Máà 3
3
Gàa ɖò kɔ̃̀ sɔ̃ kɔ́ɖɔ́ ma kɛ
(Máfíò 12:9-14; Ɖúù 6:6-11)
1Sɔ̀ìn ɓóɛ gboɛɛ, Jízɛ̀ mu ma ɖé Júù-nyɔ̀ ɓěɔ̀ cɔ́cì-gbòɔ̀ mú ɖe, ké gàa ɖò kɔ̃̀ sɔ̃ kɔ́ɖɔ́ ma kɛɛ nì ma ɓó. 2Nyɔ ɓě nì ma ɓóɛɛ nì ma Jízɛ̀ dya gmɔ̀ǔn, ɓɛ́ wa kéɛ dyé kɛbì ɔ mu ma gàaɔ̀ dyi kánáìn ɓó Gèɖèpɔ́ɔ̀ fɔ̀-wèɔ̀ ɓaɖa ní, nìí ɓɛ́ wa kéɛ cɛ̃ kà ɓɛ́ ɔ nyu ɖɛ gbà kɛ. 3Ké Jízɛ̀ cɛ̃ɛ ma gàa sɔ̃ kɔ́ɖɔ́-kɔ́ɖɔ́ɔ̀ gbo, ké ɔ ɖá, “Sɔ̀ dyí, ɓɛ́ m̀ ké nɔ̄ dyúa dyi.” 4Ké Jízɛ̀ diè ma nyɔ ɓěɔ̀ dyi, ké ɔ ɖá, “Ɔ nɔ̀mɔ̀ dyíin ɓɛ́ nyɔǔn ké nɔ̀mɔ̀ dyíin nyu, mɔɔ ɓɛ́ nyɔǔn ké ɖɛ gbà nyu ɓó fɔ̀-wèɔ̀ ɓaɖaà? Ɔ nɔ̀mɔ̀ dyíin ɓɛ́ nyɔǔn ké nyɔ ɖò fɛ̀ɛ̀ póìn, mɔɔ ɓɛ́ nyɔǔn ké kú ɖáɓá ɓó Gèɖèpɔ́ɔ̀ fɔ̀-wèɔ̀ ɓaɖaà?”
Kɛɛ wa se ma ɔ gɔ̃̌ jǔ. 5Ké Jízɛ̀ kpá ma dyoɖoún, ké ɔ hwòɖǒ kpá ma ɖé ɖei ɓó waà hwòɖǒ-dyùàɔ̀ kùmù jè. Ké ɔ cɛ̃ɛ ma gàaɔ̀ gbo, ké ɔ ɖá, “Pɛ́ɛ̀ nì sɔ̃ɔ̀ dyí.” Ké gàaɔ̀ pɛ́ɛ̀ ma ɔ sɔ̃ɔ̀ dyí, ké ɔ sɔ̃ɔ̀ káná ma dyi. 6Ké Fáɖòsíì-nyɔ̀ ɓěɔ̀ sí ma píé. Wàɖà kɛɛ, wa kè Hɛ́wɔ̀ɖɔ̀ nììn nyɔ ɓěɔ̀ sɔ́ ma Jízɛ̀ ɓó kà wa ké ma ɔ ɖáɓáa nyuɛɛ jè.
Nyɔ pàɖǎ nì ɖé dòùnɓìǎɔ̀ wĩín
7Sɔ̀ìn ɓóɛ gboɛɛ, Jízɛ̀ kè ɔ ɖeín-nà-nyɔ̀ ɓěɔ̀ sɔ̀ ma dyí, ké wa mu ma ɖé Gáɖàɖíì Dòùnɓìǎɔ̀ wĩín. Nyɔ pàɖǎ sɔ̀ ma ɖé Gáɖàɖíì-ɓòɖòɔ̀ kè Júɖìà-ɓòɖòɔ̀ kɔ̃, 8kè ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kè ɖé Èdòméà-ɓòɖòɔ̀ kɔ̃ ɔ kè ɖé pá nì ɖé Jɔ́nì-nìɔ̀ ɖeín nyɛ kè ɖé pá nì ɖé Táà-hwɔ̀ɖɔ̀ɔ̀ kè Zíɖɔ̀ùn-hwɔ̀ɖɔ̀ɔ̀ ɖeiɛɛ mú. Wa ɖǎ ma ɖɛ séín ɓě ɓɛ́ Jízɛ̀ nyu ma kɛɛ jè wɔ̃́. Ɔ jèɛɛ, wa pàɖǎ dyi ma ɔ gbo. 9Ɔ cɛ̃ɛ ma ɔ ɖeín-nà-nyɔ̀ ɓěɔ̀ gbo, ɓɛ́ wa ké ma ɓáɖáà ɖò ti dyéìn ɓó ɔ bìì, ɓɛ́ ɔ jǔ ké nyɔ ɓěɔ̀ dyi ɔ dyí dè ní, nìí, ɔ ké ɖé dyá. 10Sepóɛɖé ɔ ɖǎ ma nyɔ pàɖǎ dyi kánáìn. Ɔ jèɛɛ, nyɔ ɓě ɓɛ́ wa ɓéɖé ma wɛ́ ɓě kɛɛ nì ma wa mǔè ɓě cṹɛń ɓó Jízɛ̀ dyi tìnììn jè. 11Ké ti séín zùù gbà ɓěɔ̀ dyé ma Jízɛ̀ kɛɛ, wa jìɖǐ ma ɔ ɓo zɔ̃̌in, ké wa páná mú, ké wa ɖá, “Mɔ̀ mɔ̀ Gèɖèpɔ́ɔ̀ Dyú-gààɔ̀.” 12Ké ɔ po wa ɓɔ́í, ɓɛ́ wa ní kɔ̃̀ ɖà nyɔ ɔ jǔɛɛ jè cɛ̃.
Jízɛ̀ gã àpɔ́sò ɓaɖa-bùè sè sɔ̃́ ɓě
(Máfíò 10:1-4; Ɖúù 6:12-16)
13Wé ɖòɛ̀ ɓaɖaa, Jízɛ̀ mu ma ɖé toɖo ɖò dya, ké ɔ ɖá ma nyɔ ɓě ɓɛ́ ɔ mɔ́ ɓó ɔ mìɔùn gboɛ, ké wa mu ma ɖé ɔ gbo. 14Ké ɔ gã ma ɓó gàa ɓaɖa-bùè sè sɔ̃́ ɓɛ́ ɔ ɖáìn àpɔ́sò kɛ, ɓɛ́ wa ké ɓó ɔ gbo nì, ɓɛ́ ɔ ké wa dyi toìn, nìí ɓɛ́ wa ké Gèɖèpɔ́ɔ̀-wùɖù wáɖá, 15ɓɛ́ wa ké kpé ɓéɖé, ɓɛ́ wa ké zùù gbà nyɔǔn ɓě mú zà. 16Nyɔ ɓě ɓɛ́ Jízɛ̀ gã ma kà kɛɛ, wa mɔ̀ Sã́ɓò mɔ̀ nyɔ ɓɛ́ ɔ jǔìn ma Píɖɛ̀-nyɛ̀nɛ̀ kɛ 17kè Jĩ́ìn kè ɔ ɖíí-gàà Jɔ̃́ɔ́ ɓɛ́ wa mɔ̀à Zɛ́ɓìɖíìɛ̀ dyú-gàà ɓěɔ̀ kɛ. Jĩ́ìn kè Jɔ̃́ɔ́ mɔ̀ nyɔ ɖéɛ̀ ɔ jǔìn ma Bòánàjì-nyɛ̀nɛ̀ kɛ. Nyɛ́nɛ́ɔ̀ xwíníín mɔ̀ nyɔ kɔ̃̀ wuɖu ɓéɖé gana kà zɛ nìà kɛ. 18Wa ɖíɛ́ ɓě mɔ̀ Ã́dòɖò kè Féɖò kè Bàtɔ́ɖɔ́mì kè Máfíò kè Tɔ̀mɔ́sì kè Jĩ́ìn mɔ̀à Áfìàà dyú-gààɔ̀ kɛ kè Táɖìà kè Sã́ɓò ɓɛ́ ɔ vɔ̃ ma ɓó ɔ ɓóɖóɔ̀ nyɔ ɓěɔ̀ bììɛ 19ɔ kè Júdà Ɛ́sìkáɖìɔ̀ ɓɛ́ ɔ mɔ̀ nyɔ mu ma kà Jízɛ̀ ɔ mú-nyɛ́-nyɔ̀ ɓěɔ̀ xwáɖáún zàùn nyɛ.
Nyɔ ɓěɔ̀ ɖá Jízɛ̀ mɔ̀ Bíɔ̀zɛ́ɓà
(Máfíò 12:22-32; Ɖúù 11:14-23; 12:10)
20Sɔ̀ìn ɓóɛ gboɛɛ, Jízɛ̀ mu ma ɔ ɓíɖí-taún ɖe. Ké nyɔ kúɖúú ɓě poìn ma ɖé dyí ɖe, ké Jízɛ̀ kè ɔ ɖeín-nà-nyɔ̀ ɓěɔ̀ se ma ti ɖò ɓéɖé ɓɛ́ wa ké ma ɖɛ ɖiɛ ɓɛ́ìn fóɖóún. 21Ké ti ɔ ɓíɖí-gbǒ-xwíníín-nyɔ̀ ɓěɔ̀ wɔ̃́ɔ ma kɛɛ, wa sɔ̀ dyí, ké wa mu, ɓɛ́ wa ké ma ɖé ɔ zà, sepóɛɖé wa ɖá, “Ɔ hwòɖǒ-dyùà nì cáuń.”
22Ké Gèɖèpɔ́ɔ̀-cèè-ɖɛ̀ dyuò-nyɔ̀ ɓě ɓɛ́ wa sɔ̀ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ nìɛ̀ ma cɛ̃iń, ké wa ɖá, “Bíɔ̀zɛ́ɓà nì ɔ mú. Zùù gbà ɓěɔ̀ ɓǎ vɛ̀nɛ̀ɔ̀ mɔ̀ nyɔ nyí ɔ kpé, ɓɛ́ ɔ ké zùù gbà nyɔǔn mú zà.”
23Ké Jízɛ̀ ɖá ma nyɔ ɓěɔ̀ ɓó ɔ mìɔùn gbo, ké ɔ wùɖù ma wa gbo ɖé nɔ́ɔ́ mú, ké ɔ ɖá, “Xwɛ̌ Sétɔ̃̀ ɓɛ́ìn Sétɔ̃̀ nyɔǔn mú zàà kɛ́? 24Ɔ jǔ ké kã́á-ɓòɖò ɖò dyi ɔ mìɔùn gbo vɔ̃ ní, nìí, ɔ se dúi kuɛ ɓɛ́ìn. 25Ké ɔ jǔ ké gbǒ-xwíníín ɖò dyi gbo vɔ̃ìn ní, nìí, ɔ se dúi kuɛ ɓɛ́ìn. 26Ké ɔ jǔ ké Sétɔ̃̀ dyi ɔ mìɔùn gbo vɔ̃, ké ɔ kpéɔ̀ dyi mú ge ní, nìí, ɔ se dúi kuɛ ɓɛ́ìn. Ɔ kpéɔ̀ mu mánáín hwɛ̀ìn.
27“Nyɔ ɖò se gana-nyɔ̀ ɖò ɓíɖí-gbǒǔn dyáa ɓɛ́ìn, ɓɛ́ ɔ kéɛ hwu, ɔ sèìn ké ɔ sã dyɛ gana-nyɔ̀ɔ̀ kĩ́ín hwɛ̀. Nìí, ɔ ɓɛ́ìn ɖé ɔ gbǒɔ̀ mú dyáa, ɓɛ́ ɔ kéɛ hwu.
28“Ḿ cɛ̃ ɓě jǎà gbo, nàmàǔn séín ɓɛ́ nyɔǔn-dyù nyuɛ kè ɖɛ gbà jĩ̀ kà ɓɛ́ wa cɛ̃ kɛɛ jè ɓɛ́ìn Gèɖèpɔ́ɔ̀ hwìɖǐi hwɛ̀ɛ̀. 29Kɛɛ nyɔ mɔ̀ nyɔ ɓɛ́ ɔ cɛ̃ Zùù Hwɛ̀ǐn-hwɛ̀ǐnɔ̀ ɖɛ gbà kɔ̃ún wɛ̃ɛ, Gèɖèpɔ́ɔ̀ se nyɔɔ̀ kɔ̃in zĩ̀ɛ̀n ɓɛ́ìn sɔ̃̀ùn. Sè-ná-sèɛ̀ nàmàǔn-zàà mu ɔ kpɔ̃ùn kánáá pū.” 30Jízɛ̀ cɛ̃ɛ ma náa, sepóɛɖé nyɔ ɖíɛ́ ɓě cɛ̃ɛ kà zùù gbà nì ma ɔ múɛ.
Jízɛ̀ ɖe kè ɔ ɖíí-gàà ɓě
(Máfíò 12:46-50; Ɖúù 8:19-21)
31Sɔ̀ìn ɓóɛ gboɛɛ, Jízɛ̀ ɖe kè ɔ ɖíí-gàà ɓě dyi ma ɔ gbo, ké wa nyànà ma ɖé píé dyi, ké wa tò ma ɖé ɔ gbo wuɖu, ɓɛ́ ɔ ké ma dyi. 32Nyɔ pàɖǎ koìn ma ɔ ɖei, ké wa cɛ̃ɛ ma ɔ gbo, ké wa ɖá, “Gmɔ̀ nɔ̄, m̀ ɖe kè nì ɖíí-gàà ɓě nì ɖé píé, ké wa nì m̀ jè dyi dièɛ̌no.”
33Ké Jízɛ̀ zà ma ɖé wuɖu, ké ɔ ɖá, “Nyɛ́ mɔ̀ nyɔ mɔ̀ ḿ ɖe kè ḿ ɖíí ɓěɔ̀ kɛ́?” 34Ké ɔ gmɔìn ma nyɔ ɓě koìn ma kà ɓó ɔ ɖeiɛɛ dyai, ké ɔ ɖá, “Ḿ ɖe kè ḿ ɖíí ɓěɔ̀ kɛà kɛ̀, 35sepóɛɖé nyɔ ɓě mɔ̀ nyɔ ɓɛ́ wa nyu Gèɖèpɔ́ɔ̀ mɔ́ɔ́-ɖɛ̀ kɛɛ, wa mɔ̀ ḿ ɖe kè ḿ ɖíí ɓěɔ̀ jɛ́ɛ́.”
Currently Selected:
Máà 3: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Máà 3
3
Gàa ɖò kɔ̃̀ sɔ̃ kɔ́ɖɔ́ ma kɛ
(Máfíò 12:9-14; Ɖúù 6:6-11)
1Sɔ̀ìn ɓóɛ gboɛɛ, Jízɛ̀ mu ma ɖé Júù-nyɔ̀ ɓěɔ̀ cɔ́cì-gbòɔ̀ mú ɖe, ké gàa ɖò kɔ̃̀ sɔ̃ kɔ́ɖɔ́ ma kɛɛ nì ma ɓó. 2Nyɔ ɓě nì ma ɓóɛɛ nì ma Jízɛ̀ dya gmɔ̀ǔn, ɓɛ́ wa kéɛ dyé kɛbì ɔ mu ma gàaɔ̀ dyi kánáìn ɓó Gèɖèpɔ́ɔ̀ fɔ̀-wèɔ̀ ɓaɖa ní, nìí ɓɛ́ wa kéɛ cɛ̃ kà ɓɛ́ ɔ nyu ɖɛ gbà kɛ. 3Ké Jízɛ̀ cɛ̃ɛ ma gàa sɔ̃ kɔ́ɖɔ́-kɔ́ɖɔ́ɔ̀ gbo, ké ɔ ɖá, “Sɔ̀ dyí, ɓɛ́ m̀ ké nɔ̄ dyúa dyi.” 4Ké Jízɛ̀ diè ma nyɔ ɓěɔ̀ dyi, ké ɔ ɖá, “Ɔ nɔ̀mɔ̀ dyíin ɓɛ́ nyɔǔn ké nɔ̀mɔ̀ dyíin nyu, mɔɔ ɓɛ́ nyɔǔn ké ɖɛ gbà nyu ɓó fɔ̀-wèɔ̀ ɓaɖaà? Ɔ nɔ̀mɔ̀ dyíin ɓɛ́ nyɔǔn ké nyɔ ɖò fɛ̀ɛ̀ póìn, mɔɔ ɓɛ́ nyɔǔn ké kú ɖáɓá ɓó Gèɖèpɔ́ɔ̀ fɔ̀-wèɔ̀ ɓaɖaà?”
Kɛɛ wa se ma ɔ gɔ̃̌ jǔ. 5Ké Jízɛ̀ kpá ma dyoɖoún, ké ɔ hwòɖǒ kpá ma ɖé ɖei ɓó waà hwòɖǒ-dyùàɔ̀ kùmù jè. Ké ɔ cɛ̃ɛ ma gàaɔ̀ gbo, ké ɔ ɖá, “Pɛ́ɛ̀ nì sɔ̃ɔ̀ dyí.” Ké gàaɔ̀ pɛ́ɛ̀ ma ɔ sɔ̃ɔ̀ dyí, ké ɔ sɔ̃ɔ̀ káná ma dyi. 6Ké Fáɖòsíì-nyɔ̀ ɓěɔ̀ sí ma píé. Wàɖà kɛɛ, wa kè Hɛ́wɔ̀ɖɔ̀ nììn nyɔ ɓěɔ̀ sɔ́ ma Jízɛ̀ ɓó kà wa ké ma ɔ ɖáɓáa nyuɛɛ jè.
Nyɔ pàɖǎ nì ɖé dòùnɓìǎɔ̀ wĩín
7Sɔ̀ìn ɓóɛ gboɛɛ, Jízɛ̀ kè ɔ ɖeín-nà-nyɔ̀ ɓěɔ̀ sɔ̀ ma dyí, ké wa mu ma ɖé Gáɖàɖíì Dòùnɓìǎɔ̀ wĩín. Nyɔ pàɖǎ sɔ̀ ma ɖé Gáɖàɖíì-ɓòɖòɔ̀ kè Júɖìà-ɓòɖòɔ̀ kɔ̃, 8kè ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kè ɖé Èdòméà-ɓòɖòɔ̀ kɔ̃ ɔ kè ɖé pá nì ɖé Jɔ́nì-nìɔ̀ ɖeín nyɛ kè ɖé pá nì ɖé Táà-hwɔ̀ɖɔ̀ɔ̀ kè Zíɖɔ̀ùn-hwɔ̀ɖɔ̀ɔ̀ ɖeiɛɛ mú. Wa ɖǎ ma ɖɛ séín ɓě ɓɛ́ Jízɛ̀ nyu ma kɛɛ jè wɔ̃́. Ɔ jèɛɛ, wa pàɖǎ dyi ma ɔ gbo. 9Ɔ cɛ̃ɛ ma ɔ ɖeín-nà-nyɔ̀ ɓěɔ̀ gbo, ɓɛ́ wa ké ma ɓáɖáà ɖò ti dyéìn ɓó ɔ bìì, ɓɛ́ ɔ jǔ ké nyɔ ɓěɔ̀ dyi ɔ dyí dè ní, nìí, ɔ ké ɖé dyá. 10Sepóɛɖé ɔ ɖǎ ma nyɔ pàɖǎ dyi kánáìn. Ɔ jèɛɛ, nyɔ ɓě ɓɛ́ wa ɓéɖé ma wɛ́ ɓě kɛɛ nì ma wa mǔè ɓě cṹɛń ɓó Jízɛ̀ dyi tìnììn jè. 11Ké ti séín zùù gbà ɓěɔ̀ dyé ma Jízɛ̀ kɛɛ, wa jìɖǐ ma ɔ ɓo zɔ̃̌in, ké wa páná mú, ké wa ɖá, “Mɔ̀ mɔ̀ Gèɖèpɔ́ɔ̀ Dyú-gààɔ̀.” 12Ké ɔ po wa ɓɔ́í, ɓɛ́ wa ní kɔ̃̀ ɖà nyɔ ɔ jǔɛɛ jè cɛ̃.
Jízɛ̀ gã àpɔ́sò ɓaɖa-bùè sè sɔ̃́ ɓě
(Máfíò 10:1-4; Ɖúù 6:12-16)
13Wé ɖòɛ̀ ɓaɖaa, Jízɛ̀ mu ma ɖé toɖo ɖò dya, ké ɔ ɖá ma nyɔ ɓě ɓɛ́ ɔ mɔ́ ɓó ɔ mìɔùn gboɛ, ké wa mu ma ɖé ɔ gbo. 14Ké ɔ gã ma ɓó gàa ɓaɖa-bùè sè sɔ̃́ ɓɛ́ ɔ ɖáìn àpɔ́sò kɛ, ɓɛ́ wa ké ɓó ɔ gbo nì, ɓɛ́ ɔ ké wa dyi toìn, nìí ɓɛ́ wa ké Gèɖèpɔ́ɔ̀-wùɖù wáɖá, 15ɓɛ́ wa ké kpé ɓéɖé, ɓɛ́ wa ké zùù gbà nyɔǔn ɓě mú zà. 16Nyɔ ɓě ɓɛ́ Jízɛ̀ gã ma kà kɛɛ, wa mɔ̀ Sã́ɓò mɔ̀ nyɔ ɓɛ́ ɔ jǔìn ma Píɖɛ̀-nyɛ̀nɛ̀ kɛ 17kè Jĩ́ìn kè ɔ ɖíí-gàà Jɔ̃́ɔ́ ɓɛ́ wa mɔ̀à Zɛ́ɓìɖíìɛ̀ dyú-gàà ɓěɔ̀ kɛ. Jĩ́ìn kè Jɔ̃́ɔ́ mɔ̀ nyɔ ɖéɛ̀ ɔ jǔìn ma Bòánàjì-nyɛ̀nɛ̀ kɛ. Nyɛ́nɛ́ɔ̀ xwíníín mɔ̀ nyɔ kɔ̃̀ wuɖu ɓéɖé gana kà zɛ nìà kɛ. 18Wa ɖíɛ́ ɓě mɔ̀ Ã́dòɖò kè Féɖò kè Bàtɔ́ɖɔ́mì kè Máfíò kè Tɔ̀mɔ́sì kè Jĩ́ìn mɔ̀à Áfìàà dyú-gààɔ̀ kɛ kè Táɖìà kè Sã́ɓò ɓɛ́ ɔ vɔ̃ ma ɓó ɔ ɓóɖóɔ̀ nyɔ ɓěɔ̀ bììɛ 19ɔ kè Júdà Ɛ́sìkáɖìɔ̀ ɓɛ́ ɔ mɔ̀ nyɔ mu ma kà Jízɛ̀ ɔ mú-nyɛ́-nyɔ̀ ɓěɔ̀ xwáɖáún zàùn nyɛ.
Nyɔ ɓěɔ̀ ɖá Jízɛ̀ mɔ̀ Bíɔ̀zɛ́ɓà
(Máfíò 12:22-32; Ɖúù 11:14-23; 12:10)
20Sɔ̀ìn ɓóɛ gboɛɛ, Jízɛ̀ mu ma ɔ ɓíɖí-taún ɖe. Ké nyɔ kúɖúú ɓě poìn ma ɖé dyí ɖe, ké Jízɛ̀ kè ɔ ɖeín-nà-nyɔ̀ ɓěɔ̀ se ma ti ɖò ɓéɖé ɓɛ́ wa ké ma ɖɛ ɖiɛ ɓɛ́ìn fóɖóún. 21Ké ti ɔ ɓíɖí-gbǒ-xwíníín-nyɔ̀ ɓěɔ̀ wɔ̃́ɔ ma kɛɛ, wa sɔ̀ dyí, ké wa mu, ɓɛ́ wa ké ma ɖé ɔ zà, sepóɛɖé wa ɖá, “Ɔ hwòɖǒ-dyùà nì cáuń.”
22Ké Gèɖèpɔ́ɔ̀-cèè-ɖɛ̀ dyuò-nyɔ̀ ɓě ɓɛ́ wa sɔ̀ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ nìɛ̀ ma cɛ̃iń, ké wa ɖá, “Bíɔ̀zɛ́ɓà nì ɔ mú. Zùù gbà ɓěɔ̀ ɓǎ vɛ̀nɛ̀ɔ̀ mɔ̀ nyɔ nyí ɔ kpé, ɓɛ́ ɔ ké zùù gbà nyɔǔn mú zà.”
23Ké Jízɛ̀ ɖá ma nyɔ ɓěɔ̀ ɓó ɔ mìɔùn gbo, ké ɔ wùɖù ma wa gbo ɖé nɔ́ɔ́ mú, ké ɔ ɖá, “Xwɛ̌ Sétɔ̃̀ ɓɛ́ìn Sétɔ̃̀ nyɔǔn mú zàà kɛ́? 24Ɔ jǔ ké kã́á-ɓòɖò ɖò dyi ɔ mìɔùn gbo vɔ̃ ní, nìí, ɔ se dúi kuɛ ɓɛ́ìn. 25Ké ɔ jǔ ké gbǒ-xwíníín ɖò dyi gbo vɔ̃ìn ní, nìí, ɔ se dúi kuɛ ɓɛ́ìn. 26Ké ɔ jǔ ké Sétɔ̃̀ dyi ɔ mìɔùn gbo vɔ̃, ké ɔ kpéɔ̀ dyi mú ge ní, nìí, ɔ se dúi kuɛ ɓɛ́ìn. Ɔ kpéɔ̀ mu mánáín hwɛ̀ìn.
27“Nyɔ ɖò se gana-nyɔ̀ ɖò ɓíɖí-gbǒǔn dyáa ɓɛ́ìn, ɓɛ́ ɔ kéɛ hwu, ɔ sèìn ké ɔ sã dyɛ gana-nyɔ̀ɔ̀ kĩ́ín hwɛ̀. Nìí, ɔ ɓɛ́ìn ɖé ɔ gbǒɔ̀ mú dyáa, ɓɛ́ ɔ kéɛ hwu.
28“Ḿ cɛ̃ ɓě jǎà gbo, nàmàǔn séín ɓɛ́ nyɔǔn-dyù nyuɛ kè ɖɛ gbà jĩ̀ kà ɓɛ́ wa cɛ̃ kɛɛ jè ɓɛ́ìn Gèɖèpɔ́ɔ̀ hwìɖǐi hwɛ̀ɛ̀. 29Kɛɛ nyɔ mɔ̀ nyɔ ɓɛ́ ɔ cɛ̃ Zùù Hwɛ̀ǐn-hwɛ̀ǐnɔ̀ ɖɛ gbà kɔ̃ún wɛ̃ɛ, Gèɖèpɔ́ɔ̀ se nyɔɔ̀ kɔ̃in zĩ̀ɛ̀n ɓɛ́ìn sɔ̃̀ùn. Sè-ná-sèɛ̀ nàmàǔn-zàà mu ɔ kpɔ̃ùn kánáá pū.” 30Jízɛ̀ cɛ̃ɛ ma náa, sepóɛɖé nyɔ ɖíɛ́ ɓě cɛ̃ɛ kà zùù gbà nì ma ɔ múɛ.
Jízɛ̀ ɖe kè ɔ ɖíí-gàà ɓě
(Máfíò 12:46-50; Ɖúù 8:19-21)
31Sɔ̀ìn ɓóɛ gboɛɛ, Jízɛ̀ ɖe kè ɔ ɖíí-gàà ɓě dyi ma ɔ gbo, ké wa nyànà ma ɖé píé dyi, ké wa tò ma ɖé ɔ gbo wuɖu, ɓɛ́ ɔ ké ma dyi. 32Nyɔ pàɖǎ koìn ma ɔ ɖei, ké wa cɛ̃ɛ ma ɔ gbo, ké wa ɖá, “Gmɔ̀ nɔ̄, m̀ ɖe kè nì ɖíí-gàà ɓě nì ɖé píé, ké wa nì m̀ jè dyi dièɛ̌no.”
33Ké Jízɛ̀ zà ma ɖé wuɖu, ké ɔ ɖá, “Nyɛ́ mɔ̀ nyɔ mɔ̀ ḿ ɖe kè ḿ ɖíí ɓěɔ̀ kɛ́?” 34Ké ɔ gmɔìn ma nyɔ ɓě koìn ma kà ɓó ɔ ɖeiɛɛ dyai, ké ɔ ɖá, “Ḿ ɖe kè ḿ ɖíí ɓěɔ̀ kɛà kɛ̀, 35sepóɛɖé nyɔ ɓě mɔ̀ nyɔ ɓɛ́ wa nyu Gèɖèpɔ́ɔ̀ mɔ́ɔ́-ɖɛ̀ kɛɛ, wa mɔ̀ ḿ ɖe kè ḿ ɖíí ɓěɔ̀ jɛ́ɛ́.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.