YouVersion Logo
Search Icon

Máà Máà-cèè-ɖɛ̀ɔ̀ jè kɔ̃in-zaìn-zaìn

Máà-cèè-ɖɛ̀ɔ̀ jè kɔ̃in-zaìn-zaìn
Máà-cèè-ɖɛ̀ɔ̀ mɔ̀ bɔ̃̌ nɔ̀mɔ̀ dyíin ɓá Jízɛ̀ jè dyíɛ. Ɖɛ kĩ́ín-kĩ́ín ɓɛ́ Máà cɛ̃ ɖé ɔ céè-ɖɛ̀ɔ̀ múɛɛ mɔ̀ kà Jízɛ̀ Kɛ́ɖɛ́ì mɔ̀ Gèɖèpɔ́ɔ̀ Dyú-gàà kɛ. Ɔ dyé Jízɛ̀ kà gàa ɓɛ́ ɔ ɓéɖé kpé, ké ɔ mɔ̀ ɖɛ-nyu-nyɔ̀ kɛ. Ɔ dyé Jízɛ̀ɛ̀ kpéɔ̀ ɖé ɔ tɛ̀mɛ̀ìn-ɖɛ̀ ɓěɔ̀ kè ɔ zùù gbà nyɔ mú zà-zà ɔ kè ɔ nyɔ nàmàǔn-kɔ̃in-zĩ̀ìn-zĩ̀ìn mú. Jízɛ̀ cɛ̃ɛ kà ɔ mɔ̀ nyɔ ɖéɛ̀ wa ɖáìn Nyɔǔn-dyùɛ̀ Dyú-gàà kɛ, ké ɔ mɔ̀ nyɔ dyi, ɓɛ́ ɔ kéà ɔ fɛ̀ɛ̀ɔ̀ dyi pɛ̃́ìn ɓó nyɔǔn-dyùɛ̀ nàmàǔn ɓěɔ̀ jè kɛ̀.
Máà cɛ̃ ɖɛ ɓě ɓɛ́ Jízɛ̀ nyu ma kɛɛ jè mìɔ, ké ɔ zi wuɖu ɓě ɓɛ́ Jízɛ̀ cɛ̃ ma kɛɛ jè dyí. Ɔ cɛ̃ ɖɛ xwã́ún-xwã́ún wè ɓá Jɔ̃́ɔ́ nyɔ-níɔ-po-nyɔ̀ɔ̀ kè Jízɛ̀ɛ̀ níɔ-kpá-kpá kè ɔ mú-dɔ̃̌-dɔ̃̌ɔ̀ jè dyí. Sɔ̀ìn ɓóɛɛ, ɔ cɛ̃ Jízɛ̀ɛ̀ nyɔ-dyi-kánáìn-kánáìn kè ɔ tɛ̀mɛ̀ìn-ɖɛ̀ ɓěɔ̀ jè. Ɖɛ ɓě ɓɛ́ Máà cɛ̃ ɓó ɖe ɓá Jízɛ̀ jè dyíɛɛ mɔ̀ kà Jízɛ̀ɛ̀ ɖeín-nà-nyɔ̀ ɓěɔ̀ nyu ma Jízɛ̀ jè múin wɔ̃́ɔ kɛ, kè kà Jízɛ̀ɛ̀ mú-nyɛ́-nyɔ̀ ɓěɔ̀ nyu ma ɔ gbo vɔ̃ɔ kɛ.
Céè-ɖɛ̀ɔ̀ wuɖu-kpà hwɛ̀ìn-gbɔ ɓěɔ̀ cɛ̃ wíkì hwɛ̀ìn-gbɔ Jízɛ̀ ɓéɖé ma dà ɓóɖó-kpàà kɔ̃ɛ kè ɔ kɔ́ɖɔ́sì-kɔ̃in-kɔ̀ìn-kɔ̀ìn ɔ kè ɔ gĩɔ-wóɖó-wóɖóɔ̀ jè. Nyɔ pàɖǎ poɛ jǎà kà Máà mɔ̀ nyɔ se céè-ɖɛ̀ɔ̀ mánáín-jɛ̀ɖɛ̀ìn-naínɔ̀ céè kɛ.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Bɔ̃̌ nɔ̀mɔ̀ dyíinɔ̀ gbɔ-dè-dè. 1:1-13
2. Jízɛ̀ nyu kũ̀à ɖé Gáɖàɖíì-ɓòɖòɔ̀ kɔ̃. 1:14–9:50
3. Jízɛ̀ sɔ̀ ɖé Gáɖàɖíì-ɓòɖòɔ̀ kɔ̃, ké ɔ mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 10:1-52
4. Wíkì hwɛ̀ìn-gbɔ ɓɛ́ Jízɛ̀ nyu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ kèɛ̀ hwɔɖɔ-kpàǎ ɓěɔ̀ múɛ. 11:1–15:47
5. Jízɛ̀ɛ̀ gĩɔ-wóɖó-wóɖó. 16:1-8
6. Jízɛ̀ wóɖóìn ɔ ɖeín-nà-nyɔ̀ ɓěɔ̀ dyí, ké ɔ mu dyɔún ɖe. 16:9-20

Highlight

Share

Copy

None

Want to have your highlights saved across all your devices? Sign up or sign in