Máfíò 5
5
Ɖɛ ɓě ɓɛ́ Jízɛ̀ cɛ̃ ma ɖé toɖo ɖò dyaa
(Ɖúù 6:20-23)
1Wé ɖòɛ̀ ɓaɖaa, Jízɛ̀ dyé ma nyɔ kúɖúú ɓěɔ̀, ké ɔ mu ma toɖo ɖò dya, ké ɔ kò ma dyi. Ɔ ɖeín-nà-nyɔ̀ ɓěɔ̀ poìn ma ɓó ɔ gbo dyí. 2Ké ɔ ɖú ma wa ɖɛ tɛ̀mɛ̀ìn kpàǐ, ké ɔ ɖá, 3“Mana nì nyɔ ɓě ɓɛ́ wa dyé gǎ ɖé zùǔn-wàká kɔ̃ɛɛ kɔ̃, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃̀ùn.
4“Mana nì nyɔ ɓě ɓɛ́ wa vĩ̌ kɛɛ kɔ̃, sepóɛɖé Gèɖèpɔ́ɔ̀ mu waà hwòɖǒ dyi dèìn.
5“Mana nì nyɔ ɓě ɓɛ́ wa dyà wa mìɔùn ɓíɖíiɛɛ kɔ̃, sepóɛɖé wa mu ɓóɖó-kpà gànáà kɔ̃̀ùn.
6“Mana nì nyɔ ɓě ɓɛ́ ɖɛ kɔ̃̀ tó nyu wa mìɔ kɛɛ mɔ̀ ɖɛ ɓě ɓɛ́ Gèɖèpɔ́ɔ̀ mɔ́ ɓɛ́ wa ké nyuɛɛ kɔ̃, sepóɛɖé Gèɖèpɔ́ɔ̀ muɛ nyuùn ɓɛ́ wa ké ɖɛ séín ɓě ɓɛ́ wa mɔ́ kɛɛ dyé.
7“Mana nì nyɔ ɓě ɓɛ́ wa dyé nyɔǔn wìǐn nyɛɛ kɔ̃, sepóɛɖé Gèɖèpɔ́ɔ̀ mu wa mɔ̀ùn wìǐn dyéìn ɖekè.
8“Mana nì nyɔ ɓě ɓɛ́ wa se kɛɛ ɖò ɖé wa hwòɖǒ bũ̌ ɓéɖéɛɛ kɔ̃, sepóɛɖé wa mu Gèɖèpɔ́ɔ̀ dyéìn.
9“Mana nì nyɔ ɓě ɓɛ́ wa vɔ̃ ɓɛ́ gìɖìǐ ké nyɔǔn ɓě pṹa nì kɛɛ kɔ̃, sepóɛɖé Gèɖèpɔ́ɔ̀ mu wa ɔ dyú ɓě ɖáìn.
10“Mana nì nyɔ ɓě ɓɛ́ nyɔǔn ɓě dyéìn gǎ, sepóɛɖé wa nyu ɖɛ ɓɛ́ Gèɖèpɔ́ɔ̀ mɔ́ kɛ jèɛɛ kɔ̃, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃̀ùn.
11“Mana nì ɓě mɔ̀ nyɔ ɓě ɓɛ́ nyɔǔn dyéìn gǎ, ké wa zàìn ɓě zùǔn, ké wa cɛ̃ ɓě ɖɛ gbà kã̀ìn-kã̀ìn se jǎà kɛɛ kɔ̃ún ɓó ḿ jèɛɛ kɔ̃. 12Ɓě mɛ kpá múàǔn mìɔ, sepóɛɖé pɛ́ɛ̀-ɖɛ̀ vɛ̀nɛ̀ ɖò nì ɖé dyɔún ɓó ɓě bìì. Sepóɛɖé kǎà wa dyéìn ma kpáá-ɖɛ̀-cɛ̃-nyɔ̀ ɓě nì zɔ̃̌ɔ̀ kĩ́ín nyɛɛ gǎ.
Tɔ̃́ kè ce
(Máà 9:50; Ɖúù 14:34-35)
13“Ɓě nì kà tɔ̃́ nìà kɛɛ ɓó ɓóɖó-kpàà bìì. Kɛɛ ɔ jǔ ké tɔ̃́ɔ̀ ɖéé-ɖééɔ̀ dyi ɔ mú sɔ̀ ní, nìí, xwɛ̌ ɔ ɓɛ́ìn ɖéèɛ̀ nyuɛ ɖe kɛ́? Ɔ se ɖɛ ɖò kpa ɖe. Wa wáɖáa dyi, ké nyɔǔn nàà kɔ̃in.
14“Ɓě nì kà ce nìà kɛɛ ɓó ɓóɖó-kpàà bìì. Hwɔɖɔ ɓɛ́ wa dè ɖé toɖo dya kɛɛ se vǐèɛ̀ ɓɛ́ìn. 15Nyɔ ɖò ní kpɔ̃̀ìn ɖáùnpò dyí, ké ɔ ní dèɛ̀ gbǎ-wĩín xwíɖíi. Kɛɛ ɔ dèɛ̀ ɖáùnpò-kɔ̃-dè-ɖɛ̀ɔ̀ kɔ̃, ké ɔ nyí nyɔǔn séín nì gbǒɔ̀ múɛɛ ce. 16Kà dyúáɖòɔ̀ kǎà ɓěɛ̀ ceɔ̀ mɛ fã ɖé nyɔǔn dyéɖéín, ɓɛ́ wa ké ɖɛ nɔ̀mɔ̀ kɔ̃in ɓě ɓɛ́ ɓě nyuɛɛ dyé, ɓɛ́ wa ké ɓě Ɓǎ nìà ɖé dyɔún wɛ̃ɛ ɓàìn.
Tɛ̀mɛ̀ìn-ɖɛ̀ ɓá gmaɔ̀ jè dyíɛ
17“Ɓěǐn ɖá ɓɛ́ ɓě kéɛ hwìɖǐi poìn kà ɓɛ́ ḿ dyi, ɓɛ́ ḿ ké Mózèɛ̀ gmaɔ̀ kè kpáá-ɖɛ̀-cɛ̃-nyɔ̀ ɓěɔ̀ tɛ̀mɛ̀ìn-ɖɛ̀ ɓěɔ̀ jè dyi zĩ̀ìn nyɛ. Ḿ se dyi, ɓɛ́ ḿ ké wa jè dyi zĩ̀ìn, kɛɛ ḿ dyi, ɓɛ́ ḿ kéɛ nyu ɓɛ́ nyɔǔn ké ɖɛ mɔ̀ wa xwíníín jɛ́ɛ́ kɛɛ dyí dyuò. 18Ḿ cɛ̃ ɓě jǎà gbo, kà ɓɛ́ dyɔɔ̀ kè ɓóɖó-kpàà muà nììn keɛɛ, gmaɔ̀ nyɔ se ɖɛ kpa mìɔ kɛ kè gmaɔ̀ tííwè ɖò jè se dyi ziɛ́ mu fɔɔ, ké ɖɛ séín-sèǐn hwɛ̀ mánáín hwɛ̀. 19Ɔ jèɛɛ, nyɔ mɔ̀ nyɔ ɓɛ́ ɔ se gmaɔ̀ nyɔ se ɖɛ kpa ɖò nyuɛ́ mu, ké ɔ muɛ nyɔ tɔ̀ɔ̀ ɓě gbo cɛ̃ìn, ɓɛ́ wa mɔ̀ùn ké ɖɛ dyúáɖòɔ̀ nyuɛɛ, ɔ mu nyɔ se ɖɛ kpa kɛɛ jǔùn ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃. Kɛɛ nyɔ mɔ̀ nyɔ ɓɛ́ ɔ kpɔ̃ gmaɔ̀ dyi, ké ɔ cɛ̃ɛ nyɔ tɔ̀ɔ̀ ɓě gbo, ɓɛ́ wa mɔ̀ùn ké ɖɛ dyúáɖòɔ̀ nyuɛɛ, ɔ mu ɖɛ kpaùn ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃. 20Ḿ cɛ̃ɛ ɓě gbo, ɓě mɛ jǔ hwòɖǒ-kɔ̃-dè-nyɔ̀ ɖé ɖɛ ɓě ɓɛ́ Gèɖèpɔ́ɔ̀ mɔ́ ɓɛ́ ɓě ké nyuɛɛ nyu-nyu mú, ɓɛ́ ɓě ké Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ kè Fáɖòsíì-nyɔ̀ ɓěɔ̀ dyí zi. Ɔ se ná nìǐn, ɓě se ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃ muɛ́ mu fɔɔ.
Tɛ̀mɛ̀ìn-ɖɛ̀ ɓá dyoɖo jè dyíɛ
21“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀ nyɔǔn ɓě gbo, ké wa ɖá, ‘Ɓě ɖò ní ɖá ɓɛ́ ɓě ké kú ɖáɓáa. Wa mu nyɔ mɔ̀ nyɔ ɓɛ́ ɔ ɖáɓá kú kɛɛ tɔ̀ɔ̀-ɓìɔ̀ ɓěɔ̀ dyúa dyàùn.’ 22Kɛɛ ḿ cɛ̃ɛ ɓě gbo, wa mu nyɔ ɓɛ́ ɔ kpáìn ɔ ɖíí-gàà dyoɖoún wɛ̃ɛ tɔ̀ɔ̀-ɓìɔ̀ ɓěɔ̀ dyúa dyàùn. Ké nyɔ muɛ ɔ ɖíí-gàà gbo cɛ̃ìn, ɓɛ́ ɔ ké níiń, ‘M̀ se fɔ̀nɔ̀-hwòɖǒ ɖò ɓéɖé’ kɛɛ, nìí, wa mu ɔ ɖé tɔ̀ɔ̀-ɓìɔ̀ ɓěɔ̀ dyúa dyàùn. Ké nyɔ mɔ̀ nyɔ ɓɛ́ ɔ mu ɔ ɖíí-gàà vàɖǎùn, ɓɛ́ ɔ ké ɔ zuɖuu-nyɔ̀ ɖáìn nyɛɛ, ɔ mɛ ma mú, ɓɛ́ ɔ ní kɔ̃̀ ɖà hɛ́ɛ̀-nyɛ̀ɔ̀ mú mu. 23Ɔ jèɛɛ, ɔ jǔ ké ɓě dyiɔ́ ɓěɛ̀ nyíí-ɖɛ̀ɔ̀ Gèɖèpɔ́ɔ̀ nyíɛ mu ɓó sáa-kɔ̃-zàìn-gbààɔ̀ kɔ̃, ké ɔ dyi ɓě hwìɖǐi dyi kà ɓɛ́ ɖɛ ɖò nì ɓěɛ̀ ɖíí-gàà xwíníín ɓá ɓě dyíɛɛ ní, 24nìí, ɓě sè ɓěɛ̀ nyíí-ɖɛ̀ɔ̀ ɓó sáa-kɔ̃-zàìn-gbààɔ̀ dyúa, ɓɛ́ ɓě ké mu, ɓɛ́ ɓě ké ɖɛ nìà ɓě kè ɓěɛ̀ ɖíí-gààɔ̀ pṹa kɛɛ jè dyi zĩ̀ìn, hwɛ̀ ɓɛ́ ɓě ké ɖe kɔ́ìn, ɓɛ́ ɓě ké ɓěɛ̀ nyíí-ɖɛ̀ɔ̀ Gèɖèpɔ́ɔ̀ nyí.
25“Nyɔ ɖò dyi m̀ súù, ké ɔ dyi m̀ zɔ̃́ín-wɔ̃-pòìn-naín kpauń nì ní, m̀ mɛ nyuɛ ɓɛ́ gìɖìǐ ké ɓó ɓě pṹa dyi ɓó hwìèɔ̀ kɔ̃, hwɛ̀ ɓɛ́ ɓě ké ɖé zɔ̃́ín-wɔ̃-pòìn-naínɔ̀ nyini. Sepóɛɖé ɔ jǔ ké ɓě dyi ɖé nyini ní, ɔ mu m̀ tɔ̀ɔ̀ ɓěɔ̀ xwáɖáún zàìn. Ké tɔ̀ɔ̀ ɓěɔ̀ mu m̀ sójà ɓěɔ̀ xwáɖáún zàìn, ké wa mu m̀ kpɔɖɔ ɖeín poùn. 26Ḿ cɛ̃ ɓě jǎà gbo, nyɔɔ̀ mu kpɔɖɔɔ̀ ɖeín dyi gã̀ùn tee, ɓɛ́ ɔ ké wíɖí ɓɛ́ ɔ kéɔ́ kà pɛ́ɛ̀ kɛɛ séín pɛ́ɛ̀ hwɔ hwɛ̀.
Tɛ̀mɛ̀ìn-ɖɛ̀ ɓá gmaɖe po jè dyíɛ
27“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Ɓě ɖò ní ɖá ɓɛ́ ɓě ké gmaɖe po’ kɛ. 28Kɛɛ ḿ cɛ̃ɛ ɓě gbo, nyɔ mɔ̀ nyɔ ɓɛ́ ɔ gmɔ̀ màa ɖò dya, ké màaɔ̀ gbo-pɛ̃́-tò nyu ɔ xwéé kɛɛ, ɔ kè màaɔ̀ ɖǎ gmaɖe poɛ hwɔ ɖé ɔ hwòɖǒ bũ̌. 29Ɔ jǔ ké nì ɖiaún-dyèɖèɔ̀ dyiɛ nyu ɓɛ́ m̀ ké nàmàǔn nyu ní, nìí, m̀ mɛ zàà ɖéɛ, ɓɛ́ m̀ kéɛ xwáɖáún po. Ɔ nɔ̀mɔ̀ dyíin ɓɛ́ nì kpóɖó-dyùà wáká ɓěɔ̀ ɖò ké xwáɖáún sè, ké ɔ zi ɓɛ́ wa ké nì kpóɖó-dyùà gànáɔ̀ hɛ́ɛ̀ poɛɛ dyí. 30Ɔ jǔ ké nì ɖiaùn-sɔ̃̀ɔ̀ dyiɛ nyu ɓɛ́ m̀ ké nàmàǔn nyu ní, nìí, m̀ mɛ cɛ̃ɛ ɓóɛ, ɓɛ́ m̀ kéɛ xwáɖáún po. Ɔ nɔ̀mɔ̀ dyíin ɓɛ́ nì kpóɖó-dyùà wáká ɓěɔ̀ ɖò ké xwáɖáún sè, ké ɔ zi ɓɛ́ nì kpóɖó-dyùà gànáɔ̀ ké hɛ́ɛ̀ muɛɛ dyí.
Tɛ̀mɛ̀ìn-ɖɛ̀ ɓá ɓɔ́ìn jè dyíɛ
(Máfíò 19:9; Máà 10:11-12; Ɖúù 16:18)
31“Wa cɛ̃ɛ zɔ̃̌ɔ̀ ɖe, ké wa ɖá, ‘Nyɔ ɓɛ́ ɔ ɓɔ́ ɔ gmàà kɛɛ, ɔ mɛ nyí ɔ céè-ɖɛ̀ ɓá buɛ̀ jè dyíɛ.’ 32Kɛɛ ḿ cɛ̃ɛ ɓě gbo, gàa ɖòɛ̀ gmàà se gmaɖe po, ké ɔ dyi ɔ ɓɔ́ ní, ɔ nyu màaɔ̀ gmaɖe-po-nyɔ̀ mú. Ké gàa ɓɛ́ ɔ kpɔ̃ màaɔ̀ dyiɛɛ mɔ̀ùn mɔ̀ gmaɖe-po-nyɔ̀ ɖekè.
Tɛ̀mɛ̀ìn-ɖɛ̀ ɓá wuɖu ɖi jè dyíɛ
33“Ɓě ɖǎa wɔ̃́ ɖe kà ɓɛ́ wa cɛ̃ɛ zɔ̃̌ɔ̀ nyɔǔn ɓě gbo, ké wa ɖá, ‘Ɓě ɖò ní ɖá ɓɛ́ ɓě ké wuɖu ɓɛ́ ɓě ɖiɛɛ mú jaɖa. Kɛɛ ɓě mɛ nyu ɖɛ kɔ̃̀ jè ɓě ɖi ma kà wuɖu ɓó Bounɓoɔ̀ dyúa kɛ.’ 34Kɛɛ ḿ cɛ̃ɛ ɓě gbo, ɓěǐn ɖá ɓɛ́ ɓě ké ɖɛ ɖò dyí gboò fɔɔ. Ɓěǐn ɖá ɓɛ́ ɓě ké dyɔún dyí gboò, sepóɛɖé ɔ mɔ̀ Gèɖèpɔ́ɔ̀ zèèɔ̀ dè-naín. 35Ɓěǐn ɖá ɓɛ́ ɓě ké ɓóɖó-kpàà dyí gboò, sepóɛɖé ɔ mɔ̀ Gèɖèpɔ́ɔ̀ ɓo-síìn-naín. Ɓěǐn ɖá ɓɛ́ ɓě ké Jùɖúsɛ̀ɖɛ̀ìn-hwɔ̀ɖɔ̀ɔ̀ dyí gboò, sepóɛɖé ɔ mɔ̀ Kã́á vɛ̀nɛ̀ɔ̀ hwɔɖɔɔ̀. 36Ké ɓěǐn ɖá ɓɛ́ ɓě ké ɓěɛ̀ dúɔ̀ dyí gboò, sepóɛɖé ɓě seɛ nyuɛ ɓɛ́ìn ɓɛ́ ɓěɛ̀ dú-mì wɔ́ɖɔ́ dyúáɖò ké púɖú, mɔɔ ɓɛ́ ɔ ké kpè dyɛ mɔ̀ùn. 37Ɓě mɛ ɖá ‘Ǹdye’ mɔɔ ‘Gbào’ pū. Ɖɛ tɔ̀ɔ̀ séín ɓɛ́ ɓě mu cɛ̃ìn ɖeɛɛ, ɔ sɔ̀ ɖé Ɖɛ-gbà-nyu-nyɔ̀ɔ̀ gbo.
Tɛ̀mɛ̀ìn-ɖɛ̀ ɓá kpa zà jè dyíɛ
(Ɖúù 6:29-30)
38“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Nyɔ ɖò dyi ɔ mǔè ɖò dyéɖé-ɓò ɖò wa ní, nìí, wa ɓéɖé ɓɛ́ wa ké ɔ nììn dyéɖé-ɓò ɖò wa ɖekè, mɔɔ nyɔ ɖò dyi ɔ mǔè ɖò nyɛ́nɛ́-ɓò ɖò wĩín jaɖa ní, nìí, wa ɓéɖé ɓɛ́ wa ké ɔ mɔ̀ùn nyɛ́nɛ́-ɓò ɖò wĩín jaɖa ɖekèɛ.’ 39Kɛɛ ḿ cɛ̃ɛ ɓě gbo, nyɔ ɖò dyi ɓě ɖɛ gbà bũ̌ nyu ní, ɓěǐn ɖá ɓɛ́ ɓě ké ɖɛ gbàɔ̀ kpa zà. Nyɔ ɖò dyi ɓě kpá ga taɓa ní, nìí, ɓě mɛ wɔ̃́ ɓɛ́ ɔ ké ɓěɛ̀ ga tɔ̀ɔ̀ kpá taɓa ɖekè. 40Ké nyɔ ɖò dyi ɓě súù, ké ɔ dyi ɓě zɔ̃́ín-wɔ̃-pòìn-naín kpa, ɓɛ́ ɔ ké ɓěɛ̀ wáɖá-ɖɔ̀ dyí ɖú jè ní, nìí, ɓě mɛ wɔ̃́ ɓɛ́ ɔ ké ɓěɛ̀ kótìɔ̀ dyí ɖú ɖekè. 41Ké nyɔ ɖò dyi ɓě kpɔ̃ ɓɛ́ ɓě ké ɔ gbɛ̌ kpa, ɓɛ́ ɓě ké hwìè-kpà dyúáɖò jaɖa ní, nìí, ɓě mɛ jaɖa hwìè-kpà sɔ̃́. 42Nyɔ ɖò dyi ɓě ɖɛ zɔ̀ìn ní, nìí, ɓě mɛ nyíɛ ɔ. Ké nyɔ ɖò dyi ɖɛ ɖò kpaún kpɔ̃ɔ mɔ́ ní, nìí, ɓě mɛ pòɛ̀n ɔ kpaún.
Ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú
(Ɖúù 6:27-28, 32-36)
43“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Ɓě mɛ ɖɛ̀ɓɛ̀ ɓě mǔè ɓě mú, ɓɛ́ ɓě ké ɓěɛ̀ mú-nyɛ́-nyɔ̀ ɓě mú nyɛ́ɛ.’ 44Kɛɛ ḿ cɛ̃ɛ ɓě gbo, ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú, ké ɓě mɛ ɓaà ɓó nyɔ ɓě ɓɛ́ wa dyéìn ɓě gǎ kɛɛ bìì, 45ɓɛ́ ɓě ké ɓě Ɓǎ nìà ɖé dyɔún wɛ̃ɛ dyú ɓě jǔ. Sepóɛɖé ɔ nyu ké ɔ dyóɖóɔ̀ fã̀ìn ɖɛ-gbà-nyu-nyɔ̀ ɓěɔ̀ kè ɖɛín-ɖɛ̀-nyu-nyɔ̀ ɓěɔ̀. Ké ɔ nyí nyɔ ɓě nyu dyí-sɛ́ɖɛ́ìn-ɖɛ̀ kɛ kè nyɔ ɓě nyu ɖɛ se dyí sɛ́ɖɛ́ìn nyɛɛ ní. 46Ɔ jǔ ké ɓě dyi nyɔ ɓě ɖɛ̀ɓɛ̀ ɓě múɛɛ ɖòùn mú ɖɛ̀ɓɛ̀ ní, nìí, ɖɛ́ kɔ̃̀ jè ɓě dèà pɛ́ɛ̀-ɖɛ̀ ɖò dyé jè hwòɖǒ kɔ̃ kɛ́? Tácì-kpɔ̃-nyɔ̀ ɓěɔ̀ mɔ̀ùn nyuɛ náa ɖekè. 47Ɔ jǔ ké ɓě dyi ɓěɛ̀ ɖíí ɓě ɖòùn nyíɔún zà ní, nìí, ɓě nì ɖɛ nɔ̀mɔ̀ dyíin ɖò nyuɛń cáe? Nyɔ ɓě seà Gèɖèpɔ́ɔ̀ dyí dyuò kɛɛ mɔ̀ùn nyuɛ náa ɖekè. 48Ɓě mɛ zi dyí sɛ́ɖɛ́ǐn, kà ɓɛ́ ɓě Ɓǎ nìà ɖé dyɔún wɛ̃ɛ sɛ́ɖɛ́ìn kà dyí kɛ.
Currently Selected:
Máfíò 5: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Máfíò 5
5
Ɖɛ ɓě ɓɛ́ Jízɛ̀ cɛ̃ ma ɖé toɖo ɖò dyaa
(Ɖúù 6:20-23)
1Wé ɖòɛ̀ ɓaɖaa, Jízɛ̀ dyé ma nyɔ kúɖúú ɓěɔ̀, ké ɔ mu ma toɖo ɖò dya, ké ɔ kò ma dyi. Ɔ ɖeín-nà-nyɔ̀ ɓěɔ̀ poìn ma ɓó ɔ gbo dyí. 2Ké ɔ ɖú ma wa ɖɛ tɛ̀mɛ̀ìn kpàǐ, ké ɔ ɖá, 3“Mana nì nyɔ ɓě ɓɛ́ wa dyé gǎ ɖé zùǔn-wàká kɔ̃ɛɛ kɔ̃, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃̀ùn.
4“Mana nì nyɔ ɓě ɓɛ́ wa vĩ̌ kɛɛ kɔ̃, sepóɛɖé Gèɖèpɔ́ɔ̀ mu waà hwòɖǒ dyi dèìn.
5“Mana nì nyɔ ɓě ɓɛ́ wa dyà wa mìɔùn ɓíɖíiɛɛ kɔ̃, sepóɛɖé wa mu ɓóɖó-kpà gànáà kɔ̃̀ùn.
6“Mana nì nyɔ ɓě ɓɛ́ ɖɛ kɔ̃̀ tó nyu wa mìɔ kɛɛ mɔ̀ ɖɛ ɓě ɓɛ́ Gèɖèpɔ́ɔ̀ mɔ́ ɓɛ́ wa ké nyuɛɛ kɔ̃, sepóɛɖé Gèɖèpɔ́ɔ̀ muɛ nyuùn ɓɛ́ wa ké ɖɛ séín ɓě ɓɛ́ wa mɔ́ kɛɛ dyé.
7“Mana nì nyɔ ɓě ɓɛ́ wa dyé nyɔǔn wìǐn nyɛɛ kɔ̃, sepóɛɖé Gèɖèpɔ́ɔ̀ mu wa mɔ̀ùn wìǐn dyéìn ɖekè.
8“Mana nì nyɔ ɓě ɓɛ́ wa se kɛɛ ɖò ɖé wa hwòɖǒ bũ̌ ɓéɖéɛɛ kɔ̃, sepóɛɖé wa mu Gèɖèpɔ́ɔ̀ dyéìn.
9“Mana nì nyɔ ɓě ɓɛ́ wa vɔ̃ ɓɛ́ gìɖìǐ ké nyɔǔn ɓě pṹa nì kɛɛ kɔ̃, sepóɛɖé Gèɖèpɔ́ɔ̀ mu wa ɔ dyú ɓě ɖáìn.
10“Mana nì nyɔ ɓě ɓɛ́ nyɔǔn ɓě dyéìn gǎ, sepóɛɖé wa nyu ɖɛ ɓɛ́ Gèɖèpɔ́ɔ̀ mɔ́ kɛ jèɛɛ kɔ̃, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃̀ùn.
11“Mana nì ɓě mɔ̀ nyɔ ɓě ɓɛ́ nyɔǔn dyéìn gǎ, ké wa zàìn ɓě zùǔn, ké wa cɛ̃ ɓě ɖɛ gbà kã̀ìn-kã̀ìn se jǎà kɛɛ kɔ̃ún ɓó ḿ jèɛɛ kɔ̃. 12Ɓě mɛ kpá múàǔn mìɔ, sepóɛɖé pɛ́ɛ̀-ɖɛ̀ vɛ̀nɛ̀ ɖò nì ɖé dyɔún ɓó ɓě bìì. Sepóɛɖé kǎà wa dyéìn ma kpáá-ɖɛ̀-cɛ̃-nyɔ̀ ɓě nì zɔ̃̌ɔ̀ kĩ́ín nyɛɛ gǎ.
Tɔ̃́ kè ce
(Máà 9:50; Ɖúù 14:34-35)
13“Ɓě nì kà tɔ̃́ nìà kɛɛ ɓó ɓóɖó-kpàà bìì. Kɛɛ ɔ jǔ ké tɔ̃́ɔ̀ ɖéé-ɖééɔ̀ dyi ɔ mú sɔ̀ ní, nìí, xwɛ̌ ɔ ɓɛ́ìn ɖéèɛ̀ nyuɛ ɖe kɛ́? Ɔ se ɖɛ ɖò kpa ɖe. Wa wáɖáa dyi, ké nyɔǔn nàà kɔ̃in.
14“Ɓě nì kà ce nìà kɛɛ ɓó ɓóɖó-kpàà bìì. Hwɔɖɔ ɓɛ́ wa dè ɖé toɖo dya kɛɛ se vǐèɛ̀ ɓɛ́ìn. 15Nyɔ ɖò ní kpɔ̃̀ìn ɖáùnpò dyí, ké ɔ ní dèɛ̀ gbǎ-wĩín xwíɖíi. Kɛɛ ɔ dèɛ̀ ɖáùnpò-kɔ̃-dè-ɖɛ̀ɔ̀ kɔ̃, ké ɔ nyí nyɔǔn séín nì gbǒɔ̀ múɛɛ ce. 16Kà dyúáɖòɔ̀ kǎà ɓěɛ̀ ceɔ̀ mɛ fã ɖé nyɔǔn dyéɖéín, ɓɛ́ wa ké ɖɛ nɔ̀mɔ̀ kɔ̃in ɓě ɓɛ́ ɓě nyuɛɛ dyé, ɓɛ́ wa ké ɓě Ɓǎ nìà ɖé dyɔún wɛ̃ɛ ɓàìn.
Tɛ̀mɛ̀ìn-ɖɛ̀ ɓá gmaɔ̀ jè dyíɛ
17“Ɓěǐn ɖá ɓɛ́ ɓě kéɛ hwìɖǐi poìn kà ɓɛ́ ḿ dyi, ɓɛ́ ḿ ké Mózèɛ̀ gmaɔ̀ kè kpáá-ɖɛ̀-cɛ̃-nyɔ̀ ɓěɔ̀ tɛ̀mɛ̀ìn-ɖɛ̀ ɓěɔ̀ jè dyi zĩ̀ìn nyɛ. Ḿ se dyi, ɓɛ́ ḿ ké wa jè dyi zĩ̀ìn, kɛɛ ḿ dyi, ɓɛ́ ḿ kéɛ nyu ɓɛ́ nyɔǔn ké ɖɛ mɔ̀ wa xwíníín jɛ́ɛ́ kɛɛ dyí dyuò. 18Ḿ cɛ̃ ɓě jǎà gbo, kà ɓɛ́ dyɔɔ̀ kè ɓóɖó-kpàà muà nììn keɛɛ, gmaɔ̀ nyɔ se ɖɛ kpa mìɔ kɛ kè gmaɔ̀ tííwè ɖò jè se dyi ziɛ́ mu fɔɔ, ké ɖɛ séín-sèǐn hwɛ̀ mánáín hwɛ̀. 19Ɔ jèɛɛ, nyɔ mɔ̀ nyɔ ɓɛ́ ɔ se gmaɔ̀ nyɔ se ɖɛ kpa ɖò nyuɛ́ mu, ké ɔ muɛ nyɔ tɔ̀ɔ̀ ɓě gbo cɛ̃ìn, ɓɛ́ wa mɔ̀ùn ké ɖɛ dyúáɖòɔ̀ nyuɛɛ, ɔ mu nyɔ se ɖɛ kpa kɛɛ jǔùn ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃. Kɛɛ nyɔ mɔ̀ nyɔ ɓɛ́ ɔ kpɔ̃ gmaɔ̀ dyi, ké ɔ cɛ̃ɛ nyɔ tɔ̀ɔ̀ ɓě gbo, ɓɛ́ wa mɔ̀ùn ké ɖɛ dyúáɖòɔ̀ nyuɛɛ, ɔ mu ɖɛ kpaùn ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃. 20Ḿ cɛ̃ɛ ɓě gbo, ɓě mɛ jǔ hwòɖǒ-kɔ̃-dè-nyɔ̀ ɖé ɖɛ ɓě ɓɛ́ Gèɖèpɔ́ɔ̀ mɔ́ ɓɛ́ ɓě ké nyuɛɛ nyu-nyu mú, ɓɛ́ ɓě ké Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ kè Fáɖòsíì-nyɔ̀ ɓěɔ̀ dyí zi. Ɔ se ná nìǐn, ɓě se ɖé Gèɖèpɔ́ɔ̀ kã́á-ɓòɖò nìà ɖé dyɔún wɛ̃ɛ kɔ̃ muɛ́ mu fɔɔ.
Tɛ̀mɛ̀ìn-ɖɛ̀ ɓá dyoɖo jè dyíɛ
21“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀ nyɔǔn ɓě gbo, ké wa ɖá, ‘Ɓě ɖò ní ɖá ɓɛ́ ɓě ké kú ɖáɓáa. Wa mu nyɔ mɔ̀ nyɔ ɓɛ́ ɔ ɖáɓá kú kɛɛ tɔ̀ɔ̀-ɓìɔ̀ ɓěɔ̀ dyúa dyàùn.’ 22Kɛɛ ḿ cɛ̃ɛ ɓě gbo, wa mu nyɔ ɓɛ́ ɔ kpáìn ɔ ɖíí-gàà dyoɖoún wɛ̃ɛ tɔ̀ɔ̀-ɓìɔ̀ ɓěɔ̀ dyúa dyàùn. Ké nyɔ muɛ ɔ ɖíí-gàà gbo cɛ̃ìn, ɓɛ́ ɔ ké níiń, ‘M̀ se fɔ̀nɔ̀-hwòɖǒ ɖò ɓéɖé’ kɛɛ, nìí, wa mu ɔ ɖé tɔ̀ɔ̀-ɓìɔ̀ ɓěɔ̀ dyúa dyàùn. Ké nyɔ mɔ̀ nyɔ ɓɛ́ ɔ mu ɔ ɖíí-gàà vàɖǎùn, ɓɛ́ ɔ ké ɔ zuɖuu-nyɔ̀ ɖáìn nyɛɛ, ɔ mɛ ma mú, ɓɛ́ ɔ ní kɔ̃̀ ɖà hɛ́ɛ̀-nyɛ̀ɔ̀ mú mu. 23Ɔ jèɛɛ, ɔ jǔ ké ɓě dyiɔ́ ɓěɛ̀ nyíí-ɖɛ̀ɔ̀ Gèɖèpɔ́ɔ̀ nyíɛ mu ɓó sáa-kɔ̃-zàìn-gbààɔ̀ kɔ̃, ké ɔ dyi ɓě hwìɖǐi dyi kà ɓɛ́ ɖɛ ɖò nì ɓěɛ̀ ɖíí-gàà xwíníín ɓá ɓě dyíɛɛ ní, 24nìí, ɓě sè ɓěɛ̀ nyíí-ɖɛ̀ɔ̀ ɓó sáa-kɔ̃-zàìn-gbààɔ̀ dyúa, ɓɛ́ ɓě ké mu, ɓɛ́ ɓě ké ɖɛ nìà ɓě kè ɓěɛ̀ ɖíí-gààɔ̀ pṹa kɛɛ jè dyi zĩ̀ìn, hwɛ̀ ɓɛ́ ɓě ké ɖe kɔ́ìn, ɓɛ́ ɓě ké ɓěɛ̀ nyíí-ɖɛ̀ɔ̀ Gèɖèpɔ́ɔ̀ nyí.
25“Nyɔ ɖò dyi m̀ súù, ké ɔ dyi m̀ zɔ̃́ín-wɔ̃-pòìn-naín kpauń nì ní, m̀ mɛ nyuɛ ɓɛ́ gìɖìǐ ké ɓó ɓě pṹa dyi ɓó hwìèɔ̀ kɔ̃, hwɛ̀ ɓɛ́ ɓě ké ɖé zɔ̃́ín-wɔ̃-pòìn-naínɔ̀ nyini. Sepóɛɖé ɔ jǔ ké ɓě dyi ɖé nyini ní, ɔ mu m̀ tɔ̀ɔ̀ ɓěɔ̀ xwáɖáún zàìn. Ké tɔ̀ɔ̀ ɓěɔ̀ mu m̀ sójà ɓěɔ̀ xwáɖáún zàìn, ké wa mu m̀ kpɔɖɔ ɖeín poùn. 26Ḿ cɛ̃ ɓě jǎà gbo, nyɔɔ̀ mu kpɔɖɔɔ̀ ɖeín dyi gã̀ùn tee, ɓɛ́ ɔ ké wíɖí ɓɛ́ ɔ kéɔ́ kà pɛ́ɛ̀ kɛɛ séín pɛ́ɛ̀ hwɔ hwɛ̀.
Tɛ̀mɛ̀ìn-ɖɛ̀ ɓá gmaɖe po jè dyíɛ
27“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Ɓě ɖò ní ɖá ɓɛ́ ɓě ké gmaɖe po’ kɛ. 28Kɛɛ ḿ cɛ̃ɛ ɓě gbo, nyɔ mɔ̀ nyɔ ɓɛ́ ɔ gmɔ̀ màa ɖò dya, ké màaɔ̀ gbo-pɛ̃́-tò nyu ɔ xwéé kɛɛ, ɔ kè màaɔ̀ ɖǎ gmaɖe poɛ hwɔ ɖé ɔ hwòɖǒ bũ̌. 29Ɔ jǔ ké nì ɖiaún-dyèɖèɔ̀ dyiɛ nyu ɓɛ́ m̀ ké nàmàǔn nyu ní, nìí, m̀ mɛ zàà ɖéɛ, ɓɛ́ m̀ kéɛ xwáɖáún po. Ɔ nɔ̀mɔ̀ dyíin ɓɛ́ nì kpóɖó-dyùà wáká ɓěɔ̀ ɖò ké xwáɖáún sè, ké ɔ zi ɓɛ́ wa ké nì kpóɖó-dyùà gànáɔ̀ hɛ́ɛ̀ poɛɛ dyí. 30Ɔ jǔ ké nì ɖiaùn-sɔ̃̀ɔ̀ dyiɛ nyu ɓɛ́ m̀ ké nàmàǔn nyu ní, nìí, m̀ mɛ cɛ̃ɛ ɓóɛ, ɓɛ́ m̀ kéɛ xwáɖáún po. Ɔ nɔ̀mɔ̀ dyíin ɓɛ́ nì kpóɖó-dyùà wáká ɓěɔ̀ ɖò ké xwáɖáún sè, ké ɔ zi ɓɛ́ nì kpóɖó-dyùà gànáɔ̀ ké hɛ́ɛ̀ muɛɛ dyí.
Tɛ̀mɛ̀ìn-ɖɛ̀ ɓá ɓɔ́ìn jè dyíɛ
(Máfíò 19:9; Máà 10:11-12; Ɖúù 16:18)
31“Wa cɛ̃ɛ zɔ̃̌ɔ̀ ɖe, ké wa ɖá, ‘Nyɔ ɓɛ́ ɔ ɓɔ́ ɔ gmàà kɛɛ, ɔ mɛ nyí ɔ céè-ɖɛ̀ ɓá buɛ̀ jè dyíɛ.’ 32Kɛɛ ḿ cɛ̃ɛ ɓě gbo, gàa ɖòɛ̀ gmàà se gmaɖe po, ké ɔ dyi ɔ ɓɔ́ ní, ɔ nyu màaɔ̀ gmaɖe-po-nyɔ̀ mú. Ké gàa ɓɛ́ ɔ kpɔ̃ màaɔ̀ dyiɛɛ mɔ̀ùn mɔ̀ gmaɖe-po-nyɔ̀ ɖekè.
Tɛ̀mɛ̀ìn-ɖɛ̀ ɓá wuɖu ɖi jè dyíɛ
33“Ɓě ɖǎa wɔ̃́ ɖe kà ɓɛ́ wa cɛ̃ɛ zɔ̃̌ɔ̀ nyɔǔn ɓě gbo, ké wa ɖá, ‘Ɓě ɖò ní ɖá ɓɛ́ ɓě ké wuɖu ɓɛ́ ɓě ɖiɛɛ mú jaɖa. Kɛɛ ɓě mɛ nyu ɖɛ kɔ̃̀ jè ɓě ɖi ma kà wuɖu ɓó Bounɓoɔ̀ dyúa kɛ.’ 34Kɛɛ ḿ cɛ̃ɛ ɓě gbo, ɓěǐn ɖá ɓɛ́ ɓě ké ɖɛ ɖò dyí gboò fɔɔ. Ɓěǐn ɖá ɓɛ́ ɓě ké dyɔún dyí gboò, sepóɛɖé ɔ mɔ̀ Gèɖèpɔ́ɔ̀ zèèɔ̀ dè-naín. 35Ɓěǐn ɖá ɓɛ́ ɓě ké ɓóɖó-kpàà dyí gboò, sepóɛɖé ɔ mɔ̀ Gèɖèpɔ́ɔ̀ ɓo-síìn-naín. Ɓěǐn ɖá ɓɛ́ ɓě ké Jùɖúsɛ̀ɖɛ̀ìn-hwɔ̀ɖɔ̀ɔ̀ dyí gboò, sepóɛɖé ɔ mɔ̀ Kã́á vɛ̀nɛ̀ɔ̀ hwɔɖɔɔ̀. 36Ké ɓěǐn ɖá ɓɛ́ ɓě ké ɓěɛ̀ dúɔ̀ dyí gboò, sepóɛɖé ɓě seɛ nyuɛ ɓɛ́ìn ɓɛ́ ɓěɛ̀ dú-mì wɔ́ɖɔ́ dyúáɖò ké púɖú, mɔɔ ɓɛ́ ɔ ké kpè dyɛ mɔ̀ùn. 37Ɓě mɛ ɖá ‘Ǹdye’ mɔɔ ‘Gbào’ pū. Ɖɛ tɔ̀ɔ̀ séín ɓɛ́ ɓě mu cɛ̃ìn ɖeɛɛ, ɔ sɔ̀ ɖé Ɖɛ-gbà-nyu-nyɔ̀ɔ̀ gbo.
Tɛ̀mɛ̀ìn-ɖɛ̀ ɓá kpa zà jè dyíɛ
(Ɖúù 6:29-30)
38“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Nyɔ ɖò dyi ɔ mǔè ɖò dyéɖé-ɓò ɖò wa ní, nìí, wa ɓéɖé ɓɛ́ wa ké ɔ nììn dyéɖé-ɓò ɖò wa ɖekè, mɔɔ nyɔ ɖò dyi ɔ mǔè ɖò nyɛ́nɛ́-ɓò ɖò wĩín jaɖa ní, nìí, wa ɓéɖé ɓɛ́ wa ké ɔ mɔ̀ùn nyɛ́nɛ́-ɓò ɖò wĩín jaɖa ɖekèɛ.’ 39Kɛɛ ḿ cɛ̃ɛ ɓě gbo, nyɔ ɖò dyi ɓě ɖɛ gbà bũ̌ nyu ní, ɓěǐn ɖá ɓɛ́ ɓě ké ɖɛ gbàɔ̀ kpa zà. Nyɔ ɖò dyi ɓě kpá ga taɓa ní, nìí, ɓě mɛ wɔ̃́ ɓɛ́ ɔ ké ɓěɛ̀ ga tɔ̀ɔ̀ kpá taɓa ɖekè. 40Ké nyɔ ɖò dyi ɓě súù, ké ɔ dyi ɓě zɔ̃́ín-wɔ̃-pòìn-naín kpa, ɓɛ́ ɔ ké ɓěɛ̀ wáɖá-ɖɔ̀ dyí ɖú jè ní, nìí, ɓě mɛ wɔ̃́ ɓɛ́ ɔ ké ɓěɛ̀ kótìɔ̀ dyí ɖú ɖekè. 41Ké nyɔ ɖò dyi ɓě kpɔ̃ ɓɛ́ ɓě ké ɔ gbɛ̌ kpa, ɓɛ́ ɓě ké hwìè-kpà dyúáɖò jaɖa ní, nìí, ɓě mɛ jaɖa hwìè-kpà sɔ̃́. 42Nyɔ ɖò dyi ɓě ɖɛ zɔ̀ìn ní, nìí, ɓě mɛ nyíɛ ɔ. Ké nyɔ ɖò dyi ɖɛ ɖò kpaún kpɔ̃ɔ mɔ́ ní, nìí, ɓě mɛ pòɛ̀n ɔ kpaún.
Ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú
(Ɖúù 6:27-28, 32-36)
43“Ɓě ɖǎa wɔ̃́ kà ɓɛ́ wa cɛ̃ɛ zɔ̃̌ɔ̀, ké wa ɖá, ‘Ɓě mɛ ɖɛ̀ɓɛ̀ ɓě mǔè ɓě mú, ɓɛ́ ɓě ké ɓěɛ̀ mú-nyɛ́-nyɔ̀ ɓě mú nyɛ́ɛ.’ 44Kɛɛ ḿ cɛ̃ɛ ɓě gbo, ɓě mɛ ɖɛ̀ɓɛ̀ ɓěɛ̀ mú-nyɛ́-nyɔ̀ ɓěɔ̀ mú, ké ɓě mɛ ɓaà ɓó nyɔ ɓě ɓɛ́ wa dyéìn ɓě gǎ kɛɛ bìì, 45ɓɛ́ ɓě ké ɓě Ɓǎ nìà ɖé dyɔún wɛ̃ɛ dyú ɓě jǔ. Sepóɛɖé ɔ nyu ké ɔ dyóɖóɔ̀ fã̀ìn ɖɛ-gbà-nyu-nyɔ̀ ɓěɔ̀ kè ɖɛín-ɖɛ̀-nyu-nyɔ̀ ɓěɔ̀. Ké ɔ nyí nyɔ ɓě nyu dyí-sɛ́ɖɛ́ìn-ɖɛ̀ kɛ kè nyɔ ɓě nyu ɖɛ se dyí sɛ́ɖɛ́ìn nyɛɛ ní. 46Ɔ jǔ ké ɓě dyi nyɔ ɓě ɖɛ̀ɓɛ̀ ɓě múɛɛ ɖòùn mú ɖɛ̀ɓɛ̀ ní, nìí, ɖɛ́ kɔ̃̀ jè ɓě dèà pɛ́ɛ̀-ɖɛ̀ ɖò dyé jè hwòɖǒ kɔ̃ kɛ́? Tácì-kpɔ̃-nyɔ̀ ɓěɔ̀ mɔ̀ùn nyuɛ náa ɖekè. 47Ɔ jǔ ké ɓě dyi ɓěɛ̀ ɖíí ɓě ɖòùn nyíɔún zà ní, nìí, ɓě nì ɖɛ nɔ̀mɔ̀ dyíin ɖò nyuɛń cáe? Nyɔ ɓě seà Gèɖèpɔ́ɔ̀ dyí dyuò kɛɛ mɔ̀ùn nyuɛ náa ɖekè. 48Ɓě mɛ zi dyí sɛ́ɖɛ́ǐn, kà ɓɛ́ ɓě Ɓǎ nìà ɖé dyɔún wɛ̃ɛ sɛ́ɖɛ́ìn kà dyí kɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.