Máfíò 28
28
Jízɛ̀ɛ̀ gĩɔ-wóɖó-wóɖó
(Máà 16:1-10; Ɖúù 24:1-12; Jɔ̃́ɔ́ 20:1-10)
1Ti ɓɛ́ Gèɖèpɔ́ɔ̀ fɔ̀-wèɔ̀ ɖǎ ma dyi ziɛɛ, ɓó wíkìɔ̀ wé kĩ́ín-kĩ́ínɔ̀ xwíníín nyɛɛ, Meɖé ɓɛ́ ɔ sɔ̀à ɖé Máɖèɖà-hwɔ̀ɖɔ̀ɔ̀ múɛ kè Meɖé tɔ̀ɔ̀ dùnùìn ma ɖé xwɛ́-gmààɔ̀ wĩín, ɓɛ́ wa ké ma ɖé dyé. 2Hwɛ̀ ɓɛ́ màa ɓěɔ̀ kéà ɖé xwɛ́-gmààɔ̀ wĩín muɛɛ, ɓóɖó-kpàà ɖǎ ma dyi túò, sepóɛɖé Bounɓoɔ̀ ínjà ɖò sɔ̀ ma ɖé dyɔún, ké ɔ kiɖiò ma sɔ́ɔ́-kpòɔ̀, ké ɔ zàà ma ɓóɛ ɓíɔ̀ wĩín, ké ɔ kòɛ̀ ma kɔ̃. 3Ínjàɔ̀ fã ma kà wɛ́ɖɛ́-wɛ́ɖɛ́ poà kɛ, ké ɔ mú-po-ɖɔ̀ɔ̀ nì ma séɖéé tá-tá. 4Nyɔ ɓě ɓɛ́ wa nì ma kà xwɛ́-gmààɔ̀ dyí gmɔ̀ǔn wɛ̃ɛ zi ma fɛ̃̀ǐn mìɔ, ké wa tɛɖɛ ma, ké wa nì ma kà nyɔ ɓě ɖǎà mɛ́ kɛ.
5Ké ínjà ɓɛ́ ɔ kò ma kà sɔ́ɔ́-kpòɔ̀ kɔ̃ɛɛ wùɖù ma màa ɓěɔ̀ gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ḿ dyuò kà ɓě nì Jízɛ̀ ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ dyi mɔ́uń wɛ̃. 6Ɔ se dà nì. Ɔ ɖǎ gĩɔ wóɖó kà ɔ nyuɛ ma kà cɛ̃ɛ kɛ. Ɓě dyi, ɓɛ́ ɓě ké dɛ̀ ɔ xwɛ́ɔ̀ nì ma kà kɛɛ dyé, 7ké ɓě mɛ mu wàɖà, ɓɛ́ ɓě kéɛ ɔ ɖeín-nà-nyɔ̀ ɓěɔ̀ gbo cɛ̃, ɓɛ́ ɓě ké níiń, ‘Jízɛ̀ ɖǎ gĩɔ wóɖó, ké ɔ mu ɖé ɓě dyúa ɖé Gáɖàɖíì-ɓòɖòɔ̀ kɔ̃. Ɓě mu ɖé ɔ dyéìn.’ Ɓě mɛ nyuɛ kà ḿ nyuà ɓě gbo cɛ̃ɛ kɛ.”
8Ké màa ɓěɔ̀ sɔ̀ ma ɓó xwɛ́-ɓìɔ̀ wĩín wàɖà. Wa fɛ̃̀ìn ma ní dyɛo, kɛɛ wa kpá ma múàǔn mìɔ. Wa kpa ma peɖeɛ, ɓɛ́ wa kéɛ ma ɔ ɖeín-nà-nyɔ̀ ɓěɔ̀ gbo cɛ̃.
9Wàɖà cá kɛɛ, wa kè Jízɛ̀ gmɔ̌ìn ma, ké ɔ ɖá, “Ɓě mɔ́ín.” Wa mu ma ɓó ɔ gbo, ké wa kpɔ̃ ma ɔ ɓoɔ̀ dyi, ké wa ɓiè ma ɔ. 10Púɛɛ, Jízɛ̀ cɛ̃ɛ ma wa gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ɓě mu, ɓɛ́ ɓě kéɛ ní ɖeín-nà-nyɔ̀ ɓěɔ̀ gbo cɛ̃, ɓɛ́ wa ké ɖé Gáɖàɖíì-ɓòɖòɔ̀ kɔ̃ mu. Ɖéɛ̀ wa mu ḿ dyéìn.”
Ɖɛ xwɛ́-gmààɔ̀ dyí-gmɔ̀-nyɔ̀ ɓěɔ̀ cɛ̃ ma kɛ
11Ti màa ɓěɔ̀ nì ma muɛń nyɛɛ, sójà ɓě ɓɛ́ wa nì ma kà xwɛ́-gmààɔ̀ dyí gmɔ̀ǔn wɛ̃ɛ ɖíɛ́ ɓě mu ma ɖé hwɔɖɔɔ̀ mú, ké wa cɛ̃ ma ɖɛ séín ɓě ɖǎ ma kà kpáa sáa-zà-nyɔ̀ kpa ɖɛ ɓěɔ̀ gbo. 12Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ poìn ma dyí, ké wa sɔ́ɔ ma dyí. Ké wa nyí ma sójà ɓěɔ̀ wíɖí-kpò, 13ké wa cɛ̃ɛ ma wa gbo, ké wa ɖá, “Ɓě mɛ cɛ̃ɛ, ɓɛ́ ɓě ké níiń, ‘Ɔ ɖeín-nà-nyɔ̀ ɓěɔ̀ dyi máaún ti ɓɛ́ à nì mɔ́uń wɛ̃ɛ, ké wa kpa ɔ xwɛ́ɔ̀.’ 14Páɖè dyi ɖɛ nìà kɛ jè wɔ̃́ ní, à kèɔ̀ kè mu wùɖùùn, ké ɖɛ ɖò se ɓě gbo kpáa mu.”
15Ké sójà ɓěɔ̀ ɖú ma wíɖíɔ̀ dyí, ké wa nyu ɖɛ ɓɛ́ wa cɛ̃ ma kà wa gboɛ. Ké ɖɛ nìà kɛ mɔ̀ ɖɛ ɓeìn ma ɖé Júù-nyɔ̀ ɓěɔ̀ hwìɛ̀ dyi, ké kǎà ɔ nì ke ɓó zɛ̃̌ɛ̀.
Jízɛ̀ wóɖóìn ɔ ɖeín-nà-nyɔ̀ ɓěɔ̀ dyí
(Máà 16:14-18; Ɖúù 24:36-49; Jɔ̃́ɔ́ 20:19-23; Àpɔ́sò 1:6-8)
16Sɔ̀ìn ɓóɛ gboɛɛ, ɖeín-nà-nyɔ̀ ɓaɖa-bùè sè dyúáɖò ɓěɔ̀ mu ma ɖé toɖo kɔ̃̀ dya ɓɛ́ Jízɛ̀ ɖá wa mɛ mu kà kɛ, ɖé Gáɖàɖíì-ɓòɖòɔ̀ kɔ̃. 17Ti ɓɛ́ wa dyé ma Jízɛ̀ kɛɛ, wa ɓiè ma ɔ, kɛɛ wa ɖíɛ́ ɓě hwòɖǒ sè ma kpoún. 18Ké Jízɛ̀ xwɛ̃́ìn ma wa bũ̌in, ké ɔ cɛ̃ɛ ma wa gbo, ké ɔ ɖá, “Gèɖèpɔ́ɔ̀ ɖǎ kpé séín nì ɖé dyɔún kè nɔ̄ ɓóɖó-kpàà kɔ̃ɛɛ ḿ nyí. 19Ɔ jèɛɛ, ɓě mɛ mu ɖé ɓóɖó-dù séín ɓěɔ̀ gbo, ɓɛ́ ɓě kéɛ nyu, ɓɛ́ wa ké ní ɖeín-nà-nyɔ̀ ɓě jǔ. Ɓě mɛ po wa níɔ ɖé Ɓǎɔ̀ kè Dyú-gààɔ̀ ɔ kè Zùù Hwɛ̀ǐn-hwɛ̀ǐnɔ̀ nyɛ́nɛ́ mú. 20Ɓě mɛ tɛ̀mɛ̀ìn wa ɖɛ séín ɓě ɓɛ́ ḿ ɖǎ ma ɓě gbo cɛ̃ɛ, ɓɛ́ wa kéɛ dyi kpɔ̃. Ké ɔ mɛ nì ɓě hwìɖǐi kà ní mu ɓě gbo nììn tee, ɓɛ́ ɖɛ séín ké mánáín hwɛ̀ kɛ.”
Currently Selected:
Máfíò 28: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Máfíò 28
28
Jízɛ̀ɛ̀ gĩɔ-wóɖó-wóɖó
(Máà 16:1-10; Ɖúù 24:1-12; Jɔ̃́ɔ́ 20:1-10)
1Ti ɓɛ́ Gèɖèpɔ́ɔ̀ fɔ̀-wèɔ̀ ɖǎ ma dyi ziɛɛ, ɓó wíkìɔ̀ wé kĩ́ín-kĩ́ínɔ̀ xwíníín nyɛɛ, Meɖé ɓɛ́ ɔ sɔ̀à ɖé Máɖèɖà-hwɔ̀ɖɔ̀ɔ̀ múɛ kè Meɖé tɔ̀ɔ̀ dùnùìn ma ɖé xwɛ́-gmààɔ̀ wĩín, ɓɛ́ wa ké ma ɖé dyé. 2Hwɛ̀ ɓɛ́ màa ɓěɔ̀ kéà ɖé xwɛ́-gmààɔ̀ wĩín muɛɛ, ɓóɖó-kpàà ɖǎ ma dyi túò, sepóɛɖé Bounɓoɔ̀ ínjà ɖò sɔ̀ ma ɖé dyɔún, ké ɔ kiɖiò ma sɔ́ɔ́-kpòɔ̀, ké ɔ zàà ma ɓóɛ ɓíɔ̀ wĩín, ké ɔ kòɛ̀ ma kɔ̃. 3Ínjàɔ̀ fã ma kà wɛ́ɖɛ́-wɛ́ɖɛ́ poà kɛ, ké ɔ mú-po-ɖɔ̀ɔ̀ nì ma séɖéé tá-tá. 4Nyɔ ɓě ɓɛ́ wa nì ma kà xwɛ́-gmààɔ̀ dyí gmɔ̀ǔn wɛ̃ɛ zi ma fɛ̃̀ǐn mìɔ, ké wa tɛɖɛ ma, ké wa nì ma kà nyɔ ɓě ɖǎà mɛ́ kɛ.
5Ké ínjà ɓɛ́ ɔ kò ma kà sɔ́ɔ́-kpòɔ̀ kɔ̃ɛɛ wùɖù ma màa ɓěɔ̀ gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ḿ dyuò kà ɓě nì Jízɛ̀ ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ dyi mɔ́uń wɛ̃. 6Ɔ se dà nì. Ɔ ɖǎ gĩɔ wóɖó kà ɔ nyuɛ ma kà cɛ̃ɛ kɛ. Ɓě dyi, ɓɛ́ ɓě ké dɛ̀ ɔ xwɛ́ɔ̀ nì ma kà kɛɛ dyé, 7ké ɓě mɛ mu wàɖà, ɓɛ́ ɓě kéɛ ɔ ɖeín-nà-nyɔ̀ ɓěɔ̀ gbo cɛ̃, ɓɛ́ ɓě ké níiń, ‘Jízɛ̀ ɖǎ gĩɔ wóɖó, ké ɔ mu ɖé ɓě dyúa ɖé Gáɖàɖíì-ɓòɖòɔ̀ kɔ̃. Ɓě mu ɖé ɔ dyéìn.’ Ɓě mɛ nyuɛ kà ḿ nyuà ɓě gbo cɛ̃ɛ kɛ.”
8Ké màa ɓěɔ̀ sɔ̀ ma ɓó xwɛ́-ɓìɔ̀ wĩín wàɖà. Wa fɛ̃̀ìn ma ní dyɛo, kɛɛ wa kpá ma múàǔn mìɔ. Wa kpa ma peɖeɛ, ɓɛ́ wa kéɛ ma ɔ ɖeín-nà-nyɔ̀ ɓěɔ̀ gbo cɛ̃.
9Wàɖà cá kɛɛ, wa kè Jízɛ̀ gmɔ̌ìn ma, ké ɔ ɖá, “Ɓě mɔ́ín.” Wa mu ma ɓó ɔ gbo, ké wa kpɔ̃ ma ɔ ɓoɔ̀ dyi, ké wa ɓiè ma ɔ. 10Púɛɛ, Jízɛ̀ cɛ̃ɛ ma wa gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ɓě mu, ɓɛ́ ɓě kéɛ ní ɖeín-nà-nyɔ̀ ɓěɔ̀ gbo cɛ̃, ɓɛ́ wa ké ɖé Gáɖàɖíì-ɓòɖòɔ̀ kɔ̃ mu. Ɖéɛ̀ wa mu ḿ dyéìn.”
Ɖɛ xwɛ́-gmààɔ̀ dyí-gmɔ̀-nyɔ̀ ɓěɔ̀ cɛ̃ ma kɛ
11Ti màa ɓěɔ̀ nì ma muɛń nyɛɛ, sójà ɓě ɓɛ́ wa nì ma kà xwɛ́-gmààɔ̀ dyí gmɔ̀ǔn wɛ̃ɛ ɖíɛ́ ɓě mu ma ɖé hwɔɖɔɔ̀ mú, ké wa cɛ̃ ma ɖɛ séín ɓě ɖǎ ma kà kpáa sáa-zà-nyɔ̀ kpa ɖɛ ɓěɔ̀ gbo. 12Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ poìn ma dyí, ké wa sɔ́ɔ ma dyí. Ké wa nyí ma sójà ɓěɔ̀ wíɖí-kpò, 13ké wa cɛ̃ɛ ma wa gbo, ké wa ɖá, “Ɓě mɛ cɛ̃ɛ, ɓɛ́ ɓě ké níiń, ‘Ɔ ɖeín-nà-nyɔ̀ ɓěɔ̀ dyi máaún ti ɓɛ́ à nì mɔ́uń wɛ̃ɛ, ké wa kpa ɔ xwɛ́ɔ̀.’ 14Páɖè dyi ɖɛ nìà kɛ jè wɔ̃́ ní, à kèɔ̀ kè mu wùɖùùn, ké ɖɛ ɖò se ɓě gbo kpáa mu.”
15Ké sójà ɓěɔ̀ ɖú ma wíɖíɔ̀ dyí, ké wa nyu ɖɛ ɓɛ́ wa cɛ̃ ma kà wa gboɛ. Ké ɖɛ nìà kɛ mɔ̀ ɖɛ ɓeìn ma ɖé Júù-nyɔ̀ ɓěɔ̀ hwìɛ̀ dyi, ké kǎà ɔ nì ke ɓó zɛ̃̌ɛ̀.
Jízɛ̀ wóɖóìn ɔ ɖeín-nà-nyɔ̀ ɓěɔ̀ dyí
(Máà 16:14-18; Ɖúù 24:36-49; Jɔ̃́ɔ́ 20:19-23; Àpɔ́sò 1:6-8)
16Sɔ̀ìn ɓóɛ gboɛɛ, ɖeín-nà-nyɔ̀ ɓaɖa-bùè sè dyúáɖò ɓěɔ̀ mu ma ɖé toɖo kɔ̃̀ dya ɓɛ́ Jízɛ̀ ɖá wa mɛ mu kà kɛ, ɖé Gáɖàɖíì-ɓòɖòɔ̀ kɔ̃. 17Ti ɓɛ́ wa dyé ma Jízɛ̀ kɛɛ, wa ɓiè ma ɔ, kɛɛ wa ɖíɛ́ ɓě hwòɖǒ sè ma kpoún. 18Ké Jízɛ̀ xwɛ̃́ìn ma wa bũ̌in, ké ɔ cɛ̃ɛ ma wa gbo, ké ɔ ɖá, “Gèɖèpɔ́ɔ̀ ɖǎ kpé séín nì ɖé dyɔún kè nɔ̄ ɓóɖó-kpàà kɔ̃ɛɛ ḿ nyí. 19Ɔ jèɛɛ, ɓě mɛ mu ɖé ɓóɖó-dù séín ɓěɔ̀ gbo, ɓɛ́ ɓě kéɛ nyu, ɓɛ́ wa ké ní ɖeín-nà-nyɔ̀ ɓě jǔ. Ɓě mɛ po wa níɔ ɖé Ɓǎɔ̀ kè Dyú-gààɔ̀ ɔ kè Zùù Hwɛ̀ǐn-hwɛ̀ǐnɔ̀ nyɛ́nɛ́ mú. 20Ɓě mɛ tɛ̀mɛ̀ìn wa ɖɛ séín ɓě ɓɛ́ ḿ ɖǎ ma ɓě gbo cɛ̃ɛ, ɓɛ́ wa kéɛ dyi kpɔ̃. Ké ɔ mɛ nì ɓě hwìɖǐi kà ní mu ɓě gbo nììn tee, ɓɛ́ ɖɛ séín ké mánáín hwɛ̀ kɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.