Máfíò 17
17
Jízɛ̀ zĩàìn gbo
(Máà 9:2-13; Ɖúù 9:28-36)
1Ti ɓɛ́ wé mɛ̀nɛ̌ìn-ɖò ɖǎ ma ziɛɛ, Jízɛ̀ ɖú ma Píɖɛ̀ kè Jĩ́ìn ɔ kè Jĩ́ìn ɖíí-gàà Jɔ̃́ɔ́ dyí, ké ɔ kpa ma wa ɖé toɖo tɔ̀mɔ̀ dya ɖò dúún. 2Ké ɔ zĩàìn ma gbo ɓó wa dyúa. Ɔ dyúa-kpàɔ̀ fã ma kà dyóɖóɔ̀ fãà kɛ, ké ɔ mú-po-ɖɔ̀ɔ̀ nì ma púú kà ce nìà kɛ. 3Púɛɛ, Mózè kè Ìɖáájɔ̀ wóɖóìn ma wa dyí, ké wa kè Jízɛ̀ nì ma wùɖùɛ̌n. 4Ké Píɖɛ̀ cɛ̃ɛ ma Jízɛ̀ gbo, ké ɔ ɖá, “Bounɓo, ɔ nɔ̀mɔ̀ dyíin ɓɛ́ à ké dà nì. M̀ dyi mɔ́ ɓɛ́ ḿ ké dà ɓó ɓeè-dyù tã po, ɓɛ́ m̀ ké dyúáɖò kɔ̃̀, ɓɛ́ Mózè ké dyúáɖò kɔ̃̀, ɓɛ́ Ìɖáájɔ̀ ké dyúáɖò kɔ̃̀ ní, nìí, ní muɛ náa nyuùn.”
5Ti ɓɛ́ ɔ nì ma wùɖùɛ̌n keɛɛ, púɛɛ, ní-kpò púú ɖò ɓáìn ma wa kɔ̃in, ké wuɖu ɖò sɔ̀ìn ma ɖé ní-kpòɔ̀ mú, ké wuɖuɔ̀ ɖá, “Nyɔ nìà kɛ mɔ̀ ní hwòɖǒ-kɔ̃-dè-dyùɔ̀. Ní hwòɖǒ dèìn ɔ múin. Ɓě mɛ tò ɔ gbo ɖùǔ.”
6Ti ɓɛ́ ɖeín-nà-nyɔ̀ ɓěɔ̀ wɔ̃́ ma ɖɛa kɛɛ, díɖí taɓa ma wa mìɔ, ké wa jìɖǐ ma ɓó ɓíɖíi dyi. 7Ké Jízɛ̀ dyi ma ɓó wa gbo, ké ɔ tìnììn ma wa dyi, ké ɔ ɖá, “Ɓě sɔ̀ dyí. Ɓě ɓɔ́ fɛ̃̀ìn.” 8Ti ɓɛ́ wa ɖú ma dyéɖé dyiíɛɛ, wa se ma nyɔ kà kò ɖò dyé ɖe, ɔ sèìn ma Jízɛ̀ ɖòùn.
9Ti ɓɛ́ wa kè Jízɛ̀ nì ma ɖé toɖoɔ̀ dya sɔ̀ǔn wɛ̃ɛ, ɔ cɛ̃ɛ ma wa gbo, ké ɔ ɖá, “Dyí-tɛ̀mɛ̀ìn-ɖɛ̀ ɓɛ́ ɓě ɖǎà dyéɛɛ, ɓě ní cɛ̃ ɔ jè nyɔ ɖò gbo, ɓɛ́ mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ ké gĩɔ wóɖó hwɛ̀.”
10Hwɛ̀ ké ɖeín-nà-nyɔ̀ ɓěɔ̀ diè ma ɔ dyi, ké wa ɖá, “Ɖɛ́ kɔ̃̀ jè Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ cɛ̃à kà Ìɖáájɔ̀ ɓéɖé ɓɛ́ ɔ ké dyi kĩ́ín hwɛ̀ ɓɛ́ Kɛ́ɖɛ́ìɔ̀ kéà dyi kɛ́?”
11Ké Jízɛ̀ zà ma ɖé wuɖu, ké ɔ ɖá, “Jǎà jɛ́ɛ́, Ìɖáájɔ̀ mu dyiìn kĩ́ín, ké ɔ mu ɖɛ séín páún poùn. 12Kɛɛ ḿ cɛ̃ɛ ɓě gbo kà ɓɛ́ Ìɖáájɔ̀ ɖǎ dyi nɔ̀ɔ̀, ké nyɔ ɓěɔ̀ se ma ɔ dyí dyuò kɛ. Wa nyu ma ɖɛ ɓě ɓɛ́ wa mɔ́ ma ɔ bũ̌ nyuɛ dyiɛɛ ɔ bũ̌. Kà dyúáɖòɔ̀ kǎà wa mu mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ gǎ dyéìn ɖekè.”
13Púɛɛ, ɖeín-nà-nyɔ̀ ɓěɔ̀ wɔ̃́ɔ ma múin kà ɓɛ́ ɔ nì ma Jɔ̃́ɔ́ nyɔ-níɔ-po-nyɔ̀ɔ̀ jè wa gbo cɛ̃iń nyɛ.
Jízɛ̀ zà zùù gbà gàa-dyù-gbɔ́ɔ́ ɖò mú
(Máà 9:14-29; Ɖúù 9:37-43a)
14Ti ɓɛ́ wa nyini ma ɖé nyɔ kúɖúú ɓěɔ̀ hwìɛ̀ ɖeɛɛ, gàa ɖò dyi ma Jízɛ̀ gbo, ké ɔ taɓa ma kɔ́-dù hwuɖu ɓó ɔ dyúa, ké ɔ cɛ̃ɛ ma ɔ gbo, ké ɔ ɖá, 15“Ɓɔ̌ɔ̀, dyé ní dyú-gààɔ̀ wìǐn. Ɔ ɓéɖé sǐì-wɛ̀, ké ɔ nì gǎ dyéɛń mìɔ. Ɔ kpá dyéɖé, ké ɔ ɓùɖùìn níɔ kpɛ́-kpɛ́. 16Ḿ dyàɔ̌ má ɔ nì ɖeín-nà-nyɔ̀ ɓěɔ̀ gbo, kɛɛ wa se ɔ dyi kánáìn ɓɛ́ìn.”
17Ké Jízɛ̀ zà ma ɖé wuɖu, ké ɔ ɖá, “Kē! Ɓě mɔ̀à nyɔ ɓě seà hwìɖǐǐ-taɓa-taɓa ɓéɖé, ké ɓě mɔ̀à hwòɖǒ-kɔ̃in-nyìnììn-nyɔ̀ ɓěɛɛ, xwɛ̌ ḿ mɛ nyuá ɓě gbo hwèɖèɛ̀n nyɛ́? Xwɛ̌ ḿ mɛ nyuá ɓěɛ̀ kpeɖe hwìɖǐi kùɛ̀n nyɛ́? Dyà nɔ̄ nì dyúɔ̀ ḿ gbo.” 18Ké Jízɛ̀ wùɖù ma zùù gbà nì ma kà dyúɔ̀ múɛɛ gbo gana-kà, ké zùù gbàɔ̀ sɔ̀ ma dyúɔ̀ mú, ké ɔ káná ma dyi wàɖà.
19Ti ɓɛ́ nyɔ ɖò se ma Jízɛ̀ ɖei nì ɖeɛɛ, ɖeín-nà-nyɔ̀ ɓěɔ̀ diè ma ɔ dyi, ké wa ɖá, “Ɖɛ́ kɔ̃̀ jè à mɔ̀ùn seà zùù gbàɔ̀ dyúɔ̀ mú zàà ɓɛ́ìn nyɛ́?”
20Ké ɔ cɛ̃ɛ ma wa gbo, ké ɔ ɖá, “Ɔ mɔ̀, ɓě se hwìɖǐǐ-taɓa-taɓa ɓéɖé jè. Ḿ cɛ̃ ɓě jǎà gbo, ɓě dyiɔ́ hwìɖǐǐ-taɓa-taɓa ɓɛ́ ɔ kè dyɛ̀ɛ̀-dyùà ɓɛ́ìn nyɛɛ ɓéɖé ní, nìí, ɓě muɛ toɖo nìà kɛ gbo cɛ̃ìn, ɓɛ́ ɓě ké níiń, ‘Sɔ̀ dà dyí, ɓɛ́ m̀ ké ɖéa ɖé mu,’ ké ɔ mu daí sɔ̀ìn. Ɓě mu ɖɛ séín nyuɛ ɓɛ́ìn. [ 21Zùù gbàɔ̀ nyɔ nìà kɛɛ, ɓě ɓɛ́ìn nyɔǔn mú zàà dyììn ɖé wɔ̃-kɔ̃-hwèɖè-hwèɖè kè ɓaà-ɓaà ɖòùn mú.”]
Jízɛ̀ cɛ̃ ɔ mɛ́ jèɔ̀ ɖe
(Máà 9:30-32; Ɖúù 9:43b-45)
22Ti ɓɛ́ ɖeín-nà-nyɔ̀ ɓěɔ̀ séín poìn ma dyí ɖé Gáɖàɖíì-ɓòɖòɔ̀ kɔ̃ɛɛ, Jízɛ̀ cɛ̃ɛ ma wa gbo, ké ɔ ɖá, “Wa mu mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ nyɔ ɓěɔ̀ xwaún dyi poùn. 23Ké nyɔ ɓěɔ̀ mu ḿ ɖáɓáùn, kɛɛ ní mu gĩɔ wóɖóùn ɓó wéɔ̀ tã nììnɔ̀ xwíníín.” Púɛɛ, ɖeín-nà-nyɔ̀ ɓěɔ̀ hwòɖǒ zi ma ɖé ɖei kpáuń ɓó ɖɛ ɔ cɛ̃à kɛɛ jè.
Jízɛ̀ pɛ́ɛ̀ Gèɖèpɔ́ɔ̀ gbǒɔ̀ tácì
24Ti ɓɛ́ Jízɛ̀ kè ɔ ɖeín-nà-nyɔ̀ ɓěɔ̀ dyi ma ɖé Kɔ̀pánìà-hwɔ̀ɖɔ̀ɔ̀ mú kɛɛ, nyɔ ɓě ɓɛ́ wa kpɔ̃à tácì ɓó Gèɖèpɔ́ɔ̀ gbǒɔ̀ jè kɛɛ dyi ma Píɖɛ̀ gbo, ké wa diè ma ɔ dyi, ké wa ɖá, “Ɓěɛ̀ ɖɛ-tɛ̀mɛ̀ìn-nyɔ̀ɔ̀ pɛ́ɛ̀ Gèɖèpɔ́ɔ̀ gbǒɔ̀ tácìɔ̀ níì?”
25Ké Píɖɛ̀ ɖá, “Ǹdye.”
Ti ɓɛ́ Píɖɛ̀ mu ma ɖé gbǒɔ̀ múɛɛ, hwɛ̀ ɓɛ́ ɔ ké ma tácìɔ̀ jè cɛ̃ɛ, Jízɛ̀ diè ma ɔ dyi, ké ɔ ɖá, “Sã́ɓò, m̀ poìn hwìɖǐiɛɛ, nyɛ́ mɔ̀ tácì kè gɔ̌mànà-wìɖì tɔ̀ɔ̀ ɓě pɛ́ɛ̀-nyɔ̀ ɖé kã́á ɓě dyéɖéín nyɛ́? Ɔ mɔ̀ ɓóɖó-dyù ɓěɔ̀, mɔɔ ɔ mɔ̀ ɖéè ɓěè?”#17:25 Ɓó tia ɓaɖaa, kã́á ní kpɔ̃ ɓóɖó-dyù dyi, ɓɛ́ ɔ ké tácì pɛ́ɛ̀. Nyɔ ɓě mɔ̀ zɔ̃̌ɔ̀ tácì-pɛ́ɛ̀-nyɔ̀ kɛɛ mɔ̀ nyɔ ɓě ɓɛ́ kã́áɔ̀ ɖu toún wɛ̃.
26Ké Píɖɛ̀ ɖá, “Ɔ mɔ̀ ɖéè ɓěɔ̀e.”
Hwɛ̀ ké Jízɛ̀ ɖá, “Ɔ xwíníín mɔ̀, ɓóɖó-dyù ɓěɔ̀ se ɓéɖé ɓɛ́ wa ké tácì pɛ́ɛ̀. 27Kɛɛ à se mɔ́ ɓɛ́ à ké nyɔ ɓě nìà kɛ hwòɖǒ ɖé ɖei po. Ɔ jèɛɛ, mu ɖé dòùnɓìǎɔ̀ wĩín, ɓɛ́ m̀ ké nì xwɛ̃ɛ́ po. Zimii kĩ́ín-kĩ́ín ɓɛ́ nì mu zàùn wɛ̃ɛ, nì mu wíɖí-pĩ̀à ɖò ɖé ɔ wɔ̃ún dyéìn. Ɖú wíɖíɔ̀ dyí, ɓɛ́ m̀ kéɛ wa nyí ɓó ḿ kè mɔ̀ nììn Gèɖèpɔ́ɔ̀ gbǒɔ̀ tácì-wìɖìɔ̀ jè.”
Currently Selected:
Máfíò 17: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Máfíò 17
17
Jízɛ̀ zĩàìn gbo
(Máà 9:2-13; Ɖúù 9:28-36)
1Ti ɓɛ́ wé mɛ̀nɛ̌ìn-ɖò ɖǎ ma ziɛɛ, Jízɛ̀ ɖú ma Píɖɛ̀ kè Jĩ́ìn ɔ kè Jĩ́ìn ɖíí-gàà Jɔ̃́ɔ́ dyí, ké ɔ kpa ma wa ɖé toɖo tɔ̀mɔ̀ dya ɖò dúún. 2Ké ɔ zĩàìn ma gbo ɓó wa dyúa. Ɔ dyúa-kpàɔ̀ fã ma kà dyóɖóɔ̀ fãà kɛ, ké ɔ mú-po-ɖɔ̀ɔ̀ nì ma púú kà ce nìà kɛ. 3Púɛɛ, Mózè kè Ìɖáájɔ̀ wóɖóìn ma wa dyí, ké wa kè Jízɛ̀ nì ma wùɖùɛ̌n. 4Ké Píɖɛ̀ cɛ̃ɛ ma Jízɛ̀ gbo, ké ɔ ɖá, “Bounɓo, ɔ nɔ̀mɔ̀ dyíin ɓɛ́ à ké dà nì. M̀ dyi mɔ́ ɓɛ́ ḿ ké dà ɓó ɓeè-dyù tã po, ɓɛ́ m̀ ké dyúáɖò kɔ̃̀, ɓɛ́ Mózè ké dyúáɖò kɔ̃̀, ɓɛ́ Ìɖáájɔ̀ ké dyúáɖò kɔ̃̀ ní, nìí, ní muɛ náa nyuùn.”
5Ti ɓɛ́ ɔ nì ma wùɖùɛ̌n keɛɛ, púɛɛ, ní-kpò púú ɖò ɓáìn ma wa kɔ̃in, ké wuɖu ɖò sɔ̀ìn ma ɖé ní-kpòɔ̀ mú, ké wuɖuɔ̀ ɖá, “Nyɔ nìà kɛ mɔ̀ ní hwòɖǒ-kɔ̃-dè-dyùɔ̀. Ní hwòɖǒ dèìn ɔ múin. Ɓě mɛ tò ɔ gbo ɖùǔ.”
6Ti ɓɛ́ ɖeín-nà-nyɔ̀ ɓěɔ̀ wɔ̃́ ma ɖɛa kɛɛ, díɖí taɓa ma wa mìɔ, ké wa jìɖǐ ma ɓó ɓíɖíi dyi. 7Ké Jízɛ̀ dyi ma ɓó wa gbo, ké ɔ tìnììn ma wa dyi, ké ɔ ɖá, “Ɓě sɔ̀ dyí. Ɓě ɓɔ́ fɛ̃̀ìn.” 8Ti ɓɛ́ wa ɖú ma dyéɖé dyiíɛɛ, wa se ma nyɔ kà kò ɖò dyé ɖe, ɔ sèìn ma Jízɛ̀ ɖòùn.
9Ti ɓɛ́ wa kè Jízɛ̀ nì ma ɖé toɖoɔ̀ dya sɔ̀ǔn wɛ̃ɛ, ɔ cɛ̃ɛ ma wa gbo, ké ɔ ɖá, “Dyí-tɛ̀mɛ̀ìn-ɖɛ̀ ɓɛ́ ɓě ɖǎà dyéɛɛ, ɓě ní cɛ̃ ɔ jè nyɔ ɖò gbo, ɓɛ́ mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ ké gĩɔ wóɖó hwɛ̀.”
10Hwɛ̀ ké ɖeín-nà-nyɔ̀ ɓěɔ̀ diè ma ɔ dyi, ké wa ɖá, “Ɖɛ́ kɔ̃̀ jè Gèɖèpɔ́ɔ̀-cèè-ɖɛ̀ dyuò-nyɔ̀ ɓěɔ̀ cɛ̃à kà Ìɖáájɔ̀ ɓéɖé ɓɛ́ ɔ ké dyi kĩ́ín hwɛ̀ ɓɛ́ Kɛ́ɖɛ́ìɔ̀ kéà dyi kɛ́?”
11Ké Jízɛ̀ zà ma ɖé wuɖu, ké ɔ ɖá, “Jǎà jɛ́ɛ́, Ìɖáájɔ̀ mu dyiìn kĩ́ín, ké ɔ mu ɖɛ séín páún poùn. 12Kɛɛ ḿ cɛ̃ɛ ɓě gbo kà ɓɛ́ Ìɖáájɔ̀ ɖǎ dyi nɔ̀ɔ̀, ké nyɔ ɓěɔ̀ se ma ɔ dyí dyuò kɛ. Wa nyu ma ɖɛ ɓě ɓɛ́ wa mɔ́ ma ɔ bũ̌ nyuɛ dyiɛɛ ɔ bũ̌. Kà dyúáɖòɔ̀ kǎà wa mu mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ gǎ dyéìn ɖekè.”
13Púɛɛ, ɖeín-nà-nyɔ̀ ɓěɔ̀ wɔ̃́ɔ ma múin kà ɓɛ́ ɔ nì ma Jɔ̃́ɔ́ nyɔ-níɔ-po-nyɔ̀ɔ̀ jè wa gbo cɛ̃iń nyɛ.
Jízɛ̀ zà zùù gbà gàa-dyù-gbɔ́ɔ́ ɖò mú
(Máà 9:14-29; Ɖúù 9:37-43a)
14Ti ɓɛ́ wa nyini ma ɖé nyɔ kúɖúú ɓěɔ̀ hwìɛ̀ ɖeɛɛ, gàa ɖò dyi ma Jízɛ̀ gbo, ké ɔ taɓa ma kɔ́-dù hwuɖu ɓó ɔ dyúa, ké ɔ cɛ̃ɛ ma ɔ gbo, ké ɔ ɖá, 15“Ɓɔ̌ɔ̀, dyé ní dyú-gààɔ̀ wìǐn. Ɔ ɓéɖé sǐì-wɛ̀, ké ɔ nì gǎ dyéɛń mìɔ. Ɔ kpá dyéɖé, ké ɔ ɓùɖùìn níɔ kpɛ́-kpɛ́. 16Ḿ dyàɔ̌ má ɔ nì ɖeín-nà-nyɔ̀ ɓěɔ̀ gbo, kɛɛ wa se ɔ dyi kánáìn ɓɛ́ìn.”
17Ké Jízɛ̀ zà ma ɖé wuɖu, ké ɔ ɖá, “Kē! Ɓě mɔ̀à nyɔ ɓě seà hwìɖǐǐ-taɓa-taɓa ɓéɖé, ké ɓě mɔ̀à hwòɖǒ-kɔ̃in-nyìnììn-nyɔ̀ ɓěɛɛ, xwɛ̌ ḿ mɛ nyuá ɓě gbo hwèɖèɛ̀n nyɛ́? Xwɛ̌ ḿ mɛ nyuá ɓěɛ̀ kpeɖe hwìɖǐi kùɛ̀n nyɛ́? Dyà nɔ̄ nì dyúɔ̀ ḿ gbo.” 18Ké Jízɛ̀ wùɖù ma zùù gbà nì ma kà dyúɔ̀ múɛɛ gbo gana-kà, ké zùù gbàɔ̀ sɔ̀ ma dyúɔ̀ mú, ké ɔ káná ma dyi wàɖà.
19Ti ɓɛ́ nyɔ ɖò se ma Jízɛ̀ ɖei nì ɖeɛɛ, ɖeín-nà-nyɔ̀ ɓěɔ̀ diè ma ɔ dyi, ké wa ɖá, “Ɖɛ́ kɔ̃̀ jè à mɔ̀ùn seà zùù gbàɔ̀ dyúɔ̀ mú zàà ɓɛ́ìn nyɛ́?”
20Ké ɔ cɛ̃ɛ ma wa gbo, ké ɔ ɖá, “Ɔ mɔ̀, ɓě se hwìɖǐǐ-taɓa-taɓa ɓéɖé jè. Ḿ cɛ̃ ɓě jǎà gbo, ɓě dyiɔ́ hwìɖǐǐ-taɓa-taɓa ɓɛ́ ɔ kè dyɛ̀ɛ̀-dyùà ɓɛ́ìn nyɛɛ ɓéɖé ní, nìí, ɓě muɛ toɖo nìà kɛ gbo cɛ̃ìn, ɓɛ́ ɓě ké níiń, ‘Sɔ̀ dà dyí, ɓɛ́ m̀ ké ɖéa ɖé mu,’ ké ɔ mu daí sɔ̀ìn. Ɓě mu ɖɛ séín nyuɛ ɓɛ́ìn. [ 21Zùù gbàɔ̀ nyɔ nìà kɛɛ, ɓě ɓɛ́ìn nyɔǔn mú zàà dyììn ɖé wɔ̃-kɔ̃-hwèɖè-hwèɖè kè ɓaà-ɓaà ɖòùn mú.”]
Jízɛ̀ cɛ̃ ɔ mɛ́ jèɔ̀ ɖe
(Máà 9:30-32; Ɖúù 9:43b-45)
22Ti ɓɛ́ ɖeín-nà-nyɔ̀ ɓěɔ̀ séín poìn ma dyí ɖé Gáɖàɖíì-ɓòɖòɔ̀ kɔ̃ɛɛ, Jízɛ̀ cɛ̃ɛ ma wa gbo, ké ɔ ɖá, “Wa mu mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ nyɔ ɓěɔ̀ xwaún dyi poùn. 23Ké nyɔ ɓěɔ̀ mu ḿ ɖáɓáùn, kɛɛ ní mu gĩɔ wóɖóùn ɓó wéɔ̀ tã nììnɔ̀ xwíníín.” Púɛɛ, ɖeín-nà-nyɔ̀ ɓěɔ̀ hwòɖǒ zi ma ɖé ɖei kpáuń ɓó ɖɛ ɔ cɛ̃à kɛɛ jè.
Jízɛ̀ pɛ́ɛ̀ Gèɖèpɔ́ɔ̀ gbǒɔ̀ tácì
24Ti ɓɛ́ Jízɛ̀ kè ɔ ɖeín-nà-nyɔ̀ ɓěɔ̀ dyi ma ɖé Kɔ̀pánìà-hwɔ̀ɖɔ̀ɔ̀ mú kɛɛ, nyɔ ɓě ɓɛ́ wa kpɔ̃à tácì ɓó Gèɖèpɔ́ɔ̀ gbǒɔ̀ jè kɛɛ dyi ma Píɖɛ̀ gbo, ké wa diè ma ɔ dyi, ké wa ɖá, “Ɓěɛ̀ ɖɛ-tɛ̀mɛ̀ìn-nyɔ̀ɔ̀ pɛ́ɛ̀ Gèɖèpɔ́ɔ̀ gbǒɔ̀ tácìɔ̀ níì?”
25Ké Píɖɛ̀ ɖá, “Ǹdye.”
Ti ɓɛ́ Píɖɛ̀ mu ma ɖé gbǒɔ̀ múɛɛ, hwɛ̀ ɓɛ́ ɔ ké ma tácìɔ̀ jè cɛ̃ɛ, Jízɛ̀ diè ma ɔ dyi, ké ɔ ɖá, “Sã́ɓò, m̀ poìn hwìɖǐiɛɛ, nyɛ́ mɔ̀ tácì kè gɔ̌mànà-wìɖì tɔ̀ɔ̀ ɓě pɛ́ɛ̀-nyɔ̀ ɖé kã́á ɓě dyéɖéín nyɛ́? Ɔ mɔ̀ ɓóɖó-dyù ɓěɔ̀, mɔɔ ɔ mɔ̀ ɖéè ɓěè?”#17:25 Ɓó tia ɓaɖaa, kã́á ní kpɔ̃ ɓóɖó-dyù dyi, ɓɛ́ ɔ ké tácì pɛ́ɛ̀. Nyɔ ɓě mɔ̀ zɔ̃̌ɔ̀ tácì-pɛ́ɛ̀-nyɔ̀ kɛɛ mɔ̀ nyɔ ɓě ɓɛ́ kã́áɔ̀ ɖu toún wɛ̃.
26Ké Píɖɛ̀ ɖá, “Ɔ mɔ̀ ɖéè ɓěɔ̀e.”
Hwɛ̀ ké Jízɛ̀ ɖá, “Ɔ xwíníín mɔ̀, ɓóɖó-dyù ɓěɔ̀ se ɓéɖé ɓɛ́ wa ké tácì pɛ́ɛ̀. 27Kɛɛ à se mɔ́ ɓɛ́ à ké nyɔ ɓě nìà kɛ hwòɖǒ ɖé ɖei po. Ɔ jèɛɛ, mu ɖé dòùnɓìǎɔ̀ wĩín, ɓɛ́ m̀ ké nì xwɛ̃ɛ́ po. Zimii kĩ́ín-kĩ́ín ɓɛ́ nì mu zàùn wɛ̃ɛ, nì mu wíɖí-pĩ̀à ɖò ɖé ɔ wɔ̃ún dyéìn. Ɖú wíɖíɔ̀ dyí, ɓɛ́ m̀ kéɛ wa nyí ɓó ḿ kè mɔ̀ nììn Gèɖèpɔ́ɔ̀ gbǒɔ̀ tácì-wìɖìɔ̀ jè.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.