, ɓɛ́ wa ɓɛ́ìn to gbo muɛ kɛɛ, ɓě mɛ zɛɖɛ wa, ɓɛ́ ɓě ké wa kpoo ɓě mú poɛń ɓéɖé. 4Ɓě mɛ zà gàa ɖò-ɖò ɓě ɓɛ́ wa mɔ̀ wa ɓǎà gbǒ-xwíníín ɓěɔ̀ wuɖuí-kɔ̃̀-nyɔ̀ɛɛ ɖé xwéɖé-dù ɖò-ɖò ɓěɔ̀ hwìɛ̀, ɓɛ́ wa ké ɓě gbo kpá. 5Gàa ɓě kéà ɖé xwéɖé-dù ɖò-ɖò ɓěɔ̀ mú sɔ̀, ɓɛ́ wa kéà ɓě gbo kpáa kɛà kɛ̀. Ɛ̀ɖízù mɔ̀à Sɛ̀ɖédyùɛ̀ dyú-gàà kɛɛ mɛ sɔ̀ ɖé Wuɖuɓíín nììn xwéɖé-dùɔ̀ mú. 6Sɛ̀ɖúmìè mɔ̀à Zúwìɖìsáɖàìɛ̀ dyú-gàà kɛɛ mɛ sɔ̀ ɖé Símìɔ̀ nììn xwéɖé-dùɔ̀ mú. 7Násɔ̀ùn mɔ̀à Ámìnáɖàà dyú-gàà kɛɛ mɛ sɔ̀ ɖé Júɖà nììn xwéɖé-dùɔ̀ mú. 8Nɛ̀fánìò mɔ̀à Zúàà dyú-gàà kɛɛ mɛ sɔ̀ ɖé Ɛ́sàkà nììn xwéɖé-dùɔ̀ mú. 9Ɛ̀ɖíà mɔ̀à Héɖɔ̀ùnɛ̀ dyú-gàà kɛɛ mɛ sɔ̀ ɖé Zɛ́ɓíúɖɔ̀ùn nììn xwéɖé-dùɔ̀ mú. 10Gàa ɓě ɓɛ́ wa mɛ sɔ̀ ɖé Jòsé nììn xwíníín-dyù ɓěɔ̀ hwìɛ̀ kɛɛ mɛ mɔ̀ Ɛ̀ɖìsámà mɔ̀à Àmíhùɛ̀ dyú-gàà kɛ kè Gàmɛ́ɖìè mɔ̀à Pɛ̀ɖázùɛ̀ dyú-gàà kɛ. Ɛ̀ɖìsámà mɛ sɔ̀ ɖé Ífèɖèìn nììn xwéɖé-dùɔ̀ mú, ké Gàmɛ́ɖìè mɛ sɔ̀ ɖé Mànásì nììn xwéɖé-dùɔ̀ mú. 11Àbíɖàùn mɔ̀à Gíɖìónìɛ̀ dyú-gàà kɛɛ mɛ sɔ̀ ɖé Bɛ̃́címà nììn xwéɖé-dùɔ̀ mú. 12Áhìɛ́zɛ̀ mɔ̀à Ámìsáɖàìɛ̀ dyú-gàà kɛɛ mɛ sɔ̀ ɖé Dɛ̃́ìn nììn xwéɖé-dùɔ̀ mú. 13Págìè mɔ̀à Ókànàà dyú-gàà kɛɛ mɛ sɔ̀ ɖé Ásè nììn xwéɖé-dùɔ̀ mú. 14Ɛ̀ɖìásà mɔ̀à Ɖɛ̀dyúòɛ̀ dyú-gàà kɛɛ mɛ sɔ̀ ɖé Gáà nììn xwéɖé-dùɔ̀ mú. 15Àhíwàɖà mɔ̀à Énàà dyú-gàà kɛɛ mɛ sɔ̀ ɖé Náfátàɖì nììn xwéɖé-dùɔ̀ mú.”
16Gàa ɓěɛ̀ mɔ̀ nyɔ ɓě ɓɛ́ wa kɔ̃̀ ma kà wa ɓǎà gbǒ-xwíníín ɓěɔ̀ wuɖuí ké Gèɖèpɔ́ɔ̀ gã ma kà wa sɔ̀ìn ɖé Éézùɖùɛ̀ɛ̀ xwéɖé-dù ɖò-ɖò ɓěɔ̀ hwìɛ̀ kɛ. 17Ké Mózè kè Eɖóún ɔ kè gàa ɓě ɓɛ́ Gèɖèpɔ́ɔ̀ gã ma kà kɛɛ 18poìn ma nyɔ séín ɓěɔ̀ dyí ɓó dɛ̀nɛ̀ɔ̀ sɔ̃́ nììnɔ̀ wé kĩ́ín-kĩ́ínɔ̀ ɓaɖa, ké wa céè ma waà nyɛ́nɛ́ céè-ɖɛ̀ ɖò mú dyììn ɖé kà waà xwéɖé-dù kè wa ɓǎà gbǒ-xwíníín ɓěɔ̀ nyu nìɛ̀ kɛɛ mú. Wa mɔ̀ gàa ɓě nyuá ma zɔ̃ kpáɖá-nyɔ kè zi kɔ̃ɛ. 19Kà ɓɛ́ Bounɓoɔ̀ nyuɛ ma Mózè gbo cɛ̃ɛ kɛɛ, kǎà ɔ nyu ma nyɔ ɓěɔ̀ zɛɖɛɛ ɖé Sányà Gbǎùn-fúɖúáɔ̀ kɔ̃.
20Ɖé Wuɖuɓíín mɔ̀à Jékɔ̀ɛ̀ nyíɔ́-dyùɔ̀ kɛɛ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 21Nyɔ jĩ̀ kà sɔ̀ ma ɖé Wuɖuɓíín nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè mɛ̀nɛ̌ìn-ɖò kè hɔ̃dɛ̀ɖɛ̀ hm̀m̌.
22Ɖé Símìɔ̀ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 23Nyɔ jĩ̀ kà sɔ̀ ma ɖé Símìɔ̀ nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè mɛ̀nɛ̌ìn-hĩinyɛ kè hɔ̃dɛ̀ɖɛ̀ tã.
24Ɖé Gáà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 25Nyɔ jĩ̀ kà sɔ̀ ma ɖé Gáà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè hm̀m̌ kè hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sɔ̃́ ɓaɖa-bùè.
26Ɖé Júɖà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo múɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 27Nyɔ jĩ̀ kà sɔ̀ ma ɖé Júɖà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ tã ɓaɖa-bùè sè hĩinyɛ kè hɔ̃dɛ̀ɖɛ̀ mɛ̀nɛ̌ìn-ɖò.
28Ɖé Ɛ́sàkà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo múɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 29Nyɔ jĩ̀ kà sɔ̀ ma ɖé Ɛ́sàkà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè hĩinyɛ kè hɔ̃dɛ̀ɖɛ̀ hĩinyɛ.
30Ɖé Zɛ́ɓíúɖɔ̀ùn nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 31Nyɔ jĩ̀ kà sɔ̀ ma ɖé Zɛ́ɓíúɖɔ̀ùn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè mɛ̀nɛ̌ìn-sɔ̃́ kè hɔ̃dɛ̀ɖɛ̀ hĩinyɛ.
32Ɖé Ífèɖèìn mɔ̀à Jòséɛ̀ dyú-gààɔ̀ kɛɛ nììn xwéɖé-dù múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 33Nyɔ jĩ̀ kà sɔ̀ ma ɖé Ífèɖèìn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ kè hɔ̃dɛ̀ɖɛ̀ hm̀m̌.
34Ɖé Mànásì mɔ̀à Jòséɛ̀ dyú-gàà tɔ̀ɔ̀ kɛɛ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 35Nyɔ jĩ̀ kà sɔ̀ ma ɖé Mànásì nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ ɓaɖa-bùè sè sɔ̃́ kè hɔ̃dɛ̀ɖɛ̀ sɔ̃́.
36Ɖé Bɛ̃́címà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 37Nyɔ jĩ̀ kà sɔ̀ ma ɖé Bɛ̃́címà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ ɓaɖa-bùè sè hm̀m̌ kè hɔ̃dɛ̀ɖɛ̀ hĩinyɛ.
38Ɖé Dɛ̃́ìn nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 39Nyɔ jĩ̀ kà sɔ̀ ma ɖé Dɛ̃́ìn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ tã sè sɔ̃́ kè hɔ̃dɛ̀ɖɛ̀ mɛ̀nɛ̌ìn-sɔ̃́.
40Ɖé Ásè nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 41Nyɔ jĩ̀ kà sɔ̀ ɖé Ásè nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè dyúáɖò kè hɔ̃dɛ̀ɖɛ̀ hm̀m̌.
42Ɖé Náfátàɖì nììn xwéɖé-dùɔ̀ muɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 43Nyɔ jĩ̀ kà sɔ̀ ma ɖé Náfátàɖì nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè tã kè hɔ̃dɛ̀ɖɛ̀ hĩinyɛ.
44Kǎà gàa ɓě ɓɛ́ Mózè kè Eɖóún zɛɖɛ ma kà kɛɛ nyu ma jĩ̀ɛ̀. Éézùɖùɛ̀-nyɔ̀ vɛ̀nɛ̀ ɓaɖa-bùè sè sɔ̃́ ɓě ɓɛ́ wa ɖò-ɖò ɓaɖa ma kà waà ɓǎ nììn xwéɖé-dù ɓěɔ̀ kɛ́ɛ kpá ma wa gbo. 45Éézùɖùɛ̀-gàà séín ɓě ɓɛ́ wa sɔ̀ ma ɖé wa ɓǎà gbǒ-xwíníín ɓěɔ̀ mú, ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, 46wa séín poìn dyí mɔ̀ ma nyɔ-kpò táázĩ̀ìn hɔ̃dɛ̀ɖɛ̀ mɛ̀nɛ̌ìn-ɖò sè tã kè hɔ̃dɛ̀ɖɛ̀ hm̀m̌ kè kpáɖá-nyɔ sɔ̃́ ɓaɖa-bùè.
47Kɛɛ wa se ma nyɔ ɓě nì ɖé Ɖíìváà nììn xwéɖé-dùɔ̀ múɛɛ zɛɖɛ, 48sepóɛɖé Bounɓoɔ̀ ɖǎa ma Mózè gbo cɛ̃ kĩ́ín ɓá Ɖíìváà-nyɔ̀ ɓěɔ̀ jè dyí, ké ɔ ɖá, 49“Ɖíìváà-nyɔ̀ ɓěɔ̀ xwéɖé-dùɔ̀ ɖòùn mɔ̀ nyɔ m̀ mɛ ɓɔ́ zɛɖɛɛ. Mɔ̀ǔn ɖá m̀ ké wa zɛɖɛ ɖé Éézùɖùɛ̀-dyù ɓěɔ̀ hwìɛ̀. 50Kɛɛ m̀ mɛ gã wa, ɓɛ́ wa ké ní jàɖàìn-gbò kɔ̃̀ mú ɓɛ́ ní gma-gbɔ̀ɖɔ̀ɔ̀ nìà kɛɛ mú-kũ̀à-nyu-nyɔ̀ ɓě jǔ, ɓɛ́ wa ké ɖɛ séín nì ɖéɛ múɛ kè ɖɛ séín ɓáa dyíɛɛ kũ̀à-gbo-nyu-nyɔ̀ ɓě kèɛ̀ ɓéɖé-nyɔ̀ ɓě jǔ. Wa mɛ nyànàìn waà jàɖàìn-gbò ɓěɔ̀ ní jàɖàìn-gbòɔ̀ ɖei. 51Ɔ jǔ ké ní jàɖàìn-gbòɔ̀ daí-zàìn-tì dyi ɓó nyini ní, nìí, Ɖíìváà-nyɔ̀ ɓěɔ̀ mɔ̀ nyɔ mɛ zaìn ɔ xwaún, ké ɔ dyi jàɖàìn-gbòɔ̀ dyi-nyànàìn-tì jǔ ní, nìí, Ɖíìváà-nyɔ̀ ɓěɔ̀ mɔ̀ nyɔ mɛ poɛ̀n xwaún. Ɔ jǔ ké nyɔ kà kò ɖò dyiɛ bũ̌in xwɛ̃́ìn ní, wa mɛ ɖáɓá nyɔɔ̀. 52Éézùɖùɛ̀-dyù tɔ̀ɔ̀ ɓě sèà ɓó ɖeɛɛ mɛ ɓéɖé wa mìɔùn kpoo ɖò-ɖò ɓě mú poɛń. Nyɔ ɖò-ɖò séín mɛ nì wa nììn kpoo mú ɓó wa nììn kɔ́ɖɔ̀ xwíɖíi. 53Kɛɛ Ɖíìváà-nyɔ̀ ɓěɔ̀ mɛ nyànàìn waà jàɖàìn-gbò ɓěɔ̀ dyi ɓó ní jàɖàìn-gbò kɔ̃̀ mú ní gma-gbɔ̀ɖɔ̀ɔ̀ nìà kɛɛ ɖei, ɓɛ́ nyɔ kà kò ɖò ní kɔ̃̀ ɖà ní jàɖàìn-gbòɔ̀ bũ̌in xwɛ̃́ìn, nìí, dyììn ɖéɛ múɛɛ, ní dyoɖoɔ̀ ní kɔ̃̀ ɖà Éézùɖùɛ̀-dyù séín ɓěɔ̀ kɔ̃ dyi. Ɖíìváà-nyɔ̀ ɓěɔ̀ mɔ̀ nyɔ kɔ̃̀ ɓɛ́ wa ké ní jàɖàìn-gbòɔ̀ jè gbo gmɔ̀.”
54Ké Éézùɖùɛ̀-nyɔ̀ ɓěɔ̀ nyu ɖɛ séín ɓě ɓɛ́ Bounɓoɔ̀ cɛ̃ ma kà Mózè gboɛɛ nyɛ̀nɛ̀ɛ̀.
Currently Selected:
Nɔ̀ɓà 1: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Nɔ̀ɓà 1
1
Éézùɖùɛ̀-nyɔ̀ ɓěɔ̀ zɛɖɛ-zɛɖɛ kĩ́ín-kĩ́ín
1Ti ɖòɛ̀ ɓaɖaa, Bounɓoɔ̀ wùɖù ma Mózè gbo ɖé Sányà Gbǎùn-fúɖúáɔ̀ kɔ̃, ɖé jàɖàìn-gbò kɔ̃̀ mú ɓɛ́ Bounɓoɔ̀ kè ɔ nyɔ ɓěɔ̀ dyéàìn nyɛ. Ɖɛ nìà kɛ kpá ma ti ɓɛ́ wa ɖǎ ma ɖé Íjè-ɓòɖòɔ̀ kɔ̃ sɔ̀ɛɛ zɔ̃ sɔ̃́ nììnɔ̀ dɛ̀nɛ̀ sɔ̃́ nììnɔ̀ wé kĩ́ín-kĩ́ínɔ̀ ɓaɖa. 2Bounɓoɔ̀ cɛ̃ɛ ma ɔ gbo, ké ɔ ɖá, “M̀ kè Eɖóún mɛ zɛɖɛ Éézùɖùɛ̀-dyù séín ɓěɔ̀ dyììn ɖé waà xwéɖé-dù kè waà ɓǎà gbǒ-xwíníín ɓěɔ̀ mú. Ɓě mɛ po gàa ɖò-ɖò séín 3ɓɛ́ ɔ nyuá zɔ̃ kpáɖá-nyɔ mɔɔ zi kɔ̃ɛɛ nyɛ́nɛ́ ɓíɖíi. Nyɔ séín nì Éézùɖùɛ̀-dyù ɓěɔ̀ hwìɛ̀, ɓɛ́ wa ɓɛ́ìn to gbo muɛ kɛɛ, ɓě mɛ zɛɖɛ wa, ɓɛ́ ɓě ké wa kpoo ɓě mú poɛń ɓéɖé. 4Ɓě mɛ zà gàa ɖò-ɖò ɓě ɓɛ́ wa mɔ̀ wa ɓǎà gbǒ-xwíníín ɓěɔ̀ wuɖuí-kɔ̃̀-nyɔ̀ɛɛ ɖé xwéɖé-dù ɖò-ɖò ɓěɔ̀ hwìɛ̀, ɓɛ́ wa ké ɓě gbo kpá. 5Gàa ɓě kéà ɖé xwéɖé-dù ɖò-ɖò ɓěɔ̀ mú sɔ̀, ɓɛ́ wa kéà ɓě gbo kpáa kɛà kɛ̀. Ɛ̀ɖízù mɔ̀à Sɛ̀ɖédyùɛ̀ dyú-gàà kɛɛ mɛ sɔ̀ ɖé Wuɖuɓíín nììn xwéɖé-dùɔ̀ mú. 6Sɛ̀ɖúmìè mɔ̀à Zúwìɖìsáɖàìɛ̀ dyú-gàà kɛɛ mɛ sɔ̀ ɖé Símìɔ̀ nììn xwéɖé-dùɔ̀ mú. 7Násɔ̀ùn mɔ̀à Ámìnáɖàà dyú-gàà kɛɛ mɛ sɔ̀ ɖé Júɖà nììn xwéɖé-dùɔ̀ mú. 8Nɛ̀fánìò mɔ̀à Zúàà dyú-gàà kɛɛ mɛ sɔ̀ ɖé Ɛ́sàkà nììn xwéɖé-dùɔ̀ mú. 9Ɛ̀ɖíà mɔ̀à Héɖɔ̀ùnɛ̀ dyú-gàà kɛɛ mɛ sɔ̀ ɖé Zɛ́ɓíúɖɔ̀ùn nììn xwéɖé-dùɔ̀ mú. 10Gàa ɓě ɓɛ́ wa mɛ sɔ̀ ɖé Jòsé nììn xwíníín-dyù ɓěɔ̀ hwìɛ̀ kɛɛ mɛ mɔ̀ Ɛ̀ɖìsámà mɔ̀à Àmíhùɛ̀ dyú-gàà kɛ kè Gàmɛ́ɖìè mɔ̀à Pɛ̀ɖázùɛ̀ dyú-gàà kɛ. Ɛ̀ɖìsámà mɛ sɔ̀ ɖé Ífèɖèìn nììn xwéɖé-dùɔ̀ mú, ké Gàmɛ́ɖìè mɛ sɔ̀ ɖé Mànásì nììn xwéɖé-dùɔ̀ mú. 11Àbíɖàùn mɔ̀à Gíɖìónìɛ̀ dyú-gàà kɛɛ mɛ sɔ̀ ɖé Bɛ̃́címà nììn xwéɖé-dùɔ̀ mú. 12Áhìɛ́zɛ̀ mɔ̀à Ámìsáɖàìɛ̀ dyú-gàà kɛɛ mɛ sɔ̀ ɖé Dɛ̃́ìn nììn xwéɖé-dùɔ̀ mú. 13Págìè mɔ̀à Ókànàà dyú-gàà kɛɛ mɛ sɔ̀ ɖé Ásè nììn xwéɖé-dùɔ̀ mú. 14Ɛ̀ɖìásà mɔ̀à Ɖɛ̀dyúòɛ̀ dyú-gàà kɛɛ mɛ sɔ̀ ɖé Gáà nììn xwéɖé-dùɔ̀ mú. 15Àhíwàɖà mɔ̀à Énàà dyú-gàà kɛɛ mɛ sɔ̀ ɖé Náfátàɖì nììn xwéɖé-dùɔ̀ mú.”
16Gàa ɓěɛ̀ mɔ̀ nyɔ ɓě ɓɛ́ wa kɔ̃̀ ma kà wa ɓǎà gbǒ-xwíníín ɓěɔ̀ wuɖuí ké Gèɖèpɔ́ɔ̀ gã ma kà wa sɔ̀ìn ɖé Éézùɖùɛ̀ɛ̀ xwéɖé-dù ɖò-ɖò ɓěɔ̀ hwìɛ̀ kɛ. 17Ké Mózè kè Eɖóún ɔ kè gàa ɓě ɓɛ́ Gèɖèpɔ́ɔ̀ gã ma kà kɛɛ 18poìn ma nyɔ séín ɓěɔ̀ dyí ɓó dɛ̀nɛ̀ɔ̀ sɔ̃́ nììnɔ̀ wé kĩ́ín-kĩ́ínɔ̀ ɓaɖa, ké wa céè ma waà nyɛ́nɛ́ céè-ɖɛ̀ ɖò mú dyììn ɖé kà waà xwéɖé-dù kè wa ɓǎà gbǒ-xwíníín ɓěɔ̀ nyu nìɛ̀ kɛɛ mú. Wa mɔ̀ gàa ɓě nyuá ma zɔ̃ kpáɖá-nyɔ kè zi kɔ̃ɛ. 19Kà ɓɛ́ Bounɓoɔ̀ nyuɛ ma Mózè gbo cɛ̃ɛ kɛɛ, kǎà ɔ nyu ma nyɔ ɓěɔ̀ zɛɖɛɛ ɖé Sányà Gbǎùn-fúɖúáɔ̀ kɔ̃.
20Ɖé Wuɖuɓíín mɔ̀à Jékɔ̀ɛ̀ nyíɔ́-dyùɔ̀ kɛɛ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 21Nyɔ jĩ̀ kà sɔ̀ ma ɖé Wuɖuɓíín nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè mɛ̀nɛ̌ìn-ɖò kè hɔ̃dɛ̀ɖɛ̀ hm̀m̌.
22Ɖé Símìɔ̀ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 23Nyɔ jĩ̀ kà sɔ̀ ma ɖé Símìɔ̀ nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè mɛ̀nɛ̌ìn-hĩinyɛ kè hɔ̃dɛ̀ɖɛ̀ tã.
24Ɖé Gáà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 25Nyɔ jĩ̀ kà sɔ̀ ma ɖé Gáà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè hm̀m̌ kè hɔ̃dɛ̀ɖɛ̀ mɛ̀nɛ̌ìn-ɖò kè kpáɖá-nyɔ sɔ̃́ ɓaɖa-bùè.
26Ɖé Júɖà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo múɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 27Nyɔ jĩ̀ kà sɔ̀ ma ɖé Júɖà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ tã ɓaɖa-bùè sè hĩinyɛ kè hɔ̃dɛ̀ɖɛ̀ mɛ̀nɛ̌ìn-ɖò.
28Ɖé Ɛ́sàkà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo múɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 29Nyɔ jĩ̀ kà sɔ̀ ma ɖé Ɛ́sàkà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè hĩinyɛ kè hɔ̃dɛ̀ɖɛ̀ hĩinyɛ.
30Ɖé Zɛ́ɓíúɖɔ̀ùn nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 31Nyɔ jĩ̀ kà sɔ̀ ma ɖé Zɛ́ɓíúɖɔ̀ùn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè mɛ̀nɛ̌ìn-sɔ̃́ kè hɔ̃dɛ̀ɖɛ̀ hĩinyɛ.
32Ɖé Ífèɖèìn mɔ̀à Jòséɛ̀ dyú-gààɔ̀ kɛɛ nììn xwéɖé-dù múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 33Nyɔ jĩ̀ kà sɔ̀ ma ɖé Ífèɖèìn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ kè hɔ̃dɛ̀ɖɛ̀ hm̀m̌.
34Ɖé Mànásì mɔ̀à Jòséɛ̀ dyú-gàà tɔ̀ɔ̀ kɛɛ nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 35Nyɔ jĩ̀ kà sɔ̀ ma ɖé Mànásì nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ ɓaɖa-bùè sè sɔ̃́ kè hɔ̃dɛ̀ɖɛ̀ sɔ̃́.
36Ɖé Bɛ̃́címà nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 37Nyɔ jĩ̀ kà sɔ̀ ma ɖé Bɛ̃́címà nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ ɓaɖa-bùè sè hm̀m̌ kè hɔ̃dɛ̀ɖɛ̀ hĩinyɛ.
38Ɖé Dɛ̃́ìn nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 39Nyɔ jĩ̀ kà sɔ̀ ma ɖé Dɛ̃́ìn nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ tã sè sɔ̃́ kè hɔ̃dɛ̀ɖɛ̀ mɛ̀nɛ̌ìn-sɔ̃́.
40Ɖé Ásè nììn xwéɖé-dùɔ̀ múɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 41Nyɔ jĩ̀ kà sɔ̀ ɖé Ásè nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ sè dyúáɖò kè hɔ̃dɛ̀ɖɛ̀ hm̀m̌.
42Ɖé Náfátàɖì nììn xwéɖé-dùɔ̀ muɛɛ, gàa séín ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, wa céè ma wa ɖò-ɖò séín nyɛ́nɛ́ céè-ɖɛ̀ɔ̀ mú dyììn ɖé kà wa ɓǎà gbǒ-xwíníín ɓěɔ̀ nyu ɖeín dyi deɛ̀n nyɛɛ mú. 43Nyɔ jĩ̀ kà sɔ̀ ma ɖé Náfátàɖì nììn xwéɖé-dùɔ̀ múɛɛ mɔ̀ ma nyɔ-kpò táázĩ̀ìn kpáɖá-nyɔ sɔ̃́ ɓaɖa-bùè sè tã kè hɔ̃dɛ̀ɖɛ̀ hĩinyɛ.
44Kǎà gàa ɓě ɓɛ́ Mózè kè Eɖóún zɛɖɛ ma kà kɛɛ nyu ma jĩ̀ɛ̀. Éézùɖùɛ̀-nyɔ̀ vɛ̀nɛ̀ ɓaɖa-bùè sè sɔ̃́ ɓě ɓɛ́ wa ɖò-ɖò ɓaɖa ma kà waà ɓǎ nììn xwéɖé-dù ɓěɔ̀ kɛ́ɛ kpá ma wa gbo. 45Éézùɖùɛ̀-gàà séín ɓě ɓɛ́ wa sɔ̀ ma ɖé wa ɓǎà gbǒ-xwíníín ɓěɔ̀ mú, ɓɛ́ wa nyuá zɔ̃ kpáɖá-nyɔ mɔɔ zi kɔ̃, ɓɛ́ wa ɓɛ́ìn to gbo muɛ kɛɛ, 46wa séín poìn dyí mɔ̀ ma nyɔ-kpò táázĩ̀ìn hɔ̃dɛ̀ɖɛ̀ mɛ̀nɛ̌ìn-ɖò sè tã kè hɔ̃dɛ̀ɖɛ̀ hm̀m̌ kè kpáɖá-nyɔ sɔ̃́ ɓaɖa-bùè.
47Kɛɛ wa se ma nyɔ ɓě nì ɖé Ɖíìváà nììn xwéɖé-dùɔ̀ múɛɛ zɛɖɛ, 48sepóɛɖé Bounɓoɔ̀ ɖǎa ma Mózè gbo cɛ̃ kĩ́ín ɓá Ɖíìváà-nyɔ̀ ɓěɔ̀ jè dyí, ké ɔ ɖá, 49“Ɖíìváà-nyɔ̀ ɓěɔ̀ xwéɖé-dùɔ̀ ɖòùn mɔ̀ nyɔ m̀ mɛ ɓɔ́ zɛɖɛɛ. Mɔ̀ǔn ɖá m̀ ké wa zɛɖɛ ɖé Éézùɖùɛ̀-dyù ɓěɔ̀ hwìɛ̀. 50Kɛɛ m̀ mɛ gã wa, ɓɛ́ wa ké ní jàɖàìn-gbò kɔ̃̀ mú ɓɛ́ ní gma-gbɔ̀ɖɔ̀ɔ̀ nìà kɛɛ mú-kũ̀à-nyu-nyɔ̀ ɓě jǔ, ɓɛ́ wa ké ɖɛ séín nì ɖéɛ múɛ kè ɖɛ séín ɓáa dyíɛɛ kũ̀à-gbo-nyu-nyɔ̀ ɓě kèɛ̀ ɓéɖé-nyɔ̀ ɓě jǔ. Wa mɛ nyànàìn waà jàɖàìn-gbò ɓěɔ̀ ní jàɖàìn-gbòɔ̀ ɖei. 51Ɔ jǔ ké ní jàɖàìn-gbòɔ̀ daí-zàìn-tì dyi ɓó nyini ní, nìí, Ɖíìváà-nyɔ̀ ɓěɔ̀ mɔ̀ nyɔ mɛ zaìn ɔ xwaún, ké ɔ dyi jàɖàìn-gbòɔ̀ dyi-nyànàìn-tì jǔ ní, nìí, Ɖíìváà-nyɔ̀ ɓěɔ̀ mɔ̀ nyɔ mɛ poɛ̀n xwaún. Ɔ jǔ ké nyɔ kà kò ɖò dyiɛ bũ̌in xwɛ̃́ìn ní, wa mɛ ɖáɓá nyɔɔ̀. 52Éézùɖùɛ̀-dyù tɔ̀ɔ̀ ɓě sèà ɓó ɖeɛɛ mɛ ɓéɖé wa mìɔùn kpoo ɖò-ɖò ɓě mú poɛń. Nyɔ ɖò-ɖò séín mɛ nì wa nììn kpoo mú ɓó wa nììn kɔ́ɖɔ̀ xwíɖíi. 53Kɛɛ Ɖíìváà-nyɔ̀ ɓěɔ̀ mɛ nyànàìn waà jàɖàìn-gbò ɓěɔ̀ dyi ɓó ní jàɖàìn-gbò kɔ̃̀ mú ní gma-gbɔ̀ɖɔ̀ɔ̀ nìà kɛɛ ɖei, ɓɛ́ nyɔ kà kò ɖò ní kɔ̃̀ ɖà ní jàɖàìn-gbòɔ̀ bũ̌in xwɛ̃́ìn, nìí, dyììn ɖéɛ múɛɛ, ní dyoɖoɔ̀ ní kɔ̃̀ ɖà Éézùɖùɛ̀-dyù séín ɓěɔ̀ kɔ̃ dyi. Ɖíìváà-nyɔ̀ ɓěɔ̀ mɔ̀ nyɔ kɔ̃̀ ɓɛ́ wa ké ní jàɖàìn-gbòɔ̀ jè gbo gmɔ̀.”
54Ké Éézùɖùɛ̀-nyɔ̀ ɓěɔ̀ nyu ɖɛ séín ɓě ɓɛ́ Bounɓoɔ̀ cɛ̃ ma kà Mózè gboɛɛ nyɛ̀nɛ̀ɛ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.