Ɖìvéɖékɔ̀ 5
5
Ɖɛ ɓě kɔ̃̀ jè Éézùɖùɛ̀-nyɔ̀ ɓěɔ̀ ɓéɖé wa ké nàmàǔn-sàǎ-zàìn-ɖɛ̀ dyà kɛ
1“Ɔ jǔ ké zaa-wɔ̃-po-nyɔ̀ ɓěɔ̀ dyi nyɔ ɖò ɓɛ́ ɔ wɔ̃́ ɖɛ ɖò, mɔɔ ké ɔ dyé ɖɛ ɖòɛɛ kpɔ̃, ɓɛ́ ɔ ké zàse-nyɔ̀ jǔ, ké ɔ se ɖɛ ɔ wɔ̃́à mɔɔ ɔ dyéà kɛɛ cɛ̃ ní, nìí, ɔ nyu nàmàǔn, ké ɔ muɛ kpa dyí ɖúùn.
2“Ɔ jǔ ké nyɔ ɖò seó ɖei dyé, ké ɔ dyi ɖɛ ɓɛ́ ḿ ɖá ɔ se mú hwɛ̀ kɛɛ ɖò dyi tìnììn ní, ɔ hwɔìn kà xwáɖá-xwíɖíi-nìmìì ɖòɛ̀ xwɛ́ mɔɔ nyúà-ɖɛ̀ ɖòɛ̀ xwɛ́ mɔɔ ɓíɖíi-dyi-nà-ɖɛ̀ ɖòɛ̀ xwɛ́ ní, nìí, ɖɛ ɔ tìnìàìn dyiɛɛ nyu ké ɔ se mú hwɛ̀, ké zaa kpɔ̃ ɔ ní ɓóɛ jè.
3“Ɔ jǔ ké nyɔ ɖò seó ɖei dyé, ké ɔ dyi ɖɛ se mú hwɛ̀, ɓɛ́ ɔ sɔ̀ nyɔ ɖò bũ̌ɛɛ#5:3 Se-mú-hwɛ̀-ɖɛ̀ ɓěɔ̀ ɖíɛ́ ɓě nì ɖé Ɖìvéɖékɔ̀ 12–15 mú. dyi tìnììn ní, nìí, ɔ mɔ̀ùn se mú hwɛ̀ ɖekè. Ké ti ɓɛ́ ɔ muɛ jè dyuòùn wɛ̃ɛ ní, ɔ muɛ dyuòùn kà zaa ɖǎ ɔ kpɔ̃ nɔ̀ɔ̀ ɓóɛ jèɛ.
4“Ɔ jǔ ké nyɔ ɖò se hwìɖǐi poìn, ké ɔ dyi gboò ɓá ɖɛín-ɖɛ̀ ɖò mɔɔ ɖɛ gbà ɖò ɔ mu nyuùn wɛ̃ɛ jè dyí, hwɛ̀ ké hwòɖǒ dyi ɔ gbo dyi ɓá ɖɛ ɔ cɛ̃à kɛɛ jè dyí ní, nìí, ti ɔ muɛ dyuòùn wɛ̃ɛ ní, ɔ muɛ dyuòùn kà zaa ɖǎ ɔ kpɔ̃ nɔ̀ɔ̀ ɓá ɖɛɔ̀ jè dyíɛ.
5“Ti ɓɛ́ zaa nì kàà mu nyɔ ɖò kpɔ̃ùn ɖé ɖɛ ɓěɛ̀ ɖò múɛɛ ní, ɔ mɛ wɔ̃́ìn ɖɛ gbà ɔ nyuà kɛɛ mú ɓó nyɔǔn dyúa. 6Ɔ ɖǎa náa nyuín, nìí, ɔ mɛ dyà sáa-zàìn-ɖɛ̀ ɖò ḿ gbo ɓó ɔ nàmàǔnɔ̀ jè, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Ɖɛɔ̀ mɛ mɔ̀ ɓáɖáá nyɔ́nɔ́ mɔɔ gbǎà nyɔ́nɔ́ ɖò. Ké sáa-zà-nyɔ̀ɔ̀ mɛ zàìn nyúà-ɖɛ̀ɔ̀ sáa, ɓɛ́ ɔ ké nyɔɔ̀ nàmàǔnɔ̀ kɔ̃in-ɓáìn-ɖɛ̀ jǔ.
7“Ɔ jǔ ké ɔ se ɓáɖáá mɔɔ wiɖi ɖò dyéɛ ɓɛ́ìn ní, nìí, ɔ mɛ dyà gbúɛ́-kpò sɔ̃́ mɔɔ póo-póo-kpò sɔ̃́ ḿ gbo, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Dyúáɖò mɛ mɔ̀ nàmàǔn-sàǎ-zàìn-ɖɛ̀, ɓɛ́ dyúáɖò ké fɔ̃ɔ-sàǎ-zàìn-ɖɛ̀ jǔ. 8Ɔ mɛ dyà wa sáa-zà-nyɔ̀ɔ̀ gbo, ɓɛ́ sáa-zà-nyɔ̀ɔ̀ ké naàɔ̀ ɖò ɖáɓá kĩ́ín ɓó nàmàǔn-sàǎ-zàìn-ɖɛ̀ jè. Kǎà ɔ mɛ nyuɛ kà. Ɔ mɛ táɖáìn naàɔ̀ bùnùɔ̀ mú, ɓɛ́ ɔ ké jɛ̀ɖɛ̀, kɛɛ ɔ mɛ ɓɔ́ɔ dúɔ̀ ɓó cɛ̃ɛ. 9Ɔ ɖǎa náa nyuín, nìí, ɔ mɛ mɛ́nɛ́ìn nàmàǔn-sàǎ-zàìn-ɖɛ̀ɔ̀ nyɔmɔɔ̀ ɖò ɓó sáa-kɔ̃-zàìn-gbààɔ̀ wáún dyi. Nìí, ɔ mɛ púè nyɔmɔɔ̀ nyɔ sè ɓóɛɛ ɓó sáa-kɔ̃-zàìn-gbààɔ̀ gbɔí. Ɖɛ nìà kɛ mɔ̀ nàmàǔn-sàǎ-zàìn-ɖɛ̀. 10Sɔ̀ìn ɓóɛ gboɛɛ, ɔ mɛ ɖú naà-kpò tɔ̀ɔ̀ dyí, ɓɛ́ ɔ kéɛ fɔ̃ɔ-sàǎ-zàìn-ɖɛ̀ mú nyu dyììn ɖé gma ɓɛ́ ḿ tòà ɓá fɔ̃ɔ-sàǎ-zàìn-ɖɛ̀ dyíɛɛ mú. Kǎà sáa-zà-nyɔ̀ɔ̀ mu nyɔɔ̀ nàmàǔnɔ̀ kɔ̃in-ɓáìn-ɖɛ̀ nyuɛ nyuùn. Ɔ dyi ná nìǐn, ní mu nyɔɔ̀ nàmàǔnɔ̀ kɔ̃in zĩ̀ìn.
11“Ɔ jǔ ké nyɔ nyuà nàmàǔnɔ̀ kɛɛ se gbúɛ́-kpò sɔ̃́ mɔɔ póo-póo-kpò sɔ̃́ dyéɛ ɓɛ́ìn ní, nìí, ɔ mɛ dyà fáɖáɓà nìɛ̀-nìɛ̀ kópò-wè mɛ̀nɛ̌ìn-tã,#5:11 Ɖɛ nìà kɛ mɔ̀ ífà mɔ̀ wa nììn ɖɛ-mú-ɖàɓàìn-ɖɛ̀ kɛɛ wé dyúáɖòɛ̀ ɓàɖàìn-bùè. ɓɛ́ ɔ ké sáa-zàìn-ɖɛ̀ jǔ ɓó ɔ nàmàǔnɔ̀ jè. Ɔ mɛ ɓɔ́ɔ cáná ɖò gbo poɛ, ké ɔ mɛ ɓɔ́ɔ nyɔ́ún-nɔ̀mɔ̀-ɖɛ̀ ɖò kɔ̃ poɛ, sepóɛɖé ɔ mɔ̀ nàmàǔn-sàǎ-zàìn-ɖɛ̀. 12Ɔ mɛ dyàà sáa-zà-nyɔ̀ɔ̀ gbo, ɓɛ́ sáa-zà-nyɔ̀ɔ̀ kéɛ xwa-wè dyúáɖò dyí ɖú, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn ɓó sáa-zàìn-ɖɛ̀ tɔ̀ɔ̀ ɓě ɓɛ́ wa nyí ḿ wɛ̃ɛ kɔ̃in. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ɔ mɔ̀ nàmàǔn-sàǎ-zàìn-ɖɛ̀. 13Kǎà sáa-zà-nyɔ̀ɔ̀ mu nyɔɔ̀ nàmàǔnɔ̀ kɔ̃in-ɓáìn-ɖɛ̀ nyuɛ nyuùn. Ɔ dyi ná nìǐn, nìí, ní mu nyɔɔ̀ nàmàǔnɔ̀ kɔ̃in zĩ̀ìn. Ké fáɖáɓà nìɛ̀-nìɛ̀ɔ̀ nyɔ sè ɓóɛɛ mu sáa-zà-nyɔ̀ ɓěɔ̀ kɔ̃̀ɔ̀-ɖɛ̀ jǔùn kà ɖii-ɖɛ̀-sàǎ-zàìn-ɖɛ̀ tɔ̀ɔ̀ jè nyuà nìɛ̀ kɛ.”
Kpa-pɛ́ɛ̀ìn-sàǎ-zàìn-ɖɛ̀ɔ̀
14Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 15“Ɔ jǔ ké nyɔ ɖò seó ɖei dyé, ké ɔ dyi gma ɓě ɓá ɖɛ ɓě ɓɛ́ wa ɖǎ wáká kpá ɓó ḿ bììɛ dyíɛɛ ɖò wáɖá ní, nìí, ɔ mɛ dyà ḿ ɓáɖáá ɓíɔ́ se kɛɛ ɖò ɓéɖéɛ, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Ɓáɖáá ɓíɔ́ɔ̀ mɛ hwɛ̀ ɖɛ. Ɔ xwíníín mɔ̀, sáa-zà-nyɔ̀ ɓěɔ̀ mɛ ɖá séɓàɖà-cɛ̀kò jĩ̀ kà ɔ ɓɛ́ìn kpaa kɛɛ nyɛ́nɛ́. Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀. 16Ké ɔ mɛ dyáìn gma ɓɛ́ ɔ ɖǎà wáɖá ɓá ɖɛ ɓě ɓɛ́ wa ɖǎ wáká kpá ɓó ḿ bììɛɛ dyíɛ. Ké ɔ mɛ po ɖɛɔ̀ wáká hm̀m̌ nììn ɓó kɔ̃in ɖe, ɓɛ́ ɔ kéɛ sáa-zà-nyɔ̀ɔ̀ nyí. Sɔ̀ìn ɓóɛ gboɛɛ, nìí, sáa-zà-nyɔ̀ɔ̀ mɛ zàìn ɓáɖáá ɓíɔ́ mɔ̀à kpa-pɛ́ɛ̀ìn-sàǎ-zàìn-ɖɛ̀ɔ̀ kɛɛ sáa, ɓɛ́ ɔ kéɛ nyɔɔ̀ nàmàǔnɔ̀ kɔ̃in-ɓáìn-ɖɛ̀ mú nyu. Ɔ dyi ná nìǐn, nìí, ní mu ɔ nàmàǔnɔ̀ kɔ̃in zĩ̀ìn.
17“Ɔ jǔ ké nyɔ ɖò seó ɖei dyé, ké ɔ dyi gma ɓě ɓá ɖɛ ɓě ɓɛ́ ḿ ɖá ɓě mɛ ɓɔ́à nyuɛ kɛɛ jè dyíɛɛ ɖò wáɖá dyììn ɖé ɖɛ ɓěɛ̀ ɖò nyu-nyu mú ní, nìí, kɛbì ɔ mɛ séè ɖɛ ɔ nyuà kɛɛ dyí dyuò jɛ́ɛ́ kɛɛ, zaa kpɔ̃ ɔ ní wɛ̃́ɛ́ ɓóɛ jè, ké ɔ muɛ kpa dyí ɖúùn. 18Ɔ dyi ná nìǐn, nìí, nyɔɔ̀ mɛ dyà ɓáɖáá ɓíɔ́ se kɛɛ ɖò ɓéɖéɛ, ɓɛ́ ɔ ké kpa-pɛ́ɛ̀ìn-sàǎ-zàìn-ɖɛ̀ jǔ. Ɔ mɛ dyàà sáa-zà-nyɔ̀ɔ̀ gbo. Ɓáɖáá ɓíɔ́ɔ̀ mɛ hwɛ̀ ɖɛ. Ɔ ɖǎ ná nìǐn, nìí, sáa-zà-nyɔ̀ɔ̀ mɛ zàìn sáa, ɓɛ́ nyúà-ɖɛ̀ɔ̀ ké kɔ̃in-ɓáìn-ɖɛ̀ jǔ ɓó nyɔɔ̀ nàmàǔn ɓɛ́ ɔ nyuà, ké ɔ seà dyí dyuòɛɛ jè. Nìí, ní mu nyɔɔ̀ nàmàǔnɔ̀ kɔ̃in zĩ̀ìn. 19Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀, sepóɛɖé ɔ ɖǎ ní gmaɔ̀ wáɖá, ké zaa ɖǎ ɔ kpɔ̃ jè.”
Currently Selected:
Ɖìvéɖékɔ̀ 5: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 5
5
Ɖɛ ɓě kɔ̃̀ jè Éézùɖùɛ̀-nyɔ̀ ɓěɔ̀ ɓéɖé wa ké nàmàǔn-sàǎ-zàìn-ɖɛ̀ dyà kɛ
1“Ɔ jǔ ké zaa-wɔ̃-po-nyɔ̀ ɓěɔ̀ dyi nyɔ ɖò ɓɛ́ ɔ wɔ̃́ ɖɛ ɖò, mɔɔ ké ɔ dyé ɖɛ ɖòɛɛ kpɔ̃, ɓɛ́ ɔ ké zàse-nyɔ̀ jǔ, ké ɔ se ɖɛ ɔ wɔ̃́à mɔɔ ɔ dyéà kɛɛ cɛ̃ ní, nìí, ɔ nyu nàmàǔn, ké ɔ muɛ kpa dyí ɖúùn.
2“Ɔ jǔ ké nyɔ ɖò seó ɖei dyé, ké ɔ dyi ɖɛ ɓɛ́ ḿ ɖá ɔ se mú hwɛ̀ kɛɛ ɖò dyi tìnììn ní, ɔ hwɔìn kà xwáɖá-xwíɖíi-nìmìì ɖòɛ̀ xwɛ́ mɔɔ nyúà-ɖɛ̀ ɖòɛ̀ xwɛ́ mɔɔ ɓíɖíi-dyi-nà-ɖɛ̀ ɖòɛ̀ xwɛ́ ní, nìí, ɖɛ ɔ tìnìàìn dyiɛɛ nyu ké ɔ se mú hwɛ̀, ké zaa kpɔ̃ ɔ ní ɓóɛ jè.
3“Ɔ jǔ ké nyɔ ɖò seó ɖei dyé, ké ɔ dyi ɖɛ se mú hwɛ̀, ɓɛ́ ɔ sɔ̀ nyɔ ɖò bũ̌ɛɛ#5:3 Se-mú-hwɛ̀-ɖɛ̀ ɓěɔ̀ ɖíɛ́ ɓě nì ɖé Ɖìvéɖékɔ̀ 12–15 mú. dyi tìnììn ní, nìí, ɔ mɔ̀ùn se mú hwɛ̀ ɖekè. Ké ti ɓɛ́ ɔ muɛ jè dyuòùn wɛ̃ɛ ní, ɔ muɛ dyuòùn kà zaa ɖǎ ɔ kpɔ̃ nɔ̀ɔ̀ ɓóɛ jèɛ.
4“Ɔ jǔ ké nyɔ ɖò se hwìɖǐi poìn, ké ɔ dyi gboò ɓá ɖɛín-ɖɛ̀ ɖò mɔɔ ɖɛ gbà ɖò ɔ mu nyuùn wɛ̃ɛ jè dyí, hwɛ̀ ké hwòɖǒ dyi ɔ gbo dyi ɓá ɖɛ ɔ cɛ̃à kɛɛ jè dyí ní, nìí, ti ɔ muɛ dyuòùn wɛ̃ɛ ní, ɔ muɛ dyuòùn kà zaa ɖǎ ɔ kpɔ̃ nɔ̀ɔ̀ ɓá ɖɛɔ̀ jè dyíɛ.
5“Ti ɓɛ́ zaa nì kàà mu nyɔ ɖò kpɔ̃ùn ɖé ɖɛ ɓěɛ̀ ɖò múɛɛ ní, ɔ mɛ wɔ̃́ìn ɖɛ gbà ɔ nyuà kɛɛ mú ɓó nyɔǔn dyúa. 6Ɔ ɖǎa náa nyuín, nìí, ɔ mɛ dyà sáa-zàìn-ɖɛ̀ ɖò ḿ gbo ɓó ɔ nàmàǔnɔ̀ jè, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Ɖɛɔ̀ mɛ mɔ̀ ɓáɖáá nyɔ́nɔ́ mɔɔ gbǎà nyɔ́nɔ́ ɖò. Ké sáa-zà-nyɔ̀ɔ̀ mɛ zàìn nyúà-ɖɛ̀ɔ̀ sáa, ɓɛ́ ɔ ké nyɔɔ̀ nàmàǔnɔ̀ kɔ̃in-ɓáìn-ɖɛ̀ jǔ.
7“Ɔ jǔ ké ɔ se ɓáɖáá mɔɔ wiɖi ɖò dyéɛ ɓɛ́ìn ní, nìí, ɔ mɛ dyà gbúɛ́-kpò sɔ̃́ mɔɔ póo-póo-kpò sɔ̃́ ḿ gbo, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Dyúáɖò mɛ mɔ̀ nàmàǔn-sàǎ-zàìn-ɖɛ̀, ɓɛ́ dyúáɖò ké fɔ̃ɔ-sàǎ-zàìn-ɖɛ̀ jǔ. 8Ɔ mɛ dyà wa sáa-zà-nyɔ̀ɔ̀ gbo, ɓɛ́ sáa-zà-nyɔ̀ɔ̀ ké naàɔ̀ ɖò ɖáɓá kĩ́ín ɓó nàmàǔn-sàǎ-zàìn-ɖɛ̀ jè. Kǎà ɔ mɛ nyuɛ kà. Ɔ mɛ táɖáìn naàɔ̀ bùnùɔ̀ mú, ɓɛ́ ɔ ké jɛ̀ɖɛ̀, kɛɛ ɔ mɛ ɓɔ́ɔ dúɔ̀ ɓó cɛ̃ɛ. 9Ɔ ɖǎa náa nyuín, nìí, ɔ mɛ mɛ́nɛ́ìn nàmàǔn-sàǎ-zàìn-ɖɛ̀ɔ̀ nyɔmɔɔ̀ ɖò ɓó sáa-kɔ̃-zàìn-gbààɔ̀ wáún dyi. Nìí, ɔ mɛ púè nyɔmɔɔ̀ nyɔ sè ɓóɛɛ ɓó sáa-kɔ̃-zàìn-gbààɔ̀ gbɔí. Ɖɛ nìà kɛ mɔ̀ nàmàǔn-sàǎ-zàìn-ɖɛ̀. 10Sɔ̀ìn ɓóɛ gboɛɛ, ɔ mɛ ɖú naà-kpò tɔ̀ɔ̀ dyí, ɓɛ́ ɔ kéɛ fɔ̃ɔ-sàǎ-zàìn-ɖɛ̀ mú nyu dyììn ɖé gma ɓɛ́ ḿ tòà ɓá fɔ̃ɔ-sàǎ-zàìn-ɖɛ̀ dyíɛɛ mú. Kǎà sáa-zà-nyɔ̀ɔ̀ mu nyɔɔ̀ nàmàǔnɔ̀ kɔ̃in-ɓáìn-ɖɛ̀ nyuɛ nyuùn. Ɔ dyi ná nìǐn, ní mu nyɔɔ̀ nàmàǔnɔ̀ kɔ̃in zĩ̀ìn.
11“Ɔ jǔ ké nyɔ nyuà nàmàǔnɔ̀ kɛɛ se gbúɛ́-kpò sɔ̃́ mɔɔ póo-póo-kpò sɔ̃́ dyéɛ ɓɛ́ìn ní, nìí, ɔ mɛ dyà fáɖáɓà nìɛ̀-nìɛ̀ kópò-wè mɛ̀nɛ̌ìn-tã,#5:11 Ɖɛ nìà kɛ mɔ̀ ífà mɔ̀ wa nììn ɖɛ-mú-ɖàɓàìn-ɖɛ̀ kɛɛ wé dyúáɖòɛ̀ ɓàɖàìn-bùè. ɓɛ́ ɔ ké sáa-zàìn-ɖɛ̀ jǔ ɓó ɔ nàmàǔnɔ̀ jè. Ɔ mɛ ɓɔ́ɔ cáná ɖò gbo poɛ, ké ɔ mɛ ɓɔ́ɔ nyɔ́ún-nɔ̀mɔ̀-ɖɛ̀ ɖò kɔ̃ poɛ, sepóɛɖé ɔ mɔ̀ nàmàǔn-sàǎ-zàìn-ɖɛ̀. 12Ɔ mɛ dyàà sáa-zà-nyɔ̀ɔ̀ gbo, ɓɛ́ sáa-zà-nyɔ̀ɔ̀ kéɛ xwa-wè dyúáɖò dyí ɖú, ɓɛ́ ɔ kéɛ ɓóɛ sáa-kɔ̃-zàìn-gbààɔ̀ kɔ̃ fɔ̃̀ìn ɓó sáa-zàìn-ɖɛ̀ tɔ̀ɔ̀ ɓě ɓɛ́ wa nyí ḿ wɛ̃ɛ kɔ̃in. Ɖɛ nìà kɛ muɛ nyɔǔn dyí tɛ̀mɛ̀ìn kà nyɔɔ̀ ɖǎa séín mɔ̄ mɔ̀à Bounɓoɔ̀ kɛɛ nyíɛ. Ɔ mɔ̀ nàmàǔn-sàǎ-zàìn-ɖɛ̀. 13Kǎà sáa-zà-nyɔ̀ɔ̀ mu nyɔɔ̀ nàmàǔnɔ̀ kɔ̃in-ɓáìn-ɖɛ̀ nyuɛ nyuùn. Ɔ dyi ná nìǐn, nìí, ní mu nyɔɔ̀ nàmàǔnɔ̀ kɔ̃in zĩ̀ìn. Ké fáɖáɓà nìɛ̀-nìɛ̀ɔ̀ nyɔ sè ɓóɛɛ mu sáa-zà-nyɔ̀ ɓěɔ̀ kɔ̃̀ɔ̀-ɖɛ̀ jǔùn kà ɖii-ɖɛ̀-sàǎ-zàìn-ɖɛ̀ tɔ̀ɔ̀ jè nyuà nìɛ̀ kɛ.”
Kpa-pɛ́ɛ̀ìn-sàǎ-zàìn-ɖɛ̀ɔ̀
14Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 15“Ɔ jǔ ké nyɔ ɖò seó ɖei dyé, ké ɔ dyi gma ɓě ɓá ɖɛ ɓě ɓɛ́ wa ɖǎ wáká kpá ɓó ḿ bììɛ dyíɛɛ ɖò wáɖá ní, nìí, ɔ mɛ dyà ḿ ɓáɖáá ɓíɔ́ se kɛɛ ɖò ɓéɖéɛ, ɓɛ́ ɔ ké ɔ nàmàǔnɔ̀ kpaɔ̀ pɛ́ɛ̀-ɖɛ̀ jǔ. Ɓáɖáá ɓíɔ́ɔ̀ mɛ hwɛ̀ ɖɛ. Ɔ xwíníín mɔ̀, sáa-zà-nyɔ̀ ɓěɔ̀ mɛ ɖá séɓàɖà-cɛ̀kò jĩ̀ kà ɔ ɓɛ́ìn kpaa kɛɛ nyɛ́nɛ́. Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀. 16Ké ɔ mɛ dyáìn gma ɓɛ́ ɔ ɖǎà wáɖá ɓá ɖɛ ɓě ɓɛ́ wa ɖǎ wáká kpá ɓó ḿ bììɛɛ dyíɛ. Ké ɔ mɛ po ɖɛɔ̀ wáká hm̀m̌ nììn ɓó kɔ̃in ɖe, ɓɛ́ ɔ kéɛ sáa-zà-nyɔ̀ɔ̀ nyí. Sɔ̀ìn ɓóɛ gboɛɛ, nìí, sáa-zà-nyɔ̀ɔ̀ mɛ zàìn ɓáɖáá ɓíɔ́ mɔ̀à kpa-pɛ́ɛ̀ìn-sàǎ-zàìn-ɖɛ̀ɔ̀ kɛɛ sáa, ɓɛ́ ɔ kéɛ nyɔɔ̀ nàmàǔnɔ̀ kɔ̃in-ɓáìn-ɖɛ̀ mú nyu. Ɔ dyi ná nìǐn, nìí, ní mu ɔ nàmàǔnɔ̀ kɔ̃in zĩ̀ìn.
17“Ɔ jǔ ké nyɔ ɖò seó ɖei dyé, ké ɔ dyi gma ɓě ɓá ɖɛ ɓě ɓɛ́ ḿ ɖá ɓě mɛ ɓɔ́à nyuɛ kɛɛ jè dyíɛɛ ɖò wáɖá dyììn ɖé ɖɛ ɓěɛ̀ ɖò nyu-nyu mú ní, nìí, kɛbì ɔ mɛ séè ɖɛ ɔ nyuà kɛɛ dyí dyuò jɛ́ɛ́ kɛɛ, zaa kpɔ̃ ɔ ní wɛ̃́ɛ́ ɓóɛ jè, ké ɔ muɛ kpa dyí ɖúùn. 18Ɔ dyi ná nìǐn, nìí, nyɔɔ̀ mɛ dyà ɓáɖáá ɓíɔ́ se kɛɛ ɖò ɓéɖéɛ, ɓɛ́ ɔ ké kpa-pɛ́ɛ̀ìn-sàǎ-zàìn-ɖɛ̀ jǔ. Ɔ mɛ dyàà sáa-zà-nyɔ̀ɔ̀ gbo. Ɓáɖáá ɓíɔ́ɔ̀ mɛ hwɛ̀ ɖɛ. Ɔ ɖǎ ná nìǐn, nìí, sáa-zà-nyɔ̀ɔ̀ mɛ zàìn sáa, ɓɛ́ nyúà-ɖɛ̀ɔ̀ ké kɔ̃in-ɓáìn-ɖɛ̀ jǔ ɓó nyɔɔ̀ nàmàǔn ɓɛ́ ɔ nyuà, ké ɔ seà dyí dyuòɛɛ jè. Nìí, ní mu nyɔɔ̀ nàmàǔnɔ̀ kɔ̃in zĩ̀ìn. 19Ɖɛ nìà kɛ mɔ̀ kpa-pɛ́ɛ̀ìn-sàǎ-zàìn-ɖɛ̀, sepóɛɖé ɔ ɖǎ ní gmaɔ̀ wáɖá, ké zaa ɖǎ ɔ kpɔ̃ jè.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.